|
الحمدلله بعد اشعة الصبغه حملت
السلام عليكم
يارب لك الحمد كماينبغي لجلال وجهك وعظيم سلطانك يارب لك الحمد حتى ترضى ولك الحمد بعد الرضاوالحمدلله على كل حال بنات انا من شهر رمضان اللي فات حبيت احمل وماخليت معلومه وادويه طبيه واعشاب ماستخدمته وبعدين ماحصل حمل وكل شهر اتبع حميه وعقاقير وادويه عشبيه واتابع التبويض عند الدكتوره واخذ ابره تفجيريه استمريت على هذا الوضع اربع شهور وغلطت غلطه اني ماشرحت وضعي او طريقة نزول الدوره علي بشكل صح لانه في مره من مرات الزياره للدكتوره قلت لها ليش تاخر حملي طلبت مني تحليل لزوجي وسواه وكانت نتيجته زينه ردت علي قالت لازم تصبرين شوي فجاءه لقيت نفسي اشرح لها وضع دورتي انها بالحيل تؤلمني واول ثلاثة ايام ينزل الدم لونه اسود فورا ردت علي ليش ماخبرتيني من اول كذا لازم تسوي اشعة صبغه |
رد: الحمدلله بعد اشعة الصبغه حملت
طيب وبعد ماسويتي اشعة الصبغه حملتي ماكملتي
|
رد: الحمدلله بعد اشعة الصبغه حملت
طبعا بدون تردد رحت للمستوصف اللي طلبت مني الدكتوره اسوي الصبغه عندهم بس لازم تكون بعد الانتهاء من الدوره نزلت الدوره ورحت للدكتوره طبعا ماكان عندي خلقيه عن هالاشعه ولاعمري سويتها كنت احسبها زي السونار لقيت الدكتوره تقولي توجهي لغرفة الاشعه ولما دخلت الغرفه دب فيني الخوف لما شفت الجهاز هو جهاز عادي زي السرير بس حسيت ان الموضوع شديد شوي
|
رد: الحمدلله بعد اشعة الصبغه حملت
طلبت الممرضه الله يكرمكم اروح الحمام وبعدها لما دخلت طلبت اخلع ملابسي السفليه وانسدح على السرير ويكون الجزء اللي بيصورونه بالشعه على ارحامي من اسفل بعدها دخلت ممرضه ثانيه وبعدها ثالثه والدكتوره دخلت ولما شفتهم تجمعوا مره خفت وقلت لها وش بتسوين خصوصا لما جابوا العربيه وفيها العده حقتهم
|
رد: الحمدلله بعد اشعة الصبغه حملت
قالت لي الدكتوره يعني دكتورتك ماشرحت لك طريقتها قلت لا والله فقعدت تشرح اول ماقالت راح نحقن فيكي ماده انا هنا انصدمت وهي تشرح وانا افكر اني اهون بس لما قالت عن طريق هالماده راح نطمن على سلامة الانابيب توكلت على الله وفوضت امري الى الله ماادري ليش كنت خايفه طبعا اعطتني مسكن قبل الحقن تقول علشان ترتخي الارحام انا لما بدت تاخذ الابره تبغى تحقن التفت وشفت طولها خلااااااااااص مت من الخوف ورفعت راسي وبديت ادعي ربي الله اكبر الله اكبر الله اكبر اعوذ بالله مما اخاف واحذر واشد والدكتوره تقول لاتشدي علشان ماتتعبي وتحقن وتطلع عند الدكتور اللي برى اللي يتابع حقنها على الشاشه وكلما طلعت ورجعت اطالع لوجهها ابيها تبشرني بس للاسف ساكته مافيه تعابير بوجهها وانا ماسألتها قلت خليها تسوي شغلها بدون ماازعجها
|
رد: الحمدلله بعد اشعة الصبغه حملت
طولت عليكن بس حابه تعيشن الجو معي يابعد حييالموهم بعدها قالت ابغى احقن مره ثانيه حسيت فيه شي بعد ماحقنت طلعت وبعدين رجعت هنا قالت خلاص خلصنا وبدت الله يكرمكن تمسح لي التفت وشفت كمية دم كبيره نازله مني خفت قالت لا تخافي مدام هذا طبيعي لكن انا ماصدقت الممرضه بتخفف عني قالت عباره بالانجليزي انه خلاص مافيه مشكله راح تحملي وتجيبي بيبي هنا نهرتها الدكتوره بعد بالانجليزي وقالت لها انه عندها مشاكل على طول انا حسيت بدوار بغثيان قالت لازم هذا يصير من الحقن
|
رد: الحمدلله بعد اشعة الصبغه حملت
لبست عبايتي وطلعت مالقيت الدكتوره وكان دوامهم خلاص بينتهي دخلت على الدكتور وهنا كانت الصددددددمه قال لي انه عندي الانابيب الثنتين مسدودات وماراح كذا يحصل حمل تماسكت وبدا يسألني انتي مسويه قيصريه قلت ايه من متى قلت قبل 4سنوات احتمال يكون منها طيب وش العمل وش الحل قال بدك تنتظري شهرين وترجعين تسوينه واذا مانفتحوا مالك الا عمليه جراحيه او اطفال انابيب افضل لانه العمليه دقيقه شوي واعطاني الاشعه وطلعت وانا كاتمه الصيحه في قلبي ركبت السياره مع زوجي ومعي ولدي وبنتي وماحبيىت اغثهم وبديت ابكي بدون صوت وادعي ربي
|
رد: الحمدلله بعد اشعة الصبغه حملت
بلغت زوجي لانه الصراحه مهمه ردة فعله كانت هاديه وماادري ماكانت واضحه اخذت الاشعه وطرت فيها لدكتورتيوقرتها لي وكان كلامها نفس كلام الدكتور بس زادت عليه انه بعد شهرين اسوي الاشعه هذي بس عند دكتوره ثانيه تقول ضروري تختلف الايدي وماتكون هي نفسها اللي حقنتك المره الاولى وقالت ان جراحة الانابيب ماهي محبذه ونجاحها 30بالميه واطفال الانابيب افضل والصدمه لما قالت اذا انفتحت الانابيب لو واحد منها تعالي عندي واذا ماانفتحوا على لهجتها ( لابئى تيجي عندي ) هنا انا ضعفت وبحكم انه ماعندي خوات شقيقات استشرت صديقتي واشارت علي انه اتابع عند طبيبه شعبيه انا هنا دب الامل فيني وبديت ابحث في مواضيع الاعشاب اللي تنظف الرحم واجمع ارقام الحريم اللي يعالجون
وبديتابحث عن اطفال الانابي والمستشفيات ورحت للعطار وجبت ادويه وبديت انتظر الدوره |
رد: الحمدلله بعد اشعة الصبغه حملت
معاك حبيبتي كملي ^^
|
رد: الحمدلله بعد اشعة الصبغه حملت
الم ومغص وكل شوي اروح اراقبها ابيها تنزل علشان ابدى العلاج جا موعدها ومر يومين ثلاثه اربعه قلت بس شكلها بتخربها وماراح تجي رحت ابحث هل للاشعه تاثير على الدوره كالعاده لقيت بنات يقولون ايه وبنات يقولون لا مافيه رد واضح والالم مستمر رحت اشرب قرفه وزنجبيل بكثررره ابغاها تنزل ولماتميت تسعة ايام وشفت الالم راح بس حلمات صدري برزوا هنا بس هنا بس بديت افكر انه يمكن حمل وزوجي يسالني اش فيك تعبانه وانا مخبيه هالفكره وابغى اتأكد بيني وبين نفسي شي يقولي انتي حااااامل ولمااتذكر كلامهم ارجع اهون قطعت الشك باليقين سويت التحليل المنزلي طبعا كان عندي من قبل ايام متابعة التبويض وتحليل الحملدخلت الحمام وسويته وبسررررعه بانت النتيجه خطين فرررررررررحت من كل قلبي وحمدت ربي بس للحين متيقنه
|
رد: الحمدلله بعد اشعة الصبغه حملت
علمت زوجي فرح بس فررحه هاديه نفس شعوري رحت العصر للمستوصف ابغى ادخل لقيته زززززززززحمه قالوا ماراح تدخلي الا بعد 9يمكن عشره هنا انا طلبت دكتوره ثانيه دخلت عليها وشرحت لها بصوره سريعه لقيت نفسي ماقلت لها اني سويت تحلليل بالبيت واني جايه ابغى حبوب تنزلها هنا رفضت الدكتوره قالت نتأكد الاول انه ماهو حمل وبعدين اكتب لك حبوب تنزلها رحت اسوي التحليل وانا أسأل نفسي ليش ماصارحته انتابن شعور قلت يمكن تضحك علي لو تطلع النتيجه عكس ذلك الموهم جلست بالاستراحه نادتني الممرضه دخلت قالت الدكتوره مبرووووووك والله كاني اول مره اسمعها يازين هالكلمه انتي حامل فرحت لقيت نفسي اشكي لها من المغص والتعب كتبت لي حامض الفوليك واسبرين ومسكن وطلعت من عنده وهي تقول لازم بعد اسبوعين تجين نسوي سونار او نسمع نبضات الجنين طلعت حتى ماركزت معاها بالحسبه كل اللي سمعته اني راح اولد بعشرين شكلها تقصد شوال ولقيت زوجي يتصل ويسألني طلع مهتم بس ماوضح لكن لما علمته فرح انا هالحين شكلي ببداية الوحم ولارحت زرت الدكتوره اخاف اروح وتصدمني بشي يااااارب تمم حملي وفرح قلبي وارزق كل وحده تبي الحمللكن هنا نقطه يابنات استحيت من ربي صدقت كلامهم ونسيت ان ربي قادر على كل شي يااارب اغفر لي
وسلامتكن دعواتكن لي بنات واذا فيه تجمع بحمل مثلي علمنن |
رد: الحمدلله بعد اشعة الصبغه حملت
الللف مبروك حبيبتي .. واللي له رزق بياخذه الحمدلله
تقومين بالسلامه يارب ، وذا تجمع شوال اذا متاكده ان شهرك شوال http://forum.hwaml.com/t193103.html |
رد: الحمدلله بعد اشعة الصبغه حملت
يابعد حيي الله يجزاك خير بس خليني اضبط التاريخ اول لازم اتأكد منها بحاول اروح بكرى ان ششاء الله واشوف
|
رد: الحمدلله بعد اشعة الصبغه حملت
الف الف الف مبروك ياحيي
والله رفعتي معنوياتي () الله يتمم لك على خير |
رد: الحمدلله بعد اشعة الصبغه حملت
اعطيني تاريخ اخر دوره واحسبلك
|
رد: الحمدلله بعد اشعة الصبغه حملت
اكون لك شاكره اخر دوره كانت12او13من شهر محرم بالميلادي مااعرف
|
رد: الحمدلله بعد اشعة الصبغه حملت
سالي الله يوفقك وينولك اللي ببالك يارب
|
رد: الحمدلله بعد اشعة الصبغه حملت
لك حامل 8 اسابيع ..
موعد ولادتك المتوقع 26-10-1434 .. كل 26 تدخلين شهر جديد وهذا الشريط حق الحمل حقك .. http://forum.hwaml.com/imgcache2/hwa...905462_957.png تقومين بالسلامه يارب |
رد: الحمدلله بعد اشعة الصبغه حملت
مبروك حبيبتي مرا فرحتلك الله يثبت حملك وتقومين بالسلامه يارب ادعيلنا حبيبتي
|
رد: الحمدلله بعد اشعة الصبغه حملت
ألف مبرووك ماشاء الله تبارك الرحمن
والله اني اقرأ قصتك وترتفع معنوياتي كلما مريت بجزء منها من امس وانا دموعي تنزل يوم قالت الدكتورة ان الأنبوب الأيمن مسكر عندي بعد أشعة الصبغة لكن بعدما قرأت قصتك بعدت عني أفكار الشيطان وتوكلت على ربي هو وحده الرزاق المعطي الله يقومك بالسلامة ويقر عينك برؤيته سليم معافى يارب |
رد: الحمدلله بعد اشعة الصبغه حملت
الف مبرووووووووووووووووووووك
الله يتمم لك على خير قصتك تبعث فينا الامل |
رد: الحمدلله بعد اشعة الصبغه حملت
والله العظيم يا أختي وأنا أقرأ قصتك كأني أنا كاتبتها
نفس السالفتي بالضبط .. ما خليت شي ما جربته للحمل وآخر شي عملت أشعة الصبغة وطلعت الأنابيب مسدوده ونصحتني الدكتورة أعمل أطفال الانابيب بس الدورة تأخرت خمسة أيام وانا استبشرت لما تأخرت وقلت يمكن يكون صار حمل ما في شي يصعب على رب العالمين .. بس لما عملت الإختبار المنزلي طلع لي سالب.. اللهم لك الحمد والشكر ولا اعتراض على حكمه و الحمد لله بنفس اليوم نزلت الدوره..ألحين أنا وزوجي أخذنا موعد وبإذن الله راح نبدأ نعمل أطفال الانابيب قريبا بإذن الله اتمنى من كل الأخوات إللي يقروا قصتي يدعون لي من القلب ربي يفقكم يا أخواتي مالي غيركم ادعولي ان ربي يسعدني بالضنا عاجل غير آجل |
رد: الحمدلله بعد اشعة الصبغه حملت
ماشاء الله تبارك الله
الف الف مبروووك الله يثبته ويتمم لك على خير قصتك تبعث الامل بصراحه للكثير وماعلى الله شي بعيد |
رد: الحمدلله بعد اشعة الصبغه حملت
مبروك حبيبتي فرحتيني وبعتي امل في عقبال للجميع المنتظرات يارب
|
رد: الحمدلله بعد اشعة الصبغه حملت
|
رد: الحمدلله بعد اشعة الصبغه حملت
زوجة رجل امين الله يسمع منكولك بالمثل من الدعوات اهم شي مانغفل عن المسبب ومجري الاسباب ربي سبحانه
|
رد: الحمدلله بعد اشعة الصبغه حملت
احاسيس المطر انا الدكتوره قالت لي لو ينفتح واحد بس قدرتي تحملين ومادامك تقولين واحد مفتوح اذن بعد مشيئة الله يحصل حمل توكلي على الله انا طلعت من عندهم وهم مسودين الدنيا بعيني ومع ذلك حصل ماعلى ربي شي صعب وبعيد اهم شي لاتضعفين
|
رد: الحمدلله بعد اشعة الصبغه حملت
لين الله يبارك فيك ويرزقك يارب وهذا سبب كتابتي ابي اشكر ربي على نعمته واذا انا نسيت وضعفت انتن ماتنسن
|
رد: الحمدلله بعد اشعة الصبغه حملت
سبحان الله قصة مأثرة ... لقد أبكاني قولك أستحييت من الله ... صدقتي اختي ما أكثر تقصيرنا في اللجوء إللى الله ... أدعوا الله ان يتمم حملك ويقر عينك بأبنائك
|
رد: الحمدلله بعد اشعة الصبغه حملت
يا عمري والله بكيت وأنا اقرأ قصتك ألف ألف ألف مبروك الله يتمملك على خير ويرزقك الذريه الصالحة المعافاه حاشا لله ينسى عبده لا والله سبحانه رحمته وسعت كل شي مره ثانيه ألف مبروك يا روحي انتي
|
رد: الحمدلله بعد اشعة الصبغه حملت
الف مبروووووووووك حبيبتي فرحتلك من قلبي والله يرزق كل مشتهية الذرية الصالحة
|
رد: الحمدلله بعد اشعة الصبغه حملت
الحمد لله حبيبتــــــــي الله عطاج على قد نتيج
الف الف الف مبرووووووووووك حبيبتــــــــي والله يثبتة ويتمم حملج على خير يا رب وأهتمي بنفسج |
رد: الحمدلله بعد اشعة الصبغه حملت
ماشاء الله تبارك الرحمن
الف مبرووك وربي يثبت حملك اللهم آآآآمين وتفرحي بشوفته سليم معافى |
رد: الحمدلله بعد اشعة الصبغه حملت
الف مبروك والله يتمملك ع خير ويرزق كل محرومة
|
رد: الحمدلله بعد اشعة الصبغه حملت
غلاتي يالله يارب يرزقك وينولك اللي في بالك بس قبل الانابيب لازم تسوين هالاشعه مره ثانيه لانه يمكن ينفتح الانبوب واذا انتي تبغين الانابيب مااقول الا الله يسهلك وييسر لك كل درب عسير ويرزقك بالذريه الصالحه يارب
|
رد: الحمدلله بعد اشعة الصبغه حملت
ريم الله يبارك فيك ويجزاك كل خير وهذا هدفي ماابيكم تضعفون مثلي الامل بالله كبير سبحانه عقبالك يارب
|
رد: الحمدلله بعد اشعة الصبغه حملت
وجديه الله يبارك فيك ويااارب انه يرزقك من حيث لاتحتسبين توكلي على الله وباذن الله الامل مايخيب
|
رد: الحمدلله بعد اشعة الصبغه حملت
ام البراء ياجعلني فدا دموعك ماادري ماحسيت بنفسي الا وانا اكتب قصتي كامله و اي والله لماتاخرت دورتي استحيت وفكرت كيف صدقت كلامهم ونسيت ان ربي قادر على كل شي يارب اغفر لي جدي وهزلي
|
رد: الحمدلله بعد اشعة الصبغه حملت
زهرة الصباح ياعمري الف شكر على تفاعلك ودموعك الغاليه و ألله يبارك فيك يارب اي والله سبحانه قادر على كل شي ياعمري انتي
|
رد: الحمدلله بعد اشعة الصبغه حملت
الف مبروك حبيبتي الله يتمملج على خير ان شاء الله
|
| الساعة الآن 08:50 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .