|
انا عضوه جديده تعالو سمعو قصتي
هلا بالبنات شخباركم
من اسمي انا كنت حامل بقولكم قصتي من الاول انا عندي ولد عمره 11سنه وبنت عمرها 6سنوات ونص وبنت ثانيه عمرها 3سنوات و4شهور وجبتهم كلهم قيصريه لان بولدي الرحم انفتح 4 ووقف ماعاد ينفتح زياده ونبض الجنين ضعف اضطروا ينقذون الجنين بقيصريه ببنتي جاني سكر حمل خفيف وطولت ماجاني طلق ابد واضطرو قيصريه وخلاص مشت معايه القيصريه ببنتي الثاني قيصريه انا دورتي مو منتظمه ونمنع القذف خارج المهبل وكان عمر بنتي سنتين و8شهور ومستبعده سالفة الحمل لاني اولد بقيصريه والحمدلله عندي بنتين وولد وجاتني الدوره في شعبان وماجات برمضان عادي لاني متعوده الدوره مخبطه وامنع فامهتميت في نص شوال معدتي غثيان ياربي شالسالفه شكيت رحت سويت تحليل بول اعزكم الله وطلعت حامل وتفاجات وتضايقت اشوي لان من فتره بسيطه امي توفت وبعدها بشهر اختي توفت اكمل قصتي بعد دقايق القاكم |
رد: انا عضوه جديده تعالو سمعو قصتي
نورتي حبيبتي والله يحفظلك أولادك و يرزق كل الأخوات و أنا أنتظر بقية القصة
|
رد: انا عضوه جديده تعالو سمعو قصتي
اميرة الحنان اهلا فيك منوره حبيبتي
اكمل قصتي وانا حملي عموما صعب من ترجيع وغثيان الوحم والنساة وكنت جدا تعبانه واحيانا اصييح من التعب معدتي على طول غثيان اتممت شهري الاول والثاني والثالث بهالفتره اشتركت بهالمنتدى وسميت نفسي حامل وبس وماكان عندي خدامه قدمت عليها والحمدلله جاتني خلال شهرين ومن جات وانا اعلمها الشغل وانظف معاها علشان تتعلم ومن الغبار كان تجيني حالات ضيق بالتنفس وكحه تجي وقت قليل وارجع لطبيعتي وكنت احس بحركة الجنين بس لمن جات الخدامه وقمت اشتغل معاها واتحرك كثييير ماكنت احس بالحركه لان بالشهر الرابع يادوب احس بالحركه في حالة الاسترخاء والهدوء . مره جاتني حالاة ضيق التنفس قلت خل اروح اشوف سبب هالضيقه وكنت قبلها بعشرة ايام مسويه سونار حبيت اعرف جنس الجنين بس كان مسكر رجوله بس كل شي كان تمام نبضه اوكي وحركته حلوه ولمن رحت اشوف سبب الضيقه سوت لي سونار وسالتني متى اخر مره صورتي قلت من عشرة ايام خير في شي قالت الجنين مافيه نبض وحاولت مافي فايده جابت استشاري وحطوني على جهاز ثاني دقيق ومافي فايده الجنين متوفي |
رد: انا عضوه جديده تعالو سمعو قصتي
الله يصبرك و يعوضك خير حبيبتي
|
رد: انا عضوه جديده تعالو سمعو قصتي
المهم سالت الدكتوره كم صار له متوفي قالت اسبوع وانتي تختارين تنتظرين ينزل لحاله او تاخذين طلق صناعي قلت بنتظر اشوي وانتظرت اسبوع ومافي اي بوادر ولاده او دم او الم اخترت الطلق الصناعي لاني خفت وفعلا سوو لي طلق صناعي بالقسطره ونزل الجنين وكان ولد وبعده ب3شهور تركت المانع علشان احمل ماصار حمل نزلت الدوره وماتاخرت راجعت دكتوره كتبت لي كلوميد وماصار حمل نزلت الدوره ماتاخرت كتبت لي الدكتوره كلوميد وابره بس البويضات كانت صغيره وماصار حمل ونزلت الدوره بموعدها وهالشهر اخذت كلوميد وابرتين بس الابره الثانيه الممرضه ماعطتني اياه بالشكل المضبوط سببت لي كدمه وسويت سونار وطلع مقاسات البويضه صغار الابره الثانيه ماستفدت منها شي لانها غلط اخذت ابره ثالثه واللحين انتظر موعد الدوره واحلل الله يرزقني ويرزق كل امراه بنفسها طفل
|
رد: انا عضوه جديده تعالو سمعو قصتي
ربي يخليلك اولادك ويعوضك بالحمل الثابت السليم...ربي يرزقك الولد الصالح يااارب انت وكل محرومة متمنية الحمل ....
|
رد: انا عضوه جديده تعالو سمعو قصتي
والله ما ادري
انتي 3 مرات جبتي قيصريه .. والولد الاخير اللي مات كان ولاده طبيعي دام في طلق صناعي .. انا اشوف انج تقطعين المنشطات لا تسبب لج تكيس واخذي حبوب تنظيم الدوره بروجليتون مدة 3 شهور او اربعه عشان تنتظم وافحصي بثاني يوم الدوره هرمون tsh , fsh وهرمون البرولاكتين + هرمون lh هذول اربع هرمونات لازم يكونون سليمين ووقت اخذهم يكون بثاني يوم الدوره واليوم ال21 من الدوره سوي تحليل هرمون البروجسترون هذا نتيجته راح تقولج عن التبويض اذا صار هالشهر او لااا احس الدكاتره مستعجلين سيدا ابر وكلوميد ويقعدون يجربون فيج مره يضربون الابره غلط مره باليوم الغلط انا اقتراحي لج نظمي دورتج وقبل تاكلين المنظم اكشفي على كل الهرمونات وبعد استخدام المنظم اللي هو مدته من3 الى 6 شهور شوفي موضوع التنشيط |
رد: انا عضوه جديده تعالو سمعو قصتي
الله يعوض عليكى و يرزق بالذرية الصالحة عاجل غير اجل يارب العالمين
|
رد: انا عضوه جديده تعالو سمعو قصتي
نفس كلام شمس مشرقة
إخذي البروجلتنون مرة كويس وسوي التحاليل اللي قالتها الاخت شمس مشرقة والله يخليلك عيالك ويحفظهم لك |
رد: انا عضوه جديده تعالو سمعو قصتي
الله يخليلك عيالك ويعوضك عن البيبي يلي راح في أقرب وقت
|
رد: انا عضوه جديده تعالو سمعو قصتي
شمس مشرقه دورتي انتظمت بعد الاسقاط بس المشكله اللحين ان حجم البويضات صغيره اسوي تصوير بيوم 13 بس تطلع مره صغيره في المره الاولى كان حجمها 12 مل والشهر الثاني كانت اقل من 1سم وهالشهر اكبر اشوي بس مازالت صغيره
|
رد: انا عضوه جديده تعالو سمعو قصتي
واذا على التكيس سوت الدكتوره لي تصوير تتاكد اذا مافيه تكيس والحمدلله مافيني تكيسات واليوم لي 20 من الدوره وانتظر موعد الدوره واذا تاخرت اسوي تحليل تتوقعون اذا حللت قبل موعد الدوره بيومين يبين بتحليل البول ولا اصبر لموعدها
|
رد: انا عضوه جديده تعالو سمعو قصتي
معقوله صابج ضعف تبويض بعد هالاسقاط
اللي اعرفه التكيس يسبب ضعف تبويض ع العموم في ابر اقوى من الكلوميد وتكبر البويضه الكلوميد يعتبر اخف نوع تنشيط مبايض |
رد: انا عضوه جديده تعالو سمعو قصتي
شمس مشرقه انا اخذت ابر منشطه اسمها جونال اف الشهر الاول خذت بس كلوميد وماصار حمل الشهر اللي بعده اخذت كلوميد وابره وحده منشطه جونال اف75 ماصار حمل الشهر اللي بعده خذت كلوميد وابرتين وانتظر موعد الدووره
|
رد: انا عضوه جديده تعالو سمعو قصتي
الله كريم
الله يرزقج اللي عليج انتظري الدوره تطوف كم يوم وسوي تحليل دم احسن بس خليها تطوف ع الاقل 5 ايام انا سمعت مدح كبير على ابر جونال اف انها قويه وحتى اللي يبون يسوون انابيب يعطونهم اياها |
رد: انا عضوه جديده تعالو سمعو قصتي
انا كان عندي ضعف ببكري الولد حملت بسرعه بنفس شهر زواجي وفي بنتي كذت كلوميد وعلى طول حملت في بنتي الثانيه خذت منظم للدوره 3شهور لانها مو منتظمه وحملت على طول بلي سقطته حملته فيه فجاه لاني كنت امنع الحمل والدوره مو منتظمه شلون حملت الله الكاتب ليه ويرزقنا من غير مانتحتسب ولمن سقطته ماحملت مع اني اخذ منشطات قويه بس البويضات مره ضعيفه قالت ليه الدكتوره اذا ماصار حمل ماراح تعطيني شي الشهر الجاي وبنتظر باقي على موعد الدوره 10 ايام
|
رد: انا عضوه جديده تعالو سمعو قصتي
الله يعوضج ياااقلبي
|
رد: انا عضوه جديده تعالو سمعو قصتي
اقتباس:
|
| الساعة الآن 05:55 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .