|
اللي ماحملت ليما الحين تتفضل,,,
السلام عليكم ....
حبيباتي انا فتحت الموضوع علشان الكل يستفيد كل منا الحين ادور الحمل وقبل الدوره بايام ندش ونقول شلي نحس فيه ونتمنى يكون حمل بس ولاوجده منا قالت شنو سبب تاخر حملها او شنو العلاج اللي قاعده تاخذه ...بموضوعي هذي ابي كل وحده تدش تقول شنو مشكلتها وشنو قاعده تسوي الحين.... بالنسبه لي انا عندي هرمون الحليب مرتفع وقاعده اكل حبوب الهرمون ,,,بس طبعا مليت صارلي شهرين اكلهم ,,,ورحت معالجه وعطتني علاااج وحيل امدحته وسمعت من شكثر حريم ان بعد الله يفيد هالعلاج انا علي الدوره الحين بس استفيد وربي لاقولكم عنه ,,,, يالله كل وحده تقول ... |
رد: اللي ماحملت ليما الحين تتفضل,,,
مرااااااحب ياحلوين
موضوع حلو ....الله يوفقك وتشوفين اقبال اكثر وتفاعل اكثر إن شاء الله بالنسبه لي انا تاخرت في الحمل والحمد لله حملت بعد سنتين من الزواج وهذا بفضل الله تعالى طبعاً كنت اعاني من ضعف في التبويض وتعالجت بس حطيت في بالي انه هذا العلاج امر طبيعي كعلاج اي مرض آخر مثل الكحة او الصداع وغيره ما خليت هالمرض يأثر على نفسيتي يعني لما قالت لي الدكتوره سبب تاخر الحمل ضعف في التبويض ما حاولت اني اتاثر وتضايق نفسيا بما ان العلاج موجود فما في اي مشكه الخطوة الثانيه وهي الاهم كنت اعتبر ان الحمل مقدر مكتوب من عند الله واذا الله راد بيصير ولو في اسوء الاحوال طبعاً كانت ثقتي بالله كبيره جدا كنت اقول اذا بحمل فهذا اليوم اللي الله كاتبه لي للحمل وكنت اتعالج مثل ما قلت لكم كعلاج اي مرض ومثل ما نعرف ان الاستغفار والمداومه عليه يحل جميع مشاكل الحياة فكنت اداوم على الاستغفار مو من باب واحد يعني ما كان هدفي الرئيسي من الاستغفار هو الحمل فقط لا كنت استغفر لاصلاح جميع اموري حتى لا يظل تفكيري مركز على الحمل ويكون ما عندي هم الا هو .... وفي شي ثاني كنت اسويه وهو المداومه على قراءة سورة البقره وكنت اسمع انه اللي يداوم على هذه السوره يبعد عنه الحسد ويقضي جميع حوائجة ويزيد رزقه و يسهل له الحمل فكنت اواظب عليها علشان اذا في حسد يروح ويسهل حملي ويفتح لي باب الرزق طبعا انا سمعت المداومه عليها لمدة 40 يوم واذا حبيتوا تداومين عليها على طول يكون افضل لإنه قراءتها بركة وهذا كل ما عندي وإن شاء الله تستفيدون من هالكلام بس ملاحظه مهمة اسمع الكثير من الناس يقولون احنا تعالجنا وما في فايده وانا اقول لكم تعالجوا ولا تتركون العلاج لأي سبب من الاسباب واعتبريه مرض مثل اي مرض اخر ولا تجعلين كل تفكيرك انك تعالجتي هالشهر ولا حملتي بعدي عنك هالتفكير فكري ان جسمك بدا يتعافي شيئا فاشيئ من العلاج وان الحمل بيد الله تعالى وياما ناس مو محتاجين لعلاج وما في اي سبب لتأخير الحمل ولاصار حمل وانا اعرف وحده من هالنوع* |
رد: اللي ماحملت ليما الحين تتفضل,,,
شكــــــــــرا,,,حبيبه ,,, وشكــــــــــــرا ...على كلااامج العسل ...صج حلو ويريح النفس,,,تحياااتي لج
|
رد: اللي ماحملت ليما الحين تتفضل,,,
انا حملت من اول شهر زواج بس اجهضت وحملت مباااشرة مرة لخ واجهضت من دون اي سبب والحين الطبيبه مانعتني عن الحمل لمدة شهرين عشان يرتاح الرحم شكرا على الموضوع
|
رد: اللي ماحملت ليما الحين تتفضل,,,
حياتي انت انا طبعا رديت بالموضوع الاول هم بكرر رحت لدايه وتمرخت ثلاثه ايام وعطتني اعشاب واكلتها ايام الدوره ورحت للدكتوره وقالت لي اختفت التكيسات والحين ما قاعده اخذ شي بس من اليوم12من الدوره وعندي الم بصدري مره لدرجة اني ما اقدر امسكه واذا شلت الستيان باموت من الالم ولحد الحين مستمر وباقي على دورتي 5ايام ويارب اطلع حامل يارب
|
رد: اللي ماحملت ليما الحين تتفضل,,,
هلا بك يالغلا
انا اخذت كلوميد وبعده اخذت ابر تفجيريه ويارب العرش العظيم يارحيم يارحيم يرزقني هالشهر حمل وابشركم ,,,, الله يرزقني ويرزق كل محرومه فينا تبي تضم طفل استغفرالله العظيم من كل ذنب حرمني الذريه استغفرالله العظيم من كل ذنب حرمني الذريه استغفرالله العظيم من كل ذنب حرمني الذريه استغفرالله العظيم من كل ذنب حرمني الذريه |
رد: اللي ماحملت ليما الحين تتفضل,,,
هلا بخوااااااااااااتي....
انشاء الله ياربي نكون حوامل هالشهرررر....ياربي ياكريم ماعليكـ عسيييييييير..... |
رد: اللي ماحملت ليما الحين تتفضل,,,
يتقل حبيبتي لقسم علاج تأخر الحمل
انا بالنسية لي حملت توأم واجهضت بمنتصف الشهر الرايع والمشكلة زوجي عنده ضعف |
رد: اللي ماحملت ليما الحين تتفضل,,,
وشنو علاقه الضعف بالاجهاااض,,,
|
رد: اللي ماحملت ليما الحين تتفضل,,,
بالتوفيق يا احلا بنات
وربي يكرمنا جميعا |
رد: اللي ماحملت ليما الحين تتفضل,,,
اني حللنا كل شي سليم
وعطوني حبوب دوفاسنون وابرة تفجيرية هالشهر والله يستر ومشكورة خيتو على الموضوع .. |
رد: اللي ماحملت ليما الحين تتفضل,,,
اه اه تعبانة نفسيتي لدرجة اني اكتب ودموعي تسبح على اخدودي
ماني عارفة شنو علتي انا عندي بنت عمرها ثمان سنوات خاطرها في خت تونسها وتلعب معها في البداية صارت ضروف خلتني مافكر في الحمل ولما صار عمرها ست سنوات بديت افكر طبعا سويت عزل قبل وللحين ماحملت رحت للدكتورة ماسوت لي كشف داخلي على طول اشعة سونار وتحاليل وكلهم طلعوا اوكي بس قالت لي الهرمون نازل شوي وحدة من اليويضات فيها كسل شوي ولا فهمت لانها فلبينيه المهم عطتني كلوميد وفيتامين الكلوميد سبب لي نفخة وجفاف في المهبل شربته ثلاث شهور وتركته ولا رحت راجعت رحت لوحدة تمرخني وقالت لي الرحم مايل بس هلكتني في المراخ لدرجة اسفل بطني تورم ولا كملت لاني استخرت الله اني اتركها وجت الخيرة اني اتركها والحين محتارة شنو اسوي دلوني |
رد: اللي ماحملت ليما الحين تتفضل,,,
ام الاء انتي من وين ,,,, عشان بقولك شي وان شاء الله ينفعك,,,
|
رد: اللي ماحملت ليما الحين تتفضل,,,
بالنسبه الي اخواتي انا صار لي 3 سنوات وماحملت هاانا اتعالج من ذاك الشهر كان عندي هرمون الحليب مرتفع والحمدلله على كل حال
وان شاء الله نطلع كلنا حوامل هالشهر |
رد: اللي ماحملت ليما الحين تتفضل,,,
مشكوره حبيبتــــي على هذا الموضوع الرائع انا لي 12 شهر متزوجــــــه وقالت لي الدكتوره عندك ضعف في المبايض واخذت كلوميــــد و ماصار حمــــل نزلت الدوره بعد الكلوميد والحيـــــــن انتضر دعوووووواتكم لي ولكـــــل محرومه الله يرزقــــنا جميعا,,,...
|
رد: اللي ماحملت ليما الحين تتفضل,,,
اشكرك على الموضوع رائع
اناكان عندي الهرمون الحليب كان مرتفع وهواللي ماخلني احمل المدة 3شهوراوليه من زواجي وكنت خايفه يكون معي شي طبعا نفستي تعبانه من عرفت ان هرمون الحليب مرتفع طبعا اكيدتعرفون مستشفى ارامكوالفاشله قالوانه عندي الهرمون الحليب مرتفع ولاعندي هرمون ذكري مرتفع بالله لوتشووفيني راح تقولين من جدك انتي معاكي الهرمون ذكري مرتفع يعني ماافي شي يبين انه مرتفع قلتلي عندهاالحمل بيكون صعب نفسيتي تعبت زياده دمعتي على خدي ودي الحين اروح واصفق وجهه من القهروالمشكله امي كانت معي تسمعه ودها تذبحهاههه بس هذي دكتوره فاشله رحت عنددكتورتخيلي وش قالي قالي الهرمون عندي تمام بس شوي لازم ينزل وقلت طيب هرمون ذكري يقوولي مومرتفع عندك ورتاحت طبعاانانسيت الموضووع الهرمون وشهررابع من زواجي حملت حمدالله على فكره مااخذت اي ادويه لاني نسيت المووضع وتوكلت على رب العالمين الحين انابسادس بفضل الله سبحان وتعالي والله يرزق كل محرومه يارب ان شاءالله تطلعووون حوامل اللهم امين |
رد: اللي ماحملت ليما الحين تتفضل,,,
سكره وذابت الف مبرووك عالحمل,,,,وشكراااا لجميع من دش ورد على موضوعي
|
رد: اللي ماحملت ليما الحين تتفضل,,,
هلا وغلا
ما حملت لما الحين لي قرابة 6 او 7 شهور بعد اجهاض ما عندي مشاكل ولله الحمد معوقه للحمل انشاء الله نحمل كلياتنا ع خير في الحديث عن مُعاذِ بنِ جبلٍ رضيَ اللهُ عنه عن النبيِّ صلَّى اللهُ عليهِ وسلم قالَ : (وَالَّذِيْ نَفْسِيْ بِيَدِهِ إِنَّ السِّقْطَ لَيَجُرُّ أُمَّهُ بِسَرَرِهِ إِلَىْ الجَنَّةِ إِذَا احْتَسَبَتْهُ) والسَّرَرُ : ما تقطعه القابلة من السرة |
رد: اللي ماحملت ليما الحين تتفضل,,,
السلام عليكم انا كتير بحب هل منتدى واحسكم كلكم قلب واحد واتمنى اني اكون اخت لكم
انا ليه سنه 8 شهور متزوجه وما حملت كان عندي هرمون الحليب مرتفع وتكيس على المبايض وكانت الدوره مو منتظمه وتعالجت سنه وشهرين بعدين طفشت من الادويه وتوكلت على الله والحمد لله انتظمت الدوره بس ما حملت ورحت للدكتوره قبل شهر وقالت التكيسات راحت والهرمون انخفض وانا دحين متاخره الدوره 7 ايام وسويت تحليل منزلي وطلعلي خط خفيف ايش معناتو معقوله حمل يارب اطلع حامل ادعولي يارب انك لا تحرم ولا وحده من الحمل ياااااااااارب وترزقنا كلنا بالذريه يااااااااااااارب اسفه على الاطاله |
رد: اللي ماحملت ليما الحين تتفضل,,,
يارب احمل,,,,,
ان شاء ياربي تكونين حامل وتبشرينا,,, |
رد: اللي ماحملت ليما الحين تتفضل,,,
موضوعك مررررررررهـ حلوووو بالنسبه لي انا لي سنه من زواجي ولا حملت واحذت كلوميد كم شهر بس ماصار حمل وتقول الدكتوره عندي ضعف بالمبيض والله يعين وجالسه اعالج نفسي بقراءه القران والدعاااء وربي كريييم |
رد: اللي ماحملت ليما الحين تتفضل,,,
الله يرزقكم يااخوات الحمل عاجلا عاجلا فيذا الشهر
ويرزقني معكم انه ربي ارحم الراحمين :) |
رد: اللي ماحملت ليما الحين تتفضل,,,
انا يوم الخميس بسوي تحليل عشان الهرمون وان شاء الله منخفض,,,ومثل ماقلتلكم كليت اعلاج المره اللي تعالج ,,,بس سوا فيني بلاوي ي مو طبيعي ,,,وبطالع هالشهر ان شاء الله يكتبلي الحمل,,,ةاكتب لكم تجربتي كامله...
|
رد: اللي ماحملت ليما الحين تتفضل,,,
لي سنه وشهر متزوجه وماحملت كل شي بقدره الله والحمد لله لكن السبب من زوجي ورافض العلاج مع انه بس حبوب ربي يهديه ويصلحه
|
رد: اللي ماحملت ليما الحين تتفضل,,,
كيفكم ياحلوووووووواااتhttp://www.postsmile.net/img/29/2975.gif انا رحت لممرخه طبعا قبل تقريبا شهرين وعطتني علبه اشربهااا وقت الدووره والعلبه الثانيه بعد ماخلص منهاااا بس سبحان الله ماسوت فيني اي شي ولا حملت وقالت لي .. اذا ماصار حمل حاولي تاكلينها الشهر اللي بعده بس الوصفه طعمهاا مررر وماحبيتهااا بس صاابره والله يعوض صبري بالحمل القريب السليم المعاافي وكل محروومه يارررب |
رد: اللي ماحملت ليما الحين تتفضل,,,
هلا حبيباتي,,,
انا انا خذيت من المعالجه دوا احطه مع جاي حليب او مع الشوربه مرتين يوميا...بس صج حسيت بتغير دائمااا تنتهي الدوره ومااحس بالطهاره لاكن الحين لا انتهت وانا مرتاحه اول مره تصير فيني |
رد: اللي ماحملت ليما الحين تتفضل,,,
انا محرومه من 12 سنه
يارب ياكريم اسالك ان ترزقني وكل محروم باالذريه الصالحه |
رد: اللي ماحملت ليما الحين تتفضل,,,
السلام عليكم
كيفكم حبيباتي ..ومشكورة ياقلبي على الموضوع الحلو .. انا بقولكم قصتي ..انا اليوم اكمل 7 سنوات من تزوجت ..وتأخر الحمل عندي بسبب ضعف التبويض وارتفاع بهرمون الذكورة ..وكل ذلك كان سببه السمنه ولم ادري ..كنت اذهب للمستشفيات وآخذ منشطات وعلاجات بدون نتيجة ..وذهبت مرتين لحريم ممرخات وايضا بدون نتيجة ..سبحان الله ربي مااراد ..فجأة قررت ان اترك العلاجات من سنتين تقريبا ..وقلت خلاص اللي ربي كاتبه بيصير ..وفي الشهر اللي تركت العلاج حملت وكانت فرحتي لاتوصف لكن والحمدلله على كل حال لم يكن هناك نبض وعملت عملية تنظيف ..وبعدها قررت ان ابعد الفكرة عن بالي طبعا مع الدعاء المستمر والاستغفار اغلب الاوقات ..وقررت ان اخفف وزني ولم اكن اعلم انه قرب الفرج لكن ربي سبحانه قال ((ومن يتق الله يجعل له مخرجا *ويرزقه من حيث لايحتسب )) وقال (( إن مع العسر يسرا *إن مع العسر يسرا )) وفعلا استمريت بالنظام الغذائي مع رياضة المشي وركوب الدراجة الثابته ورياضة البطن ..وكنت اشرب بردقوش يوميا مع الشاي ..اول شي لاحظته بعد نزول عدة كيلوات هو انتظام دورتي الشهرية ولله الحمد واستبشرت خير ..نقصت والحمدلله 25 كيلو ..وشهر خمسة هذي السنه تأخرت الدورة وبعد اسبوع ذهبت للدكتورة وعملت تحليل وكانت النتيجة ..حــــــــــــــــامــــــل ..والحمدلله انا الحين ببداية الشهر الرابع ادعولي ربي يتمم لي على خير وانا والله لاني جربت 7سنوات دائما ادعو الله لكل محرومة ان يعوضها ويرزقها بالذرية الصالحة وان يجبر كسرها ويفرحها مثلما فرحني .. حبيباتي لاتيأسون من رحمة ربي اهم شيء عدم اليأس والتوكل على الله وانه قادر على كل شيء والبحث عن سبب المرض ليتم علاجه الصحيح .. والإيمان بقدرة الله لان للأسف الناس عندنا اكثرهم مايصدقون اني حملت بدون منشطات اوعملية كلهم يقولون كذابة وهذا من عدم الإيمان بقدرة الله تعالى وانه إذا أراد شيئا فإنما يقول له كن فيكون .. آسفة على الإطالة واتمنى تستفيدون من تجربتي وتدعون لي .. |
رد: اللي ماحملت ليما الحين تتفضل,,,
ربي يرزق جميع الأخوات عاجلا غير آجلا...ربي ارزقهم بالذرية الصالحه السليمه ..
ربي قر أعينهم بذريتهم...ياااارب العالمين يامجيب الدعوات...استجب لنا ياارحم الراحمين ويااجود الأجودين يارحمن الدنيا والآخرة ورحيمهما...آمين |
رد: اللي ماحملت ليما الحين تتفضل,,,
يعطيكم العافية يالغاليات
والله يعوض صبرنا خير ياااارب أنا لي سنة من تزوجت وللحين ماصار حمل ولما راجعت من قبل 6 شهور قالي ان البرولاكتين مرتفع شوي ومسبب ضعف في التبويض فأخذت دوستنكس .. وكلوميد وابر المهم ات في كل مره اروح له يقول لي كل شي كويس .. وآخر مره الشهر الماضي عطاني كلوميد وصار تأثيره عكسي صار جسمي حساس له ومايتحمله أعطاني الشهر هذا دوفاستون .. لمدة 10 أيام وأخذته 8 أيام وبعدها بدأ ينزل دم أنا خفت ورحت له هو استغرب قال لي اكيد مخربطه بالعلاج لان اذا تاخذين دوفاستون ماتجيك الدوره مع انه باقي على موعدها اسبوع .. فلما سوا لي السونار قال لي هذا مو دوره .. هذا استحاضه ووقف لي الدوفاستون ماكملته والحين اخذ حبوب عشان يوقف الاستحاضه واليوم ثاني يوم من هالسالفه وربي اني تضايقت بالحيييل .. كنت متأمله خير .. بس الحمد الله على كل حال وربي حيييل خايفه .. أول مره يصير معاي كذا والمشكله نفس آلام الدوره احس فيها من قبل اسبوع وللحين مستمره وباقي على دورتي 5 أيام طمنوني بنات .. الاستحاضة ما تأثر ؟؟ يعني تنزل البويضات عادي والا كيف ؟؟ .. أقصد بعد الدورة الجايه |
رد: اللي ماحملت ليما الحين تتفضل,,,
أنا حملت مرتين وأجهضت000 ولله الحمد وأنا لي سنتين من آخر اجهاض لم أحمل بعد لا أتعالج ومتوكله على الله 000 علينا بالدعاء بالولد الصالح وكثرة الإستغفار وكل شيء مقسوم من الله وأدعوا الله لي ولكن بالحمل السليم المعافى بأقرب وقت إن شاء الله علماً أن لي أولاد ليسوا عندي من زواجي الأول 000 والحمد لله على كل حال عفوا على الإطالة 000 |
رد: اللي ماحملت ليما الحين تتفضل,,,
الله يوفق الجميع ان شاء الله ونصير كلنا حوامل انا لي 3سنوات ماحملت ورحت اتعا لج هاشهر وقالت لي الدكتورة معاي تكيس بسيط وان شاء الله يرووح وانا الحين اتعالج عن هاشي وان شاء الله احمل وكل وحدة الله مارزقها تحمل
|
رد: اللي ماحملت ليما الحين تتفضل,,,
انا لي سنه وشهر من زواجي,,,, وقبل 7 اشهر رحت لدكتوره وقالت هرمون الحليب مرتفع واخذت علاجها شهر وحملت بس اجهضت بشهر ومن بعد الاجهاض تخربطت دورتي وهرمون الحليب ارتفع وصار فيه كيس 5 سم على المبيض بس الحمد ,,, تعالجت ونزل الهرمون من 35 الى 2 ,, والكيس نزل والدوره انتظمت ,,, اخر شهرين والله كريم ,,, والدكتوره تقول خوذي شهرين اذا ماحملتي تعالي اشوف التبويض ’’’ وان شاء احمل هالشهر يارب ياكريم وترزق كل من تتمنى الحمل
|
رد: اللي ماحملت ليما الحين تتفضل,,,
موضوع مرررره نايس يسلمو لولو لاننا راح نستفيد حيل من بعض 00
انا متزوجه لي سنتين ياقلبي 00 وعسى الله يرزقني بالعيد وياكم يارب انا ولله الحمد سليمه وزوجي كمان بس للحين ماصار حمل كل تاخيره وفيها خيره كنت بالشهر اللي فات عندي تكيس ولله الحمد والمنه رااااح جعله مايجي والحين بما اني سليمه قاعده اعالج نفسي بكثره الاستغفار ولله الحمد من كثر مااستغفر راح التكيس والحين سليمه ياربي لك الحمد 000 الحمد لله الذي لا يحمد على مكروه سواااه 00 |
رد: اللي ماحملت ليما الحين تتفضل,,,
موضوعك مميز
والله ان اوالحمل قصه طويله البدايه كانت بعد اول دوره من زواجي حصل معايه نزيف استمر 15يوم رحت احلل طلع معايه كيس ع المبيض3سم ومن هنا بدات المعاااااناه وكبر مع الايام وتعالجت منو اربعه اشهر بعدها نزل وماعاد احس بشي وانتظرت الحمل شهرين ولما رحت احلل طلع عندي مشكله غير شكل الهرمون مرتفع كتيروياقلب لاتحزن ولي اكتر من شهرين اتعالج منو والشهر اللي مضي استخدمت الكلوميد ورجع الكيس مره تانيه وحجمه كبير ومن بعد كذا خلااااااااااص طفشت وطنشت العلاج بترك كل شي على ربي |
رد: اللي ماحملت ليما الحين تتفضل,,,
انا لي 9 اشهر متزوجة
مارحت المستشفى عندي يقين تام اني باحمل من دون علاج رايت كم رؤيا وفسرت ان لدي قرين يمنع الحمل ادعولي بذرية الصالحة |
رد: اللي ماحملت ليما الحين تتفضل,,,
الولو لو تكرمتي كلميني عالخاص عالايميل تبعي بغيتك ضروري انا لي متزوجة 7 شهور وماحملت
جد تعبانة من هالسالفة بالبداية رحت لمراحة ولافية فايدة بطني انتفخ واحس انا جاني قولون بعد المهم بعدها طلع عندي قرحة وسويت كي بس حار مش تبريد وتالمت بعدها 3 شهور اخذت كلوميد حبوب بس اخذتة ب 5 يوم الدورة ولا فية فايدة ما حملت والحين مرت 3 شهور وماحملت بعد مااعرف شسوي والله العظيم كل شهر استنى بس الدورة تتاخر واكون حامل بس للاسف والشهر توقعت احمل بس قدمت 3 ايام الدورة ونفسيتي تعبت وجلست ابكي وزوجي ساكت مع انة هو قالي ان شاءالله هالشهر حامل بس قدر الله وماشاء فعل شوفولي حل قولولي ايش اعمل يمكن الكي هو السبب خرب الدنيا |
رد: اللي ماحملت ليما الحين تتفضل,,,
هلا حبيبتي غلا الشرق
انا حاسة فيك يا قلبي لاني اعيش نفس حالك وفي كثيرات مثلنا انا كمان ألدورة شرفت هذا اليوم وانا برضو كنت متاملة ما تجي وبرضو زوجي كان مستني وكان بيحسب يا قلبي وكل يوم بيقولي اليوم 22 الدورة بعد كام بوم ومش حتيجي ومن يومين قال خلاص باين ما حتيجي لكن اليوم انصدم وفضل ساكت ولا بيعبر الحمد لله على كل حال احنا طل شهر بيكون عندنا امل وهذا الامل لن ينقطع فرجاؤنا في الله ميتمر وربنا ما حيخيبنا وان شاء الله سيرقنا في اجل مسكى حبيبتي هدئي من روعك انت لساتك عروسة سبع شهور لا تعتبر تاخير ولسة قدامك وقت وانصحك بشئين مهمين اولهما استغلال هذه الايام المباركة في الدعاء والاستغفار والقبام وطلب الذرية من الله تعالى وثانيهما تابعي مع دكتورة كويسة وهي تشخص حالتك لو كانت مسالة الكي ما لها علاقة فارتاحي وكلي امرك لله وهو سيرقك من خيث لا تحتسبين وان كنتي محتاجة علاج فخديه وبما انك تكلمتي عن كلوميد فلازمك متابعة تبويض الله يوفقك ويرقني واياك وكل منتظرة الحمل السليم المعافى عاجلا غير اجل |
رد: اللي ماحملت ليما الحين تتفضل,,,
يسلمو عالموضوع انا متزوجه من سنتين وشهر والحمدلله زوجي سليم الله يدومها عليه وانا معاي تكيس ودورة غير منتظمه
حاولت بقدر الامكان اني اضبط اموري داومت عالعلاج شهرين تنشيط بالكلوميد وبالابر لكن ماصار حمل ورحت تمرخت وعلى الله انتظر الفرج من الرحمن من لرحيم من الحي القيوم ان يرزقني ذريه صالحه وكل المحرومات باذن الله دعواتكم معاي |
| الساعة الآن 03:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .