|
من جرب الدكتور بندر العبدالكريم بالحمل
متزوجه لي سبع سنوات وماحملت وقالولي تحتاجين طفل انبوب واخذت موعد بمركز بنون عنده
مين جربته الله يعافيكم يمدحونه مره ويقولون انه يشتغل بالعسكري ومركز بنون كيف تعامله تكفون محتاره ردو علي |
رد: من جرب الدكتور بندر العبدالكريم بالحمل
ردو علي الله يخليكم موعدي الخميس
|
رد: من جرب الدكتور بندر العبدالكريم بالحمل
حبيبتي استخيري الله والله يوفقك
وانا سمعت انو صاحب المركز هذا جايب اطباء مقتدرين ومتميزين أشجعك تروحي عنده وإن شاء الله تحملي على أيدة موفقة |
رد: من جرب الدكتور بندر العبدالكريم بالحمل
طيب حبيبتي إيش مشكلتك علشان الدكتور قررلك أطفال أنابيب؟؟؟؟....ونصيحة مني روحي ﻷكثر من دكتور وأستخيري والله يكتب لك الخير يارب
الله يرزقك بالذرية الصالحة يارب |
رد: من جرب الدكتور بندر العبدالكريم بالحمل
مركز بنون يضم افضل الاستشاريين باشراف الدكتور عبدالعزيز الشهراني بالنسبة للدكتور بندر العبدالكريم انضم لهم قبل اسبوع تقريباً قرأت تجربه لوحده عملت عنده لما كان بالحبيب ومن فضل الله ثم خبرة الدكتور رزقها الله بالحمل يارب في هذا اليوم الفضيل يرزقني ويرزقك بالذريةالصالحه وكل محرووم
سجلت عشان ارد ع تساؤلك لاتنسيني من دعائك اختي |
رد: من جرب الدكتور بندر العبدالكريم بالحمل
ياربي طيب وش اسوي معقوله ولا أحد سواها عند هالدكتوروجربه لا في العسكري ولا في بنون أنا الصراحة زرته في العيادة الأسبوع الماضي و حسيته فاهم بس ودي أخذ رأي أحد جربه بلييييييز ردوا علي hwaml79hwaml4 |
رد: من جرب الدكتور بندر العبدالكريم بالحمل
يارب ارزقني طفلا
اشكرك حبيبتي ماقصرتي الله يفتح عليكي ويرزقك ماتتمنين يارب انا بصلي استخاره قبل لا اروح الدكتور واتمنى تحطون تجاربكم مع اي دكتور لعل الله يفتح علي وعليكم ويرزقنا ويكون هالموضوع فيه خير لي ولكم |
رد: من جرب الدكتور بندر العبدالكريم بالحمل
اكتبي اسمه في قوقل فيه وحده كاتبه تجربتها الناجحه معه
وله حساب في تويتر اذا كنتي تقدرين تروحين له العسكري احسن. اوفر لك انا جربت الشهراني ورزقت على يده والحمد لله |
رد: من جرب الدكتور بندر العبدالكريم بالحمل
مشكوره حبيبتي والله يرزقك يارب
قرات تجربه وحده بعالم حوا وتحمسحت لها كثير وانشالله بروح على موعدي الخميس وارتحت اكثر لما رحت مركز طبي امس كان عندي شويه التهابات وقلت بروح الدكتوره واعالجها قبل عشان اكون جاهزه لاي شي الانتظار كان مليان وسمعت وحده تمدح بالكتور بندر العبدالكريم وتقول زوجه عمها سوت عنده والله رزقها بنت الله يتمم عليها ويرزقنا جميعا والله الاطفال نعمه من ربي لاتنسوني من دعاكم بس انا عندي غده تتوقعون تاثر على الحمل مع اني اخذ ثايروكسين |
رد: من جرب الدكتور بندر العبدالكريم بالحمل
حبيبتي اتكلي على الله ولاتترددي الدكتور بندر العبدالكريم استشاري بالعسكري ومعروف جدا واخلاق
وله فتره يشتغل بالخاص كان بالحبيب والحين ببنون مع الدكتور عبدالعزيز الشهراني اختي حملت بعد الله على يد الدكتور بعد حرمان تسع سنين من الكر والفر والتعب والمصاريف والسفر هنا وهناك والله عوضها ولله الحمد وحملت الله يتمم عليها ويكتبلك |
رد: من جرب الدكتور بندر العبدالكريم بالحمل
عيوني جودا الحمل رزق من الله هم مجرد وسيله بالنسبه للمركز تقنيه عاليه وفيه كفاءات ممتازه
الدكتور مجرد يسحب ويرجع وثبوت الاجنه والحمل بيد الله سبحانه وتعالى انا سويت عند الدكتور عبدالعزيز انا ماصار حمل رغم اني رجعت اجنه من الدرجه الاولى بس ربي ماكتب لي الحمل وعساها خيره وكثير اعرف عملوها عند الدكتور عبدالعزيز وربي كتب لهم الحمل من اول مره يارب يرزقني ويرزقك توام سليمين معافين وكل محرومه يارب |
رد: من جرب الدكتور بندر العبدالكريم بالحمل
انا سويت عن الدكتور بندر من ثمان شهور بس بالعسكري والحمدالله حملت بس ماعرف اذا له عياده اول مره اعرف
|
رد: من جرب الدكتور بندر العبدالكريم بالحمل
ابشركم رحت للدكتور بندر العبدالكريم اليوم وشرحت له حالتي
الدكتور ماشالله شكله فاهم شغله طلب لي تحاليل ولزوجي ونتايج تحاليلي بتطلع بعد ايام وعلى اساسه بيقرر الخطه العلاجيه بس قالي لازم تعرفين الصبر مطلوب والاتكال على الله اولا واخيرا وسالته كم نسبه نجاحها قالي على اساس التحاليل نقرر بس لازم تعرفين انها مو شرط من اول مره تنجح توكلت على الله اللهم لاتذرني فردا وانت خير الوارثين |
رد: من جرب الدكتور بندر العبدالكريم بالحمل
الله يكتبلك الحمل عاجلا غير اجل
عزيزتي ياليت تعطيني موقعه ورقم للاتصال لاني بالشرقيه... واذا ممكن تذكرين لي وش المشكلة لتأخر الحمل عندكم لأن انا عندي الغده مثلك واخذ الثايروكسين |
رد: من جرب الدكتور بندر العبدالكريم بالحمل
انصحك بالمركز
|
رد: من جرب الدكتور بندر العبدالكريم بالحمل
انا لما رحت للدكتوربندر بس بالعسكري مره وقلتله وحده قالتلي عندك ضعف شديد بالاباضه ومامنك امل كانت نفسيتي زفت وكانت تطلع لي بويضه او اثنين اصلا عندي مشاكل بالدوره تغيب كم شهر وتجي قليله وحتى لما اخذ ادويه ماتطلع الا بويضتين قالي الدكتور كثير مثلك حملو واحيا مع العلاج ماتحتاجين انبوب
تخيلو لما اخذت التحاليل وش طلع هرمون الحليب بس 3 شهور وحملت طبيعي قسم بالله كان نفسي اروح للدكتوره واهزئها ام جود ترا ممكن التشخيص يكون غلط من البدايه لاتيأسين |
رد: من جرب الدكتور بندر العبدالكريم بالحمل
ماخلو شي ماقالوه اجسام مضاده من زوجي
ومره قالولي انبوب منسد وواحد زين وقالو تحملين بالكلوميد بس مافي فايده ورحت لدكتوره اسمها جيهان مصريه وقالت هرمون الحليب وطلبت تحليل لزوجي وطلع عنه 5 مليون بس فيه تشوهات ماستفدت شي الله يارب يسهل امري على يد هالدكتور تفائلت قد ماسمع عنه رقم المركز 0114448080 الله يكتب لك الخيره معاه يارب |
رد: من جرب الدكتور بندر العبدالكريم بالحمل
ما عندى علم ان شاء الله البنات يفيدوكى و يكون سبب بعد الله ف حملك عن قريب
|
رد: من جرب الدكتور بندر العبدالكريم بالحمل
الله يكتبلك ولي ولكل محرومه الذرية الصالحه عاجلا غير اجل ...
وجزاك الله خير عن تجربة حبيبتي جربي خلطة العسل والمكسرات وضيفي لها القسط الهندي وخلي زوجك يأخذها ثلاث شهور بعدين يحلل,,, |
رد: من جرب الدكتور بندر العبدالكريم بالحمل
الله يوفقك اختي ..
شكل موعدك كان مع موعدي.. يوم الخميس مركز بنون.. بس انا رحت للدكتور عبدالعزيز.. وببدأ معه اذا جتن الدورة .. الله يكتب لنا الخير .. والمركز مميز وجايب له الدكتور افضل الاجهزة والاطباء.. |
رد: من جرب الدكتور بندر العبدالكريم بالحمل
انا عن تجربه انصحك في لاني تعاملت معه وما شاء الله عليه يعتبر بروفيسور وليس دكتور وانتي تقدري تتاكدي بنفسك انا حبيت ارد عليك عشان اقولك انه تطمني دكتور امين وصادق وليس دكتور ماده
|
رد: من جرب الدكتور بندر العبدالكريم بالحمل
يارب يرزقني ويرزقك اخت جودا ويرزق كل محرومه بالذريه الصالحه
انا عندي ضعف بسيط وتميس بسيط من الدرجه الاولى قالي الدكتور عبدالعزيز وعملت حقن بس ربي ماكتب لي الحمل رغم ان الاجنه اثنين كانو من الدرجه الاولى واحد من الثانيه بس كانت نفسيتي مره متحطمه وخوفي اني ما احمل سبحان الله فشلت العمليه ناويه باذن الله بعد رمضان اجرب تنشيط وتحديد جماع اذا ماصار حمل بعيد الحقن بعده |
رد: من جرب الدكتور بندر العبدالكريم بالحمل
الدكتور بندر ماشا الله
قمه في كل شي والمركز بعد مايحتاج افضل مركز موجود عندناا الله ينفع بهم |
رد: من جرب الدكتور بندر العبدالكريم بالحمل
انا رحت للدكتور بندر واحسه فاهم وارتحت له واعطي زوجي علاج لمده شهرين لان زوجي عنده حيوانات منويه صفر وقال اذا خلصت شهرين تعالوا مدري وش يقول لنا بعدها اول مره اجي هالدكتورر الله يرزقنا الذريه وكل محرررومه ياااااااارب دعواتكممم لي
|
رد: من جرب الدكتور بندر العبدالكريم بالحمل
طمنينا ياام جود ايش صار معاكي
ظانا بديت علاج مع د كتور بندر وباذن الله السحب الاسبوع الجاي ويرب يرزقني ويرزقكم من واسع فضله |
رد: من جرب الدكتور بندر العبدالكريم بالحمل
والله انا رحت للدكتور بندر ما شاء الله اخلاق وتعامله ممتاز مع المرضي وسويت عنده التحفيز والانابيب والحين مستنيه فتره الانتظار الله يعووض صبرنا وتعبناا خير ويرزقني وكل محرومه
|
رد: من جرب الدكتور بندر العبدالكريم بالحمل
طيب يابنات هو يعالج اذا كانت المشكلة من زوجك مو منك ...يعني متخصص في امراض العقم والذكورة لان الدكتورة اللي اتابع معه قالت انتي مشكلتك بسيطة باذن الله ..بس زوجك لازم يتعالج لانه عنده مشاكل ولازم تروحين لاستشاري متخصص وانا محتارة وين اروح ياليت بنات الرياض يساعدوني يصلح زوجي يروح له او هو متخصص نساء فقط
|
رد: من جرب الدكتور بندر العبدالكريم بالحمل
كم تكلفه اطفال الانابيب عند الدكتور افكر اروح عنده بعد رمضان
|
رد: من جرب الدكتور بندر العبدالكريم بالحمل
فين موجود هذا الدكتور وهذا المستشفى في اي بلد
|
رد: من جرب الدكتور بندر العبدالكريم بالحمل
جود اذا انتي باقي تتواصلي مع بنات المنتدى تكفين ردي علي لان توي بابدأء مع بندر العبدالكريم وابغى تشرحين تفاصيل تجربتك اذا ممكن عشان نستفيد لاني سويت اطفال انابيب مرتين عند توفيق جعفر وزينب ابو طالب في الحبيب وما نجحت وسويت في الجامعي مرتين الاولي فشلت مع ان الاجنه كانت فرش والثانيه اجنه مجمدين ونجحت واستمر الحمل لين الاسبوع الخامس والحمدلله على كل حال سقطت فاتمنى ان اي وحده جربت عند بندر العبدالكريم تعطينا التفاصيل من ناحيه الاكل والشرب والراحه واذا كانت تعمل هل اخذت اجازه والا لا وزي كيذا 😍😘
|
| الساعة الآن 03:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .