|
الله يرزقكم باللي تتمنونه ساعدوني 😔
السلام عليكم ورحمة الله ..
انا عضوه جديده تشجعت اشترك بالمنتدى واسألكم عن اللي صاير لي يمكن احد مر بنفس التجربه او عنده خبره .. انا بالبدايه متزوجه من سنه وشهر والله ما كتب لي احمل والله كريم و بغربه مع زوجي يدرس يعني ماني بديرتي اقدر اروح الطبيب باي وقت الا الطوارئ اما العيادات لازم موعد والمواعيد بالشهر .. موعد دورتي شهر يناير كانت 29 فبراير جدمت يومين صارت 27 الحين اهيا متأخره لو قلنا ان فيراير كان 28 يوم فمعناته موعدها 29 مارس راح تكون متأخره 5 ايام سويت امس تحليل منزلي طلع سلبي وانصدمت واايد لان هالشهر توقعت اني حامل مادري ليش كان عندي احساس كبييييير وكنت حلمانه حلم تفسيره حمل وخالتي ام زوجي حلمانه انه مبتسم ووجهه منور .. وكنت شاريه اختبار التبويض ومشيت عليه يومياً وطلع لي اباضه تاريخ 12،13 ،14 من الدوره وبعدين اختفا الهبي فيس ورد التبويض بتاريخ 23،24،25 سالت دكتوره قالت لي في حالات يصير لها وكان معاي افراز التبويض الاعراض اللي حسيت فيها قبل الدوره : الم وتقلصات بالبطن قبل 3 ايام من موعد الدوره بس اخف من الدوره ومتقطع يروح ويرد وهالشي اول مره يصير لي بالعاده بيوم الدوره .. اذا كنت قاعده وقمت فجاة ادوخ ثواني يعني كل مره اكون قاعده او نايمه واقوم ادوخ .. صداع بمكن مرتين .. المشكله ان عندي حرقة بالمريئ فما اقدر اميز الحموضه ... صار عندي نفور من الجماع ( المعذرة ع هالكلام بس مضطره ابين ) .. اعصابي حيل مشدوده وعلى اقل شي اتضايق .. حرقة عند التبول بس كل مره تقريباً مو مره باليوم والمعذره انا ولا مره بحياتي ميزت ريحه ولا لون بس نوعا ما في ريحه .. مازالت معاي افرازات التبويض بيضا ثقيله وشفافه منو مرت بنفس حالتي خصوصا اني موقفه دوا المريئ والحموضه متعبتني اي شي اكله اتأذى وطبيب ماحصلت لي موعد الا 15 ابريل الله يفتح عليكم ويجزاكم خييير يارب |
رد: الله يرزقكم باللي تتمنونه ساعدوني 😔
حببيتي أنا وقت ماكنت حامل بعض اﻻعراض كنت عندي
بس أنا ماعندي خبره كافيةة وابغى انصحك لو عملتي التحليل المنزلي اعمليه في الصبح أول ماتصحي من النوم وان شاءالله تكوني حامل وتبشرينا ﻻن اختي كانت تحلل منزلي ومافي حمل واللين راحت المستشفى قالو لها حامل بالشهر الثاني ﻻنها كانت تحلل بغير وقت الصبح |
رد: الله يرزقكم باللي تتمنونه ساعدوني 😔
حبيبتي عيدي اختبار الحمل مرة ثانية يمكن حامل لكن هرمون الحمل ضعيف فما بين معاك والأفضل انك تحللين دم لان نتيجته مضمونة أما عن الأعراض فهي اعراض حمل لكن الأعراض هذي ماتبين بأول اكتشاف الحمل فما اعرف ممكن انتي غير
الله يرزقك ويقر عينك بالحمل السليم ونصيحة مني لو ماطلع حمل لاسمح الله روحي شوفي السبب لأن انا مثلك ويوم رحت طلع السبب جدا بسيط كان عندي ارتفاع بهرمون الحليب وهو اللي كان مانع الحمل وعالجته وانا توني ما أخذت من الدواء الا حبتين وحملت بنفس الشهر، فلا تهملين نفسك يمكن السبب بسيط وانتي ماتدرين وتقعدين تفكرين وان شاء الله تكونين حامل وتفرحينا |
رد: الله يرزقكم باللي تتمنونه ساعدوني 😔
اذا انتي بامريكا جيبي تحليل فيرست رسبونس first response يطلع الحمل بدري .. او روحي سوي تحليل دم بنفس العياده اللي حجزتي فيها موعد اعتقد تقدرين في اي وقت
|
رد: الله يرزقكم باللي تتمنونه ساعدوني 😔
اقتباس:
|
رد: الله يرزقكم باللي تتمنونه ساعدوني 😔
اقتباس:
جزاااچ الله خييير .. ربي يرزقچ بكل اللي تتمنينه يآرب |
رد: الله يرزقكم باللي تتمنونه ساعدوني 😔
اقتباس:
جزاااچ الله خييير وربي يثبت حملچ يآرب وتولدين بالسلامه وبصحه وعافيه انتي والنونو وان شاء الله بعيد التحليل والله يكتب اللي فيه الخير يارب |
رد: الله يرزقكم باللي تتمنونه ساعدوني 😔
اقتباس:
اااي حبيبتي انا أمريكا وعندي تحليل كلير بلو ديجيتال وبشتري اللي قلتي عنه بإذن الله ريي يرزقچ بالحمل ويفرح قلبچ بالذريه الصالحه يآرب |
رد: الله يرزقكم باللي تتمنونه ساعدوني 😔
اعملي تحليل دم حبيبتي ان شالله يطلع حمل و مدام الدورة ما بتتأخر عندك يا رب تكوني حامل |
رد: الله يرزقكم باللي تتمنونه ساعدوني 😔
حبيبتي صدقيني مافي دليل قاطع غير التحليل اما باقي الاعراض رح تحسيها كل شهر وخصوصا ان اعراض الدورة مشابه تماما اعراض الحمل الله يرزقك يارب
|
رد: الله يرزقكم باللي تتمنونه ساعدوني 😔
يمكن تكوني حامل من التبويض المتأخر اللي حصل لهدا ما بين معك التحليل لأن نسبة الهررمون ضعيفة...ادا امكن حللي دم احسن و أوضح و ربنا يكرمك و تكوني حااامل و تجي تفرحينا يا رب
|
رد: الله يرزقكم باللي تتمنونه ساعدوني 😔
ترى مرات مايبين التحليل على طول مرات تجربين مره ومرتين وثلاث يبان فيه
الله يرزقكم كتكوت يسعدك ويونس وحشتك وغربتك ويكتب لي الي اتمنى ويرزقني ويرزقك |
رد: الله يرزقكم باللي تتمنونه ساعدوني 😔
كتكوت =) يعني بيبي جميل زيك
|
رد: الله يرزقكم باللي تتمنونه ساعدوني 😔
اقتباس:
يآرب الله كريييم .. ان شاء الله بسووي تحليل دم بس بصبر چم يوم ان شاء الله وربي ايسر جزاااچ الله خييير ربي يسعدچ يآرب |
رد: الله يرزقكم باللي تتمنونه ساعدوني 😔
اقتباس:
انا بالعاده ما احس بأعراض الدورة قبلها بس بيومها عشان جذي كان عندي امل كبير بس الحمدلله التحليل سلبي والامل بالله اللهم آميين جزااچ الله خيير ربي يسعدچ |
رد: الله يرزقكم باللي تتمنونه ساعدوني 😔
اقتباس:
آمييين يارب .. جزااچ الله خييير ربي يسعدچ يآرب |
رد: الله يرزقكم باللي تتمنونه ساعدوني 😔
اقتباس:
صح والله وايد يقولون والله كريييم بنطر چم يوم وبحلل دم بإذن الله اللهم آميييين ويرزقچ باللي تتمنينه ويسعدچ يارب " احنا بعد نقول كتكوت حق البيبي " 😄 |
رد: الله يرزقكم باللي تتمنونه ساعدوني 😔
عيدي التحليل بعد يومين اذا ما نزلت الدورة بس اول ما تصحي من النوه قبل لا تشربي حتى الماء
ويارب تكوني حامل بشرينا عزيزتي بالحمل ربي يفرح قلبك |
رد: الله يرزقكم باللي تتمنونه ساعدوني 😔
الحمدلله على كل حال شرفت الدورة قدر الله وماشاء فعل يارب لك الحمد حتى ترضى ولك الحمد اذا رضيت ولك
الحمد بعد الرضى ولك الحمد على كل حال الحمدلله خيييره ويآرب ماشوفهت الشهر الجاي وربي يبشرني بالتوأم يارب انا الحمدلله راضيه ومقتنعه لعل في الامر خير وتوني بالجامعه بس نظرات الناس واحساسهم بالشفقه يضااايق وخصوصا اذا وحده تزوجت بعدي وحملت وتسألني !! انا مقتنعه ان اهوا رزق ربي رزقني الزواج قبلها ورزقها الحمل قبلي يارب لك الحمد ياليت الناس يتغيرون ويحسون اسفه ثقلت عليكم بس كلام بخاطري اطلعه وفضفضه من اخت لخواتها ويارب تبشرني وتعوضني باحسن ذرية انا وكل من يبي يااااااارب |
رد: الله يرزقكم باللي تتمنونه ساعدوني 😔
الله يرررزقك يا حبيبتي وحللي دم وراحح يبان باذن ربي^^
|
رد: الله يرزقكم باللي تتمنونه ساعدوني 😔
المشكله تتشابه الاعراض الدوره والحمل بس ان شاء الله يكون حمل وتفرحي وتفرحينا يارب
|
رد: الله يرزقكم باللي تتمنونه ساعدوني 😔
ياقلبي احتمال الهرمون الحمل مابان احسن حللي بعد عشر ايام عشان يبان الهرمون في البول الله يكرمك والله يرزقك حبيبتي
|
| الساعة الآن 09:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .