|
زوجه حماي قليله ادب
سلام عليكم
انا احس اني بنفجر زوجه حماي قليله ادب وش اسوي اقولكم الموقف اخت زوجي اللي هي حماتي كانت جايبه كيس فيه هدايا لها وبتورينا اياها عاد هي قامت بتجيب شي وتركت الكيس وكانت جنب الكيس زوجه حماي وزوجي كان بيفتح الكيس ويشوف داخله هي وش سوت الكلبه قامت ضربت يدينه بيدينه انا انصعقت لمن شفتها تسوي هالحركه وبعدين رسلت لزوجي واتساب قلت له قوم نطلع وجلسنا ندور بالسياره قلت له بسالك سؤال قالي تفضلي قلت له مرت اخوك اللي سوته غلط صح ولا لا قال ايه قمت اهاوشه قلت له بكلمها عشان ماتسويها مره ثانيه قعد يهاوشني قالي لاتكلمينها هي اول مره تسويها ومراح تعيدها وانا بتجنب هالشيء قلت له طيب كلمها انت وقولها عيب اللي سويتيه مارضا جلس يهاوش فيني يقولي انتي بتفتحين لش باب حق نشاكل وانتي وانتي المشكله ماقدر اتكلم علاقتي في اهل زوجي رسميه واجد واخوانها 2 ماخذين خوات زوجي وغير كذا هم عيال عم يعني لو تكلمت كلهم ع قلب واحد وبيقومون علي وهي مره سوت له سلطه قالت له انا مسويتها عشانك قالها يابعد شبدي وحس انه غلط وماكملها او كملها وخفض صوته صج يقهر وش الحل لحد الحين مقهوره وبعد كم يوم بنروح عمره بيجون خواته واهي بعد صج منقهره قلت والله عليكم الحرام من كثر ماهاوشني احس تغيرت نظرتي فيهم احس اهل زوجي قليلين ادب واجد وزوجي قاهرني كله لزقه اهله ومرت اخوه تعبت زوجي يسوي لي اشياء تنرفزني بس والله انه ربي ماخذ حقي منه وكل ماسوا شي الله مو موفقه ويجلس يتضايق انا اخفف عليه واقوله يمكن خيره بس في قلبي اقول هذا بدال مايقهرني الله مو موفقك ودي اقوله انه محل مايسوي فيني انه الله موموفقه في كل شي بس اسكت ولا اقوله ماعندي احد اقوله مابي اشوه سمعت اهله فكتبت هنا حسبي الله ونعم الوكيل |
رد: زوجه حماي قليله ادب
هلا حبيبتي ... والله عارفه وحاسه فيك ... هالشي غصب عنك يقهرك .... بس خلي زوجك يتجنبها وويتجنب ا الحديث معها ..... وحاولي انك تخففين من زياراتك لهم ادا في مشاكل ....اووو في جرئه غير معتاده من زوجة حماك ..... موفقه ....
|
رد: زوجه حماي قليله ادب
ممكن ميانه زايده على اساس عيال عم ومتربين سوى ..
بس برضو هي ما تستحي تراااااا .. وصدقتي لو كبرتي السالفه وتناقشتي فيها بيقومون عليك عيال عم وقرايب وانساب يعني مرة علاقتهم قوية .. خففي زيارات لهم ولا تبين لحد ضيقتك اببببببببببببببد اببببببببببببببد والله يكون في عونك |
رد: زوجه حماي قليله ادب
حبيبتي حتى زوجك غلطان ياعني انشوف في الجلسه مع مرت اخوه مالها داعي وعيب كمان انا اسلافي كلهم ماخدين قاريباتهم وانا قريبتهم كمان بس عمرنا ماجلسنا مع بعض وثقلنا مزح حتى زوجي لما يدخل لحجرة جالسين فيها يدق الباب ويدخل ع السريع وعلاقتنا كلها احترام ومافي مشاكل
المشكله انواللي جايه فيها منفتحين ولو تكلمتي حيطلعوك غلطانه و على قولتك اخوان سلفتك ماخدين خواتهم ياعني اي كلمه حتقوم قيامتك ننصحك تتجنبيها وتخلي جوزك كمان يتجنبها وحاوليو تكونو رسميين في التعامل معها كانها ضيفه حتى لو كانت ثقيله واحسن شي هما مو عايشين معكم ولو يوم ويومين وحتى اسبوع اتحمليه يفوت انشاالله |
رد: زوجه حماي قليله ادب
اي اهي جريئه واااااجد وهي مرت اخوه الكبير وصار لها متزوجه اكثر من 10 سنين
هم مايتغطون عن بعض بس حجاب وعبايه كتف والله انا ماودي اروح بيت اهله بس اهو زوجي لزقه في اهله واذا مارضيت اروح يهاوشني واي مكان بيروح لازم يشاورهم وانا مايشاورني حتى هاوشته قلت لها انت ماتشاورني لافي سفره ولا في طلعه كله يشاور خواته ومره اخوه حتى زعلت عليه وقلت له عمره ماني رايحه لانهم بيجون معانا قهرني وساعات ودي ادعي عليهم من القهر حتي اهو ادعي عليه ساعات لانه يقهرني وهي بعد مرت اخوه بتجي ولا مره مدحني بطباخي او باي شي قدام اهله ومره اخوه كله يمدحها صج انا بمووووت قهر |
رد: زوجه حماي قليله ادب
والله مابي اروح العمره
خله يروح وياهم بس والله انه بتجيله الضيقه وياهم .... خله والله ربي بياخذ حقي منهم بجلس مع ولدي ولا اني برايحه حتى لو مارحت بيت اهله اهو بيروح لهم وانا عندي شقه بس ماشوفه الا الخميس والجمعه وكل هاليومين يروح بيت اهله احس ماعندي خصوصيه حتى مرت اخوه ماتستحي تقوله طلعنا ومدري ايش انا وش ذنبي كلها يومين الا اشوفه ولا اتهنى فيهم معاه لازم تنكيد من اهله تعبت وياه والله العظيم حتى لو اخوانها موجودين ماتقولهم يطلعونها تجي تتلزقرفي زوجي هي وخواته اللي ماخذينهم اخوانها انا خلاص تعب قلبي احس مشاعري تجمدت احس بيجي يوم وبكرهه وبتركه |
رد: زوجه حماي قليله ادب
الله يفرج همك يارب
|
رد: زوجه حماي قليله ادب
الله يفرج همك
وبعدين مو حرام ماتخاف من الله وغريبه الرجال مافيه غيره على بعض ذكريه بالله وان الي يسويه حرام لاحولا ولاقوه الا بالله |
رد: زوجه حماي قليله ادب
اسمعيني حبيبتي العيب الكبير علي زوجج هو غلطان هو اللي بيده كل شي الرجال لو عمل هالحركات قدامج او من وراج معنتها مايحترم الزوجة.. تكلمي معاه هذا زوجج وبيصير بو عيالج لاتستحين . فهميه كله الا كرامتج والمفروض هو اللي يزعل عشانج. هي ماتستحي ع ويها خليها تولي انتي تفهنمي مع زوجج ان كل شي له حدود وانج ماتقبلين هالميانه لانها مب اخته واذا مايعرف يحترمج قدامهم ويخليهم يحترمونج قوليله بقعد في بيتي. وادري انج بتقولي بيهاوشني وتصير مشاكل بس خذيها كلمه عوار ساعة ولا عوار كل ساعة يعني مشاكل شوي وبتتصالحون ولا انج كل ماتروحين تتكدرين والله يهديه لج يارب
|
رد: زوجه حماي قليله ادب
اول شي بتروحين معهم العمره وانتي تضحكين
لان المواضيع اللي مثل كذا الانسحاب فيها مو طيب ولانك بتكونين على اعصابك واذا رجع بدال ماتستقبلينه بفرحه بتكونين زعلانه ماتدرين وش سوى ؟؟ بما ان عاداتكم تجلسون سوى وكذا الا ماتصير مجاملات انا مااشوف زوجك غلطان هي الوقحه ومدري شلون تفكر طبعا مو الحل تطلعين انتي الزعوله الغيورة الحنانه لانه مستحيل مايجاملها لكن لو انا مكانك كل مااروح لهم اكون 10 على 10 وحاولي تكونين قريبه من زوجك وتراضينه قبل لا تروحون لهم عشان يكون مبسوط منك اذا شافتكم مبسوووطين بتنقههههر اقهريها والبسي وحطي وقولي زوجي جاب لي الشي الفلاني زوجك بيرتاح من الزعل وهي بتنقهر فلاتكلمينه وخلي كل تصرفاتك معها هي ... والله يسخركم لبعض |
رد: زوجه حماي قليله ادب
الله يعينك ويسهل أمرك وويبعد حركاتها البايخه عنكم الثقل مطلوب بين اخت وأخته كيف بين رجل ومرت اخوه سؤال وين زوجها عنها ذي وكلشئ له حدوود يمكن لو اخوه عمل هالحركات معك او انتي سويتها مع اخوه يمكن مارضاها مااقدر الا ادعي لك الله يسخره لك
|
رد: زوجه حماي قليله ادب
حبيبتي والله اكبر غلط انك تتكلمين مع زوجك وتقولين اللي عملته صح او لا
ليش لانك بهالطريقه راح تفتحين عيون زوجك عليها اكثر ويبداء يدقق بالفعل لحركاتها لانه هو مخذ الشغله قرابه وميانه وراح ينسى اللي صار ولكن بكثره زعلك وتبينين كرهك لها راح تلفتين عيون زوجك عليها اكثر فالمفروض انك ماتبينين هالشي ولكن المشكله ماهي فيك ولا فيها ولا في زوجك المشكله بالعادات اللي عندكم وهو الانفتاح بالعائله لان الرسول قاله الحمو المووووووووووووووت سواء بالحرمه او الرجل وبعض الحريم اذا كرهت سلفتها تنتقم منها بهذي الحركات ولكن خليك ذكيه وقدمي لزوجك ثقتك فيه واكتفي بنظراتك له بدون ان تتكلمين لانك انتي بالاخير الخسررررررررررررررررررررررررررانه في هالمشكله مع ان الحق معاك ولك الحق بأن تغاري على زوجك وعاملي سلفتك انها بحركاتها لم تهز منك شعره هذا اذا كانت تقصد اغاضتك فأنتي خليك رلاكس وماتبني الكره ابدا لان هذا اللي هي تبغاه وروحي العمره وخليك قريبه من زوجك ولاتبينين لاحد انك متضايقه ابدا بالعكس خليك قلبا وقالبا معاهم وتظاهري بأنك مبسوطه والله يسعدك ان شاء الله ويصلح الحال موفقه ان شاء الله وعمره مقبوله بأذن لله :) |
رد: زوجه حماي قليله ادب
روحي عمره واذا سوت شي غير لائق تكلمي عليها علشان تستحي على وجهها
|
رد: زوجه حماي قليله ادب
هلا حبيبتي هذا المشكله طحت فيها وعانيت لسنتين والحمد لله الله فرجها لي بس الفارق بينا انه زوجها متدخل وكله بسب العادات واعتبار الامر طبيعي وطبعا مااعفي زوجي لانه المفروض مايعطيها وجهه لكن هالشي بنظرهم طبيعي بامر العادات وقبل لااتزوج انا ف ايش سويت كلمته لكن حسيت انه ماكان المفروض اكلمه لانه انتبه اكثر لحركاتها واتخذت قرار بالسكوت وقمت ادعي ربي وانا قلبي محترق وابكي دم وتعرفي ايش صار طلع زوجها غيران ومامبين وفكر انه يعالج الخطا بالخطا ويضرب عصفورين بحجر فلاحظت الريال يسوي لي حركات ويحاول يلفت نظري خاصا بوجودها وانا احس كانك كبيتي ماي بارد علي وكنت اخاف واتوتر لانه خطا اللي يصير وصدق الحمو الموت فانا كنت مااعيره اي اهتمام وكنت ابين اني غبيه وماشفت شي لكن المواقف اللي تحتاج رده فعل اسوي رده فعل قد الموقف وطبعا هي الغيره عمتها اتشوف زوجها عينه عليي بس ماتشوف ردات فعلي لانه كلا يشوف بعين طبعا وظليت فتره ع هالحال لين ماربك هداها وصرت اكلم زوجي عن مواقف تصير ف حياتنا خطا بس اتعودنا عليها مثل جلسه بنات الاهل مع الاولاد بس ابدا مااجيب طاريها ويكون موضوع منفصل عنها وعنه والحمد لله حماي صار يحترمني اكثر من قبل ويستحي لما يشوفني وبفضل الله ارتحت من السالفه مع انه علاقتي بها اختربت بس بينا السلام والرسميات لكن الحمد لله اهم شي ارتحت وضميري مرتاح اني ماطحت بالخطا واني ظليت ع اخلاقي مهما كان
|
رد: زوجه حماي قليله ادب
اقتباس:
والله ثنينهم وهو كله لازق فيها ويستشيرها وكله متلزقه فيه تعال طلعنا ومدري ايش تقهرررررني ماتحس اذا بينت اني متضايقه والله كلمته وانا ابي اجلس في شقتي مابي اكثر روحتي عندهم بس اهو يقهر ليل نهار راز وجهه عندهم حسبي الله عليها ونعم الوكيل هذا الشي بينه وبين اخته هي شدخلها والله ماسامحهم على كل شي سوه ليوم الدين |
رد: زوجه حماي قليله ادب
اقتباس:
والله بروح العمره وبتلزق في رجلي وبقهرها وبروح هناك ادعي ربي ياخذ حقي منهم حسبي الله ونعم الوكيل حسبي الله ونعم الوكيل حسبي الله ونعم الوكيل والله تصدقين احسها تسوي كذا عشان نتهاوش ويا بعض والله لحين قلبي محترق جعل ان شاء الله تذوقها |
رد: زوجه حماي قليله ادب
اقتباس:
امين زوجها يشتغل ب 3 اماكن يعني ماتشوفه واجد الا الجمعه بس امين الله يشغلها في نفسها وتفكنا من تلزقها |
رد: زوجه حماي قليله ادب
اقتباس:
لا والله ياحبيبتي حطي نفسك في مكاني وش بتسوين لازم اقوله وانبهه اني شفت هالشي واكيد بنقهر وباغير على زوجي والمفروض اشوف شي غلط انهيه عنه مو اااسككككت والله انا ما اقرب لهم من برا عايلتهم ومن منطقه ثانيه احنا الحمدلله مو متفتحين بس اهم كذا وترا يوم شفت الموقف سويت نفسي مادري عن شي مابينت اني انقهرت او غرت بس حسبي الله عليها |
رد: زوجه حماي قليله ادب
اقتباس:
الله يعينك حبيبتي انا كله اطنش ولا ابين لهم شي بس من داخل بركان يتفجر |
رد: زوجه حماي قليله ادب
ب
بنات هو زوجها يشتغل في مطعم يعني استقبال طلبات يعني اكثر شي حريم يجون له في مجمع .... جعل ربي تذوقها ان شاء الله في احد هالزباين وتجي لي حوبتا انا ماتشمت بس اوريها ان الله حق بنات شرايكم بهالحل انه لمن ارجع من العمره اقوله والله ان شفتك قاط الميانه معاها او تسوي شي يقهرني والله ماتشوف وجهي ولا تجي لي الخميس والجمعه خلاص لمتى اضل ساكته ومنقهره لازم حد للسالفه اللي عندها خبره تعطينيي حل لاني توني متزوجه وماعرف كثير بهالامور ومابي اقول لاهلي شرايكم ؟؟ |
رد: زوجه حماي قليله ادب
صحيح انها قليله حياء و ذوق احنا عايشين مع اهل زوجي وعنده اخوين واحنا نظهر امام بعض لاننا اصلا من نفس العيله بس اهم شي الحجاب وهم بيحبوا يمزحوا مع بعض كنت بغار من سلفاتي كتير وبيحطوا مكياج ويظهروا قدام زوجي بس صدقيني انا عملت مثلهم صرت احط مكياج اخر شيييييياكه و البس احلا شي hwaml02وامزح معاهم و انا بعمر ابنها البكر لحد ما عادت سلفتي تتجرا تنزل هي و زوجها يجلسوا معنا وخلص
|
رد: زوجه حماي قليله ادب
هي تبيك تسوين كذا اقهريها ودلعي زوجك قدامها
الله يهديه |
رد: زوجه حماي قليله ادب
عطوني حل لاتطنشوني
والله تعبت |
رد: زوجه حماي قليله ادب
قليلة الادب قليلة عليها دي وقحة ولازم تحطي حدود لها
لانها بتصرفاتها تثبت انها تعمل هيك مشان تقهرك وتتزاعلي مع زوجك وبعدها يطفش منك انتي سيبك من الزعل وما تخلي لها مجال او فرصة ,قللي زيارتك الهم وتجنبي كثرة الحديث معها ,وزوجك فهميه انه هدا الشي غلط وما ابيك تمزح معها بذيك الطريقة ,قولي له يعاملها برسمية ,وكل ما يرجع اجازة خليه يسكر جواله واكيد حضري اكلات وطبخات وجددي في كل الشي.اخلقي جو مرح بالبيت وفرفشي ,وبيكفي تروحو تزورهم بس مدة ولا تكثري كلام معهم ولا تطيحي في لعبتهم ديري بالك على زوجك والله يسخره لك |
رد: زوجه حماي قليله ادب
محد بستحي انا صار هالموقف ع سلفي العزابي ومرت سلفي التاني هيك مزح ويوم قلت لزوجي قال بتقهر بزوجي لهيك بتمزح مع اخوة وقالتلو وهو مزح معها قال هي فتحت المجال لإنها وقحه يعني زوجك فات المجال غصب عنو بدو يسكرو ويحترم حالو هاي محرمة علية بطلعلوش يطلع فيها مو يمزح معها
|
رد: زوجه حماي قليله ادب
اقتباس:
بس يا اختي لو بسويها بكلام بس والله اخاف من ربي ماقدر اسويها تسلمين ع ردك |
رد: زوجه حماي قليله ادب
اقتباس:
امين ربي يهديه والله هذا اللي بيصير بس ودي اقهره اهو بعد مثل ماقهرني يدافع عنها بعد ولا اعترف بغلطه ودي امدح اخوه اقهره اخليه يمووووت قهر |
رد: زوجه حماي قليله ادب
اقتباس:
والله هذا رجعنا من العمره وقالي قومي بنروح بيت اهلي قلت له مب رايحه وسكت ولا قام ولاقصبني والله علاقتي رسميه معاهم ولا اني مطيحه الميانه مثلهم والله فهمته قام عصب وقالي هذي مره اخوي وقام يدافع عنها والله كل يوم كل ثانيه محترق قلبي هو مايجي الا يومين في الاسبوع وهذا اطبخ له بس حسبي الله ونعم الوكيل يارب تمسح على قلبي وتبرده تسلمين حبيبتي |
رد: زوجه حماي قليله ادب
اقتباس:
انا فهمته انه مو من حقك تمدحها وتقولها هالكلام حتى لو انها بنت عمك وزوجه اخوك عندك زوجه امدحها قولها كل شي وهي شنو ماتطبخ بس تقطع سلطه بس هذا اللي تسويه وقت الغدا الغدا امه اللي تطبخ والله قلت له مو حلالك واي شي تسويه بيستوي فيني من احد ثاني والله تعبت حتى في العمره رحت وقلبي محروق دعيت عليهم من حرقه قلبي |
رد: زوجه حماي قليله ادب
اقتباس:
من يومها انخرست كل ما يهمني زوجي وبس |
رد: زوجه حماي قليله ادب
ماشاء الله الردود كثيره ومايسعفني اقراها كلها
لكن اسمعي نصيحتي المثل يقول وداوها بالتي كانت هي الداء يعني مو تسوي زيها لا هي جد قليله ادب لانها مطيحه الميانه معه وتحس اخوها وكذا بس انت امدحي اخوه قدام زوجك قولي له اخوك سوا وفعل وياحظ زوجته ووو صدقيني بيغار ويحس بغلطته ولو ناقشك قوليله عادي جالسه امدح اخوك بس لاتحسسيه انه تحدي او متعمده حسسيه انك فعلا معجبه باخوه زوجي من بدايه زواجي كان يمدح زوجه اخوه مع انها اصغر مني ولافي بينهم شي بس شافها بالصدفه كم مره وتخيلي يمدح شخصيتها وجسمها يعني مو بس طبخ يوم زعلت حط العيب فيني وقال اني اغار لانها احسن مني انا كتمت وسكت بعدين صرت امدح اخوه واقوله تعلم منه الرجوله >>كلام كبير بس من القهر قلته اقوله تعلم من اخوك الصغير واحيانا اقوله انت من تشبه له؟؟ ااخوانك حلوين الا انت خليته يكره نفسه من يومها حرم يمدح احد قدامي |
رد: زوجه حماي قليله ادب
وش هالقلة الحيا الي فيها احس انقهرت منها
بس انصحك سوي حالك قدامها انك سعيده و ميته ع زوجك وواثقه من نفسك و لو تحاولي بعد ماتكلمينها و تحقرينها يكون افضل انا مرت حماي ما اكلمها وحاذفتها من حياتي لأنه ياما صارت مشاكل بسبايبها بيني و بين زوجي و اقولك ترا الازواج ما يراعون مشاعرنا دايما يعتبر مرت اخوه مثل اخته و يحامي عنها فأفضل لك انك ماتبيني له انك تكرهين مرت اخوه لأنه عمره ماراح يغير نظرته من مرت اخوه انت الزقي في زوجك و روحي دايما معاه بيت عشيرته ً و خليك بالصوره و جاملي اهل زوجك حتا يحبوك و يعزوك و طنشي في ام السعف و الليف ذي استغغر الله |
رد: زوجه حماي قليله ادب
الله يكون ف عونك ويهدي زوجك يارب
|
رد: زوجه حماي قليله ادب
اقتباس:
هذا اللي شكلي بسويه عشان اقهره |
رد: زوجه حماي قليله ادب
اقتباس:
هذا انا اطنشها ولا كاني اشوفها ويبغى لي لرحت بيتهم اتلزق بزوجي واغازله في اذنه واضحك معاه لاني من جد وصلت حدي احس ماحد يحترمني |
رد: زوجه حماي قليله ادب
بقولكم موقف صار معاها
كان فيه عزا جيران اهل زوجي وقالي زوجي امي تعبانه بروح اطلب من المطعم وعاد انا وزوجي جلسنا ع السفره وكلهم راحو يجيبون اغراض زياده من المطبخ البزران كلو البيتزا كلها على ماجو الا خلصت عاد هي جابت صحن فيه كاسات عصير وجلست جنب زوجي وقالت يو خلصت البيتزا المهم مدري من وين جابت بيتزا كامله بكرتونها وحطتها ع رجولها وجلست تاكل وقالت اكلو ماعليكم من انه حاطته ع رجولي علما انه المفروض تحطها ع السفره لانه موجوده صح ولا انا انقهرت من الداخل بس مابينت لهم شي وزوجي من قبل هاوشته قال لا مانبي خلاص زهقت هذا غيره زياده منها او غيرتي عاديه ؟؟ واحسها مع زوجها لانه مو موجود بالبيت الا بالليل الساعه 11 يرجع او اساعه 12 وماعنده اجازه الا الجمعه ماتشوفه كثير وتجلس معاه احسها كله متلزقه في زوجي وطلعاتها ومشاويرها كله عليه طيب مرت حماي الثانيه احسن منها بواجد ماتدخل في احد ومثلي مو جريئه وملتزمه حدودها واعاملها احسن معامله وذيك مطنشتها ولا اشوفها تقول لحمانا الثاني تبي تطلع او اي شي يعني مو غاثينها خلاص تعبت كله ادعي مو عارفه كيف اتصرف |
رد: زوجه حماي قليله ادب
بنات غلط كبير انك تطنشينها او تبين لها انك مضايقه منك لان بكذا راح تزيد وتزيد ثقتها بنفسها علي بالها انها احسن منك
انا لو منك لو تسوي اي حركه اصلا اسوي نفسي مو شايفتها اساسا واي موقف بينها وبين زوجي ادخل فيه بسلوب حلو وضحك بحيث هي تحس نفسها صغيره وتافهه يعني مثلا لو جلست تقول لزوجي نطلع او لا اقول ايه تكفي طلعنا مسكينه فلانه شكلها طفشانه ما احد يطلعها او اخوك مشغول عنها بسلوب ذكي جدا ولا يبان علي ان مقهوره منها او فهمت قصدها انها تبي تقهدني مثلا حركه البيتزا لو قالت تبون اقولها بالف عافيه علي قلبك لا شكرا شكلك جوعانه مره ما قدرتي تجلسين علي السفره صحتين وعافيه واقلبها ضحك هي بتتفشل وتنقهر |
رد: زوجه حماي قليله ادب
نسيت اقولك موقف يمكن منه تفهمين وش اقصد
انا جمالي متواضع جدا ويمكن اعتبر ابدا مو جميله زوجي يعشق البيضه والصافيه بشرتها ودايم يعلق علي ركبي ووجهي وسماري فعلا هو معاه حق انا ركبي سوده سوده مو لاقيه حل وجسمي اسمر مره وجسمي ابدا مو مرتب اعتبر سمينه زوجه اخوه دايم خالتي ام زوجي تمدحها بجمالها وبياضها وهي اصغر مني بكثير وفعلا الله يحفضها بيضه وجمالها نعومي كانها نانسي عجرم زوجي من كثر مدح الكل لها كان دايم يسال عنها ويبي يشوفها وفعلا بعد زواجها من اخوه شافها جسم وبياض ونعووومخ ملامح انا ما بينت ابدا اني مضايقه تمشيخت كيف يعني تمشيخت حاولت اكون كشخه بلبسي حتي علي سمنتي حاولت اكسب زوجي بكل الطرق الي اقدر عليها مع ان عندي مشاكل كثير وحاولت اصادق البنت عشان لما اصادقها راح تحترمني وما راح يكون الوضع رسمي معاي وتبدا حركات تقهرني وفعلا الي الان ما صار منها شي يضايقني او تحاول تحتك بزوجي حاولي تصادقين حريم اخوان زوجك وقتها ما راح تقهرك صدقيني |
رد: زوجه حماي قليله ادب
انا انصحك انك تكوني سياسيه اكثر معاها و زي ماقالت الاخت الي فوقي تضربي عصفورين بحجر
و بيني لها انك مو هبله و انصحك لا تخلينها تجلس جمب زوجك لو ايش و اذا طلبت مشاوير من زوجك روحي معاهم و قولي عندي مشاوير اتصنعي المشاوير شوفي انا زوجي بنت خالته زوجها مسافر بعثه سويسرا و تتصل ع زوجي تطلب مشاوير بس انا مش سهله اروح وياه و اسلم عليها و كذا اسوي حالي بروح السوق و مع طلعتها او اذا تبغاه يوديها بيت فلانه انا اطلع معاه و اقول له ابي اروح موعد ليزر او محل مكسرات او بشتري غرض ونشبي بحلق مرت حماك و لا تخلينها ع راحتها زوجك و انت اولى فيه صراحه انا ما اطيق حريم حمياني اثنينهم حقيرات كل وحده سوت لي موقف اخس من الثاني و يحسدوني ع الصغيره و الكبيره و انا ماتحملت تخانقت معاهم و افتكيت الان مقاطعتهم بس بينا سلام ويع اكرهم خايسات يغارون مني و طبعا لما تخانقت معاهم بسبب موقف و الله العالم و يشهد علي اني كنت مظلومه فيه و معي الحق هم اشمتوا فيني و صاروا صديقات اكثر رغم انهم كانوا يحشون في بعض اذا التقيت في وحده فيهم لحالها و الحين صدقيني مرتاحه لأني ما اكلمهم و لا بيني وبينهم غير سلام مالت عليهم و ع وجيهم كارهتهم اليوم الي اشوفهم فيه تلوع كبدي و الصراحه مرتاحه بدونهم لا اعزمهم و لا شي و لا يعزموني و اموري تمام ثو اهل زوجي الحمدلله مايدخلون مخليني ع راحتي ما يغصبوني اصالحهم |
رد: زوجه حماي قليله ادب
انا انصحك انك تكوني سياسيه اكثر معاها و زي ماقالت الاخت الي فوقي تضربي عصفورين بحجر
و بيني لها انك مو هبله و انصحك لا تخلينها تجلس جمب زوجك لو ايش و اذا طلبت مشاوير من زوجك روحي معاهم و قولي عندي مشاوير اتصنعي المشاوير شوفي انا زوجي بنت خالته زوجها مسافر بعثه سويسرا و تتصل ع زوجي تطلب مشاوير بس انا مش سهله اروح وياه و اسلم عليها و كذا اسوي حالي بروح السوق و مع طلعتها او اذا تبغاه يوديها بيت فلانه انا اطلع معاه و اقول له ابي اروح موعد ليزر او محل مكسرات او بشتري غرض ونشبي بحلق مرت حماك و لا تخلينها ع راحتها زوجك و انت اولى فيه صراحه انا ما اطيق حريم حمياني اثنينهم حقيرات كل وحده سوت لي موقف اخس من الثاني و يحسدوني ع الصغيره و الكبيره و انا ماتحملت تخانقت معاهم و افتكيت الان مقاطعتهم بس بينا سلام ويع اكرهم خايسات يغارون مني و طبعا لما تخانقت معاهم بسبب موقف و الله العالم و يشهد علي اني كنت مظلومه فيه و معي الحق هم اشمتوا فيني و صاروا صديقات اكثر رغم انهم كانوا يحشون في بعض اذا التقيت في وحده فيهم لحالها و الحين صدقيني مرتاحه لأني ما اكلمهم و لا بيني وبينهم غير سلام مالت عليهم و ع وجيهم كارهتهم اليوم الي اشوفهم فيه تلوع كبدي و الصراحه مرتاحه بدونهم لا اعزمهم و لا شي و لا يعزموني و اموري تمام ثو اهل زوجي الحمدلله مايدخلون مخليني ع راحتي ما يغصبوني اصالحهم |
| الساعة الآن 06:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .