|
رجعت من موعدي اليوم وانا مكتابه :(
السلام عليكم ..
شخباركم خواتي .. اليوم الصبح رحت موعدي وقلت لدكتوره عن مشكلة انتفاخ القدم .. قاست لي الضغط طلع (150) وااايد مرتفع قالت لي هاي سبب الانتفاخ .. قالت لي اسوي تحليل بول وسوي سونار ورجعيلي اقيس الضغط مره ثانيه . المهم سوت التحليل وخلصت التلفزيون واذا تذكرون انا كانت عندي مشكله اللي هي المشيمه النازله قالت لي ان المشيمه رجعت مكانها الطبيعي .. بس للاسف فرحتي ماكلمت خلصت من مشكلة المشيمه وجاتني مشكلة الضغط رجعت عند الدكتوره وقاست ليالضغط مره ثانيه ولقته نزل وكان (131) قالت لي باجر الصبح ارجع لها وتشوف الضغط اذا كان مرتفع راح تعطيني طلق صناعي وتولدني واذا رجع طبيعي ﻻزم كل يومين اقيس ضغطي .. بنات نفسيتي وايد تعبانه تخيلو انا طول الوقت ساكته من الصدمه وماتكلمت وﻻكلمه .. بنات اللي اعرفه الضغط مب زين ويسبب موت الام او الجنين .. ساعدوني شنوو اسوي |
رد: رجعت من موعدي اليوم وانا مكتابه :(
الله يطمنك فطوومه وان شاءالله يرجع ضغطك طبيعي ويكون ارتفاعه بس عارض ويعدي
الله يقومنا بالسلامه حنا ونوناتنا يارب |
رد: رجعت من موعدي اليوم وانا مكتابه :(
الله يسمع منج حبيبتي
|
رد: رجعت من موعدي اليوم وانا مكتابه :(
لا تقلقين حبيبتي
يمكن انك تكثرين موالح .. هو السبب .. اختي كان مرتفع يوم ولادتها والحمدلله هي والنونو طيبين لاتحاتين وتحطين ببالك شي انتي توكلي على الله واستغفري وادعي وابعدي وساوس الشيطان الرجيم ثقتك خليها عاليه بربنا وربي يهونها عليك ويقويك وويسهلها عليك وييسر لك ولاتقولين مكتابه من الشيطان استعيذي بالله من الشيطان اكلي تمر وامشي نص ساعه واستغفري .. دعواتي ترافقك فطووومه |
رد: رجعت من موعدي اليوم وانا مكتابه :(
حبيبتي لا تخافي ان شاءالله مافيك الا العافيه
انتي ذحين بيدك تعدلي ظغطك خليك مرتآحه ورووقي اذكر قلتي تكثرري موالح وهذا شكله سبب لك ارتفاع الظغط انتي بس تعوذي من إبليس وفكري في الحلو الكتكوت اللـي جآي وكللله يهوون بعدها ربي يرزقنا الولادة السهله الميسسرة |
رد: رجعت من موعدي اليوم وانا مكتابه :(
قولي الحمدلله يمكن خيره لك
والضغط شي عادي مو بسم الله عليكم قالوا معاق او مشهوه الله يفرجلك لاتنسيني من دعواتك |
رد: رجعت من موعدي اليوم وانا مكتابه :(
حبيبتي عادي لاتخافي بس لاتكثري ملح ابداااااا ابدااااا
ولا حوامض لحد ماتولدين لان الارتفاع غلط علبكي وعالبيبي واشربي مااااي كتيرررررر |
رد: رجعت من موعدي اليوم وانا مكتابه :(
الله يهون عليك يا الغلا عندي زوجت حماي وزوجة خالي كان الضغط عندهم ضغط مرتفع وولدوهم في الشهر الثامن
ولا صابهم ولا صاب الجنين اي حاجه احمدي ربك على كل حال على الاقل انتي وصلتي التاسع هم الثامن والحمدلله مافيهم الا السلامه واطفالهن الان اعمارهم سنه وشوي |
رد: رجعت من موعدي اليوم وانا مكتابه :(
ماتشوفين شر ان شالله توكلي ع الله وخليك هاديه وابعدي عن الضغوطات والتوتر
لانه هويسبب ارتفاع الضغط وكمان ابعدين عن الاكل اللي فيه ملح وكثري استغفار واشربي ماء زمزم |
رد: رجعت من موعدي اليوم وانا مكتابه :(
ماتشوفين شر باذن الله
وكما قالوا الاخوات طمني بالك ولاتكثرين الوسواس والتفكير لانه بيزيد ارتفاعه تعوذي بالله من الشيطان وكثري الاستغفار خففي الموالح واكثري شرب الماء وارفعي رجلينك لفوق كلما انسدحتي ترى مشكلتك نفس الي مريت به في ابني ومع هذه التعليمات خلصت التاسع وولدت طبيعي ولاصاربي او بالجنين شئ |
رد: رجعت من موعدي اليوم وانا مكتابه :(
حبيبتي أنا بولدي الأول لمارحت وأنا بنهاية السادس كان مرتفع وعطتني طلق وولدت بالسلامه والحمد لله وكاني جبت الثاني وبجيب الثالث ههههههه
تعوذي من إبليس ترا التفكير يرفع الضغط أكثر |
رد: رجعت من موعدي اليوم وانا مكتابه :(
ماتشوفي شر وان شاء الله مشكله بسيطه
يمكن كثرتي موالح واذا نزل معناه انك قللتي اكل خليك وسط ولاتخافي من الخوف يمكن يجيك هبوط بالضغط |
رد: رجعت من موعدي اليوم وانا مكتابه :(
بنهاية التاسع عفواhwaml02
|
رد: رجعت من موعدي اليوم وانا مكتابه :(
تسلمووون خواتي ..
ريحتوني شوي وانا احاول اني ماكثر ملح واحاول اكثر شرب الماي قاعده اسوي اللي علي والباقي على الله .. انتو بس ادعولي الله يسهلها علي ويقومني بالسلامه انا والبيبي ﻻني مشتااقه اشوفه بين حضني .. يارب يقر عيني وعين ابوها بشوفتها يارب .. ماقصروتوا حبايبي |
رد: رجعت من موعدي اليوم وانا مكتابه :(
ربي يبعد عنك كل شر وتولدي بالسلامه
|
رد: رجعت من موعدي اليوم وانا مكتابه :(
حبيبتي توكلي على الله
ومارح يصير الا الي ربنا كاتبو النا ويارب بكرة تفحصي ضغطك ويكون تمام وماتحتاجي لطلق صناعي الله يهونها عليكي وتقومي بسلامة ابقي طمنينا |
رد: رجعت من موعدي اليوم وانا مكتابه :(
الله يشفيك يارب ولاتكثري هم علشان لايرتفع أكثر واعرفي ان الضغط يرتفع وينزل لاتشيلي هم صديقتي راحت تولد وهي اساسا مش عارفه ان عندها ضغط مرتفع وبعدين ضبطوه لها وولدت بالسلامة خليها على الله وقللي ملح ولاتشربي بن ،نسكافيه ترفع الضغط والموالح كمان وتشوفي طفلك بأحسن حال معك وانتي كمان يارب
|
رد: رجعت من موعدي اليوم وانا مكتابه :(
تسلمون حبيباتي ..
اليوم رحت الصبح وقاست لي الضغطوكان طبيعي .. وقالت لي كل يومين اقيسه واذا ارتفع مره ثانيه ارجع لها وتولدني بطلق صناعي .. قلت لها ولديني ﻻن اخاف يترفع وينزل مره ثانيه بس مارضت قالت ليﻻتستعيلين دام مافيج شي اليوم انطري اسبوع نشوف شنو يصير يمكن مايرتفع ضغطج وتقدرين تكملين .. وانشاءالله مايرجع يرتفع يارب .. |
رد: رجعت من موعدي اليوم وانا مكتابه :(
ربي معلك ويفك ضيقتك كثري من اﻷستغفار يا أختي
|
رد: رجعت من موعدي اليوم وانا مكتابه :(
حبيبتي اتمنى تاخذين نصيحتي انتي داخلة شهرك التاسع والضغط غدار على دقيقة حبي الف سلامة عليج اني مثل حالتج بحملي السابق واتهاونت وكلت انتظر واتبهرزت عن الدهن والموالح ورحت لموعدي للعملية واذا بالطفلة ميتة حبي ربي يسهل امرج بس امشي بكلام الدكتورة افضل لان هم ادرى بالحال وربي يفرحك بشوفة طفلك بخير وسلامة وعلى كل حامل ولاتنسيني بالدعاءء ربي يكمل حملي على خير
|
رد: رجعت من موعدي اليوم وانا مكتابه :(
مشكورين خواتي ع مروركم ..
ميوسه العراق بالعكس حبيبتي انا وايد خايفه ومستحيل اطنش الموضوع خفتت ملح وكله اشرب ماي والحمدلله اليوم طمنتني ونصحتني اتم كم يوم وجوف الوضع اشلون ﻻن قالت لي ممكن كنتي ذاك اليوم تعبانه ومرهقه .. وكل يومين بقيس الضغط وانشاءالله الامور تكون طيبعه لين ماولد .. وبالنسبه للبيبي انا اعرف اعرف اضرار الضغط عشان جي احسب لها حركاتها والحمدلله حركتها جيده .. والله يسهل علي وعليج وعلى كلالخوات ونقوم بالسلامه وتقر عينى بشوفت مواليدنا .. |
رد: رجعت من موعدي اليوم وانا مكتابه :(
عسى ربي يسهلها ولا تفكرين غلاتي خلك مروقه وكثري مشي وبعدي عن الموالح والاحماض
|
رد: رجعت من موعدي اليوم وانا مكتابه :(
الله ييسر حملك على خير اختي
|
رد: رجعت من موعدي اليوم وانا مكتابه :(
تسلمون حبايبي ..
|
| الساعة الآن 09:38 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .