|
المساعده يا اهل الخبره و الحكمه ...
السلام عليكم و رحمة الله و بركاته كيفكم يا بنات عسى تكونون بخير و صحه و عافيه يارب انا عندي مشكله بمفهومي و تفكيري اعتقد انها مشكله كبيره تواجهني و حاولت احلها اكثر من مره بس ما كنت انجح ... و اليوم انا طالبتكم تلاقون لي حل يساعدني و يطلعني من دوامتي ... تزوجت من سنتين و نص تقريبا عندي ولدين ذكور (عبدالله سنه و خمس شهور ) (محمد شهرين و اسبوع ) .. طبيعتي احب يكون مكاني نظيف و مرتب و اتعب كثير في التنظيف و الترتيب بوجود مسؤلية طفلين لسى ما بعد يفهمون للحياه .. مشكلتي هي زوجي .. غير متعاون معي في مسؤلية البيت و العيال يحب يشوف كل شي نظيف ومرتب بس بعد ما يهمه يكون المكان قذر و مافيه اي ترتيب بالعربي مطنش ... و الشي اللي مكرهني حياتي يبي كل شي بوقت واحد مثلا .. انظف و اغسل الملابس و اهتم بالأطفال و أجلس اسولف معه ..؟!! مع اني معطته كل الوقت اذا يبي يسولف ولا يناقش بس هو يبيني دوووم في وجهه ما اقوم و اذا قابلته و تركت شغلي جلس يلعب بالجوال hwaml4 حاولت اصلح الموضوع بس فتره و ترجع حليمه لعادتها القديمه و كان كلامي ضاع بالهوا .. ياليت اي وحده تواسيني مو شرط تعطيني حل لأني تعبت نفسياً و جسدياً .. و مشكورين مقدما .. |
رد: المساعده يا اهل الخبره و الحكمه ...
حبيبتي حياكي الله
الله يحفظ لك ولادك ولا يحرمك منهم ابدا اول شي انتي مزودة الموضوع عن حده عادي لا تنهمي كل الرجال هيك بحبوا المرأة تهتم وتخلص كل شيء وهو خارج البيت وبس يجي تكون متفضية لاله يعني كمان هما بيتعبوا بشغلهم وتاركين مسؤؤلية البيت والاولاد للمرأة هي طبيعة كل الرجال مو زوجك بس انتي خليكي متل ما انتي ورتبي وحاولي تنيمي ولادك عبكير وجهزي سهرة حلوة لزوجك ترى الحياة الزوجية اذا ما كان فيها روتين بتصبح حياة مملة واذا قعدتي معه وشفتيه مسك الجوال قولي له حابة ندردش شوي خلي الجوال عجنب وانتي وشطارتك وانتي بأدرى بزوجك بتقدري بطريقتك وبتصرفاتك تخليه متل مابتحبي الله يخليكم لبعض ويهدي بالك يارب |
رد: المساعده يا اهل الخبره و الحكمه ...
مشكوره غلاتي ورده سوريه ع ردك فديتك والله نورتي متصفحي
بس بقولك شغله زوجي 24 ساعه بالبيت معي دوامه شفتات و احيانا بيظل يومين 3 ايام بكاملهم بالبيت ما أقدر الف و لا اتحرك الا و هو بوجهي حالتي صعبه يا اختي ياليتها بسهولة اني حتى اقدر اغير روتين بتجهيز ليله ولا سهره صدقيني ما اقدر و بالنسبه للجوال كل شي سويته ما بقى الا اكسر الجوال عشان ارتاح هههههههه والله هم يبكي و هم يضحك الله يكون بالعون ... اشكرك مره ثانيه لا تحرميني طلتك .. |
رد: المساعده يا اهل الخبره و الحكمه ...
هههههههه فديتك ياقلبي
الله يكون بعونك وتكسري الجوال هاد مو حل بتخافي يطفش من البيت اي والله وجود الرجل ببيته 24 ساعة صعب كتير الوحدة مابتعرف تعمل شي طولي بالك ان شاء الله بتفرج ما زاله هو هيك مبسوط تركيه براحته والتهي انتي ببيتك وباطفالك الله يصلح حالكم ويهدي بالكم |
رد: المساعده يا اهل الخبره و الحكمه ...
ياختي الحريم مساكين وحده تشكي زوجها برا البيت 24 ساعة ووحده تشكي زوجها قاعد بالبيت 24 ساعه ، لكن لو نتخير بين الثنتين اكيد نختار القعدة بالبيت عن الطلعات الي ما يجي من وراها الا وجع الراس ، وماشاء الله عيالك الله يحفظهم لسا صغار وما ينتركون لوحدهم لذلك استغلي هالشئ مثلا قولي له عندي غسيل والولد يصيح تمسكه ولا تكمل الغسيل أو الولد يبي يرضع والشاي على النار ترضع الولد ولا تزين الشاي وهكذا خليه يشاركك الشغل بطريقة غير مباشرة ، لا تخلينه يحس انك قاعدة تلقين اوامر لامور يشوف انها من مسؤولياتك مو مسؤوليته ولا تتذمرين من فوضويته وتطنيشه باستمرار وبوجهه حاولي تغيرين بطرقك واساليبك
كمان ممكن تستخدمين معه طريقة التشويق والمفاجآت يعني تقولين له (الله يعافيك ساعدني بالتنظيف وعندي لك مفاجئة) وانتي وشطارتك بالمفاجآت (مره مساج ، ومره استرخاء بالبانيو ، ومره حلى وقهوة لو كان من محبي الحلى ، ومره أكله يحبها ، او تعزمينه على العشاء ، وغيرها كثير وانتي تقولين انه يحب تجلسين تسولفين معه برضوه استغلي هالشئ وقولي له (عندي شغل وودي اسولف معك عادي حبيبي تساعدني عشان اخلص بسرعة واجلس معك) ، أو تقولين (وش رايك نجرب نسولف عند المجلى انا اغسل الصحون وانت تنشف) الله يسخره لك ، بس هاه حبيبتي لو ضبطت معاك لازم تدعيلي وتعلميني وش صار وياك هههه |
رد: المساعده يا اهل الخبره و الحكمه ...
انا نفس مشكلتك بس ماعندي بيبي للحين
يبغاني ارتب ويبغاني اجلس معه ولاجلست يلعب بالجوال كلو نفر سيم سيم هههه الله يصلحهم بس استفدت من رد اختي حظ عيني |
رد: المساعده يا اهل الخبره و الحكمه ...
الله يعينك والله يقعد بالبيت ولا يطلع يعمل بلاوي وقله أدب ما تعرفين وين يروح وين يجئ خليك علي وضعك ابرك لك
|
رد: المساعده يا اهل الخبره و الحكمه ...
اقتباس:
أي والله الحريم مساكين و بقووووه يا غلاتي انا ما عندي مشكله يرتز بوجهي 24 ساعه بس تكون على منفعه مو هواش و عناد و مداحر ... و فعلا لا بطلعتهم مرتاحين ولا بجلستهم هم مرتاحين و أفكارك رهيييبه و بجربها كود تنفع معه و أقدر عليه .. و ولا يهمك غناتي لك الدعوه من قلبي سواء نفعت ولا ما جابت نتيجه hwaml14 فديتك ما قصرتي ع الرد.. |
رد: المساعده يا اهل الخبره و الحكمه ...
اقتباس:
يا عمري يا بيللي ربي يرزقك بأحلى كتاكيت أمورين ياربي و يعينك ع الحمل و الولاده و التربيه .. و الجوال بتصير مشكلته أزليه مدى الحياه بس الله يفكنا منه مثل ما ابتلينا فيه .. الله يصلحهم ع قولك و يهديهم ياربي و يكبر عقولهم مو كروشهم هههههه نورتي غناتي’’ |
رد: المساعده يا اهل الخبره و الحكمه ...
اقتباس:
كذا ولا كذا جالس او طالع كله بالهوا سوا و اللي فيه شر يسويه لو انه بسجن لا يغرك بس .. هالأيام البلاوي و قلة الأدب تدخل البيوت من غير ما نحس ... و وين يروح و وين يجي ربي بيحاسبه عليها ليه أكل بقلبي مو متحمله بالبيت بعد اراقبه برا البيت hwaml15 يسلمووو طيبتي غلطتي ع تواجدك نورتيني يالغلا ..’’ |
رد: المساعده يا اهل الخبره و الحكمه ...
حاضرين للطيبين
أهم شئ تستفيدين والله يسهل أمرك |
رد: المساعده يا اهل الخبره و الحكمه ...
طاب فالك يالغاليه
و شكلها جابت نتيجه :) لا تحرميني من نصايحك تراني قفلت تفكير هههههه اشكرك من الأعماق’’ |
رد: المساعده يا اهل الخبره و الحكمه ...
المفروض من البدايه تعلمينه يساعدج بشغل البيت وخصوصا هو أكثر شي عندج ترى والله صعب للحرمه تقوم بكل شي والرسول عليه الصلاة والسلام كان يساعد نساءه ولو تشوفي الغرب دوم ينظفون البيت ويعاونوا زوجاتهم وإلي تقول شغلهم برى البيت وتعب وين تعب تراهم مب شايلين صخور على راسهم يقعدوا بمكتب والمكيف شغال ومريحين عالاخر بس الانانيه لاعبه دور وبعض الحريم شخصياتهم ضعيفه فكل شي يتم فوق ظهورهم ,, أنا ريلي قبل شغله بسيط ويقعد بالبيت وايد والحمدالله يساعدني بشغل البيت وبالبيبي بس حاليا درس جامعه وخذت وقته بس هو الحمدالله متعاون معاي بكل شي...
|
رد: المساعده يا اهل الخبره و الحكمه ...
حبيبتي أنا رأيي من رأي الأخت وردة السوريه ماشاء الله كلامها كله حكم
كنت راح اقولك نفس الكلام بس لما قريت رأيها قلت ماراح اكتب شيء لأنها بيكون كوبي بيست ههههههه حبيبتي ليش مكبره الموضوع مشكلتك بالأساس هي مو مشكله !!! انا حتى اقعد مع زوجي يلعب بالهاتف يعني مو انتي بس أكثر البنات نفس الشيء ويوم أتكلم تصير مشكله من لاشيء وبنفس الوقت اذا انا قاعده معاه وماسكة تيلفوني يعصب ويسويها مشكله شو نسوي حبيبتي والله هالرياييل عقولهم عقول اطفال ....... بس انا عندي يقعد يطالع بالتيلفون وتطلع عيونه عليه ولا أنه يطلع برع البيت ويجيني بأنصاف الليالي .. الحمد لله على النعمه يارب ديمها نعمه وخلي زوجي يتواجد بالبيت دائماُ وأبداُ |
رد: المساعده يا اهل الخبره و الحكمه ...
اهلا أختي انا كنت نفس حالتك كان اصلا مبيشتغل شي بس بالبيت وتعرفين من يكعد الزوج بالبيت كيف تكون الحياه ههههه المهم انا مليت فستغليت قعدته بالبيت وبقيت اكلفه بشغلات يوميه مطلعه شي جديد مره الستائر مره طعم البنت انا حابه اتسبح مره جايتني الدوره وتعبانه حبيبي غسل الصحون ههههه لحد ماا تعود يساعدني بس اخذي بالتدريج مؤ بالتذمر بااسلوب دلع وشوي حركات ههههه
|
رد: المساعده يا اهل الخبره و الحكمه ...
مشكلتك مشكلة كثير زوجات
الله يعينا عليهم انا كمان باخد حاسوبي وبطنش وبعدين بيقول ليش النت واخد كل وقتك هههههههههههه |
رد: المساعده يا اهل الخبره و الحكمه ...
اقتباس:
والله يا اختي ليلى من البدايه و انا معه ساعدني في هذا و هذا صعب علي و هذا يبيله تكون معاي بس يوم يمشي و عشره يجلس .. و المشكله يا عزيزتي مو بالشخصيه الضعيفه لأن الشخصيه القويه مع الرجال مشاكلها اكبر المشكله في البيئات لأصارت البنت سنعه وراعية نظافه و شيل و حط صار ابو العيال العكس صارت مشكله مثل مشكلتي .. الله يصبرنا و اياكم يارب ... اشكرك ع تجاوبك معي ليلى الحلوه ’’’ |
رد: المساعده يا اهل الخبره و الحكمه ...
اقتباس:
هههههه دامك مثل أخت ورده اجل حتى ردي بيكون كوبي بيست ع قولتك هههههه ... الحمد لله على كل حال و الله يعطينا الصبر و الحلم عشان نتحمل رجالنا و اطفالنا بوقت واحد ..!! يعطيك العافيه يا سوكره ... |
رد: المساعده يا اهل الخبره و الحكمه ...
اقتباس:
هلا بك زينه ... اي والله بس يقولي اليوم مافي دوام بجلس بالبيت يضيق صدري لأني بصير مو عارفه اسوي ولا شي ولا شي ... انا المشكله لا تطرين له شغل خلينا نجلس نسولف ( طبعا انا اسولف و هو يلعب بالجوال ) و اذا ارتحنا نقوم ننظف و اسوي لك اللي تبين و عينك ما تشوف الا النور ولا شي من هالكلام يصير ههههههههه بس بنجرب طريقة الدلع مره ثانيه كود كثر الدق يفك اللحام :) .. يسلمووووو غناتي ع تواجدك ... |
رد: المساعده يا اهل الخبره و الحكمه ...
اقتباس:
ههههههههههههههههههههههه انتي فيها فيها يا هو يطفشك يا انتي تطفشينه كأنها لعبة مين الأقوى ههههه صبر جميل و الله المستعان يا ام جمال .. يعطيك العافيه و ربي يرزقك جمال و أخوانه كمان .. لك امتناني ..’’ |
رد: المساعده يا اهل الخبره و الحكمه ...
الله يهديه ويسخره لك
|
رد: المساعده يا اهل الخبره و الحكمه ...
الله يسخر لك رجالك ويهديه اهم شي خلي اسلوبك حلووو معه وحسسيه انك ضعيفه وم تقدري تسوي شي بدونه ومحتاجتله دايم شوفي كيف النتيجه وادعيلي
|
رد: المساعده يا اهل الخبره و الحكمه ...
الموضوع قديم
يغلق |
| الساعة الآن 03:55 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .