|
ماتوقعت تعب الرضاعة .. (قصتي مع صور)
بسم الله الرحمن الرحيم السلام علييييكم .. . بصراحة ماااا توقعت ان الرضاعة صعبة لهالدرجة يومي مو لي أبد.. كل شوي لازم أرضع !!!!! [ . . قصتي. . ] انا يوم كنت بالمستشفى كانو لما اييبون لي ولدي ارضعه اخاااف لأنه يألمممممني واااايد فأول مارجعت من المستشفى صرت كله بسسسس أشفط له بالآلة الشفاط (ميديلا) .. بالكهرباء ويصير بالبطارية واعتمدت هالطريقة فقط http://www.bayibayiku.com/wp-content...reast_pump.jpg مريييحة ( الى حد ما ) . . مشكلتها صوتها مزززعج، فلازم اروح مكان في البيت مافيه احد واشفط ،، احطها على درجة قويــــة علي عالصدرين اجمالي المدة (30دقيقة) . . واللي يطلع الحمدلله كان يكفيه.. اسخنه بآلة التسخين .. يشربه وينام لمدة 4 ساعات تقريباً ويصحى مرى ثانية اكون مسوية له وحدة من قبل لا يصحى هاذي آلة التسخين http://images4.mysupermarket.co.uk/P...202534.jpg?v=1 احط ماي واشغل الكهربه وتسخن في غضون 5 دقايق والمشششكلة الثانية في الشفاط ان لما يصحى واكون انا مثلا ماجهزت له رضعة من الشفاط لأني مثلا كنت نايمة او انشغلت يصيييح ويصيح ويصير مافي وقت اشفط له لمدة (30دقيقة) فقررت أجرب أرضعه من صدري.. كميزة وقت ما يبي حليب أحطه على صدري جاااهز لـــــــــكن ما توقعت ان الموضوع صععععععب لهالدرجة.. من ناحية الألم الحمدلله قدرت أتأقلم مع الألم وخف علي وايد الحمدلله لكن المشششششششششششكلة... إنه يرضع مني لمدة ســــــــاعة كاملة تقريباً ... وما ينام بعدها اكتشف انه يوعان وما شـــبـــع !!!! ربي يحفظه يمكن شفطه ضعيف.. ؟! قمت وعطيته رضعة حليب صناعي وما شاء الله شربها كلها ونااام ما شاء الله بارك الله وهاذي المرضاعة . . http://4.bp.blogspot.com/-sen6WtW5aj...-472888526.jpg بس الحلمة احسها مع الصناعي يمر الحليب بطئ، شكلي باخذ حلمة اكبر منها.. مع انها بتكون اكبر من عمره.. انتو اشرايكم؟؟ اخاف يشرق بها.. الـــــــمــــــهم . . انا نفسيتي مش ولا بد وتبعب واحس روحي ضاااايعة . . انا اول مرة أربي ومو عارفة شاسوي أرجووووووكم فيدوني شاسوي . . شنو النظام اللي لازم امشي عليه مع العلم انا ابي أعوده عالصناعي لأني بعدين برجع للدوام .. يــــــزاكم الله خيييير في انتظااااركم لاااا تخيبون أمليي فيكم بعد الله |
رد: ماتوقعت تعب الرضاعة .. (قصتي مع صور)
احبااااااااط . . مــــا في و لالالا رد :( خوااتي بعد أحس الحليب في صدري خف.. اليوم يوم رجعت حق الشفاطة حسيت الحليب أقل من كل مرة !! |
رد: ماتوقعت تعب الرضاعة .. (قصتي مع صور)
هلا حبيبتي
وربي يحفظ لك ولدك اذا انتي لسه في الاربعين ف طبيعي انه بألمك والله انا ببكري كنت اموت من الوجع لكن كنت اتحمل والله مرات كنت احس حراره تطلع من صدري وانا ارضع لكن صبرت واتحملت سبحان الله ما مرت الاربعين الا وانا ارضع بدون الم واذا على النظام اللي حابه تمشي عليه قوليلنا على شو رسيتي صناعي ولا طبيعي او الاثنين كع بعض وان شاء الله بنساعدك |
رد: ماتوقعت تعب الرضاعة .. (قصتي مع صور)
حبيبتي الالم طبيعي جدا في اول شهر وبعد ما يخلص ابنك رضعته ادهني صدرك كريم مرطب وان شاء الله يزول الالم
على الرضعات ما اعرف في تنظيمها لاني وقت ما يجوع ابني ارضعه يعني مش مرتبطه بنظام معين الله يخليلك ابنك ويحفظهولك يارب |
رد: ماتوقعت تعب الرضاعة .. (قصتي مع صور)
المتأملة خير .. ما شاء الله ربي يحفظج تنوريييين مواضيعي والله مرهفة الإحساس .. اي انا جربت ان كل ما يجوع اعطيه، صار كل ساعة ونص او اقل يجوع لأنه مايشبع واذا اعطيه من صدري يبقى عليه ساعة تقريباً :( - - - - الألم مو مشكلة بالنسبة لي، الحمدلله .. بس المشكلة انه يبقى ساااعه كاااملة يرضع واكتشف انه ما شبع مني شي.. جربت عقب مارضع من صدري سااعة، عطيته رضعة طبيعي في مرضاعة شاطفتها شربها كلها تقريباً يعني كأنه مايشرب زين من صدري مباشرة وانا مقررة أجمع بين الطبيعي والصناعي.. انا تقريباً قررت ان اشفط له وأعطيه. . ورضعة الليل اعطيه صناعي . . وممكن مرة في اليوم اعطيه من صدري. |
رد: ماتوقعت تعب الرضاعة .. (قصتي مع صور)
مو شرط نكون الر ضعات كلها من صدرك وانتي صاحيه اشفطي وخليها برضاعه وانتي نايمه سوي حليب عادي مو لازم كلها من صدرك يعني لو رضعتي باليوم 3 رضاعات كويس والباقي اعطيه حليب عادي والله يعينك
|
رد: ماتوقعت تعب الرضاعة .. (قصتي مع صور)
اقتباس:
اختيي فاااغرة الللللله يريح بااالج مثلما ريحتيني . . انا لما اقول حق احد اني ما أرضعه من صدري كأني مسوية جرييمة :( يخلون نفسيتي كلللش .. خلااااص باعتمد كلامج ان شاء الله :) |
رد: ماتوقعت تعب الرضاعة .. (قصتي مع صور)
بالنسبه ان ولدك يطول هالشي طبيعي لانه ماتعود يرضع من صدرك اللي يحتاج قوة اكثر.. ولدي كان بالاربعين يرضع لمدة ٤٥ دقيقه بعدها بساعه وشوي يجوع مرة ثانيه.. لكن مع الوقت تعود وصار خلال عشر دقايق او ربع ساعه يخلص ويبقى ساعتين لين الرضعه اللي بعدها..
لو ولدك تعود على الرضاعات وبالذات اللي تفكرين تجيبينها اللي فتحتها اوسع مارح يتقبل صدرك بعدين.. اذا حريصه على الرضاعه الطبيعيه نصيحتي انك تحاولين تخلينه يرضع من صدرك اكثر لانها مسألة وقت ويتعود ويصير اقوا واسرع.. ممكن تستخدمين الشفط والصناعي بعدين بس بالبدايه ركزي على صدرك اكثر لانه اريح اذا تعود ولدك عليه.. بعدين اشفطي كل يوم مرة او مرتين وخليه يرضعهم وانتي بالدوام وممكن الصبح بدري او الفجر رضعه صناعيه تشبعه وتصبره.. لكن قبل النوم نصيحتي رضعيه من صدرك لانه سبحان الله الحليب بالليل في صدرك يكون دسم وفيه دهن ويساعد على النوم.. خليه يخذ اخر رضعه من صدرك وينام وعلى الفجر كذا عطيه صناعيه وخلي المشفوط بالثلاجه اذا احتاجوه وانتي برا.. اذا حسيتي حليب صدرك بدا يقل كثفي الشفط يعني اشفطي كل ساعتين لمدة يوم او يومين وبتشوفين كيف يرجع يكثر بشكل كبير.. |
رد: ماتوقعت تعب الرضاعة .. (قصتي مع صور)
ما قلتي لنا كم عمر ولدك ومتى بترجعين الدوام؟
|
رد: ماتوقعت تعب الرضاعة .. (قصتي مع صور)
شوفي حبيبتي لاتقولي قدام الناس وهذا شي خاص فيك وصناعي وطبيعيراهم شي صحة البيبي
وع فكرة انا كنت اشفط صدري شهرييين وجف لانه صدري كان صغير وماكان ولدي يقدر يمسكة وفيه حلمات يبيعوهم تركبيهم على صدرك ويشرب بكل سهولة البيبي بس للاسف انهم ماقالو لي الا بالوقت المتئخر بس انا عندي اهم شي صحة البيبي وجربي ذول الحلمات وخلك عالشفاط شوفي الي يريحك وربي يخليه ويحفظه لك |
رد: ماتوقعت تعب الرضاعة .. (قصتي مع صور)
انا مريت بنفس المشكلهانه يطول بالرضاعه ومايشبع وماينام
بس اذا انتي بالاربعين وصدرك يتحجر ترا البيبي مايقدر يرضعه كذا خففيه اشفطي منه وخليه يرضع ومعروف ان ٧ قنوات تخرج حليب انتي اذا شفطي شوفيها اذا السبعه تخرج خليب بالشفط او لا وهي مع الوقت تتفتح السبعه وتصير زي القشره وبتألم تحسيها كأنه مسلخ الحلمه وتصير حمرره كأنها دم وممكن يخرج دم بس لازم يصير كذا علشان تنفتح القنوات وترا اذا اعتمدتي ع الشفاط بعد شهرين راح يجف صدرك انا دائما اشفط صدر واخفف الثاني وارضع ولدي واحط الرضاعه بالثلاجه ممكن تقعد لمده اسبوع بس انا ماقد خليتها اكثر من يوم وكانت عندي مشكله ان مايرضع من صدري اليمين والى الان يرفض يمسكه احيانا ومرات يمصه مصتين ويتركه وينقط ويحوس الدنيا بس حبيبتي تذكري ان الجنه ماتجي تحت رجولك بالساهل ربي يخليلك العريس ويحفظه لك |
رد: ماتوقعت تعب الرضاعة .. (قصتي مع صور)
حبيبتي الله يسهل امرك وامري وامر كل الامهات
انا نفس المشكله بنتي لما ترضع من صدري اوقات احسها ماشبعت واوقات ترضع خمس دقايق وتنام ع مزاجها بس نصيحتي لك حاولي قد ماتقدرين انك ترضعينه من صدرك مباشره صدقيني حبيبتي الرضاعه الطبيعيه مو بس حليب ويشبع وخلاص لما تلمينه بحضنك وياخذ صدرك لها تاثير ع نفسية البيبي وعليك انتي كمان الرضاعه الطبيعيه تجربه جدا جميله بالرغم من التعب اللي فيها لاتحرمين نفسك وولدك من هالتجربه ولانك راح ترجعين للدوام اشفطي من صدرك وخليه له بالثلاجه والصناعي اعطيه رضعه قبل تروحين علشان يجلس شبعان ونايم ومن ترجعين حاولي تعطينه صدرك اريح لك كمان من الشفط وهو راح يتعود مع الوقت عليه ويتعلم يرضع منه بسرعه لانه تعود ع حلمة الرضاعات وهي تنزل الحليب بشكل اسرع من الصدر علشان كذا يتاخر بالرضاعه من صدرك اصبري عليه فتره ولاتحطين ببالك ان حليبك مايكفيه ومايشبع منه لان هذا رزقه من الله وراح يشبعه ويفيده بس كل الموضوع انه لسى ماتعود عليه كويس الله يخليه لك وتفرحين فيه عريس يارب |
رد: ماتوقعت تعب الرضاعة .. (قصتي مع صور)
انا ارضع طبيعي واساعطيك من خبرتي ونصائح المتخصصة بالرضاعه الطبيعيه
ممكن يكون حليبك قليل وينام على صدرك لان اذا الحليب قليل الطفل ينام على ريحه امه وإذا ردت تعرفين انه يرضع شوفي بلعومه هل هو يبلع ولا فقط يمص مثل اللهايه والرضاعة تكون مصتين وبلع وبعدها مصتين وبلع وهكذا وإذا نام حاولي تصحينه بالدغدغة او الضرب الخفيف جدااااا على الوجه وإذا مافاد كمادات من القماش بارده نبلله بالماء وشوي شوي على جبهته وجهه ومن يرجع يرضع تركيته ومن ينام رجعي مرريها على وجهه اثناء الرضاعه . وممكن ان تشفطي من صدرك بالشفاطه وأعطيه بالزجاجه على فكره حاولي تعلمينه على الزجاجه لان راح يعذبك بعدين إذا كان عندك موعد او تشتغلين ومن الصعب تعليم الطفل الرضاعه بالزجاجه في وقت لاحق ولازم ترضعينه من صدرك مباشره لان إذا فقط تشفطين الحليب يقل يعني مره من صدرك ومره من الزجاجه . وإذا شفتي حليبك كثير ممكن تشفطينه وتضعينه في زجاجات مخصصه وتضعينه بالفريز وتستخدمينه فيما بعد . وفي شغله ممكن تستخدمينها هي مساعده الرضاعه تملينها حليب من الفريز اللي عندك بعد التدفئه وتعلقينها في رقبتك وتلصقين الأنبوب على صدرك بواسطه شريط ويرضع الطفل من صدرك والأنبوب في نفس الوقت وتستخدم هذه ألطريقه للطفل اللي ينام كثير على صدر امه وتخليه يرضع بسرعه لان حيكون الحليب كثير فيضطر يشرب بسرعه http://www10.0zz0.com/2013/06/27/14/282778960.jpg اسم مساعده الرضاعه بالإنكليزي lactation aid ممكن تذهبين لقوقل وتشوفين الصور وكيفيه استخدامها وإذا في سؤال انا حاضره |
رد: ماتوقعت تعب الرضاعة .. (قصتي مع صور)
سبحان الله اهيرا لقيت احد نفس حالتي
اول شي احب اعقب على كلام الي يقول الشفاط يقلل الحليب غير صحيح انا ارضع لي ثلاث شهور وشي ن الفاط ماشاءالله تبارك اللله اقولك انا من يوم ولدت وصار ينزل من صدري دم وتورم صرت اشفط له بالشفاط زي حقك بس حقي يدوي مايطلع صوت ولا شي اول مايتملى صدري لو شوي اشفطه وهو مع الشفط يزيد سبحان الله واخليها برا اول مايبدا يصحى اسخنها بكاسه مويه ويشربها واوقات صحيح يكون يبغى حليب وصدري مافيه اخليه شوي يبكي لين اشفط له واوقات اعطيه صناعي الحين احطه ع صدري رافضه مره بس بيني بينك كذا ارتحت الرضاعهمن الصدر تعبتني والله وحرام تفطميه خليه يرضع ولو بتروحي الدوام جهزيله رضاعه ولا اعطيه صناعي وبس اسفه ع الاطاله |
رد: ماتوقعت تعب الرضاعة .. (قصتي مع صور)
اقتباس:
|
| الساعة الآن 12:18 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .