تحليل البول مره إيجابي ومره سلبي
 

والله ع أعصابي وخايفة حللت بول 6 يوم قبل الدورة اعطاني بالليل حمل والبصبح حللت بنفس الجهاز مرتين يعني جهازين ما اعطاني حمل نوعيتو زبالة جبت نوع اصلي من إلي دايما بحلل فية ع طول أول 7 دقايق الخط التاني كان واضح إنو في حمل إلي هو اليوم الخامس قبل الدورة وهلا باقي يومين وإمبارح حللت بالجهاز الزبالة لإنو عندي كان كمية ومو باقي غير واحد وما وما اعطاني حمل ووصيت زوجي يجيبلي نفس النوع الأول احلل لو خطيين ع طول موعدي الويوم مع المختبر مش مسترجية أروح غير أشوف الخطين زي كل حمل بعرف قبل الدورة بيومين إني حامل الحمد لله بس بجهض وزوجي إمبارح كنت قاعدة بالليل جنبو طلعلي شي بجنب بطني نكستو نزل دم يعني حبة صغيرة طلبت منو فاينة مسحتها وقلتلو غجتني الدورة ما صدق وريتو الفاين عليها نقط دم وهذا شافها وقال والله غجتك ويا حرام تحطم نفسيتو وحاول ما يبيلي ورجع لف وجهو كان قاعد ع الاب توب ورجعت قلتلو بمزح معك بس سميت بدني قال ليش قلتلو إذا طلعت مو حامل بتحسسني إنو عادي وهيك نسم بدنك بس قتلك الدورة إجت يعني مو فارقة معي ما اطلع حامل ع قد ما فارق زعلك

رد: تحليل البول مره إيجابي ومره سلبي
 

أنا مره صارت معي أعطاني جهاز حامل ومجهاز لا ونفس النوع الحامل رجعت عديت فية واعطاني حامل وفعلا حامل بس هاي المره مجهضة حمل من 26 يوم وخايفة يكون هرمون سابق بس أنا حللت بعد الإجهاض بإسبوع مل وكمان إسبوع حمل وبعد 4 أيام مو حامل وبعدها ب4 أيام حامل والدكتور قال بروحالهرمون بعد إسبوعين والله خايفة يكون الحمل السابق مشان هيك شاكة راح تفتح الصيدلية بعد ربع ساعة مشان زوجي يروح يجيبلي جهاز ي رب خايفة

رد: تحليل البول مره إيجابي ومره سلبي
 

حللى وطمنينااااا

بدي اسالك انتى من وين ؟؟؟؟؟؟

رد: تحليل البول مره إيجابي ومره سلبي
 

الأردن عايشة

رد: تحليل البول مره إيجابي ومره سلبي
 

انا بصراحة مش فاهمة شي

يعنى انتى هلا مجهضة ولا متاخرة دورتك؟؟؟

رد: تحليل البول مره إيجابي ومره سلبي
 

حبيبتي حللي دم وريحي راسك بدل ما اتضلك تحللي بول كل يوم الدم اضمنلك
وانشالله تكوني حامل وتبشرينا

رد: تحليل البول مره إيجابي ومره سلبي
 

انا مجهضة من 26 يوم حمل وقف النمو بالإسبوع السادس والسابع ونزلتو بالإسبوع الثامن يعني شهرين كان ببطني وهلا بحلل بتحاليل نوعية أخوي جابها من مصنع إشتغل فية زبالة اعطاني حمل ومره مو حمل وبس حللت بالنوع الكويس اعطاني حمل وهلا رنيت ع سلفي مشان يجيبلي جهاز المحترم زوجي نايم وانا بدي أفوت الحمام مش قادرة أتحمل وكمان مش عارفة انام منالقلق مشان المفروض أروح أحلل دم رقمي بس بقعد ساعتين ولو مش متاكدة من الحمل بالبول راح ينشف دمي بهالساعتين وكإنهم آخر شي بعمري الإنتظار صعب

رد: تحليل البول مره إيجابي ومره سلبي
 

أنا اقول حبيبتي تحللي دم هرموني احسن ()
انا بالاول ماكنت اعرف واجهضته ابن شهرين تقريبا
والسبب التحاليل المنزلية ماعمرها زبطت معي وغلط بالمخبر لانهم ماعطو الدكتور النتيجة
على طول قالو مش حامل
الله يسامح الجميع
فأنا اقول لك روحي لمختبر مضمون وحللي هرموني وكلها ساعتين ويطلع بدال نشفان الدم :"
وحاسة فيك والله يارب تبشريني ()

رد: تحليل البول مره إيجابي ومره سلبي
 

إنشاء الله المحترم صحي بس يفطر بيطلع يجيبلي تحليل بحلل ولو خطين ع طول بروح والله الجو نار برى حر موت وغر هيك ما بدي ما أطلع حامل وتسم بدني صاحبة المختبر مشان هي بتقولي آآجل الحمل لإنو 3 مرات أجهضت بس أنا حرة وزوجي حر وبنا طفل وربنا الحافظ

رد: تحليل البول مره إيجابي ومره سلبي
 

ياااااااااا رب تكوني حامل يا رب

اول ما تحللي خبرينا انا لما حللت بول 3 مرات كل مرة من شركة غير والثلاثة طلعلي فيها خطين
احيانا بتكون الاجهزة خربانة

ربنا يحفظك وتكوني حامل

رد: تحليل البول مره إيجابي ومره سلبي
 

يسعد صباحك كيفك ان شاء الله تكوني حامل
عفكرة انا من الاردن hwaml23

رد: تحليل البول مره إيجابي ومره سلبي
 

صبايا جابلي الجهاز واعطاني اول دقيقة دقيقتين خط خفيف بس مو مثل نفس النوع المرهالماضية بعد 7 دقايق بلش يبين هذا بين من اول دقيقتين وصار واضح ع 7 بس مو كثير كثير حتى نديت زوجي وكنت بنفس اللحظة فاحصة من الجهاز إلي نوعو زبالة وما اعطاني شي وناديتو وسألتو وين شايف خطين طبعا دقق ومش عارفة مين الأحسن وأختار الأحسن قال هذا فية خطين وهذا لا الحمد لله وانا هلا هلا بالمختبر وأخذو عينة دم وبتطلعالنتيجة ع الساعة 2 الظهر كمان ساعتين وهههههههههههههههه قاعدة ولاب توب بحضني مشان أخبركو كل شي والله ع أعصاب أعصابي أمانة تدعولي امانة

رد: تحليل البول مره إيجابي ومره سلبي
 

قصدي نفس النوع إلي أعطاني حمل جابو اليوم بدل ما يطلع بعد 7 دقايق طلع بعد دقيقتين هيك قصدي

رد: تحليل البول مره إيجابي ومره سلبي
 

وهلا بطلع بالجهاز مش شايفة غير خط حموت قهر

رد: تحليل البول مره إيجابي ومره سلبي
 

مش حابة أشوف الساعة آخ يارب يارحيم ترزقني وترزق كل محرومة بهالحظة مشتية الظنا يا كريم

رد: تحليل البول مره إيجابي ومره سلبي
 

الله يرزقك ياكريم ويفرحك


طمنينا عاد

رد: تحليل البول مره إيجابي ومره سلبي
 

يا رب اطمن عليكي قبل ما تقطع الكهربا


و انا بطمنكو عن حالي المغرب اذا شغلنا المطور لانو الساعة 2 بتقطع كالعادة

رد: تحليل البول مره إيجابي ومره سلبي
 

بنات طلعت النتيجة وما في حمل خيرها بغيرها وقالتلي اعطاكي خطين من كثر الادوية إلي انا بأخذها انشاء الله بطلع برومضان حامل وأبشركو وهلا بستنى بالدورة وحياها الله يالله بكون جسمي أرتاح

رد: تحليل البول مره إيجابي ومره سلبي
 

الله يعوضك ويعوضني خير ياارب

رد: تحليل البول مره إيجابي ومره سلبي
 

الله يعوضك ويرزقك الذريه الصالحه

رد: تحليل البول مره إيجابي ومره سلبي
 

الله يعوضك ويرزقك الذريه الصالحه

رد: تحليل البول مره إيجابي ومره سلبي
 

الله يعوض عليكي ويرزقك يا كريم

رد: تحليل البول مره إيجابي ومره سلبي
 

حبيبتي ربي يكرمك ويكرمنا يارب
ربي يعوض عليكي يارب ويعوضنا

رد: تحليل البول مره إيجابي ومره سلبي
 

بنات خلص نزلت الدورة وقبل بيوم كمان الله كريم والله بعوض الله كريم

رد: تحليل البول مره إيجابي ومره سلبي
 

يابنات تكفون ساعدوني
دورتي شهرين كلها يوم 17 الشهر الي فات جاتني يوم 13
حللت قبل اسبوع طلع معاي خطين وردي واضح وبعدها احلل يطلع سلبي وحللت دم طلع سلبي
بس احس شد في اخر بطني والم في جوانب الصدر والدورة لس ما جاتني
افيدوني ما عندي خبره في الحمل عروسه
جزاكم الله خير