|
اول حمل لي محتاااجه نصيحه
السلام عليكم
كيفكم حبوبات الحمدالله انضميت لحوامل الشهور الاولي وهو اول حمل لي يابنات انا مارحت مستوصف ولا شي حتي ماادري بأي شهر اخر مره جتني الدوره في 14/1 بالهجري ولما تاأخرت الشهر اللي بعده سويت تحليل حمل بالبيت وطلع لي خطين قبل يوم وانتم بكرامه استخدمة المسك الاسود واليوم نزل افرازات بنيه فاتحه اول مره ييصير لي كذا محتاجه نصائكم استحي اسأل زوجي عن اشياء كذا وامي خواتي ما قلت لهم لاني توني عروس واخاف يتفأجوا بحملي وبرضوا مابي احد يعرف الين يثبت الحمل انتظركمhwaml78 |
رد: اول حمل لي محتاااجه نصيحه
طيب ليش تستعملي المسك وروحي لمستشفى علشان التحليل والمثبتات
|
رد: اول حمل لي محتاااجه نصيحه
هلا حبيبتي
الف مبروك وان شاءالله يثبته ربي لك نامي على ظهرك وارفعي رجولك على شي و ارتاحي وابتعدي عن الجماع في ذالفتره وان شاءالله بعد كم يوم تبشريني انك تشجعتي ورحتي لطبيب وتابعتي حملك والله يسهل لك ولاتستحين من الحمل المبكر بعد الزواج نعمه من الله رزقك فيها ربي احمديه عليها |
رد: اول حمل لي محتاااجه نصيحه
والله مدري يأختي بس ترى حق عليك تفرحين زوجك وأهلك ..
و صدقيني هالفترة محتاجة أحد يسأل عنك ويهتم فيك الله يوفقك ويتمم لك ولنا بخير |
رد: اول حمل لي محتاااجه نصيحه
مشكورررات حبايبي علي النصايح
المسك سمعت انه يثبت الحمل وزوجي يعرف بحملي يعني ممكن تكون اعراض تسقيط؟؟ |
رد: اول حمل لي محتاااجه نصيحه
الف مبروك و الله يثبت حملك و يتمملك على خير
احسن شي تروحي على الدكتور لأنه الافرازات البنية يعني لاومك حبوب او ابر تثبيت ما تعتمدي على هاي الوصفات الشعبية لانها مش دائما بتنفع الله يثبت حملك و يقر عيونك فيه |
رد: اول حمل لي محتاااجه نصيحه
طيب انت دخلتي الشهر الثالث تقريبا
خلاص حرام عليك ماتفرحي امك الي جابتك و بعدين لازم حبوب حمض الفوليك ومن قال المسك مثبت اول مره اسمع و الافرازات البنيه خطيره دليل تسقيط لازم تراجعي مستشفى ماله داعي الخوف من الحسد عادي يعني اي وحده تتزوج يجيها زوجها معرضه انها تحمل بأي وقت مجرد استودعي جنينك الله و خلاص |
رد: اول حمل لي محتاااجه نصيحه
ياحبايبي انا والله مو خوف من الحسد بس انا كذا شي مو اكيد مااحب احد يعرفه الين التأكد
حتي اني للحين مو مصدقه اني حامل حمض الفوليك هل يثبت الحمل انا كنت استخدمه قبل الزواج وقفتها من شهر ونص تقريباً هل صدق صرت في الثالث ولا توني بالثاني ؟؟ الحمل صار باخر شهر محرم |
رد: اول حمل لي محتاااجه نصيحه
حبيبتي ابعدي عن المسك المثبت هو الله وحده
بس ابعدي عن الجماع والله يعينك مادامك عروس صبري زوجك والشغل خففي منه والدرج كمان خففي حافظي على حمض الفوليك وروحي للمستشفى تفحصك وتشوف وضعك اذا حملك بخطر تصرف لك مثبتـات تراها جدا حلوه بتوفيق وفضل الله |
رد: اول حمل لي محتاااجه نصيحه
ياختي مايصير
حمض الفوليك ضروري عشان الضنا يكتمل نموه لا يجيه تشوه لا سمح الله اقري بنفسك وش فايدة حمض الفوليك راح تعرفي انه مهم و طيري ع المستشفى حتا تطمني اكثر |
رد: اول حمل لي محتاااجه نصيحه
يااختي مره احسك بارده روحي المستشفى ولاتهملين نفسك تطمني عالبيبي واسمعي النبض وراح تعطيك ادويه للحمل
وخبري مامتك من حقها تفرح فيك |
رد: اول حمل لي محتاااجه نصيحه
والله يابنات لو تعرفوا ضروفي ماتلوموني
بس دعواااتكم |
رد: اول حمل لي محتاااجه نصيحه
ربي يثبت حملك ويرزق كل محرومه يارب
|
رد: اول حمل لي محتاااجه نصيحه
ضروري تاخدي مثبتات من المستشفى وخبري بحملك فقط امك مافي داعي اهله واهلك يعرفو الابعد مايصير واضح العين حق بالذات تقولي ماشاء الله حملتي بسرعه
|
رد: اول حمل لي محتاااجه نصيحه
ياقلبي الافرازات البنيه انذار اجهاض لاسمح الله
انا كنت اخذ مثبت حبتين فاليوم بدون ماتنزل علي هالافرازات وبعد ماصارت تنزل صرت اخذ 3 حبات مثبت فاليوم والحمدالله مااضطريت اني اخذ ابر تثبيت ضروري تاخذين حمض الفوليك لانه يساعد على اكتمال نمو الجنين من بعد الله سبحانه والمثبت عشان يثبته بما انو تنزل عليك مثل هالافرازات ولاتهملينها تراها خطره واهمالها يمكن يحولها لدم لاسمح الله وبما انو انتي توك بكريه غريبه مارحتي للدكتوره ؟؟ ولا فكرتي تتابعين عندها ؟؟ ولا خفتي على حملك ؟؟ ولا فرحتي فيه ؟؟ مو معناته انو حللتي فالبيت وطلع خطين يعني خلاص حامل اقل شي سويه يااختي تحليل حمل ب50 ريال ماراح يخسرك شي للأطمئنان فقط يعني اللي يسمع كلامك يقول هذي عندها 6 عيال وهذا السابع ومتعوده وعارفه نفسها وفاهمه القصه كلها وبعدين شوي وبتدخلين الرابع يعني يبي لك حبوب حديد ويبي لك كالسيوم وغير كذا يبي لك تسوين تحاليل شامله تشوفين الهيموقولبين عندك كم والسكر كم والكليسترول والكالسيوم وفيتامين دال كل هذي ضروريه بداية الحمل وضروري تسمعين النبض وتشوفين احوال الجنين كيف صايره وتسوي لك اشاعه (سونار) تشوف وضع المويه حقت الجنين وهيك وهالامور عادي روحي انتي وزوجك للمستوصف وسويها مو لازم احد يدري عنها دام انك تستحين عادي اي مستوصف روحي له وادخلي عيادة النساء والولاده وتابعي معها ومتى ماطرا على بالك تقولين وتنشرين الخبر قولي بس نصيحه لاتهملين نفسك ياقلبي سوااء كنتي عروس او غيره الحمل نعمه من رب العالمين ولازم الواحد يحافظ على هالشي اللي بداخله ومو بعدين تقولين ياليت وياليت الله يثبت حملي وحملك وحمل كل مسلمه بس مهما كانت الظروف الخارجيه عندك صعبه وسيئه مايمنع انك تهتمين بنفسك وتتطمنين صدقيني مره وحده بس زياره للمستوصف كفيله انها تطمنك عن كل هالشهور مو لازم كل شهر تروحين وكلها ماراح تكلفك 400 ريال بالكثيرررر 50 ريال تحليل دم و50 ريال كشفيه و200 ريال سونار اهم شي تكونين عارفه وش لك ووش عليك عارفه كثرت حكي عليك بس من خوفنا عليك ياااقلبي |
رد: اول حمل لي محتاااجه نصيحه
حرام تهملي نفسك حبيبتي بعدين رح تتندمي
توكلي ع ربنا وروحي ع دكتور بفهم في ناس كتييير بتمنوا يكون عندهم قطعه ولد |
رد: اول حمل لي محتاااجه نصيحه
الله يثبت حملك ويفرحك بشوفته واكثري من الاستغفار وحمدالله وشكره على نعمه .
|
رد: اول حمل لي محتاااجه نصيحه
حبيبتي لالالالالا مو شرط الافراز البني دليل الاجهاض انا صارلي كتير زيك ومع هذا الحمد الله الحين في الشهر الخامس استعملت اسبرين وابتعدي عن العلاقة الزوجية ونامي علي ظهرك واستعملت ابر تثبيت الله يثبت حملك
|
رد: اول حمل لي محتاااجه نصيحه
بنات انا رحت الليله لدكتوره
سوت اشاعه صوتيه وقالت الجنين موقف نمو من شهر ولا فيه نبض وقالت بكره اسوي موجات مهبليه <<مو متأكدة من اسمها انتي وش رايكم اخليها علي ربي الين يسقط الجنين ولا اروح اسوي اللي تقول وش الفائدة اذا الجنين مافيه نبض اكيد مات انا بس خايفه من الالم التسقيط والتنظيف والجنين اذا ربي كاتب يثبت ان شاءالله بيثبت |
رد: اول حمل لي محتاااجه نصيحه
الله يعوضك خير اختي
بس انتي المفروض من البدايه رحتي للدكتوره على الاقل لو ما اهتميتي زوجك يهتم انتي تأكدي من دكتوره ثانيه |
رد: اول حمل لي محتاااجه نصيحه
والله انك غريبه الاطوار
منتي فرحانه يوم حملتي وكانه عندك اولاد ومتعوده مثل ماقالت اخت شروق واللحين احسك عادي ومو حزنانه على توقف نموه تقولينه بكل برود !!! بعدين اللي يقرا العنوان ينصدم .. انا اول حمل لي ومن دريت اني حامل ماخليت مستوصف ماراجعت فيه ادور الافضل واقرا كل شيء بالنت واتثقفت وصرت خبره بكل شيء احب اقولك نصيحه اذا حملتي خبري امك لانه بتفرح فيك اكثر منك ومن زوجك شلون يطاوعك قلبك ماقلتليها كل هالفتره ؟ واللحين اول شيء تحتاجينه لاسقطتي امك هي اللي بتراعيلك وبتهتم فيك .. الله يرزقنا برهم ويخليهم لناا .. طيب منتي خايفه ان توقف نموه يكون سبب اهمال منك .. حسيتك كأنك من حريم زمان |
رد: اول حمل لي محتاااجه نصيحه
الله يعوضك خيير واذا ربي كاتب له عمر بيثبت ان شاء الله ..
والله اعذريني كان قسيت عليك بس انتي اغرب انسانه مرت علي .. |
رد: اول حمل لي محتاااجه نصيحه
الله يسامكم
كانكم تعرفوني ولا تعرفون ضروفي ربي اكتب الرد وانا ابكي يكفيني اللي انا فيه انا مو فرحانه بالحمل لاني زوجي رافض الحمل بالفتره ولا ني اول شهر سويت اشعة اسنان وانا مدري اني حامل وعشان كذا خفت يطلع الجنين فيه شي من اثر الاشاعه بنات مو انا الباردة ولا انا اللي مو مهتمه امس بالليل كنت بمووووت من الالم وسقطة الجنين وزوجي نايم جنبي ولا كاني زوجة ولا انه انسان بجنبه يتألم الليل كله واليوم الصباح راح شغله ولا اهتم في يقول عادي مافيك الا العافيه هذا دوره متأخره مع انه عارف انه حمل تركني الين المغرب بألامي وحالتي النفسيه ولا اهتم بالظهر شفت الموت بعيوني ادق عليه ويقولي عندي شغلي اذا خلصته جيتك انتظرته الين المغرب ولما جاء جاب معه حبوب من الصيدليه قال اكلي منها وبعدة راح لعشاء اصدقاءه امي مابي اقولها لانه معها ضغط واذا عرفت اني تعبانه بتتعب وهي في مدينه ثانيه الله لا يضع حاجتكم عند انسان قاسي ويسامكم لا تلوموني وانتي ماتعرفون عني غير شوي ردود البيوت اسرار وكل انسان يخفي داخله معانة لو عرفناها تعجبنا من تحمله لها |
رد: اول حمل لي محتاااجه نصيحه
اختي لا تستعملي اي شي لا توصفه لكي دكتورة
وانشالله يثبت حملك وتقومي بالسلامة |
رد: اول حمل لي محتاااجه نصيحه
تيب ليش ما تروحي ع الدكتور
ما بصير هادا الحكي ؟؟ انتي لازم تتطمني ع حالك وتتطمني ع اللي ببطنك ؟؟ وبعدين ضروري جدا تاخدي حمض الفوليك اسيد من اول يوم حمل لحد 3 شهور !!! |
| الساعة الآن 09:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .