|
نفسيتي تغيرت بعد الولادة (اكتئاب ما بعد الولادة)
السلام عليكم ورحمة الله وبركاته ..
الله يرضى عليكم ويوفقكم ابغاكم تساعدوني ..من ثاني اسبوع من ولادتي تغيرت نفسيتي كثير . صرت كثيرة البكاء . وخوافه يعني اخاف يجيني مرض او اي شي اذأ حسيت بصداع اوشي قلت خلاص فيني مرض اكره بنتي واحس ما ابيها احس لو يصير فيها شي ما بهتم واذا بكت احس راسي يصدع مااقدر انام احس بموت في اي وقت وفيني خوف من دون سبب مدري ليه اخاف لدرجه يجيني اسهال والم ببطني وتمايل في الاطراف وبعض الاحيان رعشه في جسمي ..مليت من حياتي احس مافي شي فيها حلو ..زوجي تعب معي كثير ..رحت حللت كل شي سليم الدم والبول رحت مختبرات البرج حللت فتامين د قالو ناقص وصل 10اخذت اقراص لي 3اسابيع استخدمها ..علمآ باني محافظه ع الصلوات والاذكار وصلاة الليل ..يارب لك الحمد ..بس احس اني ماني مرتاحه حياتي كلها ماهي حلوه وتافه ..ماني زي اول ..حتى زوجي قال فقدني والله في البيت كاني صنم ما اتكلم معه ولا اسوي شي احس ملل طفش وكل وقتي بكاء تضيق نفسي اروح اتوضأ واصلي ما ارتاح زي اول ..كنت اصلي وارتاح اقرأ قران وارتاح الحين لا واوسوس في العقيده وفي ذات الله وخلاص انهارت حياتي ..احب ربي وابي يرضى عني ويسعدني لكن مع الوسوسه خلاص استحي اني اطلب من ربي شي لاني افكر في ذاته واوسوس .ومعي وسواس الموت عقدني ما اقدر انام جاني من الشهر الخامس وانا حامل وللحين ما راح عني والله يا خواتي ..اني اقنع نفسي واحاول اتقنع ان كل شي من عند ربي والناس كلها راح تموت لا انا الاوله ولا الاخيره كل نفس ذائقة الموت ..على كذا ما ارتاح ما تهنيت بحياتي .يا بنات الشكوى لله مو عليكم . لكن تعبت ودي ارجع زي اول ..مدري وش صار ..الله يسعدكم ويحرم وجوهكم وبيعدها عن النار ..انكم تساعدوني |
رد: الله يسعدكم ويحرم وجوهكم عن النار تكفون ساعدوني ..
الله يساعدك ويفرجها عليك عن قريب حاولي تتخطين هالمشكله بكل هدؤ حبيبتي
|
رد: الله يسعدكم ويحرم وجوهكم عن النار تكفون ساعدوني ..
هذا اكتئاب فترة النفاس مازال مستمر معك
فتحتي مجال لوساوس الشيطان استمتعي حاولي تحمدين الله كثير على مارزقك بين يديك بنتك نعمه كثير تمنى ريحها حاولي انك تسافرين لو ٤ ايام او تطلعين من بيتك لمكان فيه استرخاء اكثر لاتعبين نفسك مافيك الا كل خير والله يحفظ لك بنتك من كل شر هونيها تهون |
رد: الله يسعدكم ويحرم وجوهكم عن النار تكفون ساعدوني ..
دايم تعوذي من الشيطان ووساوسه
وفعلاً غيري جووو سيري اعزمي صديقاتك او خليهم يجونك لو تروحين الملاهي وتشوفين الناس والفله .. استانسي لاتقصرين عمرك بالهم والنكد دايم لاتجلسين لحالك اشغلي نفسك حتى ماتفكرين ويضيق صدرك وبنتك ماشاء الله تبارك الرحمن يانعمة الله لك .. راقبي حركاتها سولفي عليها خلي تتعود على صوتك واذا صاحت لايضيق صدرك امشي فيها وغني لها خوذي الحياه ببساطه ووناسسسه بترتاحين ^_^ |
رد: الله يسعدكم ويحرم وجوهكم عن النار تكفون ساعدوني ..
حبيبتي عليكي بالاستغفار واذكر الصباح والمساء الله يفرج همك
|
رد: الله يسعدكم ويحرم وجوهكم عن النار تكفون ساعدوني ..
حبيبتي الله يعينك بس و الله هي اشياء بتصير و رح تتخطيها باذن الله
|
رد: الله يسعدكم ويحرم وجوهكم عن النار تكفون ساعدوني ..
اختي هي فتره وبتعدي انتي الحين بمرحله جديده بحياتك وتغيرات جديده حاولي تجلسين مع نفسك وتقولين ليش هالاكتاب والوسواس انا الحمد لله بخير وعلى اتم صحه وعندي زوج يحبن وبنتي عندي وبيت ساكنه فيه وربي انعم علي بالاسلام ليش اضيع كل هذا بسواس اجيبه لنفسي حسسي نفسك انك سعيده وماراح اضيع ايام عمري بالحزن .. واخر شي عليك بالرقيه الشرعيه
|
رد: الله يسعدكم ويحرم وجوهكم عن النار تكفون ساعدوني ..
الله يسعدكم شكرآ لكم ..الحمد الله الحين مرتاحه اكثر من قبل ..
|
رد: الله يسعدكم ويحرم وجوهكم عن النار تكفون ساعدوني ..
اختي هذا اكتئاب بعد الولاده
راجعي طبيبه نفسيه وشغلي رقيه الضيق |
رد: الله يسعدكم ويحرم وجوهكم عن النار تكفون ساعدوني ..
اختي استعيذي بالله من الشيطان الرجيم دائما او اذهبي لشيخ يقرا عليكي قراااان ويمكن يجيب فايدة بس انتي ما تخلي الوسواس يسيطر عليكي اتمنالك الشفاء عاجلا
|
رد: الله يسعدكم ويحرم وجوهكم عن النار تكفون ساعدوني ..
الله يخفف عليج حاولي تقري قران يوم وقت نوم بنتج واستغفري
وغيري جو |
رد: الله يسعدكم ويحرم وجوهكم عن النار تكفون ساعدوني ..
اختي صار لها مثلك طلع اكتئاب نفاس و اختلط معاه قولون عصبي لانه هو اللي يجيب لك الاسهال والرعشه والاحاسيس الجسديه الغريبه << وانا مجربته
انتي حطي براسك فكرة ان هذا شي عابر ولخبطة هرمونات وراح تروح انتي ساعدي نفسك بالقرآن والذكر والاستعاذه وكرري لاحول ولاقوة الا بالله خليها دايم على لسانك واهم شي ابعدي ابعدي عن الناس السلبيه بالفترة هذي وابعدي عن الاخيار والسوالف السلبيه اللي ممكن تزيد هالافكار عندك نصيحه من مجربه خليك دايم عند الناس والاخبار والسوالف الايجابيه صدقيني بالتدريج راح تخف هالحاله بدون ماتحسين يعني مجرد ماتسمعين خبر او سالفه تضييق صدرك او عن نفس المخاوف الي براسك غيريها او قومي عن المجلس نفسه انا كذا كنت اسوي ولازلت لان اصحاب القولون العصبي والوسواس المرضي يصيرون حساسين اكثر من غيرهم بالاشياء السلبيه للاسف وان شاءالله ربي يعينك ويشفيك شي عابر وبإذن الله يروح ماعليك |
رد: الله يسعدكم ويحرم وجوهكم عن النار تكفون ساعدوني ..
هذا حالة اكتئاب النفاس عليكي برقيه والاذكار والصلاة ولا تجلسي لوحدك واطلعي غيري جو وباذن الله راح تطلعي من هاذي الحاله وربي يحفضك ويحفض بنوتك ..
|
| الساعة الآن 07:33 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .