منتديات حوامل النسائية - أعلنت الحرب على التكيس وهذا جيشي وهذي خطتي

السلام عليكم ورحمة الله وبركاتة

أعلنت الحرب ( حرب التكيس )

http://forum.hwaml.com/imgcache2/hwa...914193_908.jpg

وجهزت جيش قوي وبإذن الله راح ينتصر جيشي لان الجيش عندي مدرب وعلى كفائة عاليه

مدة الحرب: من ثلاث شهور الى سنه

الاطراف : بيني وبين التكيس

المكان : جسمي

الزمان : ابتداء من هذا اليوم

الخطة الهجومية

تتكون من ثلاث فرق :

الرماه ( التحصن من الشياطين)

المشاه (القسط الهندي+ الحجامة )

الفرسان (الجلوكوفاج + فيتامين ب )

الخطة الدفاعية تتكون من فرقة وحده :

الدفاع ( فيتامينات + الحركة + خلطة للدورة )

1- المشاة : هم فرقة شغلهم الشاغل تشويت التكيس بالرواق يعني على مدة زمنية لا تقل عن 3 شهور وهم من قبائل (القسط الهندي ) طريقة استخدامة ( ملعقة صغيره في فنجال عليه ماي واشربه صبح وليل ) , الحجامة الرطبة انا سويتها مره قبل شهر وراح بإذن الله استمر عليها 3 اشهر متتاليه فقط بمعدل مره بالشهر.

القسط الهندي

http://forum.hwaml.com/imgcache2/hwa...914192_546.jpg

فوائد القسط الهندي والحجامة للأخت محبة الخير للجميع

http://forum.hawaaworld.com/showthread.php?t=1501990

2- الفرسان : فرقة هدفها الاول تخفيض الانسولين الي يسبب تكيس ويخنق المبيض ولا ينتج بويضات وهو ( الجلوكوفاج ) وصفه من كيفي ما استشرت فيها دكتورة لان كل اطباء العالم يتكلمون عنه فما يحتاج وصفه طبيه اخذ باليوم حبتين ( مع الغداء والعشاء ) قوتها 500 يعني 1000 باليوم والمدة قررت ما اتكرة لين ربي يكتبلي الحمل كحد اقصى سنة كاملة واريح شهرين وارجع له مره ثانيه ,,

طبعا الفرسان لازم لهم خيول الفارس من غير خيل موب فارس من هنا احذر ان ما احد يستخدم الجلوكوفاج من غير ما ياخذ فيتامين ب والسبب لو تقرون بالورقة الخاصه بالدواء تلقون ان من اعراضه تقليل نسبة فيتامين ب بالجسم وهذا خطير اذا ماعندكم خبر لان فيتامين ب نقصه يسبب بويضات من غير نواة يعني غير قابلة للتلقيح للبعض مو للكل وبعد من اسباب الولادة القيصرية نقص فيتامين ب وعشان كذا لازم ناخذه مع الجلوكوفاج لكن مو بنفس الوقت راح اوضح الجدول المتبع .

فوائد الجلوكوفاج للتكيس

http://www.thooqy.net/vb/t65075/

افضل نوع لفيتامين ب

http://forum.hwaml.com/imgcache2/hwa...914192_336.gif

http://forum.hwaml.com/imgcache2/hwa...914193_922.jpg

3- الرماه : فرقة هدفها تحذيف الشياطين والعين والحسد والسحر والنفس وكل شي ( قراءة سورة يس و مريم ) والدعاء والاذكار والاستغفار كل وحده على اللي تحب تبي ترقي نفسها تبي تقرى البقره تبي تغتسل بسدر تبي تشرب يوميا ماي زمزم مقروء فيه كلن على رغبته .

رقية مسموعه روعه احب اسمعها

http://www.roqiah.net/

الخطة الدفاعية

الدفاع : عشان لا ادخل في متاهات واطلع من شي وادخل في شي قررت احمي جسمي من داخل من اي خلل ممكن يقابلة وخطة الدفاع هي :

· الثلاث الايام الاولى للدورة : كاس باليوم منقوع فيه ( مره – حبة سوداء- زنجبيل – قرفة ) فقط فقط فقط الحلبه والمحلب والميرامية وغيرها عليها اختلاف بفوائدها واخطارها فامتنع عنها افضل .

· المشي: يوميا مابين ساعه او نص ساعه تقريبا (3 كيلو – 5 كيلو متر ) لان الخمول والجلسة تسبب خمول كل اعضاء الجسم ومابينها الرحم والمبايض وغير كذا يساهم في تنزيل الوزن عشان التكيس .

· فيتامينات : مجموعة فيتامينات جدا جدا مهمه ومذكوره في هذا الموضوع للأخت بدايع
http://forum.hawaaworld.com/showthread.php?t=1950113

أنا عني استغني عنها بمجموعة فيتامينات اخذها اساسا للقولون مره ممتازه له وبنفس الوقت فيها المجموعة المهمه للجسم
http://forum.hwaml.com/imgcache2/hwa...914193_463.jpg

وأنصح كثير بمجموعة فيتامينات (الترا ومن ) في جي ان سي مره ممتازه.

· شهريا كل تاريخ 26 ميلادي هو يوم زيارتي لدكتورة تخصص غدد صماء واطلب منها تحاليل وهي ( الغده الدرقية – هرمون الحليب – هرمون LH – هرمون FT4– وبين فترة وفترة هرمون البرجستون 21 من الدورة ) واتابع معاها علاج الغدة الدرقية وهرمون الحليب .
· تغير نمط الحياة الكئيب الممل والخروج من دائرة الحرمان للتنعم بالدنيا ومافيها , اول شي كل اسبوع اجتمع مع وحده من صحباتي واطلع واجي ,, ثاني شي احاول قد ما اقدر يوميا اكلم وحده من صحباتي واسولف معاها واوسع صدري .

جدول مواعيد الحبوب :
1- حبوب الغده الدرقية صباحا على الريق – بعده بساعه اخذ القسط الهندي.
2- مع الغداء حبوب الجلوكوفاج + (الدونتكس في يومي الاحد والاربعاء فقط ) .
3- بعد الغداء حمض الفوليك + فيتامين ب + بيون 3 .
4- مع العشاء الجلوكوفاج .
5- قبل النوم القسط الهندي .

طبعا متابعة التنشيط مع الدكتوره بيكون على فترات خلال برنامجي وبشوف الفرق في الاستجابة

جدول النشاطات :
1- المشي يوميا من الساعه 4 الى الساعه 5 .
2- الحجامة ثاني يوم من الطهر من الدورة .
3- الرقية وقراءة القرآن قبل النوم .
4- تحليل الهرمونات 26 من الشهر الميلادي .
منقووووووووووووووووول