|
طفلي رافض صدري ... الله يعين
سلام عليكم
نفسيتي تعبت ولدت بعمليه قيصريه .. المفروض طبيعي بس الحمدلله ولدي رافض صدري بقوه تعود ع الرضاعه طول فتره الحضانه ولمن طلعت من المستشفى حاولت بقوه اعطيه صدري بس رافضه ويجلس يدز نفسه عن صدري الحين لي 15 يوم وهو اكثر شي اعتماده ع الرضاعه والله ماخليت شي ماسويته له عشان يرضع من صدري حطيت حلمه صناعيه رضع منها وبعدين رفضها شفطت صدري وحطيته له بالرضاعه بس اخاف ينشف صدري كل وقتي اقرا عليه المعوذات واصلي ع النبي عشان يمسك صدري بس رافضه بقوه يجلس يصيح واجد اجوعه عشان يرضع اجلس نص ساعه بس ابيه يمسك حلمه صدري اتعب واجد ولا يبقى صدري حطيت ماي زمزم ع صدري عشان يرضع نفس الشي قولو لي وش الحل ابيه يرضع طبيعي عشان مناعته واللي مايعرف الحل على الاقل دعوه لي بظهر الغيب لانه من جد تعبت |
رد: طفلي رافض صدري ... الله يعين
مادري ليش يسوي كذا
مدري حسد حتى امي مستغربه من هالشي |
رد: طفلي رافض صدري ... الله يعين
مادام تشفطي وتحطي برضاعه ماراح ينشف الحليب انتي قولي يارب وان شاء الله يرضع
لاتخافي لانو تعود على الرضاعه فتره عشان كذا حاولي ولا تياسي ربي يهديه ان شاء وتجي تبشرينا يارب ياكريم ارشد ولد اختي اسيره واهديه كما ارشده سيدنا موسى على صدر امه لعيووونك ررررررفع |
رد: طفلي رافض صدري ... الله يعين
هو مش عاوز صدرك .. لان ممكن بينزل بسيط وهو بيزهق ..
عاوز حاجة سريعة .. تشبعه بسرعة بدون تعب .. ياعني الرضاعة تنزله كثير وبسرعة فبيشبع بسرعة وهو داه الى هو عاوزه .. .. علشان كدة طالما تشفطي من صدرك وتحطي فى الرضاعة ماراح ينشف .. .. وأعطيه بالرضاعة وخلاص .. .. والله يهديه عليكي .. |
رد: طفلي رافض صدري ... الله يعين
الله يعينك حاسه فيكى
انا بنتى نفس الشي بحاول مرات بحط شي طعهم حلو على صدري تبدا تمص بس يخلص هدا الشي تسيبه والله ما خليت طريقة |
رد: طفلي رافض صدري ... الله يعين
الله يهديه عليكي
|
رد: طفلي رافض صدري ... الله يعين
انا زيك ولدت قيصري وولدي رفض يرضع مثل ولدك بالضبط والحين عمره 3 شهور ومايرضع غير صناعي وعنييييد حاولت معاه بكل الطرق والوسائل إنه يرضع طبيعي بس مافي فايدة وخلاص صدري نشف..الله يعينك وبرضه لاتيأسي حاولي
|
رد: طفلي رافض صدري ... الله يعين
حبيبتي انت استمري معاه ابدا لاتركيه انا مثلك بالضبط ولدت قيصري وبنتي مارضعت استمريت اسبوعين انا افرغ حليبي بالرضاعة واعطيها وكلشي سويت ومارضعت وكملت اسبوعين وبعدها الحمد لله رضعت وهالفترة جدا تعبت معاها وكل شوية ابكي من هذي السالفة بس الحمد لله طبيب نصحني ان ادخل سواد الحلمة كله بفم الطفلة والحمد للة استمرت سنة ترضع بس انت لاتيأسي
اتمنى افدتج |
رد: طفلي رافض صدري ... الله يعين
عندي نفس المشكله يا ريت حدا يحكيلنا حل .. الله يعينك اختي ان شاء الله تفرحي برضاعته منك وادعيلي انا كماان لانو عودتو من البدايه عالببرونه وما عاد يرضع مني ...
|
رد: طفلي رافض صدري ... الله يعين
مابعرف والله بس انتي حاولي دايما يمكن بالنهاية يرضى يرضع طبيعي
والله يعينك ويخليلك ياه |
رد: طفلي رافض صدري ... الله يعين
انا ولدي عمره ثلاث شهور الحين ونفس القصه كان فالبدايه يرضع لكن بصعوووبه واحسه معصب ويبكي
المهم وصلت معاه انه مايرضع الا وانا واقفه وقعدت فترة شهر كل رضعه اوقف فيه وادور بعدها خلااااص مرررره ماصار يبي المهم لي اسبوع الحين تاركته ولا حاولت ارضعه الا بالليل وهو نايم وامس قربته بشويش واللهم لك الحمد مسكه حسيت من الفرحه ودي ابكي وكني فهمت ليش هو كان رافض صدري انا بصراحه كنت دفشه معاه واعاند رغبته واجججججبره على صدري لين يبكي كثيررررر ويمسكه من الجوع واكبر غلطه سويتها اني كنت اجوعه لاكن قريت هنا فالمنتدى موضوع وقالت فيه الاخت ان ممنوع تجويع الطفل حتى لو رفض صدرك انتي اعطيه نص رضعه وبعدين كرعيه وحاولي فيه يمسك صدرك ولا اتركيه كم يوم وابدي من جديد مثلي يعني واشتري الكرسي حق الرضاعه او المخده عشان لما تحطينه على صدرك تكونين انتي وياه مرتاحين وامسكيه بنعومه وحكيه قبل وحتى حطيه على صدرك وانتي وياه مفصخين حتى لو مارضع بس عشان ريحتك بس بسالك وش دخل الولاده القيصريه بالرضاعه ؟ يعني بالمستشفى عطوه رضاعه ولا كيف؟ شغله ثانيه انك تحطين سكر وموية زمزم لطفل ماكمل الاربعين غلطه كبيره انا ولدت في امريكا والدكتور قالي ان اي نوع اكل او شي تعطينه الطفل قبل الاربع شهور جسمه مايهضمها وتتخمر داخل امعائه فنتبهي حتى المويه نصحني وقالي انها تسبب غازات ومغص وحليب الام او الصناعي فيه مويه بكميات كافيه حتى ان هضم الطفل بطيئ يعني بطنه يمتلي مويه ومالها فيده له الحليب اولى استمري في الشفط واشفطي الحين قد ماتقدرين وانتي نفاس وحطي الزايد في الفريزر لان حليب النفاس فيه قيمه غذائيه عااااااليه الله يطمن قلبك ويصلحلك ولدك وولدي :) |
رد: طفلي رافض صدري ... الله يعين
الله يعينك انا ولدي في نص الرابع وبطل يرضع مني كل البيبهات يحبو الرضاعه لانها اسهل لهم اشفطي وحطيها بالرضاعه hwaml7
|
رد: طفلي رافض صدري ... الله يعين
اقتباس:
اللهم امين مشكوره فور يو على مشاركتك والله يهديه يااارب |
رد: طفلي رافض صدري ... الله يعين
اقتباس:
علييك نوووور هذا اللي يبقاه وما اكتشفت الا بعد اسبوعين وغيرت له الحلمات اخ1ت له مديم وسموول بس ساعات يعاند ومايبغاهم الله يعين يارب اميييين اشكرك على الرد |
رد: طفلي رافض صدري ... الله يعين
اقتباس:
امين جميعا اشكرك على الرد الله يهدي عيالنا وياخذوه |
رد: طفلي رافض صدري ... الله يعين
اقتباس:
ااامممييييين اشكرك على الرد منوره |
رد: طفلي رافض صدري ... الله يعين
اقتباس:
يالله جيل هالايام عنيييييييييييدين مره الله يعين حاولت وحاولت وحاولت لمن طقت تسبدي مشكوره غناتي |
رد: طفلي رافض صدري ... الله يعين
اقتباس:
سويت هالطريقه بس معاند مو راضي يرضع الله يعين بس تسلمين يالغلا ع الرد |
رد: طفلي رافض صدري ... الله يعين
اقتباس:
امييييييييييييييييييين ان شاء الله ربي يهديهم وياخذوه |
رد: طفلي رافض صدري ... الله يعين
اقتباس:
هذا احاول بس يعورني قلبي اذا صاح واجد فاضطر اعطيه الرضاعه |
رد: طفلي رافض صدري ... الله يعين
اقتباس:
علييييييك نووور الله يهديهم منوووره يالغلا |
رد: طفلي رافض صدري ... الله يعين
اقتباس:
اختي سويت اللي قلتيه واللي نصحتيني فيه بس ولدي معاند ومصر على الرضاعه وانا ولدت بمستشفى حكومي ونظامهم يجبون الطفل للام ومايرجعونه الحضانه مره ثانيه وانا كنت تعبانه فكان عندهم ويرضع رضاعه وبعد ماطلعت من المستشفى حاولت ارضعه بس الله يعين وسالفه السكر وماي الزمزم ماعطيته ادري انه الرضاعه تسبب له غازات وهو مجنني ودايم يصيح من بطنه بس وش اسوي اهم شي ابريت ذمتي من هالناحيه هو ولدي يبقى كذا الله المعين |
رد: طفلي رافض صدري ... الله يعين
اما والدة من اسبوع وشي كم يوم بس...وصدري نش :(
والدة قيصري وولدي اتعود ع حلمة الرضاعة ونفسي يرضع من صدري بس مايمسك حلمتي نهائيا تعت معاه... |
| الساعة الآن 04:06 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .