منتديات حوامل النسائية - لكل جاتهم الدوره وكانوا شاكين بالحمل

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - لكل جاتهم الدوره وكانوا شاكين بالحمل (https://naqatube.com/showthread.php?t=197338)

لكل جاتهم الدوره وكانوا شاكين بالحمل

انا كتبت الموضوع ده عشان كل واحده شكت ان هي حامل وربنا مش اراد الشهر ده متزعلش وتحاول تنسي يوم ما ربك يريد هيرزقك وبعدين كله مكتوب ومعلش كل تأخيره وفيها خيره واذا كان علي كلام اللي حواليكي لو انتي سألتيهم اصلا ممكن تلاقيهم هما نفسهم كانوا متأخرين (ما عدا الامهات والجدات بلاش تسألي حد فيهم عشان الاحراج لأن معظمهم كان بيحمل من ليله الدخله ما شاء الله عليهم hwaml7 ) اما بالنسبه للصحبات في فئه من الصحبات سبحان الله كده تحسيهم منفسنين شويه وكل خمس دقايق ها مافيش حاجه جايه في السكه الناس دي حبايبي وعندي منهم اتنين وكل ما واحده تتكلم اقلبها هزار زي ماهي بتسألها بهزار وبيكون الرد كاالاتي ( ان احنا عايزين نتهني ببعض وكمان الواحد يتقل عشان ياخد حاجه نضيفه هههههههههههه وبس وهي مابطنتقش بعدها ) انا لسه مش جتني الدوره هي في الطريق بس شكل الطريق زحمه شويه hwaml02 انا نزلت درجه حرارتي ل 36.3 وخلاص مفيش حمل والحمد لله علي كل حال بس مش زعلانه زي كل مره سبحان الله يمكن عشان مش عشت الوهم المره دي وكمان كنت كل ما احس بأي عرض اقعد اقول لنفسي لأ مش حامل عشان مش انصدم المهم بقي انا قررت اني ان شاء الله ادلع نفسي في ايام الدوره هنزل السوق اعمل شوبنج واروح مركز تجميل وهخرب الميزانيه hwaml7 مش اوي يعني هخربها شويه صغيره واهحط خطه جديده للشهر الجاي عشان الحمل والخطه كاالاتي ربنا يجعلها سبب ويرزقني ان شاء الله:
شرب ميه
شرب عصيراناناس فريش يوميا كتيررررررررررررررررررررررررررر
فوليك اسيد (عشان تجنب التشوهات العصبيه للبيبي )+بيبي اسبرين (تجنب الجهاض) (كل واحد قرص واحد في اليوم ) والاتنين مش فيهم منهم ضرر بأذن الله والاتنين بتاخدهم الحوامل والغير حوامل وكمان البيبي اسبرين مفيد جدا بعيدا عن موضوع الحمل في التقليل من الجلطات بس الناس اللي عندها سيوله في الدم مش بتاخده
شرب زنجبيل +قرفه +يانسون اثناء الدوره فقط
بعد الدوره شرب شاي اخضر
تحسين نظام الاكل وعدم شرب البيبسي وقرايبه
انا عملت حاجات من دي الشهر اللي فات زي الفوليك اسيد وعدم شرب البيبسي وشربت عصير عنب وحسيت انها فرقت معايا يمكن مش حصل حمل بس انا حسيت بفرق عن الشهور اللي فاتت وبس بقي وربنا يقدم اللي فيه الخير
زياريت اي حداه عندها خطه ان شاء الله للشهر الجاي تكتبها عشان كلنا نستفيد منها ويارب يرزق الكل ومايحرم اي حد من الفرحه دي ويثبت حمل كل حامل ويسعدها بشوفه طفلها سليم معافي hwaml13