|
تكفون طمنوني(زغللة العين والتنميل )
انا جديده فالمنتدى حبيت تسمعوني لأني في هم مايعلمه الا الله وخايفة يكون فيني مرض
انا حامل وبكريه الأن فالشهر السادس من بداية هذا الشهر وانا تجيني نوبات تشويش او زغلله في عيوني تستمر نص ساعه واخر مره اخذت تقريبا 3 ساعات وجتني 3مرات فاليوم ويجي معاها تنميل وخدر في يدي اوشفتي بعدين تروح واحس احيانا بعدم توازن ونا على هذا الحال تقريبا شهر رحت الدكتوره قالتلي التحاليل سليمه وكمان الضغط كويس وقالت روحي دكتور مخ واعصاب ورحتله قال هذا دلع بنات ولا تخافي وطلبت منه اشعه قال انا لو شاك في حاجه كان عملته لك يقول هذا كله من الحمل وانا مره خايفة يكون فيني مرض ابغى اعرف في احد مر عليه مثل اعراضي وانا اكثر شي مخوفني عيوني ابغاكم تطمنوني الله يسعدكم |
رد: تكفون طمنوني
بسم الله عليك حبيبتي ليش خااايفه ان شاء الله بعد كلام الدكاتره مافيه خوووف
انتي اقري سورة البقره كثير وخلي العلكه معك اذا حسيتي بهالشي اعلكي وامضغي واطردي الوساويس وماعلى قلبك شر |
رد: تكفون طمنوني
الله يسعدك قلبي ماقصرتي انا مادري لما تجيني الزغلله والضبابية في عيوني مره اخاف وقلت امكن الدكتور لما قلتله اني حامل قال هذا من الحمل
اتمنى احد من الكروشات مرت عليها الحاله تطمني ومشكوره حبيبتي |
رد: تكفون طمنوني
انا تجيني زغلله وادوخ من دخلت الخامس حتى اني اخاف وادلك جسمي وشعري
بزيت مقري واهم شي الجبهه واقرا الرقيه على نفسي والحمدلله تعدي على خير انا مخمنه اكثر انه من الحمل بس انصحك ابعدي عن المكيف بعد الاستحمام وعن اي هواء بارد ودلكي دائما جسمك ووجهك بالزيت المقري وعلى فكره ترى التفكير والهواجيس تتعبك انا مجربتها يحفظك الله ان شاء الله |
رد: تكفون طمنوني
حبيبتي انا تجيني دووووووخه وتنمل بوجهي كيف مدري
بس احس وجهي يتنمل ويوم سالت قالولي من الحمل خليها ع الله واتوكلي عليه الحمل يترتفع فيه هرمونات وتقل هرمونات ويلعب بجسمك لعب يعني لا تخااافي ياااقلبي الله يعطيك العافيه ولا يوريك شر ابد... |
رد: تكفون طمنوني
ماااااعليكي شر ر
|
رد: تكفون طمنوني
الشر مايجيكم انشاءالله.
ياليت اللي كمان مرت بالحاله تطمني ومشكورين |
رد: تكفون طمنوني
الله يسعدك برنسيسة كم تأخذ معاك وقت زغللة العين
|
رد: تكفون طمنوني
دايم البكريه دلوعه هههههههههه
بسم الله عليك حبيبتي شوفي انا تجيني اشياء اكثر منك في اشياء تجيني مقدر اوصفه لك بس الي جاك جاااااني ما يصلح اي شي يجينا نروح علا المشفي لأننا حوامل والحوامل المفروض ما تروح للمشفي وفحص ومدري ايش والله غثه وتعب المهم هاذا الشي عاادي ما يصير مع حوامل كثير لاكنه تصير انا بشهر السابع وللحين تجيني عااادي وش اسوي وحتا ما فكرت اني اسأل احد ولا اروح لدكتوره الله يسهل عليك وعلينا يااا رب |
رد: تكفون طمنوني
الله يسعدك ياراما كلامك عسل بس انا خايفة من عيوني ﻷنها لما تجيني الحاله تطول معاي تقريبا من ساعة لحتى 3 ساعات مادري انتي كم تأخذمعاك ياليتك انتي والبرنسية تردون كم تأخذ معاكم ومشكوره
|
رد: تكفون طمنوني
اممممم لا انا اكثر من ثلاث ساعات
يمكن خمس ساعات وتروح وبعد كم ساعه ترجع |
رد: تكفون طمنوني
طمنتيني ياراما بس يجي معاك تنميل في جسمك مع تشويش العين ماعليش كثرت عليك اﻷسئله بس انا انسانه مره موسوسه اخاف من كل شي
|
رد: تكفون طمنوني
حبيبتي يمكن من السكر لانه من اعراضه زغلله وتشويش
وعدم توازن الله يشفيك حبيبتي |
رد: تكفون طمنوني
لا مو سكر حللت كلع سليم مشكوره
|
رد: تكفون طمنوني
بعيد الشر عنك حبيبتي ها كله من الحمل حصني نفسك وعليكي به صورة البقره
|
رد: تكفون طمنوني
الله يسعدكم ويسهل عليكم ويسهل علي ويطمن قلبي وقلوبكم انشاءالله
والله يعيننا على الحمل ومأجورين انشاءالله |
رد: تكفون طمنوني
الله يطمن قلبج
|
رد: تكفون طمنوني(زغللة العين والتنميل )
الله يسلم قلبك انشاءالله
|
رد: تكفون طمنوني(زغللة العين والتنميل )
حبيبتي انا كمان من وقت مادخلت السادس وانا بديت احس بدوخه او اقدر اسميها عدم توازن داخلى وجفاف بالعين
ومن بدايه حملي الى الان وانا الحين بالشهر السابع والحمدالله احس بدبايس وتخدير بالرجل اليسار وحاليا بدات يدي احس فيهابتنميل وتوصل معايا لحكهشديده لعدم وصول الدم ومع التدليك تفك معايا فتره وتعدي اهم شي ربي يكملنا على خير وعشان خاطر النونونتحمل اي شي |
رد: تكفون طمنوني(زغللة العين والتنميل )
حبيبتي انتي مثلي ، كانت تجيني زغللة بالعين وتشويش وصداع فضيع و خفت
و رحت سألت دكتورتي وطلبت منها تحاليل ، لاني قريت ان زغللة العين و معها اعراض ثانية تكون بسبب تسمم الحمل لا سمح الله المهم لما صلحت التحاليل طلع عندي نقص شديد جداً بالحديد ، و كتبت لي الدكتورة 8 ابر حديد اخذ ابرتين باليوم والحمدلله راحت الاعراض كلها بعد الحديد المهم مو ضروري يطلع معك نقص بالحديد بس تأكدي عشان ارتاحين مع العلم اني قبل الابر كنت اخذ حبوب الحديد بس ماكانت تفيدني لأن طلع عندي مشكلة بمعدتي ما تمتص الحديد طمنينا عليك وقولي لنا وش يصير معك حبيبتي :) |
رد: تكفون طمنوني(زغللة العين والتنميل )
الله يسعدكم ويسهل علي وعليكم انشاءالله
|
| الساعة الآن 10:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .