ساااااااعدوووووني رجاء "اولى سنه زواج"
 

السلام عليكم ورحمة الله وبركاته

كيفكم عزيزاتي ...؟؟؟
أنا عضوة جديدة معاكم وحبيت أقلكم كل عام وانتو بخيربمناسبه هذا الشهر الفضيل

بدخل في الموضوع على طول
أنا اولى سنه زواج وقبل شهرين أتأخرت عليا الدورة لمده 14 يوم وخلال هذا الوقت في اليوم الرابع من تأخر الدورة عملت تحليل منزلي وطلع سالب قلت خليني استنى لي كم يوم واعمل تحيلي دم وتقريبا في اليوم العاشر من تاخر الدورة عملت تحليل الدم وكنت متحمسه للنتيجة hwaml7 ههههههههه لأنو اول مرة تتأخر عليا دا الوقت كلو وطلعت النتيجة سلبي اول اسبوع من تأخر الدورة ما حسيت بألام لكن الاسبوع الثاني ألام تروح وتجي
وفي اليوم الـ 13 من تأخر الدورة لعبت بالدباب في البر وليلتها في البيت حسيت بألم فضييييع واليوم اللي بعده حصل ما يحصل بين الزوجين وبعدها بساعه نزلت الدورة وكان الام شديييد لمده يومين واستمرت معايا الدورة نفس المده اللي لما كنت بنت
مدري يعني ممكن كان حمل ونزل :(
بصراحه وقتها كان نفسي اروح لدكتورة بس خايفة ومستحيه مررررررررة

المهم

الشهر اللي بعده جاتني الدورة متقدمه بيومين

وهذا الشهر الدورة متأخرة لمدة أسبوع واحس بألم في صدري واسفل ظهري يروح ويجي وساعات احس كأنها نزلت الدورة واروح الحمام "الله يكرمكم" لكن ما في شي خلال هذا الاسبوع تنزل منى افرازات على شكل خيوط لونها مايل للاخضربس تكون قليييله جدا
هل تكون لااااا سمح الله التهابات ....؟؟؟ وهل اذا كانت كذلك احس بحكة من تحت .....؟؟؟ <<< ما تحس بحكة بس تبغى تتأكد



عندي سؤال بخصوص اختبار الحمل المنزلي
سمعت انه في الصباح يعني لازم اكون نايمة بالليل واصحى الصباح واعملة ...؟؟ <<< مدري من فين سمعت المعلومه ...!!!!
ولا عادي حتى لو كنت سهرانه ....؟؟؟؟


الله يجزاكم الجنه تساعدوني hwaml7
وسامحوني طولت عليكم

رد: ساااااااعدوووووني رجاء "اولى سنه زواج"
 

اختى اسال الله ان يرزقني واياك الذريه الصالحه
ماحبيت ادخل موضوعك من غير ماارد عليك بارك الله فيك

رد: ساااااااعدوووووني رجاء "اولى سنه زواج"
 

الله واعلم انك حامل
لان انا صار معاي كذا الم في اسفل الظهر والم في الصدر وتحسي الصدر ثقيل شوي
لكن انتبهي لنفسك ولا تتحركي كثير ولا تشيلي شي ثقيل
وسوي تحليل منزلي الصباح او لما تصحي من النوم
وبرضوا مو كل الحريم تطلع يضبط معاهم التحليل المنزلي
الله يوفقك ويعطكي الطفل اللي تقري عينك فيه

رد: ساااااااعدوووووني رجاء "اولى سنه زواج"
 

الله يرزقك ياعسل بالذريه الصالحه في هاذا الشهر يارب ولاتفكري بالموضوع كثيييييييير لانه له تاثير على الحمل
اما بخصوص التحليل المنزلي فيه انواع رخيصه ابو10ريال لازم بالصباح اول ماتصحي
وفيه انواع اغلى منه في اي وقت عادي.

رد: ساااااااعدوووووني رجاء "اولى سنه زواج"
 

ربي يسعدك "بسمة فرح" ولله يعطيك العافيه يااااارب والله يسمع منك


"همي رضا ربي " ياااارب الله يسمع منك
يعني لازم لما اعمل التحاليل اكون صاحية من النوم في الصباح ...؟؟
هذه الايام صعبه تعرفي سهرانين في رمضان


نسيت اقولكم انو لما اصحى من النوم احس بطني متحجرة

دوبي عملت تحليل الكلوركس ما لا حظت فوران كثير بسيييييييييط جدا ولما امسك الكيس من تحت تطلع فقاقيع زي السفن .... ما ادري شو يعني ...؟؟

رد: ساااااااعدوووووني رجاء "اولى سنه زواج"
 

اختي "مشتـــاقهـ لكـ " آميييييييييييييييييين يا عسل الله يسمع منك يـــــارب ويرزق جميع المسلمات الذريه الصالحة
من جد التفكير يأثر ...!!!!! أجل خلاص ببطل تفكير هههههههه
انا اللي عندي ابو 10 ريال اجل راح احاول اتسحر بدري بكرا او بعده وانام ولما اصحى اعملة و يااااارب تكون خطين ^_^ hwaml7

رد: ساااااااعدوووووني رجاء "اولى سنه زواج"
 

اختي بارك الله فيك تحليل الكلور كلام فاضي صدقيني
قبل كم شهر اعطاني النتيجه ايجابيه وحللت دم وطلع سلبي
وبعدها بكم يوم جات الدوره
واسال الله ان يرزقني واياك والمسلمات بالذريه الصالحه
انه على كل شئ قدير

رد: ساااااااعدوووووني رجاء "اولى سنه زواج"
 

انا اللي عندي ابو 10 ريال اجل راح احاول اتسحر بدري بكرا او بعده وانام ولما اصحى اعملة و يااااارب تكون خطين ^_^ hwaml7[/QUOTE]
ايه ياشطوره هذا الحل تمام ويارب يكون خطين طمنينا
بس احكايه التفكير من جد انا مجربتها كل شهر لواحس بشئ حتى قبل موعد الدوره على طول تحليل ويطلع سلبي وانصدم الى حد ماطفشت وقلت خلاص وكلتها على الله وسبحان الله بنفس الشهر اللي حملت فيه ماتوقعت اني حامل حتى فكرت انزلها بالاعشاب بس تكاسلت لان اعراض الحمل بالضبط نفس الدوره بس بيكون صدرك ثقيل حييييل والله يكرمك ريحه البول تلوع الكبد نفاذه مرررره وبس ههههه

رد: ساااااااعدوووووني رجاء "اولى سنه زواج"
 

هلا فيك اختي

وكل عام وانتي بخير

بالنسبه للسؤال الاول

انو يمكن حمل ونزل

مأظن لان الاغلب ان الوحده ينزل عليها قطعه مثل اللحمه

*******************

وبالنسبه للاستفسار الثاني

اذا في افرازات خضرا

هاذا الاغلب نتيجه التهابات

خصوصا لو كانت لها ريحه وحكه

بس انتي قلتي مافي حكه

الافضل لو استمر معاكي تروحي عند دكتوره تشوفك

********************

اما الاستفسار الثالث

اول مره اسمع هالمعلومه

ومأظنها صحيحه


******************

والله يرزقك الحمل يأمووره

>>> مدري ليش احس عمرك 18 وحواليها

رد: ساااااااعدوووووني رجاء "اولى سنه زواج"
 

الله يرزقك الذرية الصالحة حبيبتي
برأيي انك لا تجهدي نفسك وتستني لليوم ال 15 من غياب الدورة وبعدين تعملي التحليل لمنزلي اول ما تصحي من النوم بيكون تركيز البول اعلى
والافضل كمان انه باليوم العاشر لغياب الدورة تعملي تحليل دم لتطمني على حالك
وديري بالك حتى لو ما كنتي حامل ما بيسوى تجهدي نفسك بأيام الدورة

رد: ساااااااعدوووووني رجاء "اولى سنه زواج"
 

في تحليل اسمه

بريجنسي تيست

مو شرط اول ماتصحي الصباح

ومجرررررررررررررب وعن ثقة
لو في حمل بيبين

انا اقولك لان عندي بنت خالتي تبارك الرحمن

عملته قبل اسبوع
من نزول الدورة وتقولي كنت حاسة باعراض الحمل
وخصوصا الام الدورة
جابت هالتحليل
وعملته بالمسا تاني يوم رمضان
وتقولي كانت شاربة سوايل
وعادي قالها الصيدلي اي وقت يصير
وفعلا طلعلها خط تاني خفيف ع طول
صبرت يومين وعملت تحليل دم وطلع موجب ربي يرزقك الحمل السليم يارب


بالنسبة للافرازات الخضرا دليل التهاب
الافرازات مهما كانت كثافتها خصوصا قبل الدورة
او تكون شفافة وزي بياض البيض وانت بفترة التبويض
دائما لونها يكون شفاف بدون لون
ولا ريحة هي معروف لون الافرازات الطبيعي سواء قلت ام كثفت

رد: ساااااااعدوووووني رجاء "اولى سنه زواج"
 

آسفه انشغلت شوية عشان كدا ما رديت

يسلمووووو عزيزاتي على ردودكم

أمس عملت تحليل دم وطلع سالب .. ...hwaml80

وبطني مره صار يعورني واليومين اللي فاتت ما اكل كثير لقمتين واشبع تخيلوا بس اكل بس وقت الفطور وعليها اللين السحور

المهم قلت لزوجي وديني للدكتورة ورحت لها قالت لي اشاء انا ما احسب انها تأثر على الحمل ...!!!<<<< والله ما أعرف شي خخخخخخ الله يعين بس
الحديد عندي 9 :( ومعايا امساك " الله يكرمكم " قالت لازم تعالجي المشكلتين عشان صحتك . وقالت الحديد ناقص ممكن يتأخرالحمل لو ما عالجتي المشكلة ...!!

المهم العلاجات اللي اعطتني هيا غسول بروبازين قالت لي حطية في موية دافيه واجلسي فيه بس نسيت أسئلها لو كنت حامل راح يأثر على الحمل ..!!؟؟
وللامساك دوا بيني فايبر هوا الياف طبيعية زي العصير
ولنقص الحديد هيب ناتال
وقالت لي تعالي المراجعة الاسبوع الجاي عشان اكشف عليكي من تحت ..!!!!<<<< انا هاااااااااع بدينا في قله الحيا hwaml15 hwaml5

سؤالي
هل الغسول يأثر على الحمل اذا كنت حامل ولا شو...؟؟!
بصراحة انا ما استخدمته خفت قلت استشيركم بالاول لانه عندكم خبرة ما شاء الله وإن شاءالله ما راح تقصروا معايا
ومين حللت دم في اليوم العاشر من تأخر الدورة وبعدين طلعت حامل ..؟؟؟hwaml7


جزاكم الله كل خير ولا حرمكم الأجر

رد: ساااااااعدوووووني رجاء "اولى سنه زواج"
 

حبيبتى ربى يرزقك ما تتمنين عاجلاً وليس آ جلاً
بالنسبه لتحليل الحمل مش لازم تصحى بدرى بس المهم تسوينه اول ما تصحى من النوم وما تكونى اكلتى ولا شربتى شىء لان تركيز البول بعد الاستيقاظ بيساعد فى منع اى ملابسات فى تحليل الحمل المنزلى
والافرازات لازم تشوفى دكتورة وهى تفيدك وما تستحى (لاحياء فى المرض)ربى يحميكى من كل شر
بس انا من رأيى انه لو مومبين حمل بيكون عندك اضطرابات فى االهرمونات نتيجة الزواج (اقصد تأخر الدورة الشهرية وجيتها قبل موعدها كله بسبب الهرموانات اللى بيفرزها جسمك نتيجة الزواج)
وما تستعجلى انتى توك اول سنه زواج وان شاء الله ربى يرزقك ما تتمنين وتبشرينا
(بس لا تنسينـــــــا)