|
تعالو نكتب تجاربنا بمستشفيات الولادة في القصيم نفيد بعضنا
مرحبا كروشات كيفكم ..
بليز مابي اهمال لهذا الموضوع صدقوني فيه فايده لغيرك واللي عندها تجربه تشاركنا فيها ولاتنسو من كان في عون العبد كان الله في عونه انا راح اعمل متابعة عند مستشفى المعالي ان شاءالله وكنت محتاره بينه وبين الحبيب في بريده والوفاء في عنيزه بس الحبيب اسعارهم مبالغ فيها كثيييييير والمعالي الدكتوره كانت مشرفه على علاجي وفاهمه حالتي 90بالميه بكون عندهم |
رد: تعالو نكتب تجاربنا بمستشفيات الولادة في القصيم نفيد بعضنا
هلا حبيبتي
اشكرك على طرحك للموضوع واتمنى تكون مرجع لبنات القصيم وان شاء الله لو صار فيه اي تفاعل راح اثبته موفقة حبيبتي |
رد: تعالو نكتب تجاربنا بمستشفيات الولادة في القصيم نفيد بعضنا
الحمد لله كما ينبغي لجلال وجهك وعضيم سلطانك
|
رد: تعالو نكتب تجاربنا بمستشفيات الولادة في القصيم نفيد بعضنا
كاالعاده اهمال للموضوع ليه مافي حماس ومساعده للغير..
عموما بعطيكم اللي اعرف خالتي ولدت بمستشفى الوفا في عنيزه قيصيريه تقريبا كلفتها 16الف مع المرافق وغرفة خاصه وجلست حدود 4ايام ولما كانت مقررين لها طبيعي ب6الاف.. الزياره مسموحه للنساء 24ساعه وللرجال وقت معين |
رد: تعالو نكتب تجاربنا بمستشفيات الولادة في القصيم نفيد بعضنا
هلا حبيبتي اشكرك على تفاعلك
وحبك للافادة ان شاء الله تلقي تفاعل اكثر انا للاسف ماعرف احد بالقصيم عشان اسالهم عن تجاربهم ~ |
رد: تعالو نكتب تجاربنا بمستشفيات الولادة في القصيم نفيد بعضنا
حتى انا جديده بمنطقه ومحتاره اولد بمستشفى حكومي ولا خاص وخايفه من استغلال الخاص وخايفه من اهمال الحكومه انصحوني مين احسن وافضل مستشفى للولاده في بريده
|
رد: تعالو نكتب تجاربنا بمستشفيات الولادة في القصيم نفيد بعضنا
انا عن نفسي افكر كثير في الولاده بمستشفى القصيم الوطني
كثير ناااس يمدحونه وانا الحين اراجع عند د نجلاء ربي يسهل علي وعليكم يارب |
رد: تعالو نكتب تجاربنا بمستشفيات الولادة في القصيم نفيد بعضنا
تقييمي للموضوع أكثر من رائع
***** بإنتظار تفاعلكم وإستفساراتكم |
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
|
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
ايوا انا سمعت عن مشفى الولاده يمدحونه والحبيب بعد تنا كنت ناوية الحبيب بس بيفلسونك من غلاهم بس احتمال كبير اولد في مستشفى العام في الرس والا الوفاء في عنيزه |
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
|
رد: تعالو نكتب تجاربنا بمستشفيات الولادة في القصيم نفيد بعضنا
يثبت الموضوع للاهمية
|
رد: تعالو نكتب تجاربنا بمستشفيات الولادة في القصيم نفيد بعضنا
بنات في مركز داونا الطبي بالبدائع فيه توليد ولا لا
وكذلك عيادات الراقيه بالرس ما احد جربها !! لان الرس العام والزايد كلن يسبهم والوفاء غالي هو والحبيب |
رد: تعالو نكتب تجاربنا بمستشفيات الولادة في القصيم نفيد بعضنا
السلام عليكم
اول مشاركه لي في المنتدى بصراحه ، استفدت منكم الله يوفقكم .. امممممم أنا أراجع بمستشفى الوفاء بعنيزه عند دكتوره جميله الباكستانية .. حبوبه .. بس مشكلتها لغتها العربيه ضعيفه ، فغيرتها لدكتوره نوال حمدي بنفس المستشفى .. بس مو مرتاحه بصراحه .. أبي أسألكم عن الدكتورتين .. ومن تعرفون احد يراجع عندهم .. ووش يقولون عنهم .. وكيف الولاده عندهم .. حدي خايفه ومو مرتاحه بالمره :( |
رد: تعالو نكتب تجاربنا بمستشفيات الولادة في القصيم نفيد بعضنا
وينكم ، مافيه احد المنتدى !!!!!!
|
رد: تعالو نكتب تجاربنا بمستشفيات الولادة في القصيم نفيد بعضنا
وينكم يابنات القصيم الحلوات ؟!
|
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
والعام بالعكس جميل امي وخالاتي كلهم فيهم اواخر حملهم والزايد تقريبا نفس اسعار الوفاء |
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
|
رد: تعالو نكتب تجاربنا بمستشفيات الولادة في القصيم نفيد بعضنا
السلام عليكم ورحمة الله وبركاته انا عضوه جديده بالمنتدى وووموضوعك اكثر من رائع انا ولادتي بولدي الاول كانت بمستشفى الحبيب ببريده وكااان المستشفى بصراحه قمه من النظافه كل شي يلق والتعااامل من النيرسات والاخصائيات ممتاز الا اول وحده جتني من الاخصائيات كااانت مكشره وتعامها مو كويس اما الباقيااات مرررررررره ممتازات والاهتماام كان اكثر من رائع كل شوي يشيكون علي وعلى البيبي وكنت مررتاحه مرره بالمستشفى بس ولادتي انا وطلوقي صعبين ,, مادري يمكن وراثه او شي يوم جاء موعد الولاده وتجيني الدكتوره الاستشاريه اللي بتولدني وحولي يمكن 5 او 6 ممرضاات وكااانت ماشاءالله عليها الدكتوره والممرضات حبوبات ويهدووني وقتها .. ماتذكرت الا امي الله يخليها ويعظم اجرها كيف تعبت فينا ومن خلصت ولادتي نيرسات مع الولد والدكتوره ونيرسات معي وماشاءالله خياطتها كانت ممتازه وخفيفه والحممممدلله قمت بالسلامه ههههههه ايه ونسيت اخذت ابرة الظهر بس مااثرت فيني الا ساعتين .. الدكتور يقولي انتي اغرب مريضه تمر علي hwaml15 والحمدلله عدت على خيرر وانا الان حامل بالثاني الله يحفظه لي ومقرره اذا الله احيانا اولد بالحبيب مره ثانيه والاسعار انا كان تأمين وكلفت لاني تعبت شوي وجابولي استشاريين 20000 لكن اتصلوا على المستشفى ويعطوكم الاسعار بالتمام وهذا رقم مستشفى الحبيب ببريده0163166666 وبسسسسس ماابي الا الدعوات الحلوه مثلكم hwaml29 |
رد: تعالو نكتب تجاربنا بمستشفيات الولادة في القصيم نفيد بعضنا
انا كنت مفكره بالحبيب بس بعيد عن مدينتي اخر شي شكلي بولد باالرس العام عند اهلي ههه
|
رد: تعالو نكتب تجاربنا بمستشفيات الولادة في القصيم نفيد بعضنا
الله يسهلكم ولدتكم يارب
انا من جده ماراح اقدر افيدكم بشي غير ادعيلكم بتسهيل ولادتكم |
رد: تعالو نكتب تجاربنا بمستشفيات الولادة في القصيم نفيد بعضنا
الله يسهل لكم أنا عني بالرياض بإذن الله البنات يفيدو ويستفيدوو
وبالنسبة للرياض في الحبيب والتخصصي الطبي |
رد: تعالو نكتب تجاربنا بمستشفيات الولادة في القصيم نفيد بعضنا
وينكم:( .. لاتبخلو بمعلوماتكم وتجاربكم
|
رد: تعالو نكتب تجاربنا بمستشفيات الولادة في القصيم نفيد بعضنا
هلابكم انا بكريه واراجع عند سميه السودانيه بالقصيم الوطني وناويه اولد عندها قمه في التعامل والتشخيص وانا الان بالثامن
والقصيم ماحسه مادي مثل الحبيب يستعجل بالعمليات واسعاره مبالغ... اللي تبي اصور اسعار القصيم ايشروا توني اخذت اسعار من هم.. وكل اهلي فيه يمدحونه مافيه زحمه زي الحبيب وصبوريين وخياطتهم روووعه... والقيصري عندهم مصري ممتاز والاطفال عندهم سعودي محمود يجنن للاطفال... |
رد: تعالو نكتب تجاربنا بمستشفيات الولادة في القصيم نفيد بعضنا
كيف عرفتي ان خياطهم روعه وانتي بكريه..
تصدقي اول مرا اسمع فيه انا للحين محتاره وين اولد ان شاءالله |
رد: تعالو نكتب تجاربنا بمستشفيات الولادة في القصيم نفيد بعضنا
^^^
الولاده كلها تياسير من ربي صرااحه لمن كنت حامل بولدي ولا خطرر ببالي انه اولد عندهم هالوطني ذا لانه كان ببالي انه ابي الدكتوره اللي اتابع عندها هي اللي تولدني والوطني اذا تبوون انه تولدك اللي تتابعين عندها ومرتاحه عندها وصدف انه ولادتك مب حزة دوامها يا انك تدفعيين زياده حتى تجي وتاخذ منك حساب الساعه وهي عندك او ترضييين بحظك مع الدكتووره اللي بتكون متوفره هي زينه ولا لا ثنتيين اعرفهم ولدن هناااك يسبووونه يقولون تحسييينه مهجووور واذا طلبتي ممرضه روحي دوريها ههههه انتي شوفي بسس مواقف السيارات وتدريييين هل عنده اقبااال ولا لا الاغلب اللي يروح له عشااان سعره انا وجهة نظري اللي عنده القدره انه تولدي بالحبيب اشجعك على كذاا انا ولدت هناك] راجعت بالشهر الاخير عند ساجيلا باكستانيه كنت ابي انصاف السودانيه من المدح الشديد بسس الله ماكتب كانت باجازه فا اخذت ساجيلا للمعلوميه ساجيلا بعد يمدحونه بس ماكنت ابي معنا واحده مترجمه عشان كذا كنت ابي انصاف اييه صح طلع انه ساجيلا تعرف عربي مكسسسر خخخ طلعت عن الموضوع كانت امي مرات اذا رااحت معي لموعدي تقوووول حشاااا وش هالزحمه حكووومي ماشاء الله وبحزة ولادتي وهذا الاهم دخلت امي معي مسموح لواحد يدخل معي مع انه زوجي يجي دقايق ويطلع كل شوووي وانا هذا الشيء الثاني اللي كنت ابيه بعد انه امي تدخل معي كانت فيه ممرضه طوول الوقت معي وكانوا يجوني كل شوي يجوني دكتورات يالله يالله ادفعي الدكتوره بتجي بعد شوي لحد ماجات ساجيلا وارتفع ضغطها مني انتي تشدي ويمسكوني هالاربعه وصراااااخ ٠٠٠٠٠٠٠٠٠٠٠٠٠٠تراااي بكريه ٠٠٠٠٠٠٠٠٠٠٠٠ وبعد ماخلصت هذا الشيء العجييييييييييب ياالله رحمتك ودوني للغرفه وقالت لي ممرضه انا ممرضتك اللي مسؤله عنك بس ترني الجرس اجي لمك وكان فيه تلفزيون اشوف فيه ولدي متى مابغيييت اشوف وش يسوووي وكانوا قبل كل غدا وعشاء يجيبون لي انا وامي منيوو ايش تبيين تاكلي من محل دايت سنترر قلت قصة حياااتي اعررررف خلااصه الكلام اذا تبييين دكتورتك معك بحزه الولاده وانه تقدرين تدخلين معك اختك او اي احد تبينه تقدرييين وهذولي اللي كانوا مهمييين لي اللي ماحصلتهم بالوطني من سؤالي عنهم |
رد: تعالو نكتب تجاربنا بمستشفيات الولادة في القصيم نفيد بعضنا
أختي دلوله يعني تنصحين بالولادة بالحبيب؟
أبي أسالك عن اهم شئ الخياطة كويسه ولا لا وفيه الم أثناء الخياطة أو لا |
رد: تعالو نكتب تجاربنا بمستشفيات الولادة في القصيم نفيد بعضنا
اي انصحك تولدي بالحبيب وبنصحك مادام مهتمه بالخياطه وشكله هذا حملك الثاني مثلي
اختاري انصاف السودانيه روحي لها بشهرك الاخير افتحي ملفك عندهم كنت ادفع مره والاسبوع اللي بعده. مجاني انا كنت عند ساجيلا وكنت ابي انصاف بس كانت باجازه مع انه خياطه ساجيلا زينه خياطته بسس احس مب زي السودانيه واصلا اغلب المدح على انصاف بخياطتها |
رد: تعالو نكتب تجاربنا بمستشفيات الولادة في القصيم نفيد بعضنا
يختي معروف السودانيه بالخياطه مرررررره روعه
بالنسبه للوطني عادي تدخلين معك أي احد تبينه يكون مرافق عندك ومعظم الكلام اللي قلتيه عن الحبيب موجود بالقصيم الوطني ترا الفرق بالسعر للطبيعي فقط 1500 بس الحبيب احيانا يبااااالغووون بالسعر جدا اما الوطني لا ... انا شفت بالوطني دكتورات العياده كلهن وماشالله تعامل وتحسين اللي قدامك فاهمه وشاطره واللي مريحني انه كلهن سودانيات الا وحده اردنيه اسمها عروب هذي زحمه الدنيا عليها . |
رد: تعالو نكتب تجاربنا بمستشفيات الولادة في القصيم نفيد بعضنا
اهلين كروشات مستشفى الولادة والأطفال جربته إهمال وقرف هذا الكلام له 4سنين هالحين مدري عنه.. اما أختي جربت مستشفى القصيم الوطني تمدحه واهتمام فيهم والخياطة ضبطتها لها دكتوراه سودانية . هذا كل الي عندي
|
رد: تعالو نكتب تجاربنا بمستشفيات الولادة في القصيم نفيد بعضنا
اسم الدكتوراه سميه كانت تتابع بحملها وبعد لأولاده
|
رد: تعالو نكتب تجاربنا بمستشفيات الولادة في القصيم نفيد بعضنا
^^^ هي سبحاان الله الراحه الداخليه للشيء تلعب دووور
مثلاا انا مستحيييل اروح للقصيم الوطني عجزت ارتااح له كذااا من الله اشووف قرايبي انا يذمووونه بسبب الكادر وقلة الممرضات اكثر شكواهم عن كذا طبعا انا اهم شيء راحتي النفسييه هههه وحتى اكوون منصفه قرييت من بعض البنات انه يمدحونه هوو عيبه اللي مايعجبني فييه انه دكتورتي اللي اراجع عندها يمكن هي اللي تولدني اذا صدف انه بدوامها ولادتي اوو ادفع لها عالساعه انا مابي واحده تجيني غريبه وتولدني واناا ماتناقشت معها قبل انا الحمدلله تجربتي بالحبيب كانت ناجحه وابي اكررها وهي كلها من الله التياااسير عندي قريبه لووو تمووت ماولدت بالحبييب كذا نفسيا كرهته بسبب واحده من قرايبها اتوفت وهي ببالها بسبب الحبيب لانه بس طلعت من عنده بكم اسبوع اتوفت لاتخاافن موو من ولاده فيها مرض بالدم طلع عليها فجاه بس تعرفوون الفاجعه خلتها تكرهه هالحبيب حتى ماجت تزورني هناك ماعلينا هههه وعمتي مثال ثاني ماتحب تولد الا بالفريح قديييم وحالته حاله بس عاااجبها وعمتي اللي اصغر منها كل ولاداتها بالوفاء ومستحييل تغيير وامي مستحيييل تغير عن مستشفى البكيريه هههه مع انه طلعت سالفه عنهم قبل فتره كلهاااا تياااسر |
رد: تعالو نكتب تجاربنا بمستشفيات الولادة في القصيم نفيد بعضنا
انا ناوية الوفاء وللحين بعد محتاره.. كان خاطري بالحبيب بس متخوفه يقولو عمليه
طيب اللي تعرف الاسعار للحبيب تخبرنا |
رد: تعالو نكتب تجاربنا بمستشفيات الولادة في القصيم نفيد بعضنا
شاركوني :(
|
رد: تعالو نكتب تجاربنا بمستشفيات الولادة في القصيم نفيد بعضنا
متى اسوي السونار التشريحي اللي يقيس أعضاء الجنين ويطمني على صحته وأي مستشفى في بريدة يسوون سونار رباعي مع سي دي وتصويرهم واضح وأسعارهم مناسبة ؟
|
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
انا عملتو الثلاثي مو الرباعي بالوفا عند دكتوره وفا بس ماطبعت لي سي دي وماسئلت اذا عندهم او لا.. المعالي يطبعون لك سي دي بس السونار العادي |
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
ابي سونار رباعي مع سي دي أحتفظ به عندي وأبي مستشفى خبره في السونار تقولي طوله ووزنه ومقاس راسه ورجوله والخ مو تمرر السونار وتقولي الحركه والنبض بخير وخلصنا .... |
رد: تعالو نكتب تجاربنا بمستشفيات الولادة في القصيم نفيد بعضنا
اقتباس:
|
رد: تعالو نكتب تجاربنا بمستشفيات الولادة في القصيم نفيد بعضنا
ماعندي فكرة ان شاء الله بنات القصيم يفيدونج يعطيج العافية
|
| الساعة الآن 08:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .