|
ساعدوني الله يساعدكم
بسم الله الرحمن الرحيم
كيفكم ان شاءالله بخير.. انا اول مره اسجل بمنتدى حوامل .. وعندي مشكله ابي اعرضها عليكم واخذ رايكم ومشورتكم لعل وعسى ان شاءالله القا لها حل وان شاءالله ماراح تبخلون علي بنصايحكم .. اعذروني لو طولت شوي بس انا جدا محتاجه مساعده.. السالفه ومافيها انا متزوجه من خمس سنوات وحياتي مع زوجي الحمدلله ماشيه امورها مع بعض المشاكل اللي تصير بين اي زوجين** وقبل سنه ربي رزقني ب بنت وانا وزوجي مبسوطين فيها والحين انا حامل لي شهرين.. في الفتره الاخير لاحظت ان المشاكل بينا زادت وغالبا مايكون السبب تافه لان زوجي انسان مزاجي وعنيد.. والمشكله الاخيرره اللي صارت بينا جدا ماتستاهل وهو انه كان يوم خميس وزوجي ماكان عنده دوام وزعل ليش صحيت اسوي الغداء بوقت متاخر** تقريبا ع الساعه 1 الظهر وانا والله العظيم بالعاده اصحى بدري ولا احب يشوفني نايمه اذا هو موجود بس لاني في بداية حملي صرت احس بخمول وكسل وزياده شوي في النوم .. وقتها عصب وقام يسمعني كلام جارح بس انا سكتت ومارديت عليه..وجلسنا اسبوعين متزاعلين ما يكلمني ولا شي بس كل شوي يسمعني كلام يابقره يا عاجزه ياكسوله يامدري ايه واكثر كلمه كان يرددها يابقره يابقره .. اسبوعين على ذا الحال وانا ساكته ماحبيت ارد عليها وتكبر السالفه اكثر وكل يوم اقول ان شاءالله تهدى الامور ويحس بغلطه ..وفيه وحده جارة أمي وتقريبا صديقتها تتعامل في العقاررات والبيع والشراء ومتعوده تكلم الرجال وتسالهم عن هالامور وبما ان زوجي موظف في البنك ..استاذنت من امي انها تدق على زوجي وتساله عن موضوع يخص شغلها ودقت ذاك اليوم على زوجي في الدوام وصارت تستشيره في موضوعها .. بس زوجي حط في باله اني رحت اشتكيت لها عن مشكلتنا بما اني كمان اعرفها وقام يقول لها لا انتي مادقيتي عشان موضوع شغلك قولي يلا وش عندك وش تبين تقولين ..والحرمه ماتدري عن شي اصلا وانا بعد ماادري عن شي.. بس هو كذا حط في راسه اني رحت اشتكيت للحرمه وهي دقت عليه تبي تعرف السالفه.. كذا كان تفكيره .. ورجع من الدوام معصب ويصارخ ويقول يابقره رحتي تشتكي لأم فلان وتطلعي اسرارنا ومدري ايه ..قلت له حرام عليك والله العظيم ماشكيت لاحد حتى اهلي مايدرون عن شي .. ولو ابي اشتكي كان شكيت لامي الله يحفظها .. عيب عليك تتهمني .. بس ماصدقني وصار يسمعني كلام وقال يلا بيت اهلك واخذني لبيت اهلي .. ومن يومها ماعاد شفت وجهه والحين كملت شهر ونص في بيت اهلي لا يسال ولا يتصل ولا شي وحتى بنته ماجاء يشوفها الامرتين بس ولا عطاني مصروف ولا شي.. وهذا كل اللي صار .. والله العظيم كل يوم ابكي وكل يوم دموعي على خدي لانه اتهمني ظلم وطنشته طول هالفتره مع اني قلبي محروق وكل لنفسي ماراح اكلمه ولا ارسل له ولا شي لانه جرحني وقهرني .. بس لاحظت ان فترة شهرين ونص ماحركت فيه شي ** ولا حتى فكر يقول لي كيف حالك برساله ..والبارح ماقدرت اتحمل راسلته ع الواتس اب وقلت له حرام عليك اللي تسويه فيه تراك ظلمتني وانا ما سويت لك شي ترا عندك خوات متزوجات خاف ربك .. رد علي وقال انا كذا مرتاح وانتي خليك في بيت اهلك ومصروفك بيجيك انتي وبنتك .. قلت له حسبي الله ونعم الوكيل .. وماعاد رد ** واهلي قالوا خليه وطنشيه الين يجي عندنا بعدها حنا نتصرف معاه .. بس انا مقهوره وقلبي محروق لاني احب زوجي وكلما طولت احس اني بموت من القهر لانه مطنشني بمعنى الكلمه وانا حامل ونفسيتي تعبانه وكل يوم ابكي .. بليز انصحوني وشورو علي لاني تعبت ونفسيتي جدا منهاره** |
رد: ساعدوني الله يساعدكم
والله موضوعك صعب
فيه حاجات بين السطور |
رد: ساعدوني الله يساعدكم
السلام عليكم ...
حبيبتي انا ما ابي اشعللها بينكم .. بس ايش يعني يقولك يابقره و تسكتين ماهي مره بلعصبيه لا ل فترة طويل يقولها لك معناتها بجيح في كلامه ما يهتم اي شي يقوله يجرح مشارعك مشاعر اهلك ما تفرق معاه .. الصراحه الوضع مره صعب لكن الامر جدا بسيط في اتخاذ القرار و صعب في تنفيذ القرار .. يعني يا حبيبتي انتي قلتي السالفه من وجهة نظرك ... ماندري ايش هو من وجهة نظره هل انتي مقصره بشي معين لا تقولين البس و اكشخ ... و و و و اهتم .. كم وحده متزوجه تقول البس و اكشخ لكن لما تشوفينها مع زوجها يا ختي العاملة اللي في بيتهم ارتب و انظف و الخ .. فا ما يندرى هو شنو متضايق منه لكن عموما .. انتو تزاعلتو هوكبر الموضوع و وداك بيت اهلك ما ناقشتيه ما سالتي و لا شي شهر و نص فترة طويله ... انتي صفطتيه بما فيه الكفايه بعد اسبوع كلميه و يفضل انك تروحين البيت تقابلينه عشانن تتكلمين معاه و تقولين له .. خلني اا الغلطانه و اللي ما افهم و و وو و عيوب الدنيا فيني لكن فهمني ايش الغلط اللي سويته معاك .. و يخليك توديني بيت اهلي ولا تسال عن بنتك و تهتم بصحتها اكلت اشربت محتاجه شي لا مصرف ولاشي الحمدالله مومقصرين اهلي لكن ليه كل هذا ابي اسمع منك شنو اللي مضايقك مني .. حاولي تخلينه يتكلم بلمختصر المفيد قوليله يا ابن الناس فهمني يمكن اني مو فاهمه مو حاسه بغلطتي .. قولي اللي بخاطرك الامور اللي تضايقك احكي معاي فيها .. لازم تسمعين له .. ما قدرتي تتكلمين معاك لازم ابوك يناديه او اخوك الكبير و يجيكم البيت و تكلمو على رواق خل يقولون له هذي بنتنا و انت ولدنا و اذا هي اغلطت عليك مانرضى بلغلط و اذا انت غلطة عليها بعد هم ما نرضى الحياة صبر و تفاهم في امور تضايقك مها قولها زوجتك سترك و غطاك و انت سترها و غطاها .. يعني خلي اهلك يسون له يا دهينه لا تنكتين هههههههههههههههه و اسمعي له و لو فيكعيوب محد خالي منالعيوب عندك انا شخصيا اول ما تزوجت كل يوم فستان و احلى كشخه و و و و التزين بلبيت و وو الخ حملت قل اهتمامي وبعد ما ولدت حملت مره ثانيه و قل اهتمامي اكثر .. يعني قبل اكشخ حتى بلبجامه تحسين انها كشخه لا الحين اكره اطالع نفسي بلمرايا لاني تعبت حملتين وراء بعض و زوجي الحمدالله متفهم الحمدالله ياربي لك الحمد لكن مو عشان هو متفهم اسفط الموضوع لا لازم اهتم .. فا يمكن انتي يا بنت الناس مهمله في اموور و مو حاسه مقصره معاه و ما لاحظتي بسبب حملك و الى اخره عرفتي فا ابحثي عن المشكله و حليها ..بلصبر بلتفاهم.. |
رد: ساعدوني الله يساعدكم
مدري بايش انصحك
بدعيلك ان شاءالله الله يهديه ويحس بغلطه الله يهديه شكله طفشان من الحياة ويدور عليكي الزله !! المفروض لما كان يتكلم عليكي حبيبتي طنشيه مره وحده بسس عشان مايتساهل في هذي الامور ان شاءالله يعقل . |
رد: ساعدوني الله يساعدكم
الله يفرج كربك اختي و يفتحها في وجهك انشاء الله
|
رد: ساعدوني الله يساعدكم
والله زوجك يبغى سبب بس
عليك بالصبر وانتظرى لين اهو اجيك عند هلك ولا تتصلين ولا شى لانك مو ظلمتية ومو غلطت علية اهو ظلمك * اذا اتصل خلية يجلك بيت هلك وافهمى منة السالفة منشان يعرف وين الصح وين الخطأ ولاتتركين زوجك يقولك بقرة!!! اهو عندما تزوجك مايدرى عنك شى اهو اخذك من هلك معززة مكرمة اشلون يردك كذا؟ لاتعودية يسمعك كلام جارح ولاتسكين ما ابغى اخرب عليك بس الازواج بيتعودون على ابسط الاشياء اللى نسكت عنها الله يهدى زوجك ويصبرك ولاتزعلين منشان الحمل وترى الحمل يزيد الوزن اهو مايدرى عن الحمل شى؟؟ اسأل الله الهدى والرحمه والصبر والآجر لك إن شاء الله. |
رد: ساعدوني الله يساعدكم
الله يفرج همك مالك الا الدعاء
ولا تبكي كثير عشان البيبي |
رد: ساعدوني الله يساعدكم
مشكورات خواتي على تفاعلكم ..
أختي مشاعل الدوسري تقولين سوى كذا عشان يمكن مقصره معاه** بالعكس والله العظيم اني جداااااااااااااا مهتمه فيه ومهتمه بنفسي بعد لاني مااحب يمسك علي او على بيتي شي.. من ناحية اللبس والكشخه الحمدلله دايما البس له وارتب نفسي وشكلي باستثناء وقت تكون علي الدوره البس بجايم وكذا بس يكون شكلي مرتب مو مبهذله** بس هو جدددددااا مزاااجي اسبوع اسبوعين يكون معاي اوكيه ومافيه احسن منه.. فجأه كذا ينقلب ويسوي مشاكل واللي يقهرني باسلوبه انه داايما يحب يحسسني اني انا الغبيه اللي ماتفهم وهو اللي ذكي .. ماادري ليه كذا .. الله يكون بالعون بس.. |
رد: ساعدوني الله يساعدكم
حبيبتي والله الموضوع على حسب ما قريت انك ما غلطتي ابدا وكل وحدةفي بداية حملها كذا تناموتصحى على راحتها وروجها المفروض يراعي الامور
انا نصيحتي لك انك ما تراسلية ولا شئ وهووقت ما يحتاجك بيجيك بس انتي لا تقوليله كلام جارح او كدة حتى لا يمسك عليكي غلطة الله ييسر الامور بينكم يارب |
رد: ساعدوني الله يساعدكم
انا بعد اقول خليك على موقفك لين يحس بغلطه ويحس بقيمتك وزين ان اهلك واقفين معك
لاتذلين نفسك خلييييه ادعي الله يسخره لك وبس |
رد: ساعدوني الله يساعدكم
الله يهديه ويسخره لك هذا له بنت قبل
مرفوض عارف كل شئ عن الحمل وفاهم وبينكم عشره اكيد مضغوط ويحط حره فيك لكن مثل ماقالت روز لاتنزلي نفسك له الين يجي ويتفاهم معك |
رد: ساعدوني الله يساعدكم
حبيبتي طنشيه لين يعرف غلطته ويقدر انك منتي رخيصه يتلفظ عليك
المفروض ماسمحتي له يتجاوز حده حتى لو تحبينه الاحترام بين الزوجين شي اساسي خلك ببيت اهلك معززه مكرمه وطنشيه فيه مليون غيره يعوضك الله وادعي ربي يهديه لك ولاتفكرين فيه ابد فكري ببنتك والبيبي الجديد وعيشي حياتك وخليه يمشي لك مصروفك واللي يتفاهم معه ابوك والااخوك وانتي اجلسين لين يعرف غلطته معك وربك يعين الدنياء مرح توقف عنده خلي قلبك ياخذا اجازه وشغلي عقلك والله يسهل لك |
رد: ساعدوني الله يساعدكم
احيانا في نقطه تمر على الكثير من البنات في بعض مراحل الزواج وخصوصا الحمل واخص بالذكر الحمل السريع
يعني بين حمله وحمله فتره قصيره والشي الغريب ان الرجل نفسه مايعرف وبعضهم يخجل من الاعتراف من هذا الموضوع الا وهو ان الرجل يحس انو فقد الاهتماااااااااااااااااام الكلي يعني الرجل تعود ان زوجته تهتم فيه دائما وفجاه هذا الاهتمام توزع مقاسمة بينه وبين الاطفال والاطفال ياخذو الجزء الاكبر من الاهتمام ! فاي شي يقلل من وقت اهتمامك فيه سواء من نوم بسبب تعب او اهتمام بالاطفال ........... الخ هذا الشي يضايق زوجك فانا انصحك انك تفهمين زوجك ان انتو في هذه المرحله طبيعي تحصل هذه الامور وصدقيني بالحوار الهادئ يتصلح كل شي فالزوج يمر بمرحله تقلب مزاج وضعف في التفكير ولا يحس بنفسه ولما تتفاهمين معاه وتوضحيله هالشيء صدقيني بتشوفي ردة فعله وراح يتفهم طبعا هذا في حال زوجك كان اسلوب الحوار يجيب نتيجه اما اذا مايجيب نتيجه فانصحك ترسلي اقرب الناس له ويفهمه هذه الامور واهم شي اثناء الحوار لاتقولي لزوجك انت المخطئ ونفس الوقت لاتقولي انك ان الفغلط عليك خلي الموضوع كانه خطا مشترك بسبب ظروف انجبرتو عليها والله يوفقك ويسهل امرك |
رد: ساعدوني الله يساعدكم
الله يفرج همك يالغالية
والله يسخر لك زوجك المفروض يعذرك لانك حامل ومعروف الحامل تكون نفسيتع ها ووحامها وتحتاج راحة ونوم و والله كسرتي قلبي الله يهديه لك أنصحك بالدعااء آخر الليل بأن الله يرده لك ردا جميلا |
رد: ساعدوني الله يساعدكم
والله ماعرف بشنو انصحج بس ادعيلج ربي يفرج همج ويجمع بينكم قريبا عاجلا ويسخرلج زوجج
وعجبني راي مشاعل الدوسري في بعض الاشياء |
رد: ساعدوني الله يساعدكم
السبب تافه مايحتاج يطلعك من بيتك عني انا انصحك خلي واحد من اهلك يتدخل وهو شكله يدور الزله في راسه شي !! ولا احد معبي راسه عليك
والمفروض لك احترامك اليوم سكتي على كلمت بقره اجل بكره ايش بيقول ؟ ليش تسكتين اكثر من مره ؟؟ اسكتي مره وحده بس مو كل مره تعديه له وين الاحترام والعشره والتقدير ؟ وفوقها انتي ام عياله يعني لك احترام غصبن عنه هذي الفتره كلها ماسال ولاصرف معناته مايبغا يتحمل مسؤليه نصيحه لاتسكتين زياده راح يضيع عمرك تنتضرينه ليش هو عايش حياته من غير مسؤليه ومصرف اموره على كيفه وانتي عند اهلك وقلبك محروق خلي اهلك ولا اهله يتدخلون مايسير الحياه كذا اجل بعد 10 سنوات ايش بيسوي الوحده تسكت عن اشياء وتتنازل لكن مو لدرجه الاهانه والتطنيش صدقيني لو بتنتضرين يمكن تمر عليك سنين وانتي عند اهلك لو كنتي تهميه كان تفاهم معك مو طلعك من بيتك وانتي ماغلطي عليه بس هو عارف انك بتسكتين عشان كذا جالس يتمدا ليش ياقلبي انت بنت ناس وغصبن عليه يحترمك بنت الناس مو جاريه عنده يايعيش معك بمعروف يايسيبك بمعروف ويتحمل مصاريف عياله اهلك مو مجبورين يصرفون على عياله يعني هو يرضى كل ماعصبتي قلتيله ياحمار ؟ دخلي اهلك واهله عشان تعرفين ايش في نفسه قبل يروح عمرك وهو عايش حياته وبكره تسمعين انه تزوجك عليك وانتي عند اهلك تنتضريه الله يسخره لك وترجعون لبعض ويبعد عنه عيال وبنات الحرام ولو فيه احد معبي ولاعب براسه عليك الله يجعل تدبيره تدمير عليه |
| الساعة الآن 11:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .