|
تحضيراتي وتحضيراتكم للنفاس
مرحبا كروشات أخباركم يا قمراتhwaml53
هنا راح ندردش بآخر أفكار النفاس رح ابدأ بنفسي طبعا ولله الحمد أنا عايشة بمنطقة العادات فيها ان الأقارب هم اللي يجون يقهوون ويعشّون الوالدة وعلشان كذا بتخف علي أشياء كثيرة أنا الآآآآن تقريبا على نهاية الشهر السادس واتفقت مع زوجي نجزء الطلبات يعني مثلا في الشهر السادس أتقضى لمواعين النفاس- الشهر السابع أغراض البيبي- الشهر الثامن أغراضي وأفكاري للنفاس كالآتي: 1- أنا بجيب عربية تقديم حلوة للشاهي والقهوة أرتب عليها كلشي من أولد وأحطها في المجلس اللي بستقبل فيه الزوار( طبعا اشتريت طقم بيالات وفناجين وزمزميات فخمة مع ملحقاتهم صواني وتمريات...إلخ) في كل رف من الطاولة بحط شي وبكذا الضيوف لايدخلون المطبخ ولا ينحاسون كله مرتب ومجهز. 2- اشتريت علبة جلد فخمة مقسمة لأقسام ولها غطاء بمراية هذي للشكولاته راح أحط بكل قسم نوع شكولاته مختلف وأكيد ان شالله بتكون شكولاته فاخرة للتقديم.طبعا وأكيد لازم أجيب أشياء أقدمها مع القهوة بس صراحة مدري وش أجيب شي يقعد عندي فترة النفاس كله وأقدمه للضيوف؟ ومدري شلون أقدمه((( أ،تظر اقتراحاتكم)) 3- فصلت أريكة حلوة بدل السرير بس صراحة مو عارفة وش اشتري عليها لحاف ولا مفرش صيفي ولا أيش بالضبط صديقتي تقول بطانية حلوة أو فصلي تفصيل وأنا صراحة زوجي مايحب هالأشياء ولا أنا لي خلق للتفصيل أبي كلشي جاهز وش رايكم بنات وش ممكن أستخدم مع الأريكة؟ وكيف ممكن أزينها؟ 4- طبعا لما يجيني الضيوف وخاصة لو ماكانت قهوة مثلا لازم أنا اللي أقدم الضيافة وش تنصحوني أقدم مع الشاهي؟ والمكسرات كيف أقدمها؟ مين عندها أفكار حلوة تفيدني؟ 5- ما رح اشتري طقم نفاس لأن صار موضة قديمة وكل ما أروح مكان ألقى نفس الشكل كله لون سكري والأم والمولود نفس الشكل وصراحة هالشكل ما يجذبني* وش رايكم بنات وش ممكن ألبس؟ من عندها أفكار جديدة؟ 6- بنات أنا هذي أول مرة أولد فيها عند أهل زوجي وآخر ولادة لي كانت من 12 سنة يعني مخي متوقف وأهلي بعيدين مرررة عني* ولما أسأل أهل زوجي ما يعطوني وجه كل شغلة يقولون ليش ومو ضروري وأحسهم مستغربين إني بجهز للنفاس*( يعني تخيلو مرة قلت لوحدة من خوات زوجي بروح سوق السبالة لأ،ي سمعتهم يقولون هذا سوق حلو للمواعين ناظرتني باستغراب وقالت ليش بتجيبين مواعين؟؟؟ مع إن والله أنا وزوجي طايرين من الفرح ومافي شي قلت لزوجي ودي فيه إلا سواه لأن فرحان أكثر مني مدري وش يحسون فيه ما أحسهم يتفاعلون معي يعني بصراحة مالي غيركم هناااا توقفون معي لأن الفرحة فرحتي أنا وزوجي وبناتي مو الناس 7- أغراض البيبي مو مشكلة لما أنزل السوق الأغراض تناديكي من نفسها تقولك أنا هناااا يعني حتى اللي ناسيته بتذكره بس تقديم الضيافة والأفكار وتزيين البيت ...إلخ أنتظر أشوف تحضيراتكم وأفكاركم بوسااااات للجميعhwaml59 |
رد: تحضيراتي وتحضيراتكم للنفاس
باين من خواات زووجك انهم غيرانات منك اتركيهم لا تعلممينهم باللي راح تسووينه او باللي شريتيه اذا انفستي راح يشوفون كل شي
اما من ناحية التقديمات ماعندي خلفيه والله لانه احنا عندنا الوحده ماعليها الا اغراض البيبي وسريرها هي والطفل ومفرشها ومواعين التقدديم وسلة شوكولاته بعد مو كلهمم يسوونها وبس والباقي على الضيووف اللي تجي معروف تجيب قهوتها وشاهيها وحلاها ومعجناتها واذا بغت تجيب العشااء بنفس اليوم اللي تزور فيه او بيووم ثاني اتمنى البنات يفيدونك حبيبتي |
رد: تحضيراتي وتحضيراتكم للنفاس
قطعة السكر الله يوفقك حبيبتي شكل كلامك صحيح مع إني والله أنا معاملتي معهم عسل ولايوم زعلتهم
وشكل عاداتكم زي عاداتنا* وصحيح ذكرتيني أجيب سلة حلوة الله يسعدك يارب ما قصرتي |
رد: تحضيراتي وتحضيراتكم للنفاس
موضووووعك حلو ومفيد
|
رد: تحضيراتي وتحضيراتكم للنفاس
مو غيرانات منكًً يمكن كسولات ولا من النوع اللي مايهتم بهالشي او يمكن قصدها اهلي عندهم مواعين لاتكلفين على نفسك لا تخلين احد يخرب علاقتك معهم
المهم :) ربي يتمملك على خير وتقومين بالسلامه الاريكه اللي فصلتيه لازم تكون وسيعه عشان تاخذين راحتك احس لو تلقين مفرش ناعم احسن لان لازم ترتاحين اول الايام اشتري جلابيات نفاس او جلابيات مغربيه تجي نفس فكره ملابس النفاس اوبجايم استقبال تلاقينهم باشكال حلوه احس المعمول مايخرب بسرعه حلو تقدمينه وقت النفاس التمر حطيه بطوفريه رشي على بعضه فستق وبعضه سمسم وبعضه حبه سودا وبعضه جوز الهند اللي انتي حابه كمان غيري ان شالله يفيدك |
رد: تحضيراتي وتحضيراتكم للنفاس
الله يوفقك وييسر لك حبيبتي
اعجبتني تجهيزاتك الله يوفقك بالنسبه لي انا ببيت لحالي ولله الحمد يعني المواعين ماتنقصني وشريت مرقوق مفرزن وناويه اكثر كمان و تجهيزات المولود من مجاميعه ماسويت شي وتجهيزاتي انا سرير ومفرش ناعم لي وبس واحتمال هالشهر ان شاء الله لانو كل شهر اقول للي بعده من الخوف الله يتمم علينا جميعا بكل خير والله ييسر ويوفق ياااارب |
رد: تحضيراتي وتحضيراتكم للنفاس
الله يسعدكم حبيباتي ويوفقكم ومشكروات على الردود
اختي ماما عبود ربي يوفقك ويسعدك أنا مارح أولد ولا أتنفس عندهم أنا بتنفس في بيتي وهم عارفين ظروفي إني وحيدة وماعندي أحد ومع كذا قالوا: الله يعينك بالحالك بتتنفسين يلا بناتك يساعدونك... أنا ماهمني والله ومابي أرمي حملي على أحد بس يعني فرحانة ومو عارفة شلون أعبر عن فرحتي علشان كذا أنا استغربت استغرابهم اني بجيب مواعين .... وبالنسبة للتمر جذبتني فكرتك حلوة مرة بس مافهمت قصدك شلون يعني أصف التمر بطوفرية وكل جزء أرش عليه شي* ولا أحطه بتمريات وكل وجدة أرش عليه شي* طيب وش ممكن يكون نوع التمر يعني لازم يظل طازح ما يجف ويصير قاسي....أنتظر ردك حبيبتي أختي برنسيسة الله يسهلك ويسرلك ولادتك وكل حامل يارب العالمين حتى أنا مثلك مابعد جبت شي للبيبي أنا مقسمة الأغراض كل شهر شي علشان أخفف على زوجي بانتظار تفاعل الباقيات يلا ياصبايا كل وحدة عندها فكرة بسيطة تطرحها ممكن أنا وغيري نستفيد |
رد: تحضيراتي وتحضيراتكم للنفاس
الله يتمملك فرحتك
للطوفريه صينيه او صحن رصي التمر فيه بنجب بعض ورشي شوي من السمسم على شكل متطيل يعني جزاء من التمر اللي بالصينه والجزاء الثاني رشي جوز هند وزي كذا يطلع بالاخير شكل حلو واذا جاء احدخلي وحده من البنات توزع عليهم وترجع الصينيه مكانها واحسن تمر الاخلاص بنظري احس مو زي السكري بسرعه ينشف مدري اذا فهمتي على ولا لا |
رد: تحضيراتي وتحضيراتكم للنفاس
جزاك الله خير ماما عبود والله ما قصرتي الله يجعله في ميزان حسناتك
بس برضو بسأل بخصوص توزيعات البيبي هذي لللآن ما فهمتها لأني ما سويتها من قبل متى المفروض أجيبها يعني أول ما أطلع من المستشفى أكون مجهزتها للضيوف اللي يسلمون علي ولا مالها وقت معين؟؟ وش المقصد منهااا هدية من النونو؟؟ ولا ايش بالضبط معليش تحملوني زي ما قلت لكم هذي أول مرة أسوي نفاسي بالحالي من زماااان وناسية كلشي أشوف الناس يهتمون بالتوزيعات نفسي أعرف المقصد منها ومتى المفروض أقدمها وكلشي عنها |
رد: تحضيراتي وتحضيراتكم للنفاس
أنا استغربت منك كل هالتجهيزات ليش كل هذا ** الوحده تقول الله يقومني بالسلامة والعافية وسلامة المولود والباقي مو مهم أهم شيء ملابس المولود وبس والباقي تيسير من رب العالمين الوحده تقول يالله تيسير الولادة الوحده من التعب مايهمها اي تجهيزات هذه وجهة نظري .
|
رد: تحضيراتي وتحضيراتكم للنفاس
هلااااا أختي نوني الحلوة
أنا أتفق مع مع كلامك لو وصلت لحد التبذير وأكيد أنا بدعي ربي يقومني بالسلامة والحمد الله الحمل ماجاء إلا بعد دعاء واستجابة من رب العالمين وما يمنع أدعي ربي يقومني بالسلامة وبنفس الوقت أفرح وأفرح زوجي وعيالي ليش أتشاءم؟ والله اذا تشائمت زوجي يزعل ويقول ان شالله بتقومين بالسلامة وبتستانسين بالنسبة لي مافي تعارض بين الدعاء والتفاؤلل أنا حاولت أسوي أشياء تفرح بس مو مكلفة يعني مثلا كذا كذا أنا بجيب سرير النفاس بدل ما أشتري السرير جبت الأريكة بالنسبة للبيالات والفناجين واشياء التقديم هذا شي مفروغ منه لأن بالأساس ماعندي في البيت شي ينفع لهالمرحلة والضيافة مافكرت أجيب أكثر من شكولاته وتمر وشعبيات مع الشاهي كل هالشي اشياء عادية تقدم من غير نفاس وكل همي إني أقدمها بطريقة حلوة حتى مفرش وطقم النفاس اللي وين ما أروح أشوفه مافكرت أجيبه وأقنعت نفسي إنه موضة قديمة ما اشوف فيه تكليف بس احاول أفرح بأشياء بسيطة وملفتة حتى التوزيعات ممكن أنا أسويهاااا في البيت ويمكن بنفس الوقت أحاول أسد النقص لأن أهلي مو في نفس البلد ومافي أحد يعيشني الفرحة ولو ما فرحت نفسي راح يصير نفاسي عزاء مو نفاس هههههههههههه بعيد الشر شكرا أختي على الرد ولو عندك فكرة حلوة لا تبخلين علينا ياعسل لي وللباقيات |
رد: تحضيراتي وتحضيراتكم للنفاس
الغالية أم فروحة أفكارك للتجهيز كثير عجبتني و ربنا يقومك بالسلامة يا رب
|
رد: تحضيراتي وتحضيراتكم للنفاس
السلام عليكم ورحمة الله
اختي الغاليه .... بالنسبة لافكارج حلوة... والله ييسرها عليج وتقومين بالسلامة... نحن عندنا فالنفاس اما بيت اهل الزوج او الاهل وغالبا الاهل خاصة اذا اطفالج صغار ومو مدارس لكن اذا كبروا العيال وكنتي فبيت اهل الزوج طبعا فبيت زوجج .... اما اذا بيت روحج طبعا نفاسج فبيتج (اذا العيال كبار ومدارس نفس الحاله )... في من تفصل طقم النفاس وتبذر على المواعين و الضيافة والحركات والزينة وفي من تقتصد .. يعني كل وحدة ومزاجها واتفاقها ويا بعلولتها... عن نفسي فبنتي فصلت طقم خفيف (بس مو كفر السرير ما فصلته ولا فصلت سرير للبيبي)... وتوزيعاتي سويتهم فالبيت... وسوينا وليمة العقيقة ..... و اخوي الله يحفظة واهل زوجي يابوا الحلو والجوكلت و خالتي سوت الكب كبك (اشهد انه غراااام) المهم هالحمل اخت زوجي ناوية تسوي التوزيعات فمحل .. الموالح و السويت على اهلي ان شاء الله .. مواعين مواعين البيت بستخدمهم (للعلم عندنا فئه كل ولادة صحون واطقم ضيافة جديدة وهالشي تبذير ) والمشروبات حريروه و الحلبة والحليب بالزنجبيل و القهوة وشاهي حليب وسليماني ... هالشي اللي نقدمه دايما... نروح لنقطه ثانية :::هل زوجج::: احس شي عادي جامج ساكنة بيت روحج.. اول شي هي ما تعرف مواعينج ولا تعرف حال مطبخج فبالتالي اكيد بتشتغرب لانها اكيد حاطة فبالها انه عندج مواعين واطقم وما الى ذلك ... ثانيا : هل جميع اخوات زوجج متزوجات ام لا ... فاذا هن متزوجات اكيد ولا وحدة تقدر تترك بيتها وزوجها واطفالها وتجي عندج.... تساعدج بنفاسج..يمكن بيزورونج لكن ما يقدرن ان يتمن 24 ساعه وياج... ثالثا والاهم : فهمت ان عندج بنات ولو اني ما اعرف اعمارهن بالتحديد ولكن كام اشوف فرصة اني اعلم بنتي المسؤولية ... انها تتعلم كيف تستقبل الناس و تتصررف صح في غيابي ... تحس باللي انا امر فيه وتكون عون لي.. وامر لازم تدركينه اختي من خلال مشاركتج اللي فهمته عادات متطقتج غير عن عادات اهل زوجج...فحطي لهم عذر.. طباعكم تختلف ... ويمكن هم مستغربين انج ما سويتي كل هذا قبل والحين بعد 12 سنه تسوين... ما يمنع كونهم فرحانين لج لان مستحيل اخت ما تفرح لفرحة اخوها... في ناس ما يعبرون عن فرحتهم ظاهريا .... بس قلوبهم تحمل الفرح بكل معانيه .. |
رد: تحضيراتي وتحضيراتكم للنفاس
اهم شي تقومين بالسلامه وكلىشي بهون الله يتمم لك ع خيير يارب
|
رد: تحضيراتي وتحضيراتكم للنفاس
الأخت منيرة: أسعدني مرورك الجميل والله يسلمك من كل شر حبيبتي
الأخت أم عواسي: أسعدني تعليقك والله يسلمك يارب من كل شر* ومبروك الحمل والله يقومك بالسلامة وبالنسبة لكلامك صادقة أنا عندي مواعين بس مو لدرجة تكفي اجتماع النفاس* عندنا ما شالله تجتمع في الجلسة الوحدة إذا كانت قهوة من 15- 20حرمة وإذا كان عشاء أكثر هذا غير الصبايا يعني درزن من كل نوع ما تكفي علشان كذا انغصبت أجيب كمية مناسبة*** وبالنسبة لخوات زوجي كلهم متزوجات الله يوفقهم ويستر عليهم وأنا أبدا ما تشرهت عليهم ولا حطيت في بالي يجي أحد يقعد عندي* وصدقيني أنا أقوم وأقعد وأحمد رب العالمين حتى لو اني بولد وبتنفس بالحالي لأني مؤمنة إن رب العالمين رحيم وأعلم بحالي يعني هالموضوع مو شايلة همه* وهم أساسا مو مستغربين إني بحط شي أساسا إلا ماقد شافو نفاسي أبد دائما نفاسي عند أهلي بمنطقة أخرى وطبعا لأن ماعندي مدارس أروح أتنفس وأقعد عندهم لين أخلص وبعيدين أرجع لبيتي** كلامك أختي جميل وحلو جزاك الله خير على الرد الأخت أشكرك ربي: أشكرك على مرورك ودعوتك عسى الله يوفقك ويعطيك اللي فبالك |
رد: تحضيراتي وتحضيراتكم للنفاس
كتبت رد طوويل وطار هههههههههه
الله يسعدك يارب ويتمم عليك ازا مافي مانع رسلي صوره عن فكرة الاريكه دعواتك لي بتسهيل اموري عند الولاده |
رد: تحضيراتي وتحضيراتكم للنفاس
الله يقومني ويقومك بالسلامه
بالعكس اختي انا اشجعك تعملين تحضيرات لنفاسك لان من حقك تفرحين الله يسعدك افرحي ةانبسطي وعيشي حياتك **وصراحه شجعتيني اعمل نفسك انا بإذن الله بنفس عند ماما وهذا اول مولود لي الله يبشرني بشوفته يارب ويسهل علي ***** ولا تنسين تصورين لنا تجهيزك ********* |
رد: تحضيراتي وتحضيراتكم للنفاس
الأخت : بوتيك خلود نورتيني حبيبتي والله يسهل ولادتك قادر ياكريم ونفرح بقومتك بالسلامة
وهذا رابط لصورة للأريكة طبعا أريكتي تشبه رقم 2 زي مانت شايفة تشبه فكرة السرير بس مع تعديلات بسيطة* بس الأريكة اللي أنا مفصلتها سندتها أعلى و أكبر وأطول وأسمك يعني أحط الوسادة كني حاطتها بسرير ومافيه على جوانبها شي باستناء شكلها من تحت مالها رجلين صايرة لها لفة كبيرة بشكل حلزوني تقريبا يشبه الشكل رقم 6 ولونها رصاصي والبنات شاروا علي إني أجيب لها مفرش ناعم صيفي لأن مارح أجيب طقم النفاس وبما أن كنبي لونه وردي ورصاصي راح يكون المفرش من تدرجات هالألوان صور ارائك مميزة * افضل ارائك جلديه |
رد: تحضيراتي وتحضيراتكم للنفاس
الوردة الحالمة: الله يقومك بالسلامة حبيبتي ويقر عينك بمولودك وتفرحين أنت وزوجك وأهلك
وبالنسبة للتصوريات والله ماعندي فكرة شلون يصورون وينزلون الصور لكن بحاول لعيونك ان شالله |
رد: تحضيراتي وتحضيراتكم للنفاس
هلا حبيبتي تجهيزاتك مرة جنان ومرتبة على عكس بعض الحريم
تحسيهم ياخذو قرض من البنك عشان النفاس خخخخخخخخخخخخخخ برد على اسالتك حبة حبة بردي الثاني |
رد: تحضيراتي وتحضيراتكم للنفاس
- أنا بجيب عربية تقديم حلوة للشاهي والقهوة أرتب عليها كلشي من أولد وأحطها في المجلس اللي بستقبل فيه الزوار( طبعا اشتريت طقم بيالات وفناجين وزمزميات فخمة مع ملحقاتهم صواني وتمريات...إلخ) في كل رف من الطاولة بحط شي وبكذا الضيوف لايدخلون المطبخ ولا ينحاسون كله مرتب ومجهز.
فكرة جنان بس يبيلك شغالة أو أحد بناتك عشان تغسلها وترتبها لك ياقمر 2- اشتريت علبة جلد فخمة مقسمة لأقسام ولها غطاء بمراية هذي للشكولاته راح أحط بكل قسم نوع شكولاته مختلف وأكيد ان شالله بتكون شكولاته فاخرة للتقديم.طبعا وأكيد لازم أجيب أشياء أقدمها مع القهوة بس صراحة مدري وش أجيب شي يقعد عندي فترة النفاس كله وأقدمه للضيوف؟ ومدري شلون أقدمه((( أ،تظر اقتراحاتكم)) تمر وبيتيفور ومكسرات ومعمول وممكن تشتري صحن مقسم او نفس العلبة اللي اشتريتيها للتشوكليت أو فيه صحون على شكل أدوار فوق بعض ممكن تحطي تشكيلة في كل دور أتمنى فهمتي علي 3- فصلت أريكة حلوة بدل السرير بس صراحة مو عارفة وش اشتري عليها لحاف ولا مفرش صيفي ولا أيش بالضبط صديقتي تقول بطانية حلوة أو فصلي تفصيل وأنا صراحة زوجي مايحب هالأشياء ولا أنا لي خلق للتفصيل أبي كلشي جاهز وش رايكم بنات وش ممكن أستخدم مع الأريكة؟ وكيف ممكن أزينها؟ روعة حركة الأريكة بس إذا الأريكة شكلها حلو مايحتاج تلبسيها مفرش بس اتوقع الأريكة لازم تفصليلها مفرش شوفي الحركة هذي http://forum.hwaml.com/imgcache2/hwa...795945_637.jpgهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2048x1536.http://forum.hwaml.com/imgcache2/hwa...795945_849.jpg http://t2.gstatic.com/images?q=tbn:A...I29h2sA6pTO6GQ http://forum.hwaml.com/imgcache2/hwa...795946_333.jpg 4- طبعا لما يجيني الضيوف وخاصة لو ماكانت قهوة مثلا لازم أنا اللي أقدم الضيافة وش تنصحوني أقدم مع الشاهي؟ والمكسرات كيف أقدمها؟ مين عندها أفكار حلوة تفيدني؟ زي ماقلتلك في ردي سابقاً وإن شاء الله النبات ماراح يقصرو 5- ما رح اشتري طقم نفاس لأن صار موضة قديمة وكل ما أروح مكان ألقى نفس الشكل كله لون سكري والأم والمولود نفس الشكل وصراحة هالشكل ما يجذبني* وش رايكم بنات وش ممكن ألبس؟ من عندها أفكار جديدة؟ على حسب إذا إنتي بتقابلي قرابتك الخاصين مرة مرة مرة ممكن تلبسي كذا http://forum.hwaml.com/imgcache2/hwa...795946_257.jpg للكشخة هذي http://forum.hwaml.com/imgcache2/hwa...795945_734.jpg http://forum.hwaml.com/imgcache2/hwa...795946_282.jpg http://t1.gstatic.com/images?q=tbn:A...Aw66XtuxNABj9g http://t3.gstatic.com/images?q=tbn:A...fdGNnSajHiGTsZ http://t3.gstatic.com/images?q=tbn:A...bkB_1gBIDLFYgw 6- بنات أنا هذي أول مرة أولد فيها عند أهل زوجي وآخر ولادة لي كانت من 12 سنة يعني مخي متوقف وأهلي بعيدين مرررة عني* ولما أسأل أهل زوجي ما يعطوني وجه كل شغلة يقولون ليش ومو ضروري وأحسهم مستغربين إني بجهز للنفاس*( يعني تخيلو مرة قلت لوحدة من خوات زوجي بروح سوق السبالة لأ،ي سمعتهم يقولون هذا سوق حلو للمواعين ناظرتني باستغراب وقالت ليش بتجيبين مواعين؟؟؟ مع إن والله أنا وزوجي طايرين من الفرح ومافي شي قلت لزوجي ودي فيه إلا سواه لأن فرحان أكثر مني مدري وش يحسون فيه ما أحسهم يتفاعلون معي يعني بصراحة مالي غيركم هناااا توقفون معي لأن الفرحة فرحتي أنا وزوجي وبناتي مو الناس الله يقومك بالعافية انا اشوف انهم مستغربين انو ليش تجهزين للنفاس ! ماله داعي في فكرهم طبعاً اصلن شفت حريم يولدون ولا يجهزون شي يقابلونك في غرفة صماء مافيها شي بس نجي نباركلهم ونطلع على السريع hwaml03 بس حلوة الفرحة وفرصة تعودي بناتك على هالشي وانهم يستقبلو الناس ويقومو فيك حبيبتي 7- أغراض البيبي مو مشكلة لما أنزل السوق الأغراض تناديكي من نفسها تقولك أنا هناااا يعني حتى اللي ناسيته بتذكره طبعاً مو مشكلة وومكن ملابس الاخوات اذا كان ولد تقوم بالواجب واهم شي يكون عندك شغالة حبيبتي تساعدك بالتوفيق ياقمر |
رد: تحضيراتي وتحضيراتكم للنفاس
الأخت :orchid109مشكورة جدا جدا وجزاك الله خير على ردك المفيد والمفصّل صراحة أثلجتي صدري بتعليقاتك وتفاعلك وعجبتني فكرة صحن الأدوار أسرع وأهون وأقل حوسة* والصور اللي انت حاطتها روووووعة بمعنى الكلمة تسلم أديك حبيبتي وصادقة في حريم ما يجهزون للنفاس وأنا كنت منهم سويت كذا في بناتي لأني كنت صغيرة واستحي وأي شي تقوله أمي أقولها استحي من الناس بس الحين إحساسي غير كبرت هههههههههههههه
الله يسعدك يارب ما قصرتي |
رد: تحضيراتي وتحضيراتكم للنفاس
واو فكرة الاريكه روعه
يارب ماحدن يسويها من الاهل بخصوص ملابس النفاس حجمي نونو وش يناسب ؟ هههههههههههه |
رد: تحضيراتي وتحضيراتكم للنفاس
أهلا بوتيك خلود نورتي
يلا شدي حيلك قبل لاحدن يسويها قبلك ههههههههه بالنسبة لحجمك حبيبي عادي جيبي أصغر مقاس وإذا طلع كبير صغريه عند الخياط ( قصريه وضيقيه) أو جيبي الموديل وفصليه |
رد: تحضيراتي وتحضيراتكم للنفاس
احس الموديل ماراح يمشي ع جسمي بيطلع شكلي يضحك
لاطول ولآ وزن |
رد: تحضيراتي وتحضيراتكم للنفاس
لا عادي أنت شو تسوين في لبسك العادي؟تفصلينه ولا تشترينه
بيطلع اللبس عليك مو حلوو إذا ماكان على مقاسك لأنك بتلبسينه وتضيعين فيه بس لو كان مقاسك صح بيطلع حلو صدقيني بعدين حاولي تختاري الموديل اللي يناسبك أكثر وأنت أدرى بجسمك وش يناسبه |
رد: تحضيراتي وتحضيراتكم للنفاس
سبحان الله وبحمده سبحان الله العظيم
|
رد: تحضيراتي وتحضيراتكم للنفاس
وااااااااااو ام فروحه.....شكلها بتبوق افكار ههههههههه
افكارج حلوه اممممممممم يبيلج ورد طبيعي توزيعات فيها ترحيب بالنونو يارب تكحلين عينج بشوفته لاوصيج بأطقم الشاي والقهوه تكون راقيه وفخمه عربه الترامس والدلال الأريكه فكرتها حلوه بس حبوبه اهم شي تكون مريحه لج فديتج ألا اذا كانت مصنوعه من اسفنج كلهااااا يعني من تحت اسفنج مقوى ومن فوق هش وتعالي لازم تحطين فوقهااااا حاجه لاتخلينها فاضيه اكشخ^^ لاأن انتي نفاس لازم الراحه التامه حلوه الفكره بس كثري المخدات الطريه لضهرج انا افضل السرير لأن جربت ارايك تفصيل صراحه مو شي كلش احس تعور والله مو موريحه بالنسبه للمواعين اخذي الطبقات حلو شكلها وتقدرين تحطين كذا نوع بعيد عن الحوسه بالنسبه للشوكولاته فيه زجاجات زي مالت العسل بس جايه على طول عاجبتني يحطون فيها الشوكولاته اللمكشوفه جنها حلاو بيض الصعو وردي او ازرق على حسب جنس البيبي روعه ^^ ومزينه من برااذا تعرفين طباخه ممتازه تسوي لج اكل النفاس عشان تريحج وبحكم اوماعندج وبروحج تتعاقدين وياها بالنسبه للبس افضل الجلابيات الواسعه ام الدانتيل وافضل لو تفصلينها من احين بالنسبه لنوزيعات البيبي حطيها قريب مدخل غرفتج على ستاند طبعاوخلي بنوتاتج يوزعون على ضيوفج الله يفرحج بضناج ^^ اخ شهيتيني شكلي بجهز من احين ههههههههههههههههه^^تتهنين فيهم يالغاليه امممممم بفكر لج واي فكره يديده بجيبها هني ^.^ بس تصدقين انا وايد انضريت من عيون اللي حولي اقري على نفسج دوم ودي اسوي تجهيزات وبنفس الوقت ودي اخليه عادي لان والله الوحده ماتسلم من انفس هالبشريه ياتكره ولدها ولا ينشف حليب صدرها اعوذ بالله من اعيون بعض الناس تفرق الأم من ضناها :( اهم شي الرقيه ^^ الله يتمم لج على خيرhwaml16 |
رد: تحضيراتي وتحضيراتكم للنفاس
ماشاء الله
تجهيزاتك حلوه و أعجبتني فكرت عربية التقديم خوات زوجك حرآم لا تظنين فيهم ظن سوء هم أكيد قصدهم ليش تكلفين على نفسك كل شي موجود أمآآ عن التجهيزآت أنآ أللي مخي موقف كل أللي كاتبته أنتي أنآ كنت ناسيته أتمنى البنآت يفيدونك |
| الساعة الآن 01:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .