|
امي ماتكلمني من اسبوع عشاني طلعت مع زوجي وانا نفاس!!!
مساء الخير حبايبي
حابه اعرض مشكلتس وتنوروني يمكن اكون غلطانه وانا مو حاسه مع اني متٲكده اني ماسويت غلط لاكن حابه اشوف ٲرائكم بصراحه مشكلتي اني لي سنه متزوجه والحمدلله متفقه انا وزوجي ومشاكلنا تنحل بيننا بدون لا تطلع لٲهلي عشان مااتٲثر بكلامهم عن زوجي انا احب زوجي ومعوده من بدايه زواجنا على اني اسويله كل شي وانه يحتاجني وهذا كله بسبب حبي له وهو مو مقصر اهلي مايعترفون بشي اسمه حب حتى لما اتكلم واقول مهم التفاهم بين كل زوجين يحطموني ويقولون هذا لانك اول سنه بس ويحسسوني ان زوجي مقصر بحقي وانا ماحب هالنظره ابد بحق زوجي يقنعوني اعوده على اشياء انا مو مقتنعه فيها وماحب نظره عوديه يقولون لي خليه يجيب لك شغاله قلت لهم انا ماني محتاجه قالوا بتندمين ومدري ايش بس رفضت نظرتهم لاني حابه اقوم بواجبات زوجي بنفسي مو تقوم فيها شغاله احاول اثبت لهم وجهه نظري لاكن مايقتنعون انا مشكلتي اني الوحيده بين العايله مقننعه بافكاري لاكن الكل عكسي وهالشي خلاني اشك بافكاري يعني لاني ابي يكون لي خصوصيه ببيتي مع زوجي بدون شغاله صرت غلطانه اللحين لب الموضوع اني ولدت والحمدلله على كل حال وكنت اتمنى نفاسي ما ابعد عن زوجي ولا اعودهعلى بعدي لاني طوال السنه كنت بجنبهوما انام عنده اهلي الا قليل لاكن تنفست عند اهلي وجاني اكتئاب بعد الولاده بسيب ولادتي قيصري بعد يوم كامل من طلق طبيعي وكنت محتاجه وجود زوجي بجنبي ومحتاجه مساندته لي نفسيا خصوصا بعد ماشفت شكلي كيف تغير بعد الولاده وتعرفون النفاس تزيد حساسيتها وشعورها بالوحده لما تبعد عن زوجها رغم وجود اهلي وماقصروا ما انكر مساعده امي لي كملت 20 يوم وتمنيت اكمل باقي نفاسي عند زوجي خصوصا انه رجعت ليعافيتي وقدرت اتحرك واقوم بالبي بي لاكن شلت هالفكره بعدمعارضة امي واني نفاس وعيب اروح لزوجي كان يكسر خاطري منظر زوجي ولبسه كيف مجعد ولما يقوم بنص الليل يدور مطاعم ومايلقى وبلاخير ياكل توست كنت احزن عليه واعرف شكثر محتاجني والحقيقه انا محتاجته اكثر كنت اتحجج ابي اغراض من بيتي بس عشان اشوف بيتي واحس براحه ماتصدقون كيف يمر علي هذاك اليوم وانا فرحانه ومره جاء زوجي واخذني يغيرلي جو استانست ومو سايعتني الارض من الفرحه خصوصا بعد الاكتئاب وتاخرت مع زوجي للساعه 12 لما رجعت لقيت امي قالبه علي وزعلانه ليه اتٲخر وكاني طالعه مع واحد بالحرام انا وزوجي نعرف حدودنا بالنفاس واني لسى ماطهرت وهالشي راجع لنا مع العلم اننا مو صغار زوجي 30 وانا 26 قبل اسبوع صدف ذكرى زواجي وقلت اني بحتفل مع زوجي بهالذكرى قالت وانتي نفاس انسي موضوع قلت ليه مو حرام النفاس تحتفل قالت وش يبغى زوجك فيك وانتي نفاس قلت هذا شي راجع لي وله وهو تفكيره مو مقتصر بس على الفراش والحياة اكبر من كذا المهم جاء ذكرى زواجنا وقالي زوجي اتجهز توقعت بنتعشى وبرجع لبيت اهلي لاكنه طلع حاجز لنا بفندق اللي تزوجنا فيه وقلت له خلها بعد نفاسي ورفض ورجعت للبيت اخذت ولدي معاي ورحنى للفندق كنت محتاجه هالطلعه وكثير غيرت مننفسيتي ورجعت ثقتي بنفسي وحسيت بمسانده زوجي لي وهالشي ريحني كثيير رغم انه ماقرب لي لاني ماطهرت لاكن وجوده جنبي ريحني لما رجعت امي زعلانه وماتكلمني ومسكره باب النقاش وانا خلا سكرت على موضوع ولا كلمتها فيه ولنا اسبوع ماتكلمني اللحين بنظركموش الحل انا لو اعتذرت منها بتقتنع انها على صح انا ماغلطت وعارفه حقوقها علي لاكني عارفه حقوق زوجي بعد واهلي مهمشين رافضين فكرتي وان زوجي ماله حقعلي وانا نفاس واللي مجنني ان خواتي نفس فكره امي ومطلعيني غلطانه لدرجه شكيت بنفسي معقوله انا غلطانهولا كيف ابي ارائكم |
رد: امي ماتكلمني من اسبوع عشاني طلعت مع زوجي وانا نفاس!!!
حبيبتي اللي سويته مو غلط بس موعارفه هالعادات الغريبه انو المرا تنفس في بيت اهلها انا انفس وانام مع زوجي في نفس السرير والدين بيننا الحدود اللي مانتجاوزها انا مو مع انك طنشي الوالده حتى ولو كانت غلطانه حاولي توضحيلها الامور وكلها ايام وترجعي لبيتك انشاالله بخير
|
رد: امي ماتكلمني من اسبوع عشاني طلعت مع زوجي وانا نفاس!!!
حبيبتي حياك الله وزاد من حبك لزوجك وحبه لك امين اللي سويتيه صح مليار بالمية ووالدتك الله يهديها لادخل لها بالموضوع حتى تزعل او لا ما دامك مو غلطانة بحقها وحق اي بشر والاهم من ذلك حق الله بالعكس انتي مأجورة لحبك لزوجك وتعلقك به وهو ايضا لأنه مهتم بك وبنفسيتك المتعبة من الولادة الله يجزاه الخير ... تعرفي شنو تقولي للوالدة ولأخواتك ولكل اهلك يعني حلو لو كان زوج ظالم لا سمح الله يضرب ويأذي وما يهتم بك ويروح يدور غيرك لأنك لازقة في بيت اهلك .كثر الله الف خيره انه انسان يعرف حق الله بزوجته الحبيبة ويخاف عليها وبعدين قوليلها بأسلوب هادئ انك مرتاحة معه واتصور هذا مطلب كل ام لأبنتها بغض النظر عن طريقة راحتها مع زوجها والله يهديلك الوالدة ويخليلك زوجك وولدك وتعدي هالأيام بخير
|
رد: امي ماتكلمني من اسبوع عشاني طلعت مع زوجي وانا نفاس!!!
حبيبتي حمد لله ع سلامتك ومبروك ماجالك
امك بتحبك ومن حبها الك غيرتها عليك لانك وحيدتها وامي نفس امك وانا كمان وحيده اهلي مو مشكله حبيبتي انتي مغلطتي مع الطرفين وانت صح امسكي العصا من النص وارضي الاتنين كملي نفاسك عندك اهلك وضحي لهم انو كانت هاد رغبتك حابه تغيري جو وارضي زوجك خلي يجيك لاهلك كل يوم او بين يوم ويوم طلبي يجيب ملابسه اكويها اغسليه اكلو سوا وارجعي لبيتك وانت مو خسرانه احد دامه متفهم كوليله برتاح للاربعين وقبل مترجعي اصبغي شعري وقصي واهتمي بحالك استعداد لزوجك وروحي لامك وفهميها بهدوء بس لتجيبي طاري احبه او يحبني هالكلام ميرضي اهل البنت بيزعلو وضحي انها فكرت لانو اول ذكرى زواج وكوليلها انو مستحيل تخالفي امر الله ووتساوي الحرام وانتي مو طاهره الله يهدي سرك ويسعدك |
رد: امي ماتكلمني من اسبوع عشاني طلعت مع زوجي وانا نفاس!!!
عفوا اختي شمعة امل انا اختلف معك بنقطة انه هي وحيدة ولذلك الام تتصرف هكذا انا هالبنت الوحيدة على ثلاثة اولاد واهلي دائما يشجعوني على البر بزوجي قسما بالله اني كنت زعلانة من زوجي في شي صغير وكنت في بيت اهلي ابوية اجا في يوم قلي يابنتي لازم تتصلين بزوجك تتطمنين عليه ما يصير تظلين ما تكلميه لأن ابي انسان واعي وفاهم وامي كذلك بس اللي قالت عليه الاخت مشكلة عادات غبية وبعدين قالت لأهلها انها تحبه شنو المشكلة نسيتي ان سيدي وسيدك وسيد الخلق اجمعين نبينا محمد عليه الصلاة والسلام عندما سأل عن احب الناس اليه قال بكل رجولة السيدة عائشة رضي الله عنها هذا ما فعله اكرم البشر فلم لا نقتدي به ما دامت تحب زوجها وهو اولى الناس بحبها ....عذرا غاليتي لكن هذا رأيي واتوقع انه تماما ما طلب الشرع مع العلم اني لا اقول لها ان تغضب امها ابدا بالعكس تراضيها بأجمل الكلام
|
رد: امي ماتكلمني من اسبوع عشاني طلعت مع زوجي وانا نفاس!!!
حبيبتي انت افكارك صح
بس بعد اعترض وياك في انك عامله عمليه و تبين تردين تطبخين لزوجك حبيبتي ارتاحي وكملي ٤٠ يوم و بعدها اطبخي لزوجك او اذا رجعتي شقتك لا تطبخي ع طول الله يخلي المطاعم و خلي يوم امك ترسل لك غداك و يوم ام زوجك ترسل لك غداك الين تتحسسنين و العشا من برا انت نفاس و عمليه و جرح بطنك طري عطي نفسك احقية الاهتمام صدقيني كثرة التضحيه لزوج مو حلوه كثير صح تحبيه صح تموتي فيه الله يسعدكم بس لا تهمشي نفسك الله يصلحك لا تهمشي نفسك و تدوسي ع نفسك عشان غيرك انت لك حق عليك قدري ذاتك امت تعبتي حمل ٩ شهور و ولاده طلق ثم عمليه و الحين ربى و زوج لازم تسوين لنفسك تايم ترتاحي فيه و تريحي اعصابك و بنسبه لأمك صدقيني الامهات كذا اغلبهم كذا تتحسس من زوج بنتها انت خليك سياسيه و طبطبي ع امك و رضيها و ارضي زوجك حرام عليك حسيتك متحسسه من امك كثير مايصير هذه بنهايه امك مثل ما حملتي بولدك هي جابتك ارجعي و بوسي راسها و خل تفهم الي تفهم انك انكسرتي و لا استسلمتي نصيحتي لك هذه امك مهما كان و الموضوع تافهه مايستاهل انك تضيفي خلقك و خلق امك و اصحي تخبري زوجك بموقف امك ترا الزوج ياخذ موقف من ام حرمته و ماينسى و انت صيري سياسيه ع امك و على زوجك و جاملي امك صدقيني دعوة الام تفرج كرب و لا تحطي راسك براسها و تتحسسي منها و الله يا اختي امي في مواقف كثير تزعلني منها بس مقدر ذي امي ارجع ابوس راسها و اهديها هدايا و اعطيها مصرف من راتبي و الله دعوه منها و كيف اشوف فرحتها عندي بدنيا و الله دمعتها تطيح من الوناسه بس اهم شي ترضى علي الله يخليها لي يارب و يخلي لك امك يارب شوفي سامحي امك و حطي ببالك انه يوم من الايام بتكبر بنتك وراح تعمل شغلات انت ماتعجبك و راح تزعلي منها انت لازم تهدي امك لأنه الحياه كذا في ناس مثل من دمنا و لحمنا مهما تزاعلنا مانقدر على بعدهم لازم نرضيهم و الله شاقولك ساعات اتناقش مع امي مواضيع و ندخل في جدال و تجلس تتحسب علي و تدعي علي بس اعرف انو من انفعالها و من قهرها تقول كذا و هي حرمه كبيره مي ناقصه اكثر اغثها .. |
رد: امي ماتكلمني من اسبوع عشاني طلعت مع زوجي وانا نفاس!!!
واضح إنه هلج غلطانين بس حبيت أعلق على شي بسيط لما قلتي إنه منظر زوجج مب مرتب ليش هو كم عمره سنه وله سنتين؟!! خليه يدبر عمره ويعتمد على نفسه وبعدين معروف الحرمه النفساء ما تشتغل حتى لو شي بسيط طبعا أتكلم عن إلي والده طبيعي فكيف إلي والده قيصري؟!! القيصري ثلاث أشهر المفروض ما تتحرك والمفروض ب هالمرحله هو يساعدج مب إنتي لإنج ما تقدري عالبيبي بروحج صعب جدا... وأمج الله يهديها تفكيرها منحصر على شي واحد لو منج أطنش وبالتوفيج...
|
رد: امي ماتكلمني من اسبوع عشاني طلعت مع زوجي وانا نفاس!!!
اقتباس:
|
رد: امي ماتكلمني من اسبوع عشاني طلعت مع زوجي وانا نفاس!!!
اقتباس:
|
رد: امي ماتكلمني من اسبوع عشاني طلعت مع زوجي وانا نفاس!!!
اقتباس:
|
رد: امي ماتكلمني من اسبوع عشاني طلعت مع زوجي وانا نفاس!!!
اقتباس:
وامي ابدا مو متحسسه منها لاكن الشي اللي مضايقني تدخلها بحياتي انا احب حياتي تكون شي خاص بيني وبين زوجي وامي لاغيه هالفكره من بالها |
رد: امي ماتكلمني من اسبوع عشاني طلعت مع زوجي وانا نفاس!!!
اقتباس:
وبالنسبه ان النفاس ماتتحرك بالعكس يا اختي من قاله انا الحمدلله من عاشر يوم وانا مافيني الا العافيه وقايمه بولدي بشكل كامل ومافكرت ارجع لبيتي الا وانا متأكده اني بعافيتي الحمدلله ومهم اساسا اتحرك على كلام الدكتوره عشان لايصير تجلط لاسمح الله |
رد: امي ماتكلمني من اسبوع عشاني طلعت مع زوجي وانا نفاس!!!
اختي انت عملتي صح 100 بالمية
بس ايضا ارضاء الوالدة شي مهم جدا صح امج غلطانة بس من رأيي روحي بوسي راسها وكوليلها انج مو صغيرة وتعرفين الحرام والحلال |
رد: امي ماتكلمني من اسبوع عشاني طلعت مع زوجي وانا نفاس!!!
فعلا اختي والله اني كمان ولاداتي قيصري والحمد لله بعد 10 ايام اشتغل طبيعي واغسل ملابس واطبخ الحمد لله
وطبعا مثل ماقلتي الحركة والمشي جدا مهم لالتأم الجرح ثاني يوم من العملية لازم الوحدة تمشي حبيبتي تفكيرك عجبني وجدا صائب سوي الي يقوله عقلج بس اهم شي امج ترضا عنج بالتوفيق يالغالية |
رد: امي ماتكلمني من اسبوع عشاني طلعت مع زوجي وانا نفاس!!!
انتي مو غلطانه وماعليكي من احد
|
رد: امي ماتكلمني من اسبوع عشاني طلعت مع زوجي وانا نفاس!!!
ياقلبي انت ما عملتي شي غلط
بالعكس هالشي صح مو لازم نحط حواجز وحدود بهي الطريقه هدا زوجك وحلالك واعملي الي عقلك بحكيلك احيانا نصائح امهاتنا مو كل شي بتمشي مع الازواج يمكن مشت مع اختك ومعك ماراح تمشي لانك ادرى بزوجك المرأه الزكيه هي الي بتعرف شو زوجها بده وبتعمل هالشي الي بسعدها الله يسعدكم ومايفرقكم عن بعض ومع هيك امك ماتحكيلها تفاصيل حياتك واحكيلها الشي الي مابدايقها وبتحسيه بفرحها هيك بتكوني كسبتيها وكسبتي رضاها وانت مشيتي ع الشي الي بريحك موفقه |
رد: امي ماتكلمني من اسبوع عشاني طلعت مع زوجي وانا نفاس!!!
ماشاء الله تبارك الله محظوظ زوجك فيك والله يخليكم لبعض .. وأمك مايسوى تزعلينها أبد وهي من حبها لك تبي تشوفك مرتاحه
لأنو استوقفتني جمملة بكلامك ثيابه مو مرتبه وياكل من مطاعم .. انت اللي تعبانه ومسويه عمليه تفكرين تروحين تخدمينه فكري بنفسك أنت أولى أهتمي بنفسك وصحتك وحاولي تو ضحين لأمك وجهة نظرك وانك مرتاحه ولاتقولين هالموقف لزوجك ابد |
رد: امي ماتكلمني من اسبوع عشاني طلعت مع زوجي وانا نفاس!!!
ي قلبي كل اللي تسوينه صح ومافيه كلآم
امك الله يهديهآ نظرتهآ غير وبالعكي الله يجزآه خير زوجك اللي جآ ودورك ذا دليل انه مايستغني ف لذلك ماعليك من كلام اهلك لايأثر فيك خلي كذا علاقتك مع زوجك مستمره وربي يسخركم لبعض وربي يهدي امك ولا تعتذرين وصكي الموضوع لانك ماسويتي شي غلط ومع الوقت بتنسى |
رد: امي ماتكلمني من اسبوع عشاني طلعت مع زوجي وانا نفاس!!!
لا حبيبتي انتي غلطانه اولا انتي نفاس وقيصريه وطفل جديد عليك بالحياة اهم شي صحتك كلها 20يوم ومخلصين النفاس ويش لحاقه عليه وزوجك خليه يأكل عند اهلك وفي مغاسل رجاليه يغسل ملابسه ماهي مكلفه عليه بشي والا اغسليه ملابسه عند بيت اهلك وخليه ينام عند بيت اهلك عادي مافيها شي اهم شي صحتك بعدين شلون يرضى يطالعك من بيت اهلك ونتي نفاس وعمليه انا مع امك وخواتك لأنهم خائفين عليك وكلامهم صح انتي تفكر ين فيه وفي اكله وهو مفكربصحتك وراحتك
|
رد: امي ماتكلمني من اسبوع عشاني طلعت مع زوجي وانا نفاس!!!
حبيبتي انتي ماغلطتي ابدا وتفكيرك سليم ميه بالميه لاتهتمي لاي حد سوي واجبك اتجاه امك واتركي كل شي لله صراحه عجبني تفكيرك وحبك لخصوصيه بيتك ماشاءالله عليكي الله يكثر من امثالك وانتي ماعليكي غلطه الوحده ضروري انه يكون لها خصوصيه فبيتها عيشي حياتك حبيبتي وارضي زوجك وطنشي كل الكلام يلي مامنه فايده وانتبهي على صحتك موفقه حبيبتي
|
رد: امي ماتكلمني من اسبوع عشاني طلعت مع زوجي وانا نفاس!!!
حبيبتي الحمدلله ع سلامتك
انا صراحه نفس تفكيرك تصدقين ماقعدت مع اهلي الى كم يوم مع اني قيصري لااني ماتعودت اعيش من دون زوجي والحمدلله ماضرني شي ولا هامتي كلام الناس اهم شي راحتنا |
رد: امي ماتكلمني من اسبوع عشاني طلعت مع زوجي وانا نفاس!!!
اختي الى سويتيه كلش مو غلط لاني حاسة فيك وتقريبا مثل مشكلتك بس الله يهديهم الاهل يمشون على العادات والتقاليد
|
رد: امي ماتكلمني من اسبوع عشاني طلعت مع زوجي وانا نفاس!!!
عجبتيني بالعكس تفكيرك وتصرفك سليم انت بكذا تزيدي تعلق زوجك بس لكن لاتتأخري علشان ترضين الوالده وراضيها وسولفي ودردشي وانبسطي وغيري لها جو ولاكأن شئ صار خلي الوضع طبيعي
|
| الساعة الآن 08:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .