|
بنتي المسكينة والتبول الاارادي
السلام عليكم أخواتي ...
حبيت تشاركوني همي بخبراتكم hwaml13.. بنتي كملت الخمس سنوات والسنة الجاية ’ داخلة ابتدائي ان شاءالله ’ الى الآن تبول على نفسها وهي نايمة * مع ان اول ماعلمتها الحمام * اتقنت الموضوع وهي نايمة * وكنت أقول لصديقاتي واستغربوا * بعد ما تعلمت انها تدخل في النهار انتكست في حق الليل’ وصرت البسها حفاض وقت النوم * وطبعا كل مرة تصحى فيها من النوم يكون مليان * جربت ما ألبسها عشان لاتعتمد عليه * واصحيها في نص النوم * لمن ادخلها الحمام تبكي وما تسوي شي وتسويها لمن ترجع تنام * اتهلكت غسيل hwaml15* ورجعت للحفايض واحنا في هذي الدوامة الى الآن * مافي فايدة * قبل فترة هي اعترضت على الحفاض وجلست تبكي لانها شافت بنت اختي اصغر منها بسنتين ما تلبس وهي نايمة * صار عندها اصرار انها ما تعملها على نفسها * وفعلا استمرت اسبوعين ما شاالله بعد كذا انتكست ثاني hwaml15 أبغى أعرف دكتور أو دكتورة في جدة hwaml10يعالجو هذي الحالات لان الدكتورة اللي اعرفها تركت المستشفى وما ادري وين راحت * أحس بنتي عندها شعور بالنقص بسبب هذا الموضوع |
رد: بنتي المسكينة والتبول الاارادي
ما حد رد أحس الموضوع من جد صعب
|
رد: بنتي المسكينة والتبول الاارادي
والله نفس حالتك عندي ولدي نفس الشئ
وعرضته عادكتور اطفال وعملوا له تحاليل وتصوير وقالوا سليم والظاهر تعويد او النوم ثقيل |
رد: بنتي المسكينة والتبول الاارادي
انا نفس مشكلتك عندي عيالي الثلاثه مو عارفه ايش اسوي
|
رد: بنتي المسكينة والتبول الاارادي
فور يو و الهاشمية والله حيرتوني فوق حيرتي
أحد يخبرنا بالحل hwaml12 نحن بالانتظار اخواتي العزيزات hwaml13 |
رد: بنتي المسكينة والتبول الاارادي
اخي لما كان صغير كان عنده هاذي المشكلة و تعافى منها من تقريبا كان عندو تمن سنين
امي كانت دايما توقظه بالليل مرة مرتين و مع ذلك كان يعمل عليه بس مع المداومة يوميا بتكون نتيجة ان شاء الله لازم توقظيها بالليل عشان الحمام و لو تبكي خليها لين تعملها بالحمام مش عليها يعني اصبري معاها و هكذا لين تتعود انها تستيقظ وحدها عشان تروح الحمام المهم لا ترجعيلها الحفاظ ابدا و كذلك لا تقوليلها فلانة تروح حمام وحدها و هي اصغر منك و فلان و فلانة لاااااااا خطررررر بتتعقد من حالها خلي عندها ثقة بنفسها هاذي حالة كثير اطفال بيمروا فيها عادي انتي دايما ايقظيها بالليل و اذا عملتها بالحمام بالنهار شجعيها و اعطيها شي تحبه و شوي شوي ان شاء الله رح تتعالج بس اصبرييييييييييي فالصبر مفتاح الفرح |
رد: بنتي المسكينة والتبول الاارادي
نفس مشكلتك
تخيلي ولدي عمره ٧ وعلى نفس الحاله وهالشي جدا مضايقني |
رد: بنتي المسكينة والتبول الاارادي
من الافضل تعطون الطفل قبل ماينام ملعقة عسسل
وفيه دواء اسمه مينارين للتبول الارادي قاله عبد الباسط مره |
رد: بنتي المسكينة والتبول الاارادي
انا سمعت ان العسل وحبه سوداء
قبل النوم يوسع المثانه بس لا تكثرين الحبه السوداء 3 حبات مع ملعقه عسل واهم شي لاتشرب عصير ولا شي قبل النوم بساعتين الله يشفي بنتك ويعافيها |
رد: بنتي المسكينة والتبول الاارادي
قبل لا تنام خليها تروح الحمام
وبعد نومها بساعة بالضبط صحيها وخذيها للحمام الله يعينك ياقلبي طولي بالك سوي واذا ما صحت حمليها وانتي تكلمينها وقولي ياماما احنا الحين بنروح الحمام وجلسيها عالمرحاض وحاولي معاها لين تعملها وبكل هدوء رجعيها تنام ان شاء الله تفيدك هالطريقه يالغلا |
رد: بنتي المسكينة والتبول الاارادي
|
| الساعة الآن 11:19 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .