|
ابي احسن زيت يطول ويكثف الشعر
السلام عليكم
ابي احد يعطيني زيت يطول ويكثر الشعر بسرعه ويشيل الفراغات انا حامل وابي اهتم بشعري لان النفاس اكيد مالي خلق ازيت شعر واهتم انا سمعت كذا زيت واحترت لان يايمدحون يايذمون والقهر غاليه سمعت عن زيت التحدي وكنت وبشتريه بس محد نصحني فيه وسمعت عن زيت هندتلر ونفس الشي يقولون يطيح الشعر وزيت العشبه مايمدحونه وزيت ورق الاس نشف وجفف شعري وزيت المحلب نفس الشي مافاد وريحه اللي عندها خلفيه عن هالزيوت وجربتها تقولي تكفوووووووووووون جربت كذا زيت الحلبه وريحتها قرف وزيت دابر املا ونفس الشي ريحه ويطيح واستخدمت زيت اكليل الجبل ومافاد وزيت الفلفل اللي اخمره 10 ايام مع زيت الاكل مافاد مره ابي شعري يرجع الطويل الناعم الكثير تكفون ساعدوني واللي تعرف زيت حلو وسعره معقول وينباع بالرياض تقول لي الله يوفقها ويسعدها |
رد: ابي احسن زيت يطول ويكثف الشعر
احسن شيء انك تغذي نفسك من جووه اهم شيء خضار وفواكه طازجه
بعدين اي زيت خاص للشعر بيفيدك ان شاء الله لأنك حاامل وهرمون الحمل يسااقط الشعر بكثره حتى في النفااس اذا رضعتي |
رد: ابي احسن زيت يطول ويكثف الشعر
والله حالي حالك
جربت اغلب الزيوت ونفسي بزيت يكثف الشعر وياليت القى الكل نصحني بهندتلر بس مدري خايفه اجربه ويكمل على الباقي ودبل املا وريحته خايسه وماشفت منه خير وحاليا استخدم زيت الزيتون الطبيعي وماشي حاله معاي وان شالله لاعرفت شي زين جيت وخبرتك |
رد: ابي احسن زيت يطول ويكثف الشعر
يمدحون زيت برشود مااني مااحب استعمل اي زيت وانا توني خالصه من الاربعين وشعري بالره طاح الله يكون بعونها
صح كلاام ام بيبسي قصدي زهرة الرمان هههههههه |
رد: ابي احسن زيت يطول ويكثف الشعر
زيت الحلبه
|
رد: ابي احسن زيت يطول ويكثف الشعر
انا استخدمت ورق الاس ونقعتهاا بعدها احط ع شعري والفه وانام ولا صحيت غسلته
استخدمته اسبووعين طووله وخلتها ناعم الحين جبت الترمس مطحون وانقعه بمأ حار من صباح لييين الليل واغسل شعري فيه وانام لاصحيت اخذت دش كلن لاحظ الفرق بشعري والله اعلم |
رد: ابي احسن زيت يطول ويكثف الشعر
زهره+شموسه+بنت+سويت+بنوته
تسلموووون والله على الرد ماقصرتو بس يااختي بنوته انا قد استخدمت الاس احس يجفف شعري بس من ناحيه الطول احس كنه طوله طيب انتي وشلون طريقتك بخمر اوراق الاس انا جربت قبل زيت الاكل عافيه او اي زيت اكل وقطعت معه فلفل بارد ومره ثانيه جربت فلفل حار وخمرته 10 ايام والله رووووووووعه ينعم ويطول ويكثر بس مليت منه ابي اغير لاني يوم تركته معاد سوى شي والحين يمدحون زيت النارجيل جوز الهند القديم اللي بعلبه حديد لونها خضراء وفيها رسمة جوز الهند هو قديم بس الكل يمدحه انا جربته بس مااستمريت عشان الريحه واكيد تخبرون الوحده اذى حملت يجيها خموووووول وكسل تسوي شي مع انه اول حمل لي بس الله يهون علي وعلى كل حامل ويسهل ولادتنا وحملنا |
رد: ابي احسن زيت يطول ويكثف الشعر
يعمري انا اعرف ان المراه كل حملها شعرها يكثر لا تخافين نطري كم شهر ويصير شعرج حلو لا تخافين انا رابع حمل لي كثر ولما ولدة طاح والله صار خفيف وقصيته كوكتيل مااني ماحب القصير بس شسوي
|
رد: ابي احسن زيت يطول ويكثف الشعر
الله يعطيكم العافية على الوصفات
بس ابي اعرف الفلفل البارد الي ننقعه مع الزيت هو نفسه الفليفلة الي هو الفلفل الرومي ؟؟؟؟ |
رد: ابي احسن زيت يطول ويكثف الشعر
تسلمين والله ياشموسه
يااختي ام فاطمه ايه انا جربت الفلفل الاخضر البارد الرومي هو اللي نفع اما الحار انا حطيته من عندي لان ماكان عندي فلفل رومي بس الفلفل الرومي افضل احس الفلفل الحار يحر فروة الراس الحين بديت استخدم زيت النارجيل اللي علبته خضراء والله حلو ينعم ويعطي لمعه خاصه بعد الاستشوار بس الله يصبرني واقدر استمر رمان جاي ومافيني حيل ادعولي تكفون ان الله يسهل حملي ويرزقني في بنت مثل القمر |
رد: ابي احسن زيت يطول ويكثف الشعر
لا انا جبت الاورق الاس سويتها مثل الحنا وانام لاصحيت غسلته بس
بس شنو قصت الفلفل البارد لاكان يطوول الشعر قوليلى بتفصيل |
رد: ابي احسن زيت يطول ويكثف الشعر
انا بصراحه قبل زواجي استخدمت الحلبه اللي نسويها بالبيت مو الجاهزه خيااااااال طول ونعومه وتكثيف
بعد زواجي بدا شعري يتساقطج بجنووون وضاق صدري خفت اصلع بس الحمد الله استخدمت زيت ارمادا مررررره خيااال لتساقط الشعر والطول ومافيه اي ضرر على الحامل لو استخدمته وبنفاسي استخدمت زيت هند تلر وربي رووووعه كثف لي شعري وطوله وبعد مامي استخدمته عشان الثعلبه وماشاء الله تبارك الله نبت الشعر لها وبالنسبه لسعر ارمادا 300 وسعر هند تلر 200 اتمنى اكون افدتك ياعسل .. |
رد: ابي احسن زيت يطول ويكثف الشعر
سهونه يعنى الزيتين هدول حلوين
ومن وين الاقيهم بالسعوديه ؟ |
رد: ابي احسن زيت يطول ويكثف الشعر
زيت الفلفل يبنوته سهل وحلو ومتواجد ورخيص بعد
جيبي فلفل رومي الاخضر وقطعيه اللي تبين كبار والا صغار لانك بتستخدمين الزيت مو قطع الفلفل واخمريه بزيت الاكل اللي عندك سواء عافيه او اي زيت اكل وحطيه بعلبه واخمريه برى مدة 10 ايام وبعدها استخدميه بتشوفين النعومه والكثره ويطول واحسن شي فيه مافيه ريحه ريحته حلوه معقوله بس نصيحه للاخوات ترى الزيت مايطول بالشعر اكثر من 3او4 ساعات والا يخرب الشعر انا استغربت يوم قلتي تنامين فيه ومشكوره ياسهونه بس زيت هند تلر كل من سئلت محد مدحه يقولون اول زين بعدين يطيح والا من تحطينه يطيح طيب بسئلكم عن زيت دابر املا الذهبي يقولون بعد يطيح غير الريحه اللهم ياكافي وبسئلكم عن زيت اسمه آرت بالفيتامينات سعر 120 يمدحونه وش رايكم فيه زين احد جربه انا الحين اجرب زيت النارجيل هذي صورته زيت نارجيل http://up.hawaaworld.com/up/sites/up...02e21fb17.jpeg والله روعه وخيال بس انا مااطوله بشعر اكثر شي مثل ماقلت من 4الى 5ساعات بس مشكلته الريحه بس عادي اغسليه زين وحطي الخمريه حقت الشعر |
رد: ابي احسن زيت يطول ويكثف الشعر
والله غريبه زيت عادي للطبخ وفلفل رومي يطول الشعر...؟؟؟!!
بس مستحيل لجربها لأني مجرد ماأشم ريحة الفلفل تلقب معدتي ويجيني ومغص وانا بعد حامل بالشهر السادس ويطيح شعري من اول حملي بس اعالجه بشي حلو...مع ان دمه ثقيل وكثير ناس مايحبونه بس صدقوني شي اللي هو الحناء.. الحلو فيها انها مو مثل الزيت يوميا الحناء كل مافضيتي حطيها والاحلى حطيها ونامي ولاصحيتي تروشي عادي اذا تكرهينها كذا مابتحسين فيها... والخلطه اللي مع الحنه موجوده بكتاب اسرار الحريم اللي تتكون من 10 ملاعق حناء 4 ملاعق كاكاو 4 ملاعق نسكافيه عصير ليمونتين وسفن اب تعجنين فيه الحنه.... مايستفاد من الخلطه؟؟؟ 1- شعر ناعم 2- لون بني وكل ماطولت تصير افتح تميل للون حبيبات النسكافيه 3- تقلل تساقط الشعر 4- ريحة الحنه تخف يصير ريحة راسك نسكافيه وكاكاو المهم خمريها بعد ماتعجنيها لمدة 3 ساعات وبعدها حطيها ع راسك وخليها اقل شي 4-5ساعات وروحي غسلي راسك واذا شعرك جاف او متقصف بعد ماينشف خوذي زيت زيتون و غلغليه بالشعر ولفي شعرك بالنايلون حق الاكل واتركيه ليله كامله عشان يعرق واغسليه...طبعا بشامبو الاطفال لانه حسن شي مايطيح الشعر وحطي سيروم كرستال اللي تلقينه بكل مكان ب30 ريال ع الاطراف ومشطيه وشوفي اذا ماتغير ملمسه قابليني وشكرا...... <<----تعبت وانا اتكلم انشالله يعجبك |
رد: ابي احسن زيت يطول ويكثف الشعر
بصراحه أنا إستخدمت زيت جدايل(عبد الصمد القرشي) لتطويل الشعر
رووووووووووووووووووووعه قليلة عليه بصراحه كثف شعري بصورة ماتتوقعونها بصراحه هي مجموعة زيوت وأعشاب بس ريحته قووووية بس عادي حطيه ساعتين ثم اشطفي شعرك وبعدها بشهر حسيت شعري ماشاء الله تبارك الله كثيف وكل من شافني يسألني سعره خمسين ريال |
رد: ابي احسن زيت يطول ويكثف الشعر
^^^^^^^^^^^^^^^^^^^^^^
من وين اجيب هالزيت الله يخليك ؟؟ ........... انا كمان سمعت الثوووم تفركينه بشعرك لمدة اسبوعين ويطلع شعر |
رد: ابي احسن زيت يطول ويكثف الشعر
فعلا يا جماعة زيت جدايل عبد الصمد القرشى روعة استخدمة انا وبنتى
ونتيجتة فعالة جدا |
رد: ابي احسن زيت يطول ويكثف الشعر
راسليني ع الخاااص اذا حابه اجربين خلطه الشعر وعلى فكره تناسب كل انواع الشعرالمصبوغ والمفرود والتالف والخشن والي مايطول واسعاري قدامج ويشهد علي الله مجربتها بنفسي وكثثثثثير جربوها 00 مووووفقه
|
رد: ابي احسن زيت يطول ويكثف الشعر
زيت ارت زيت ارت رووووووووووووعه
|
رد: ابي احسن زيت يطول ويكثف الشعر
رفععععععععععععععععع لااله الا الله
|
رد: ابي احسن زيت يطول ويكثف الشعر
زيت جوز الهند خياااااااااااال وخطييييييييير
|
رد: ابي احسن زيت يطول ويكثف الشعر
انا مثلك حامل وخايفه على شعري ينعدم وبعد النفاس مابكون فاضيه واستخدمت زيت املا الذهبي بصرااااااحه روووعه وعن تجربه نصيحه استخدميه
|
رد: ابي احسن زيت يطول ويكثف الشعر
الخروع ماعليه كلام طول وكثافه
املا صحيح حلو بس ريحته تصرع |
رد: ابي احسن زيت يطول ويكثف الشعر
موفقه يالغلاااااااااا بس عندي سؤال زيت النارجيل الأصلي الي علبته خضرا وين
الاقيه بالرياااااااااااض |
رد: ابي احسن زيت يطول ويكثف الشعر
لا حبيبتي املا الذهبي الجديد مو القديم ريحته روعه ماودي اغسله اذا حطيته هع
|
رد: ابي احسن زيت يطول ويكثف الشعر
والله وانا بعد مثلك ارضع وشعري طاح وصاير خفيف ونفسي من جد بزيت عالاقل يكثف شعري ويخفي التساقط اشوف حريم بلمنتديات يبعون بس مدري صدق ولالالا وخايفة اتصل واخاطر ويخرب شعري زيادة
|
رد: ابي احسن زيت يطول ويكثف الشعر
نصيييييييحه انتبهي من زيت هند تلر
والله يطييييييييييييييييييح الشعر بعدييييييييييين ينبته وينفع للرجال اكثر او للي شعرها مرررررررررررره خشن خشن خشن مثل الليفه لانه يفرد الشعر .... انا مثلك اوووول حمل لي وتوني بالشهر الثاني وسألت الدكتوره وقالت اهم شي الــــــــــــغـــــــــــــــــذاء.. بقولك برنامجي اللي شفت منه نتيجه رائعه الفطور ..كوب حليب+ جوز ولوز << ضرووووري للطفل ولكِ انتي مع شرايح خيار وطماطم وجبنه وقطعة خبز وجبة الغداء والعشاء ..لازم لازم يكون فيها سلطه خضراااااء+وفواكه+عصير فرش ... وخلي الدكتوره تكتب لك فيتامينات للشعر والبشره وبتشوووووفي نتيجه بإذن الله ... واذا تبغين نعومه وغذاء للشعر..جربي (2ملعقه مايونيز مع شوية زيت اي نوع تحبين)ولفي شعر بنايلو وساعتين وغسليه مره بالاسبوع بالنسبه لي مررررررررررررررره شعري خيالي على هالخلطه ............... واسفه ع كثرة الكلام |
رد: ابي احسن زيت يطول ويكثف الشعر
في وصفة يا حبي تطول بشكل مذهل إنشاءالله
وهي مكونة من صبار وزيت زيتون الطريقة قشري الصبار ولا تتركي أي قشر فيه أبدا وبعدين أطحنيه بالطحانة مع الزيت الزيتون وحطيه على شعرك لمدة ساعتين وبعدين غسليه وأإنشاءالله تستفيدي |
رد: ابي احسن زيت يطول ويكثف الشعر
هلا حبيبتي
ممكن تكون المشكلة من تغذيتك انتي على العموم انا شعري كان طولة محدوووووود حدة لين تحت الكتف وبسسسسسسسسسسسسس لين جربت خلطة وبصراحه طال شعري وكمان في زيت استخدمتة هو زيت الوزار شريتة من الوكيل نفسة انتبهي ترى في التقليد وفي الاصلي لو تبين يا عمري رح اعطيكي رقم الوكيل نفسة وعاد انتي دبري عمرك تحياتي |
رد: ابي احسن زيت يطول ويكثف الشعر
زيت هندتلر يعدم الشعر وربي كسرلي شعري دعاية عالفاضي اخذت كورس من وحدة تبيعة بالمنتدى اسمها زلزال الشوق اجربه واعطيكم النتايج
|
رد: ابي احسن زيت يطول ويكثف الشعر
اسمع يقولون زيت ذيل الحصان مفيد للشعر يطول ويكثف
|
رد: ابي احسن زيت يطول ويكثف الشعر
انا طال شعري كثييير و بشكل ملحوظ
من خلط زيت اللوز و زيت الخروع و في زيت " ترشوب " رووعة و زيت الحية و زيت الاحلام و طبعا لازم المداومة مو يوم تسوي الزيت و عشرة لا و الصبر و بدون ما تحسي بالوقت مر حتى تلاقي شعر حلو كثيف و طويل و صحي |
رد: ابي احسن زيت يطول ويكثف الشعر
انا بعد ماولدت مرااا طاح شعري .. والله مابقى شي واقرع ..
بس وحده الله يسعدها دلتني على مندوب يبيع زيت والله العظيم ان شعري من اول شهر تحسن مراا وماشاء الله الحين طويل وكثير .. بس الرجال هذا في جده مااعرف لو يوصل للرياض .. المهم بدور رقمه وارسله لكم لو تبغونه .. |
رد: ابي احسن زيت يطول ويكثف الشعر
عني ماجربت
بس اكثر شي جربوه الاخوات اكييد والله يخليكم نبي اشياء مجربه ماني اقتراحات لانخرب شعورنا |
رد: ابي احسن زيت يطول ويكثف الشعر
انا زيت الحلبة يسبب مغص في بطني وانا حامل في اربعة شهور ويوم قرات لقيتة منشط
|
رد: ابي احسن زيت يطول ويكثف الشعر
جربي زيت ام حلاوي يطول وينبت شعر لك خلال شهر.يالغلاااا ويعبي الفراغااات.. بالتوفيق
|
رد: ابي احسن زيت يطول ويكثف الشعر
في كثير يمدحو زيت السمسم مع الاملج
اذا احد جربها ياليت يفيدنا |
| الساعة الآن 03:13 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .