منتديات حوامل النسائية - شوفو قصتي مع هالرجال و احكمو (جد قصة غريبة)

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

شوفو قصتي مع هالرجال و احكمو (جد قصة غريبة)

انا اسمي بيسان فلسطينية الاصل
مواليد جدة و كنت مقيمة بالسعودية و لكن بعد ما نجحت بتوجيهي بامتياز قرر ابي ان اذهب الى فلسطين (بلدي ) عشان اكمل دراستي الجامعية هناكز
و فعلا هادا اللي صار يعني كان عمري 18 سنة تقريبا و في اول سنة لي بالجامعة احبني واحد من اقاربنا(ابن خالتي) و لا انكر اني كمان حبيته و بجنون ووعدني بالزواج و لكن لما اتضح الامر للعائلة الكريمة حبيبي العزيز طلع نذل و تخلى عني ااكراما لكلمة امه و على اواخر تلك السنة اجريت عملية جراحية و لم يقم احد منهم بالسؤال عني و بذلك اجلت الفصل الدراسي
ثم بعد ذلك ماذا حصل؟؟؟؟

اللي حصل اني اضطريت ارجع للسعودية عشان اجدد اقامتي و لما وصلت ع السعودية و جددت الاقمة و شفت امي و ابوي و اخوتي تعسر سفري لفلسطين مرة اخرى و بذلك اضطررت لدراسة الجامعة في السعودية على حسابي

و بعدين و انا بسنة تانية اتصل واحد من اقاربنا و بلغنا انو حبيبي النذل خطب بنت عمو و طبعا اصابتني حالة هستيريا لدرجة اني اخذت كم هائل من المهدأت و المنومات لكن لا مفر من الحقيقة و بذلك كانت ردة فعلي هي الاتي انو ازا تقدملي هالمرة عريس هوافق حتا لو كان عمره 60 سنة ع الرغم اني رفضت اصحاب مناصب
( طبعا هادا الحكي بعد ما دعيت عليه انو ما يشوف الخلفة و لا يحلم فيها و انو يرجع الي)

المهم
تقدملي شاب لا يحمل ادنى مستوى للجاذبية يعني لا دراسة و لا اخلاق (لا يصلي) و شكل مقبول و بالرغم من هيك اصريت على الموافقة عليه رغما عن اهلي و تم الزواج و اكشفت انه شخص مجرد من الانسانية و للاسف حملت و لكن لما وقفت ع الطلاق نزلت البيبي و تطلقت منه و الحمد لله و بعدها انهيت دراستي بمعدل 87%
و بهذه الاثناء كانت امي و اخوتي بفلسطينو بقيت انا و ابي و اخيع اساس انو حنلحقهم ع فلسطين
لكن للاسف توفي والدي رحمه الله
و بعدها بشهرين توفي اخي و توأم روحي (الحنون) و بقيت في السعودية لوحدي

فماذا افعل باقامة دون كفيل؟؟؟؟؟؟؟؟؟؟
المهم قررت اني ارجع لبلدي و لاحضان امي
و هذا اللي حصل و انا بحكي معكم هلأ من فلسطين
طيب شو صار بعد ما جيتي يا بيسان؟؟؟؟
اللي صار يا عزيزاتي انو ماما خبرتني انو خالتي (اللي رفضتني سابقا) بدها تخطبني لابنها(اللي كان يحبني)
و فعلا خالتي مصرة و صارت تترجانا عشان نقبل
اما ابنها طرد مرتو ع بيت ابوها من لما جيت و راح طلقها (لكن اقسم بالله مالي ذنب) بل ع العكس لم اكن راضية عن طلاقها منه لاني حسيت انها مظلومة (و فعلا لم ينجب منها ع الرغم من 5 سنين زواج) معنى الكلام انو هوا رجعلي بعد 6 سنين
المهم ماما كانت مقتنعة جدا بنسب اختها (الله لا يريحها بقبرها) و لكن انا ما قدرت انسا الجرح اللي سببولي اياه
فرديت ع ماما بالحرف الواحد: ماما انا بدي اياهم ييجو و نكسفهم زي ما رموني بالاول
ماما: لا عيب يا بنتي هادي بتضلها خالتيو الدم ما بيسير مي
و هددتني بالغضب ازا رفضت هادا الزواج
المهم اجانا ع البيت زيارة بعد ما طلق مرتو وجابلي هدية قيمة و بالغم من رفضت مقابلته لاني لا انسا جرحه لي و بهيك زعلت مني الماما
فللي صار انو كل العيلة اقنعتني بالزواج منه
و قلت عندي شروط و ما راح احكي شروطي الا قدامو
و فعلا اجا
الشرط الاول: بررلي نذالتك
فبررها لي بانو لسا كان طالب انو لسا مصروفو من اهلو (يعني ما كان صاحي قرار بعد)
الشرط التاني: سكن مستقل
فوافق
الشرط التالت: انو لو كان معي مال قارون لا يحق لك تطلب مليم واحد مني لانك انت الراجل و انا بضل مرة
برضو وافق
و بهيك تم الزواج و فعلا شقة مستقلة عشت فيها احلى ايام عمري
لا انكر دلاله و حبه لي لدرجة انو كان يحكيلي الله فوق انتي تحت(استغفر الله)
المهم بعد تلات شهور من زواجنا فاجئني بانو بدو يسكن مع اهلو(لكن امه معروفة بين الناس كلها انو الجن ما بيعيش معها)
لكن مو هادا السبب الرئيسي اللي منعني اسكن معها
كنت بحب الاستقلال
المهم رفضت وحردت عند امي و ساعتها هوا انسجن عشان طوشة شباب و طلع من السجن و كانت الدنيا رمضضان العشر الاواخر و صار يترجاني ارجعله و انو هوا مزنوق ماديا يعني ما يقدر يحط اجار شقق عشان ابو طليقته صار يطالبه بالديون اللي كان مداينها زوجي منه و هي ما يقارب ال 70000 ريالالمهم شفقت عليه و قلت خليني اتحمل هالعيشة عند امو
ز فعلا اجا اخدني
و تعالو تفرجو ع المسلسل ابنها موجود احلى معاملة و اول ما يطلع السب و الشتم وتسب بابا و هوا ميت و تسب ع امي و قاسية جدا علي بشغل البيت لدرجة انها طلبت مني انضف الشارع فقلتلها جوزي ما برضا اطلع بالشارع خلي ابنك الزغير
و بعدها طلعتلي فوق و ضربتني لبين ما كسرتلي ايدي
فما اتحملت اخدت حالي و رحت لعند امي فصار جوزي يترجا ماما انها ترجعني
المهم امي ضغطت علي و اخدتني فلما دخلنا بيتهم سكرت الابواب هي و بناتها و ضربوني ضرب ما حدن بيتحملو و بالعافية سلفي الزغير طلعني انا وامي و شردنا من عند الغولة و بناتها
جوزي انجن و صار يترجاني المهم بعد 4 شهور تفاهمت انا وياه و رجعنا لبعض لقيت سبب المشاكل كلها هوا لانو بينقل لامو كل اشي بيننا حتا الامور الخاصة
حتا خواتو بيعرفو تفاصيل ليلة الدخلة
المهم قلت مشي يابنت
فللي صار معي اني دايما ف بيتهم نااااااااااااايمة و ما بصحا الا ازا حدا كب علي مي مع انو نومي خفيف
و استغربت
و بيوم من الايام لقيت خالتي بتولع فحم ما بعرف ليش و بتحطو ع باب غرفتي و بعدين شفتها مرة بترش مية غريبة
و بعدين اسمعتها بداني بتحكي مع وحدة مشعوذة
بعدها سرت اتعب يجيني مغص غريب جدا
ما بتيجيني الدورة
ما بشوف بعيني الشمال
ما بقدر امشي ع رجلي
دايما ناااااااااااااااااااااايمة
المهم بفتح جوال جوزي و الاقيلكم فيه رسايل لشيخ مشعوذ بيسألو بكل شي و المشعوذ بينصب عليه و ع امو و ماخد فلوسهم اول باول

المهم صارت اخر مشكلة برضو بسبب جوزي الهامل الله لايوفقه لانو نقل لخالتي كلام سخيف و ما يخصو ولا بيخصها
و بعدها تعالو اتفرجو شو عملت فيي
ضربتني هي و بناتها ضرب مبرح لدرجة الاغماء و نقلوني للمستشفا و اجو اهلي اخدوني
و بعدها عملت عملية جراحية و بلغناهم لكن لا حياة لمن تنادي
ع فكرة انا بختصر ف الكلام كتير
يعني ما حكيت كل شي عنهم عشان ما تقرفو
غير انهم اتهموني انو انا اللي ما بخلف مع اني عارفة انو العيب منو
و قبل يومين كلمتني سلفتي بتحكيلي انو جوزي بدو يتجوز علي و حابب وحدة من دفعتو مطلقة ومعها ولد
شو رايكم هلأ؟؟؟؟ و شو اعمل؟؟
بدي اياه يرجعلي لحالو بدون اهلو
اسفة طولتها عليكم لكنها اقسم بالله مختصرة جدا