منتديات حوامل النسائية - تعالوا اقولكم قصة وﻻدتي المتعبه ..

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

- - تعالوا اقولكم قصة وﻻدتي المتعبه .. (https://naqatube.com/showthread.php?t=262353)

تعالوا اقولكم قصة وﻻدتي المتعبه ..

السلام عليكم ..
شخباركم حبايبي انشاءالله بخيير hwaml7

طبعا انتو عارفين اني في الشهر التاسع جاني ضغط فجاه بس ماكان وايد مرتفع عشان الدكتوره تولدني .. بس يوم الاثنين تاريخ 3 قست ضغطي فالبيت وكان عالي كان على 95 وعلى طول لبست ورحت لدكتورتي وقاسته لي طلع عندها على 100 قالت لي خلاص طلق صناعي بعطيج الحين ﻻن مب زين يرتفع الضغط اكثر بعد .. المهم ودوني غرفه خاصه وجابولي البس الخاص فيهم ولبسوني وحطوني على السرير وبعد ساعتين من دخولي المستشفى جات دكتورتي وعطتني تحميله للطلق .. تميت حوالي ساعه بعد التحميله جاني الم خفيف زي الم الدوره بس ماكان شديد وتم معاي ساعه كامله وبعدين اختفى الالم .. طبعا انا عطوني تحميلة الطلق الساعه 6 المغرب وحسيت بالالم الخفيف الساعه 7 لي 8 وبعدها اختفى .. المهم صارت الساعه 11 ونص ودخت قلت بحاول انام ﻻني مو متعوده ع المستشفى وﻻاحب ريحتها امي نامت عني وانا بعدي اتقلب احاول انام واخيرا سكرت عيني وفجاه افتحها من الم قوووووي كان زي الم الدوره بعد بس كان قووي كانت الساعه 12 يعني يدوبي على ماسكرت عيني خميس دقايق بس اول شي قعدت امي قلت لها يما احس بالام قالت لي نامي نامي قبل مايشتد عليج رجعت حطيت راسي الا الام يزيد يزيد قمت اصرخ بين فتره وفتره بدون ماحس بنفسي امي قامت قلت لها مو قادره الالم قووي .. قامت تقرا علي وشوي شوي الام زاااااااااد وانا خلاص لجيت المكان من صياحي وصريخي جات النيرس تجوفني بس ماعلقت امي قالت لها روحي اتصلي حق الدكتوره .. النيرس عاندت ومارضت تكلم الدكتوره .. تخيلو تميت اصارخ وصيح لييييين الساعه 3 ونص الفجر الا دكتورتي تدخل علي ﻻن النيرس اتصلت لها وعلى طول جافت عندي الرحم فاتح 2 سانتي وحطت علي جهاز الطلق وكان الطلق خفييف بس الالم اللي انا فيه قووووي شوي الا زوجي دش علينا خايف علي مسكين وجافني بالبهدله اللي انا فيها وتم طول الوقت واقف صوبي وانا اتالم واللي مستغربه منه ليش الالم مستمر اللي اعرفه يرورح ويجي ! دشت النيرس الخايسه تجوفني اصرخ وتقول مافيج طلق ليش تصرخين تقول حق زوجي ان مرتك تدلع ﻻنك معاها تعرفون شنو ارتعفت ضغطي الحماره منهالكلمة اللي قالتها تميت طول الوقت اسبها وانا اتالم من له بارض يتدلع اصلا في هالوقت .. المهم صارت الساعه 7 الصبح جات دكتورتي قالت لي انتي تتالمين بدون طلق بعطيج طلق فالوريد اسرع وانا قمت اصارخ اقول لها ﻻﻻ خلاص مابي زياده بموت من العوار كافي بس طبعا طنشت لي وراحت جابت لي وحطت لي فالوريد وقام الالم يزيد اكثر واكثر واكثر وانا خلاص انتهيت قمت اضرب زوجي وضرب امي وسبيت الكل طبعا كل هاي من الالم. رجعت لي الدكتوره بعد ساعتين وجافت فاتح عندي 4 وقالت خلاص نزلوها الوﻻده وراح اعطيها ابرة الظهر انا هني اششتانست قلت يلابفتك الحين وكان هالكلام الساعه 9 الصبح .. نزلت تحت وجا دكتور التخدير وعطاني الابرة ياربي شنو ارتحت تخيلو الطلق يوضضل لي80 بدون الم زوجي يقول معقوله كنتي فوق على 20 تصارخين بس يافرحه ماتمت جات دكتورتي وقالت ﻻزم اشق كيس الماي ﻻن كان يطلع مني دم المهم جات وبطته تهقون شنو صار ؟ رجع لي الالم اضعاف مضاعفه عن قبل حسيت اني دايخه والغرفه تدور فينيمن شدة الالم وﻻكاني اخذت الابرة تخيلو تميت على هالمعاناه لين الساعه 1 ونص الظهر ورجعت لي الدكتوره قالت لي يلا فطومه تحملي ماباقي شي اكيد الرحم فتح اكثر تخيلو كم كان فاتح 4 ونص بببببس !!!! من فوق 4 لي مانزلوني والعذاب اللي انا فيه تقول لي مافتح غير 4 ونص معقوله يوم قالت لي 4ونص تميت اصيح من قلبي قلت لها حرام عليكم بموووت ليش ماتحسون وهي تطالعني بحزن كاني كاسره خاطرها امسكت ايدي وكلمت امي قالت لهاﻻزم ادخلها عمليه الطلق مو ماشي معاها. وانا خليتها بالطلق ﻻن مابيها تولد قيضضري لكن خلاص مافي حل ثاني دخلت غرفة العمليات ودكتورتي طول الوقتتهدي فيني وتقرا علي طبعا دكتورتي هي نفسهاأللي راح تسويالجراحه عشان جي ماكنت خايفه وايد .. طبعا دخلوني العمليه الساعه 2 الظهر وجاني دكتور التخدير مره ثانيه وعطاني البنج النصفي ﻻن مثل ماتعرفون الابرة الاوله راح مفعولها وبدت اللحظة المرعبه وبدت العمليه وطول الوقت دكتور التخدير يسولف معاي عشان ينسيني ماخذت اكثر من عشر دقايق الاالدكتوره تقول لي فطومه اكي بنتج ياقلبي عليها تصيح وانا عيني دمعت بس مسكت نفسي ﻻن الدكتور صوبي استحيت هههه والساعه 2 ونص انا طالعه من العمليات الحمدلله. .. ودوني غرفة العناية وعلى طول اجوفزوجي جايني يركض ياقلبي عليه خايف علي مسك راسي حسيته راح يصيح من خوفه علي .. ابتسمت له وقلت له شفت البيبي ؟ قال انتي اهم من الببي بنشوفه مع بعض .. وتم معاي فالعنايه وهو طول الوقت ماسك ايدي .. بشش تعرفون شنو كان شعور يضايق ماكنت احس بجسمي بس احرك ايدي وراسي بس وقعدت اصيح وهو يهديني يقول كلها ساعتين وتتحركين وانا عارفه بس كان شعور يضااايق وبشش خلوني فالعناية نص ساعه عشان يطمنون علي ورجعوني غرفتي والحمدلله على كل حال