|
حامل و نفسيي تعبانه ودموعي ماوقفت لاتخلوني
السلام عليكم ورحمة الله وبركاته
أنا ام لطفلين الكبيره 8 سنوات والولد 4((بس متأخر بالنطق والفهم )) شقتي 3 غرف وصاله وحمامين بعد أيام بدخل التاسع وماعندي خادمه ولاعندي امكانيه اجيب خادمه دائمه اتفقت مع هنديه للتنظيف كل يوم تجيني ((لكن اقامتها بنتهي واوراقها ملخبطه موأكيد تكون موجوده بفترة نفاسي أمي سافرت ماعندي احد غير اختي المهم انا نفسيتي تعبانه افكر بأكلي منو بيتكفل يسويلي عالاقل 10 ايام الاولى بس بعدين انا بسوي لنفسي اي شي منو نفس وضعي وشسوت ومشت امورها نفسيتي تعبانه وانا افكر ؟؟ آه لو عندي خادمه ماصار هذا حالي انتظر احد من الناس يشفق علي |
رد: حامل و نفسيي تعبانه ودموعي ماوقفت لاتخلوني
الله يكون بعونك والله ياختى حاسه فيك واذا تبين شغله تجيك يومين تشتغل وتروح اجيب لك رقمه واعطيك كانت بنت عمى العام نفاس وجابته وتجيه كل يوم واذا خلصت تروح اذا بغيتيها رسلينى على الخاص واعطيك رقمه وتراه مره ممتازه وامينه ومتروح الامع زوجه هذا الى اقدر اسعدك عليه بس ليش متولدى عند امك
|
رد: حامل و نفسيي تعبانه ودموعي ماوقفت لاتخلوني
.الله يكوون بعووووووونك بس فيه كثير هنا بالمنتدى مثلك
واتمنى يفيدوونك.. بس ليه ماتاخذي شغاله بالايجار اليومي احسن لك |
رد: حامل و نفسيي تعبانه ودموعي ماوقفت لاتخلوني
ماقصرتو حبايبي انا مو بالسعوديه
أمي مسافره عند جدتي توها سافرت لو هي موجوده ماصارهذا حالي تو قعها لما بتدري ان شهري التاسع بيكون لما بتسافر بتكنسل علشاني لكن آه قالت عادي اختك موجوده ومابتقصر اختي متزوجه و تدرس وعندها خادمه وبيتها قريب موبعيد ربع ساعه بس اختي ماقالت كل يوم بتكفل أسويلك اكل وانا استحي اطلب منها |
رد: حامل و نفسيي تعبانه ودموعي ماوقفت لاتخلوني
اختى ربنا يريح قلبك يارب وتولدي بي السلامه
|
رد: حامل و نفسيي تعبانه ودموعي ماوقفت لاتخلوني
ياقلبي عليك..
بصراحه زوجك لازم يراعي حالتك..ويجيب شغاله باي طريقه.. او الله يعينه على المطاعم كم يوم.. الزوج هو بوابة مسح دموعك..فديتك.. الله يفرج همك...وبعدين لا تفكرين كثير..وربى التفكير هو سبب كل المصايب الله يبعدها |
رد: حامل و نفسيي تعبانه ودموعي ماوقفت لاتخلوني
حبيبة قلبي الله يقومج بالسلامه وربج ما ينسى عبده سبحانه هو المفرج للهم وهو القادر على كل شي وصدقيني صج همج هم بس ربج يفرجها عليج يا قلبي ولا تضيقين خلقج بشي ما تعلمين شنو راح يصير بعد ساعه
|
رد: حامل و نفسيي تعبانه ودموعي ماوقفت لاتخلوني
حبيبتي ان شاء الله تولدي بالسلامه
شوفي انا لي 3 اطفال وكنت مثلج حامل بالتاسع وكل همي منو بيساعني مع ان امي بيتها قريب من عندي بس انا ماحبيت اتعبها واتعب حلي تعرفين اعيالي اخاف عليهم من البيت اهلي علشانه كبير وق وتحت يعني راح اتعب وانا اركض وراهم فقررت ان انفس في شقتي وكاني جبت بنوته وصاروا اربعه والله اني تعبت نفسيتي بالاول بعدين تعودت خلاص لان شقتج احسن على الاقل مطبخج قريب وحمامج قريب واعيالج كتام عينج اما بالنسبه للشغاله اخذي شغاله اخج اول 5 ايام بس هذي اختج ياعمري ولا تستحين وبعدين عن المطعم انا الحين صارلي 30يوم كله مطاعم والغسيل اخليهم يومين واغسلهماما بالنسبه لملابس زوجج خلي يوديهم المصبغه وماراح تخسرين شي اذا سويتيلج حليب الصبح مع رشاد وحبه سوده وحليه وفلفل كله خمس دقايق تشربينه وتقعدين وطفلج عندتج الحمدالله انا صح تعبانه بس هاذي حياتي ياعمري لازم تستقبلين الواقع لاتنسين الرمضان قرب لازم تتعودين وتتحملين وتقوين قلبج يلا شدي حيلج وبشرينا ان ولدي ربي يسهل عليج ياعمري |
رد: حامل و نفسيي تعبانه ودموعي ماوقفت لاتخلوني
حبيبتى ربنا يهون عليكى وتولدى بالسلامه ممكن تقولى لااختك تاخدى خدمتها لمده 10 ايام لمدة نص يوم يعنى تجيلك وتعمل ليكى كل شىء وبعدين تروح لااختك
|
رد: حامل و نفسيي تعبانه ودموعي ماوقفت لاتخلوني
البنات ماقصرو بالاجوبة ربي يسهل ولادتك
|
رد: حامل و نفسيي تعبانه ودموعي ماوقفت لاتخلوني
الله يسهلك يارب وهي ايام وتعدي ان شاء الله
وتفرحي بالنونو الجديد وتنسي الهم كله |
رد: حامل و نفسيي تعبانه ودموعي ماوقفت لاتخلوني
الله يكون بعونك ونصيحتي تقولي لختك انك تبين الشغاله عشان ماعندك احد يساعدك كم يوم بس لين تقدرين تمشين ويخف جرحك شوي وهي اكيد عارفه حالتك واراح تقصر ولازم ماتستحين انتي مضظره بكره ماحد نافعك الحيى ماينفعك
|
رد: حامل و نفسيي تعبانه ودموعي ماوقفت لاتخلوني
اولا يا قلبوووو الله يقوومك با السلاامه انتي والبيبي
وبعدين دوري غير هذي الشغااله الهنديه او فيه شغااله اختك اخذيهاا منهاا اول اسبوع في نفاااستك وعااادي هذي اختك مافيهاا شي واكيد بتقدر وضعك........ با النسبه للأكل الله يخلي المطاعم والغسيل وديه برااا غسيل وكوي .... ولاتشيلي هم يا عسللللل تفرج بأذن الله تعالى اهم سي صحتك انتي والبيبي ربي يسر اموووورك وتطمنينا ع ولادتك وقومتك با السلامه سي يو |
رد: حامل و نفسيي تعبانه ودموعي ماوقفت لاتخلوني
الله يكون في عونك
|
رد: حامل و نفسيي تعبانه ودموعي ماوقفت لاتخلوني
الله يسهل عليك قلبي
اختك اختك لازم تكون جنبك وتساعدك مافيها شئ لو تقولين لها تطبخ لك ال10 الايام الاولى الاخوات لبعضهم ثمن هي بعدين تحتاجك الله يوفقكم ويسخركم لبعض ..! :) |
رد: حامل و نفسيي تعبانه ودموعي ماوقفت لاتخلوني
جزاكم الله خير والله يفرج همكم
بالنسبه للشغاله اختي تدرس وخلي عيالها الصبح عند الشغاله وهي تجي من الدوام مع زوجها يبون غذا يعني يحاجونها اسحي اطلبها واصلا ما عندي مكان للشغاله شقتي حيل صغيره الله يفرجها ان شاء الله |
رد: حامل و نفسيي تعبانه ودموعي ماوقفت لاتخلوني
الله يسهل ولادتك يارب ولايضيق صدرك بتتسهل انشالله انا رايي لو تاخذين من النت رقم الحريم الي يطبخون وتتفقين معهم اول عشر ايام واسعارهم مرة حلوة مثل المراصيع والمرقوق وانتي جهزي الحلبة والاشياء هذي والله يولدك بالسلامة ويفرح قلبك واختك انشالله ميب مقصرة يالغالية هي اهم شي اول عشر ايام ولاتشيلين هم وربك بيسهلها انشالله
|
رد: حامل و نفسيي تعبانه ودموعي ماوقفت لاتخلوني
صح اختك ما بتقصر معااك
وانا نفس حالتك شموسه بولد في شقتي ماراح اروح عند امي |
رد: حامل و نفسيي تعبانه ودموعي ماوقفت لاتخلوني
الله يفرج همك و هم جميع المسلمين..
أقولك شي اللي تشيلي همه ما يجيك أحسن منه ... و أحمدي ربك إنو بيتك صغير و أطفالك كبار , وحده من صديقاتي عندها تبارك الله ثلاث أطفال أكبرهم عمره ستة و أصغرهم سنتين و خلفت يا قلبي توأم ما شاء الله , فلما سألتها ويش سوت و هيا ما عندها لا أم و لا أب و لا أخوات قالت و الله إني دايما أدعي ربي إنه يساعدني و كنت أقفل كل غرف البيت و أجلس أنا و ياهم في غرفة واحدة و بس . الله يعينك و يحنن قلب زوجك عليك و ييسرلك شغالة طييييييييييبة يارب ... |
رد: حامل و نفسيي تعبانه ودموعي ماوقفت لاتخلوني
الله يسهــــــــــل عليك ياااارب صدقيني الاغلب نفس حالتك بس شوبيدنا نسويه غير نتوكل على الله
|
رد: حامل و نفسيي تعبانه ودموعي ماوقفت لاتخلوني
الله يعينك حبيبتي
اهم شئ الاكل والله عشان ترجعي بعافيتك طيب ليه ماتسوي لك الاكل المفيد او تخلي حرمه تسويه لك وحطيه بالفريزر وسخني منه كل يوم اللي تحتاجينه واشتري حلبه وحطيها ع اي اكل تاكلينه لو بيض وعيالك خلي زوجك ياخذهم في اليوم ع الاقل ساعتين يطلعهم عشان تغيرين جو من تعبتهم وبالنسبه للملابس والغسيل اتفقي مع الشغالات اللي تجي بالساعه تجيك كل يوم ساعتين تنظف المطبخ وتغسل وملابس زوجك يوديها مغسله ربي يهون عليك ويرزقك الولاده السهله الميسره |
رد: حامل و نفسيي تعبانه ودموعي ماوقفت لاتخلوني
الله يسهل امرك..
ذكرتيني بولادتي الله المستعان كنت احزن وحييييييييييده بس ربي فرجها لاتشيلي هم ربك كريم .. الله يقومك بالسلامه |
رد: حامل و نفسيي تعبانه ودموعي ماوقفت لاتخلوني
ماتوقع اختج تخليج وماتساعدج ... لاتعبين نفسيتج وفكري بنفسج والبيبي .. وكل شي يتدبر ان شاء الله ... لا تنسين انه العبد بالتفكير والرب بالتدبير ... الله يسهل امورج حبيبتي
|
| الساعة الآن 01:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .