|
الحمد لله سويت اشعة الصبغه كل وحده سوت الاشعه تتكرم بالدخول
صبحكم الله بالخير يابنات لله الحمد والشكر يوم الخميس الصبح سويت اشعة الصبغه وعدت على خير بالنسبه لي كانت متعبه وكل جسم يختلف عن الثاني الالم الشديد الي واجهني اهو وقت لمن الدكتوره دخلت الجهاز الي يفتح الي اسمه بوز البطه طبعا تألمت وايد لان الدكتوره دفشه ومستعجله عندها مريضات بالعياده ولاني ماولدت طبيعي من قبل كل ولاداتي قيصريه ولانها تقول كانت تدور على عنق الرحم حقي كان تحت المهم اخذت نفس عميق واضليت اردد ياربي ارحمني طبعا حسيت بحراره بالرحم لمن حقنت الصبغه بس الحمدلله كان الالم ارحم الف مره من الم تدخيل بوز البطه وبعد دقيقه او دقيقتين قالت خلاص انتهيت وطبعا انذبحت واهي تسحب بوز البطه ابي اعرف منو سماه جذيه ظلم البطهhwaml15 وبعدين قمت لبست ملابسي ورحت البيت ونزل الدم بنات سؤالي الحين انا صارلي ثلاث ايام ينزل الدم مليت متى يوقف وخصوصا اني بعد يوم ولا يومين عندي التبويض طيب في احد مثلي والله خايفه وخصوصا بكره بتطلع نتيجة الاشعه
|
رد: الحمد لله سويت اشعة الصبغه كل وحده سوت الاشعه تتكرم بالدخول
انا لما عملتها .. سويتا ببنج كامل وما صحيت الا بعد ما انتهى الدكتور
والجماع كان بعد باسبوع بس انا وقتها ما نزل دم .. الا لما كان الدكتور بيسوي فيها |
رد: الحمد لله سويت اشعة الصبغه كل وحده سوت الاشعه تتكرم بالدخول
مشكوره ضحكتي بس انا زاعجني نزول الدم خايفه يكون مؤشر على مشكله
|
رد: الحمد لله سويت اشعة الصبغه كل وحده سوت الاشعه تتكرم بالدخول
الافضل لو سألتي الدكتورة حبيبتي
لاني بعرف كتير بنات عملوها ونا نزل دم الا وقت اجراء الاشعة بس يمكن تختلف من وحده للتانية ان شاءالله يكون كل خير .. |
رد: الحمد لله سويت اشعة الصبغه كل وحده سوت الاشعه تتكرم بالدخول
ان شاء الله خير بكره موعدي علشان اشوف النتيجه
|
رد: الحمد لله سويت اشعة الصبغه كل وحده سوت الاشعه تتكرم بالدخول
انا كمان لما سويتها حسيت بألم قوي
وسويتها مرتين وبالمرتين كان ينزل دم وقت الاشعه ويستمر وكل شوي يخف لعند ثاني يوم خلاص يوقف الدم لو بتابعي مع دكتوره اسأليها احسن من شان تتطمني شكل اللي سوتلك الاشعه ايدها قاسيه عليكي كانت |
رد: الحمد لله سويت اشعة الصبغه كل وحده سوت الاشعه تتكرم بالدخول
حبيبتى انا عملتها بالتخدير و لم احس بشيئ و لم ينزل دم بعديها خالص يمكن الم خفيف مثل الدورة
انا رايى تستشيرى دكتورك بخصوص الدم لان دكتورى لم يمنعنى من الجماع بعديها موفقة |
رد: الحمد لله سويت اشعة الصبغه كل وحده سوت الاشعه تتكرم بالدخول
حبيبتي. لاتخافي هذا الدم جداً طبيعي من بعد الصبغه وبيخف باليوم الثالث ان شاء الله اغتسلي نهايه اليوم الثالث من الصبغه. وبعدها عادي يصير جماع في ايام التبويض.
حبيبتي اهم شيء يكون دم خفيف هذا طبيعي جداً يعني مايكون غزير. |
رد: الحمد لله سويت اشعة الصبغه كل وحده سوت الاشعه تتكرم بالدخول
ربي يرزقك الذريه الصالحه
|
رد: الحمد لله سويت اشعة الصبغه كل وحده سوت الاشعه تتكرم بالدخول
حبيبتي ارجعي لعند نفس الدكتوره واسأليها
ولا تخافي ان شاء الله خيرر |
رد: الحمد لله سويت اشعة الصبغه كل وحده سوت الاشعه تتكرم بالدخول
بنات راجعت الدكتوره وشافت نتيجة الاشعه وقالت انو كاتبين بالتقرير مابينت النتيجه وتبيني اعيد الاشعه الشهر الجاي ولا تعب على الفاضي تقول يمكن لاني عامله قيصريات من قبل يمكن الصبغه طلعت من عنق الرحم طيب والالم الي حسيت فيه بالرحم لمن حطت الصبغه والالم الي مثل الام الدوره يومين وهالدم الي لليوم ينزل بس ياربي اني احمل ومااحتاج للاشعه الشهر الجاي
|
رد: الحمد لله سويت اشعة الصبغه كل وحده سوت الاشعه تتكرم بالدخول
الله يكون في عونك
الله يرزقك الحمل السليم المعافى من دون تعب ولا مشقه |
رد: الحمد لله سويت اشعة الصبغه كل وحده سوت الاشعه تتكرم بالدخول
الله يسمع منج اصايل
|
رد: الحمد لله سويت اشعة الصبغه كل وحده سوت الاشعه تتكرم بالدخول
حبيبتي مادونا الله يعينك ياقلبي \واسمحيلي بقول رأيي بصراحه
حسبيالله ونعم الوكيل فيهم حبيبتي أنا يوم سويتها حقنولي المادة وقالولي ماتقومين إلا لمن نشوف الماده بالأشعه هل هي واضحه ولا نحقن ثاني مره وهذا كله وانا نايمة على ظهري ولما تأكدوا من الأشعه تقريباً خذولهم 5 دقايق وانا نايمه على ظهري استنى النتيجه يحقنوا ثاني ولا خلاص وضحت الاشعه والحمد له كانت واضحه من اول حقن اشكر ربي وأحمده ... حبيبتي ترى اشعه الصبغه لها دكاتره متخصصون كمان مو يقولولك روحي وارجعي خذي النتيجه وانتي ياقلبي تتألمي رايحه جايه حرام عليهم شو هذا أنا من رأيي تغيرين العياده او المستشفى ولاتنسين اطمنينا عليج أو اذا اني دافعتلهم فلوس لما تروحي لازم تحطيهم عند حدهم وتقوليلهم انا هنا مو للتجارب اشعه الصبغه المفروض نتيجتها بنفس الوقت شو هذا التعب كله حبيبتي كفايه الآلام اللي بنحس فيها .. استغفر الله العظيم |
رد: الحمد لله سويت اشعة الصبغه كل وحده سوت الاشعه تتكرم بالدخول
اي والله ياحبيبتي ياحياتي توأمي للاسف الدكتوره كانت وايد مستعجله تقولين احد يركض وراها يكفي دفاشتها بالكشف اذبحتني اليوم صارلي سادس يوم الدم ينزل مني تندمت وايد اني سويت الاشعه عندها خلاص انا بطنشها بريح جسمي شهرين يمكن اكثر لاني متأمله من الكريم انه يروقني الحمل بدون مااحتاج الاشعه مره ثانيه طيب انتي كم يوم ضل ينزل الدم خلاص انا الله يعوض علي الشهر الجاي انا الحين ولبكره تبويضي وللحين مافي جماع بسبب الدم وبيروح علي فترة التبويض
|
رد: الحمد لله سويت اشعة الصبغه كل وحده سوت الاشعه تتكرم بالدخول
قولي امممممين
الله لايضيع تعبك ويرزقك الحمل السليم الي ماتحتاجين ل هالعمليه وادعي ربك انو يكون عندك تبويض متاخر علشان ربي يكتب لك الحمل صدقيني كل تاخيره فيها خيررررره الله يسعدك ياااارب ويريح بالك ويرزقني ويرزقك الطفل السليم |
رد: الحمد لله سويت اشعة الصبغه كل وحده سوت الاشعه تتكرم بالدخول
فوضت امري اليك الله يسعدك دنيا واخره ويرزقك كل ماتتمنين
|
رد: الحمد لله سويت اشعة الصبغه كل وحده سوت الاشعه تتكرم بالدخول
الله يرزقك الحمل السليم بتوام هذا الشهر
طيب اختي اشربي اناناس يقولون يوقف الدم بغير وقت الدوره الله يعينك |
رد: الحمد لله سويت اشعة الصبغه كل وحده سوت الاشعه تتكرم بالدخول
مشكوره سوزان الله يسعدك الحمد لله رب العالمين ربي كريم طالبه منه بنوته حلوه الله عالم بحالي رحمي مو متحمل لو حملت راح تكون القيصريه الاخيره
|
رد: الحمد لله سويت اشعة الصبغه كل وحده سوت الاشعه تتكرم بالدخول
اقتباس:
لاحول ولاقو إلا بالله حبيبتي الله قادر يشيل عنك ويلطف فيج حبيبتي أدعي ربج الكريم انه يطيب خاطرج يارب ويعطيج احلى بنوته اتوقع عندج كله أولاد ماشاء الله hwaml7 ربي بيرزقج حبيبتي الصبر ثم الصبر حبيبتي بخصوص استفسارج الدم ينزل بس مو شرط ل 3 ايام انا بس يوم نزل علي الدم اللي هو أول يوم وبعدين وقف وصار جماع ثاني يوم حبيبتي لاتسكتي عن الدم اذا كمل 6 ايام ولاتروحيلها أبداً هذي الدكتورة خلاص حطي عليها إكس هذي كفايه انها عذبتك اصلاً شكلها ايدها قويه كانت عليج .. حبيبتي اذا الدم ماوقف للحين المفروض تتوجهين لأي دكتورة ثانيه لأن احتمال تكون جرحتج بإيدها الثقيله حسبيالله عليهم لاذمة ولاضمير ولاتروحيلها أبد عشان تسوين اشعه ثانيه عندها .. اول شيء تطمني على نفسج الحين ومثل ماقلتي عطي نفسج راحه شوي والرحم لازم تريحينه شوي خصوصاً ان الدم للحين ماوقف .. طمنينا عليج يالغلا |
رد: الحمد لله سويت اشعة الصبغه كل وحده سوت الاشعه تتكرم بالدخول
ربي يفرحح قلبك
|
رد: الحمد لله سويت اشعة الصبغه كل وحده سوت الاشعه تتكرم بالدخول
حسبي الله ونعم الوكيل ان شاءالله ربي بعوض تعبك بخير وتحملين الشهر الجااي ويرزقكك بالذريه الصاالحه حبيبتي انتي سويتها في الريااض في اي مستوصف او مستشفى
|
رد: الحمد لله سويت اشعة الصبغه كل وحده سوت الاشعه تتكرم بالدخول
الله يعينك ويشفيك ويرزقنا وإياك الذرية الصالحة
الأفضل ماتسوي الأشعة الصبغة الشهري الجاي خليها بعد 3 شهور وإن شاء الله تحملي وماتحتاجيها لأنها متعبه وممكن تأثر لانك مازلت متعبه الأمر الثاني ليش تعيديها لأن الحمد لله مافيه شي ضروري تعيديها شهرين وراء بعض والدم شكلها جرحتك اللي اعرفه بالكثير 3 ايام مو غزير شويات انا سويتها 3مرات بس بين كل وحده يمكن كل 3سنوات او اكثر |
رد: الحمد لله سويت اشعة الصبغه كل وحده سوت الاشعه تتكرم بالدخول
مشكورين كلكم الله يحقق امانيكم اجمعين خلاص ان شاء الله راح اريح جسمي وباذن الله اذا ماحملت راح اعيدها بعد رمضان
حبيبة فهد انا مو من سكان الرياض سويتها بمستشفى المانع |
| الساعة الآن 10:32 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .