|
ساعدوني هاد حمل ولا لاء ؟؟؟
مرحبا بنات
من فترة نزلت موضوع انو عماعمل تحليل منزلي و بطلع خط كاشف كتير وبالدم طلع مافي حمل انتظرت لليوم 45 من الدورة و حللت و كان الخط أوضح بلش كاشف و صار يصير أغمق وباليوم 46 صار ينزل علي افرازات زهرية وقفت المسا وباليوم 47 الصبح نزل مني افرازات بنية وانا محتارة هاد حمل ولا بداية الدورة |
رد: ساعدوني هاد حمل ولا لاء ؟؟؟
شكلو حمل بس لسا مابان يعني الهرمون ضعيف
انتظري كمان كم يوم بعدين حللي دم وربي يكتب لك الخير |
رد: ساعدوني هاد حمل ولا لاء ؟؟؟
جزاك الله كل خير اختي ملاك عزيز
بس الافرازات هاي انا حيرتني |
رد: ساعدوني هاد حمل ولا لاء ؟؟؟
حبيبتي انا كان ينزل معاي إفرازات بنيه و صفراء وحللت وطلع حمل الله يرزقك الذريه الصالحه وإنشاء الله يكون حمل وبشرينا
|
رد: ساعدوني هاد حمل ولا لاء ؟؟؟
معقول صرتي باليوم 45 وما بتعرفي اذا حامل او لأ؟؟؟قصدك لهلق مانزلت الدورة؟؟؟؟؟انا برأيي ترجعي تعملي تحليل دم..لازم تاخدي مثبتات ان كنتي حامل،لان الوحدة اذاكانت حامل مابصير ينزل عليها ولو نقطة دم بغير اوقات الدورة..انتي عم تقولي انك بيوم ال45من الدورة معناها الدورة عدت عليكي وراحت،فلشو هالدم؟؟؟كمان عما تقولي انو التحليل المنزلي عم يطلع خطين؟؟؟والله احترت مع هالدكاترة..عموما بهيك حالات المطلوب منك الراحة ثم الراحة ثم الراحة استلقي على ظهرك ولاتتحركي إلا للضرورة،و مابصير حتى تزعلي،مشان اذا في حمل يثبت وتكوني بأمان انتي وجنينك..لاتخافي انشالله انت حامل حبيبتي،ديري بالك على حالك
|
رد: ساعدوني هاد حمل ولا لاء ؟؟؟
جزاك الله كل خير اختي شمايل بنت الدمام
أختي سيران انا دورتي اصلاً مو منتظمة كتير و عندي تكيس و ملت تحليل الدم باليوم 36 وطلع مافي حمل مع انوالمنزلي عميطلع خطين واليوم عدت الخط التاني صار اغمق الف شكر الك على ردك و الله يحققلك لك امانيكي يا رب |
رد: ساعدوني هاد حمل ولا لاء ؟؟؟
انا محتارة ان شاء الله اكون حامل
|
رد: ساعدوني هاد حمل ولا لاء ؟؟؟
بدك تتأكدي عالمزبوط؟؟؟؟خلص انزلي هلق وفورا وروحي اشتري تحليل حمل وحللي للمرة الاخيرة و صوريلنا الجهاز،اذا طلع الخطين كمان...فخلص انت حاااامل..والف مبروووووووك سلفا حبيبتي...عقبالي هههه
|
رد: ساعدوني هاد حمل ولا لاء ؟؟؟
عقبالك يا رب
رح اوافيكم بالنتائج ان شاء الله |
رد: ساعدوني هاد حمل ولا لاء ؟؟؟
اذا طلع معاك خطين ان شاء الله حمل
والف الف مبروووووووك الله يثبت حملك وانتبهي لنفسك وعقبالنا ان شاء الله عاجل غير اجل وافينا بالنتائج ... ننتظرك |
رد: ساعدوني هاد حمل ولا لاء ؟؟؟
يارب تكوني حامل
عيدي تحليل الدم ويارب تدخلي تبشرينا |
رد: ساعدوني هاد حمل ولا لاء ؟؟؟
اقطعي الشك باليقين وحللي من جديد
وان شاء الله تكونين حامل وتجين تبشرينا |
رد: ساعدوني هاد حمل ولا لاء ؟؟؟
مرحبا يا بنات
الله يجزيكن كل خير و لكل وحدة ردت علي و يا رب يا سميع يا مجيب يرزقكن عاجلاً غير آجل أخواتي انا عدت تحليل البول و طلع خطين غامق و كاشف ورحت عالمستوصف حللت دم و طلعت حامل اللهم لك الحمد يا رب ما خيبتني وقلت للدكتورة عن موضوع الدم البني او الافراز البني قالتلي لا تخافي هاد منعتبرو من علامات الحمل وبكرة عندي سونار و بيجوز تعطيني مثبت لنشوف ادعولي بثبات حملي |
رد: ساعدوني هاد حمل ولا لاء ؟؟؟
إذا خطين او ربع ساعة حمل لإني بحمل الثاني بان بالبول قبل الدورة ب3 أيام وبالدم بعدالدورة ب3 أيام ما بان يعني قالي إحتمال حامل ولإحتمال لا وانا مو عاملة النسبي يعني قلتلو يا آه يا لا وقال حمل ضعيف وفعلا نزلت بعد الدور ب7 أيام بس انا عندي لهلا 3 إجهات آخرهم من 14 يوم وكان سبب اول حملين بطانة الرحم الضعيفة وهذا الحمل ما بعرف ليش بجوز تشوهات
|
رد: ساعدوني هاد حمل ولا لاء ؟؟؟
الله يعوضك بكل خير
|
رد: ساعدوني هاد حمل ولا لاء ؟؟؟
مبرووووك حبيبتي تستاهلين والله يثبت حملج يارب اخذي مثبتات فيتامينات للبيبي
|
رد: ساعدوني هاد حمل ولا لاء ؟؟؟
الف الف مبروك حبيبتي الله يتمم عليك بخير وتقر عيونك بشوفته يااارب ارزق كل محرومة ... |
رد: ساعدوني هاد حمل ولا لاء ؟؟؟
ماشاءالله تبارك الله مبروك مبروك مبروك حبيبتي لولا سعادتي لاتوصف بخبرحملك يارب يثبته ويقرعينك فيه ياكريم
|
رد: ساعدوني هاد حمل ولا لاء ؟؟؟
الله يبارك فيكن جميعا
سعادتي حبيبتي ان شاء الله تبشرينا انتي كمان قريبا اهم شي حسن الظن والدعاء والاستغفار و الرقية الشرعية و الله كريم |
رد: ساعدوني هاد حمل ولا لاء ؟؟؟
الله يبارك فيكن جميعا
سعادتي حبيبتي ان شاء الله تبشرينا انتي كمان قريبا اهم شي حسن الظن والدعاء والاستغفار و الرقية الشرعية و الله كريم |
رد: ساعدوني هاد حمل ولا لاء ؟؟؟
ماشاء الله لا قوة الابالله
الففففففففففف مبرووووووووووك فرحت لك من قلبي الله يتمم لك على خير ويفرح قلبك بشوفته |
رد: ساعدوني هاد حمل ولا لاء ؟؟؟
حبيبتى حللى دم هرمونى حيبن ان كان حمل ولا لا
موفقة |
رد: ساعدوني هاد حمل ولا لاء ؟؟؟
حللت دم والحمدلله في حمل
بس لسى عندي شوية افرازات بنية و هلأ نزل بقع دم وانا قلقانة كتير وكيس الحمل لسى ما بين |
رد: ساعدوني هاد حمل ولا لاء ؟؟؟
لولاحبيبتي خذي مثبتات لازم وباذن الله ربي يثبته لك ويبان الكيس ربي يطمنك ويكرمك. وطمنينا عنك لن انساك من دعواتي
|
رد: ساعدوني هاد حمل ولا لاء ؟؟؟
الله يجزيكي ألف خير سعادتي ويا رب تبشرينا انتي كمان قريبا
مبارح اخدت حبتين دوفاستون بس ما وقف الافراز البني و بآخر الليل صار بقع دم احمر انا خفت كتير و حجزت موعد عند دكتورة تانية اليوم المسى |
رد: ساعدوني هاد حمل ولا لاء ؟؟؟
ياقلبي لاتخافي كثير بتصير الافراز البني للحوامل بس ألزمي الراحه التامه لاتتحركي أبدا وحاولي لاتخلي الخوف يأثرعليك وبالتوفيق يارب
|
رد: ساعدوني هاد حمل ولا لاء ؟؟؟
سعادتي الف شكر الك على تطمينك و ردك
رحت على دكتورة تانية و قررت اتابع معها و عملتي تحليل رقمي والنسبة كويسة الحمدلله و وصتني حبتين دوفاستون الصبح و حبتين المسى و خلال كم يوم اذا ما وقف باخد ابرة كل اسبوع وان شاء الله خير |
رد: ساعدوني هاد حمل ولا لاء ؟؟؟
الللللللللف مبرووووووك ياعمري...ديري بالك على حالك وعقبال الكل بإذن الله
|
رد: ساعدوني هاد حمل ولا لاء ؟؟؟
اللهم لك الحمد الله يوفقك حبيبتي ويسخرلك كل طيب يارب
|
رد: ساعدوني هاد حمل ولا لاء ؟؟؟
الحمد لله يا رب
مبرووك يا الغالية الله يثبت حملك و يتمملك بخير و عافية يا رب حاولي تريحي حالك و نامي على الجنب الايسر |
رد: ساعدوني هاد حمل ولا لاء ؟؟؟
جزاكم الله خيرا جميعاً و أقر عيونكم بالحمل السليم المعافى قريباً بإذن الله
|
| الساعة الآن 04:22 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .