|
ابي رايكم **كيف اتصرق ؟؟؟
مشكلتي اتضايق اذا زوجي سافر مع احد غيري ماادري هووو خووف ولا شك ..
بس والله مو قصة اني احب اتحكم فيه بالعكس ........ زوجي اليوم قال لي بروح الكويت واحنا حاليا بالحفر زيارة عتد اهله ويقول قبل تنتهي الاجازه بستانس انا واخوياي المشكله اللي يروح معهم مش اصحابه اصحاب اخووه من الاسبوع الماضي وهو يبي يروح مع اي احد كان يبي يروح مع اخوه وخربت الروحه والحين سافر مع خوي اخوه .... سؤال محيرني ليه الا يروووح وش معنى ؟؟؟؟؟؟ ..انا لما زعلت قلت له ودني بيت عمي وانا بدق ع اهلي وكلللل واحد مننا بطريق لاني مقهوووره ووش يبي يروح ييسووي هناك وهو دايم يحلف لي انه مايعرف احد ولما يرجع من السفر يقسم لي انه مالمس اي انثى انا مااطلب مننه بس هو يقول عشان تتطمنين وهالمره قال انتي دايم ماتبغيني اروح وانا امشي ع رايك هالمره بروح بكيفي ... وقال ماقصرت معك تونا راجعين من السفر انا وياك (((سافرنا برى انا وياه وبنتي )) سافرن زعلت وتضايقت وبكيت وقلت له اني بكلم اهلي قال الحين بان منهوو اللي باع الثاني ع طول ...واحسه انصدم بكلامي واني قلت له كل واحد بطريق وبعد كم ساعه رجع للغرفه قال لي كنسلت الروحه وانا عارفه انه كنسل السفر للكويت خاف ادق ع اهلي وتكبر سالفه هدا الوضع وجا يسولف معي ويلعب مع بنته ويضحك لي قال هاه وش قلتي الرجال ينتظرني اروح معه ولا لا ؟؟؟ هو يبي يشوف ان شلت فكرة اني ادق على اهلي وااني لسى زعلانه او لا انا حسيته كبيره انه ينتظر اذن مني وقال اذا ماتبين مااروح... قلت له ع راحتك اخذ اغراضه وسلم علي ....وقال مابطول وبجيب لك هديه ...... انا ناديته قبل يطلع ورجع لي وباسني وقال مااني زعلان منك انتي زعلانه ؟؟؟ قلت لا قال بس كلامك اليوم كبير ..... انا مارديت ............................. انا اعرف انه يحبني وترك اشيا كثيره عشاني مثل الدخان ... واننا احبه بس ماادري انا ابالغ ولا تصرفي طبيعي اني ماابغاه يروح مع شباب ماادري انا اغار ؟؟؟ ولا اشك ؟؟؟ وكيف اتصرف اذا رجع استقبله زين ولا رسميه مع العلم اني عند اهله الحين مو مبين علينا اي شي قدام اهله مووضوعي مو كبير ووضعي حاليا مستقرر ......... ((زوجي يحس ان الناس حاسه انه يستاذن مني قبل يروح وانه يعلمني وين يروح وين يجي بادق تفااصيل ))) بس والله مو لاني قووويه لا والله بالعكس طبعي هادي لكن انا وياه متفاهميين انا ماابيه يتغير ويصير مايهمه زعلي ويساافر ع كيفه بدون مايراعي شعوري ولا ابي دايم ازعل واصير بنظره نكديه ..... بس ابي اعرف وش التصرف الصحيح اللي لازم اسويه ؟؟؟؟؟؟؟؟؟ |
رد: ابي رايكم **كيف اتصرق ؟؟؟
شوفي حبيبتي انا من سابع المستحيلات اخلي زوجي يسافر برا لوحده او مع ناس لو يموت
كم مره حاول فيني انه يبي يطلع برا مره مع زملاه ومره مع ابوه واخوانه ومره قال انا وانتي وانا رافضه رفض تام لو يموت وقلت له اذا بتطلع والله الي رافع السماء من غير عمد اني ماعد اجلس معك هو تقدرين تسمينه حب على غييييره على شك انا نوعيتي وطبعي شكأكه وغيوره على زوجي عشان كذا ودي اريح راسي بس دامكم متعودين تطلعون لا تزعلين ياقلبي استودعيه الله وان شاء الله مايشوف غير ولا يلمس غيرك واذا رجع استقبليه احسن استقبال واذا مر كم يوم فاتحيه في الموضوع وقولي ماعد ابي تطلع برا مهما صار انا احبك واغار عليك ومن هل كلام الله يديييم المحبه والسعاده بين كل زوجيييين يارب |
رد: ابي رايكم **كيف اتصرق ؟؟؟
أنآ مـع الأخت دلوعةة حبيبهآ ..
حآولي تفآتحينه بالموضوع لمآ يكون رآيق وبآله فآضي .. مو وقت سفره تجين وتنكدين عليه ، هو كذآ بيفهمهآ طبعاً .. إجلسي معه وفهميه إنك مآ تبغينه يسآفر أي مكآن بدونكك .. وآشرحي له أسبآب مقنعة تفهميه وجهة نظركك وتقنعيه برأيكك .. وإنتي قلتي إنه قلع عن الدخآن بسببكك يعني بإذن الله في أمل تغيرينه .. وربي يوفقكك معآه =) |
رد: ابي رايكم **كيف اتصرق ؟؟؟
حبيبتى الحمد لله زوجك يخاف من زعلك ويقدر
فى ازواج مايهتمون اصلا بزعل ولا لا انتى تحبين زوجك كثيير وتغارين عليه وتخافين يشوف غيرك وهذا حال كل الزوجات مب انتى فقط عاااااااااااادى ومن حقك تعرفين وين يروح ومع منو يسولف ووين يسافر اشوف مالها داعى يسافر من غير سبب عودية يستانس وياك ويسافر بس معاك عقب يرجع بالسلامة من السفر وبعد كم يوم سولفى معاه بخصوص السفر لحاله واوصلى معاة لنتيجة وحل مناسب وإن شاء الله يصير كل خير وتكسبين زوجك مثل ماتبغى أسوأ شى فى الرجال مابيون الزوجة تتحكم فيهم وهذا مو تحكم هذا من باب الغيرة والحب وهم مايفهمون شى الله يهديهم. اكسبى زوجك وصارحيه بكل شى ببالك وبهدوء وراحه اهم شى ترا راااااااااااااااااااااحه البااااااااااااااااااااال والراس. |
رد: ابي رايكم **كيف اتصرق ؟؟؟
حبيبتي
واضح زوجك يموت عليك و شي كبير ياخذ مشورتك بس لا تعتبرينها ان خواف لا بالعكس هذا يدل ع حترامه لك حبيبتي لا تضغطين عليه الرجال يحبون ياخذون راحتهم مع اصحابهم بين وقت وثاني انتي لك حق وهو معه حقك مو لازم هو لك بس صدقيني انا كنت زيك اغار من اصحابه بس كذا مااحب يتركني ولا يسافر بدوني بس كان يعصب ويشد علي بالكلام وازعل لين بعدين فهمت صدقيني هي كلها يومين مع ربعه وانتي غييير تاخذي وقت الوناسه كله معه واذا خليتيه يروح هل يومين صدقيني يرجع مبسوط ويرجع لك ويعوضك عن تركك له بشكل مو طبيعي وتحسي ان راجع لك ولهان نصيحتي اختي شيلي هاي الافكار من بالك ان كنت زيك والحين شوفي زوجي كيف واذا بترفضي رفضي بدلع انك ماتقدرين تستغنين عنه وكيف بكون بدونك وهيك يتراجع زوجك عشانك وانتبهي حبيبتي اذا كل حين بتهدديه ان بتخبري اهلك بيقولك بعدين روحي بسلامه الرجل مايحب تهدديه بالكلمه الطيبه تكسبيه |
رد: ابي رايكم **كيف اتصرق ؟؟؟
والله كلامكم صح
انا اقوول اوقات اخليه يغير جو وبيرجع مبسووط اكثر واوقاات اقول اخاف يتعود بس زي ماقالت الاموره اعجبني كلامها واني ارفض انه يسااافر بدلع واني مااقدر اصبر عنه هالنوع يعجب زوجي يحب اني اغاار عليه الله يسعدكم اسعدتوني برودوكم وريحتووني الله يعطي كل وحده فيكم اللي تتمناه يارب |
رد: ابي رايكم **كيف اتصرق ؟؟؟
زوجك فاكر نفسو لساه عزابي و يعمل مثل ما يحب
نسي انو عندو مراة و بنت ما قدر يتعايش مع الوضع يحب يسهر و يسافر مع صحابو ادا مو عاجبك وضعو اعملو مثلو بالضبط سافري انتي كمان مع اخواتك او صحباتك و شوفي رد فعلو اكيد راحة يبطل مثل هالتصرفات الغير لائقة برجل متزوج اكيد انتي ما راح تحرميه من الطلعة بس لازم يخفف شوي ا الله يهديه يا رب |
رد: ابي رايكم **كيف اتصرق ؟؟؟
حبيبتي سيبيه على راحته ده زوجك مش ابنك وخلي عندك ثقة لانه يحبك ويخاف على زعلك واحمدي ربك انه يستأذنك قبل لا يروح ولا يجي الله لا يحرمك منه طبعا الغلط كله منك اول ما يرجع قوليله اسفه على ذا اليوم وكبري عقلك
|
رد: ابي رايكم **كيف اتصرق ؟؟؟
مرهفه الاحساس كلامك سليم
والكويت وش فيها بلدنظيف لاداعي للخوف |
رد: ابي رايكم **كيف اتصرق ؟؟؟
حبابيتي
انا ادري انه بلد نظيف وانا كم اروح الكويت وانا معاه المشكله ان السفره مو معي يعني تونا جايين من برى ومبسووطين ومسافرين ليه يسافر لحاله مع العلم انه مو راعي سهرات ابد ولا له اصحااب مقربين. وانا ماابيه يسافر اخاف من تجمعات الشباب بذات ان اللي راح معاهم عزابيه والله انا احاول اكسبه واحاول احافظ عليه مو قصدي اثير مشاكل الحب الحمدلله موجود بينا بس يمكن ماعرفت اتصرف انا |
رد: ابي رايكم **كيف اتصرق ؟؟؟
ابدا المشكل مو فيك انا ضد ان الرجل يسافر مع اصحابو
دايما و يخلي مرتو و اولادو مرحلة الشباب و الطيش فاتت ما تعتدري منو ابدا حبيبتي بس حاولي انك تحاكيه بهالموضوع بس بدون زعل |
رد: ابي رايكم **كيف اتصرق ؟؟؟
حبيبتي الرجل مهما كان يحب يعيش كم يوم لحاله وبعدها يرجع لك بقلب مندفع وروح كللها حب وحياة ،، بسألك سؤال ماتجيك فتره تحبي تجلسي لحالك او تسهري مع صحباتك ،،
مو مسألة انه مااستوعب انه متزوج او يحسب حاله عزابي للحين لا لاتخسرين زوجك وهو شاريك فمجرد شكوك واوهام وتخيلي روحت شباب وانا مسؤل عن نفسي بس غير روحة عائله ومسؤل عن كذا شخص وتغيير جو حلو منه انه يستأذن فيه غيرك ماتدرين الا وهو ماسك الخط ،، زوجك يحبك فلاتخسرينه انا لما يقولي بسافر استودعه ربي وهو يسمع من شر الشياطين والنساء والانس ،، واصلي استخاره وارتب اغراضه واحط له حاجه تذكره فيني اسكارف سلسال ساعه عطر اي حاجه تكون قدام عينه اول مايفتح شنطته واعطر ملابسه بعطري واتركه يروح واتفرغ لنفسي اتضبط واغير حالي واهتم بجسمي وشعري وممكن اغير اللوك ولما يجي استقبله احلا استقبال يضحك ويقولي واللللله واللله ماانبسطة بروحتي تمنيتك معي ويقسم مية قسم ماعاد يعيدها وشوفي عاد مته يعيدها المره الثانيه بعد سنتين او ثلاث سنين وبعد كم سفره لنا سوا ،، شوفي انا كنت زيك بس مره قالي ياه ابوي عسى ربي يحفظه ومانسيتها ابددددددد (( لاتكونين مثل الزرار المتعلق بالثوب فحلق الرجال ترا يمل ويغير الثوب كله مو بس الزرار )) |
رد: ابي رايكم **كيف اتصرق ؟؟؟
حبيبتي اذا زوجك يحبك شيلي من راسك هادي الافكار
الرجال حسب كلامك مو مقصر معاك وترا هوا يخاف زعلك ويشيل خاطرك لاتزوديها معاه هوا اخدك وسفرك انتي وبنتك وانتي اكيد واثقه بحبه وترا كل الرحال يحبو يسافرو مع اصحابهم يضحكو ويغيرو جو مالو داعي الشك خليه ينبسط بس لايطول بسفره اشرطي عليه اربعه ايام ويرجع ولمن تكلميه قوليله وحشتني البيت من غيرك مو حلو قدرت تنام كويس بعيد عني لمن يرجع استقبليه احسن استقبال البسي فستان حلو الله يسعدكم يارب |
رد: ابي رايكم **كيف اتصرق ؟؟؟
يارب تعطي كل وحده اللي تتمناه
وكلامكم كثير افادني sammar mishael كثييييير اعجبني ردكم الله يوفقكم |
رد: ابي رايكم **كيف اتصرق ؟؟؟
السلام عليكم ورحمة الله وبركاته
بقولك عيوني الرجال بطبع عادته يحب يغير جوه مرا مع اهله مع زوجته مرا مع اصحاابه فاجئيه واستقبليه ب ابتسامه حلووه وكيك وقولي له انك اشتقتي له ( حاولي تكسبينه اكثر وبعدها عاد بدلع خبريه انك ماتقدري تستغني عنه وبقولك ع شي كثير نفعني بحياتــي ( الدعاء ادعي الله يبعد عنه رفقة السؤء ويجنبه عيال الحرام ) وبس ياغاليه والله يوفقكم |
| الساعة الآن 06:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .