|
احس بخيانه
السلام عليكم بنات كيفكم
بنات انتوا تعرفون مشكلتي مع زوجي في وسط هالزعل قلت ابي اتاكد اذا بيخون والا لا المهم اهو مشغل الواتس عنده قبل مافي بس يوم زعلنا شغله المهم انا اعرف خط زوجي فيه اخطاء املائيه حاكيته ومن انتي وكذا في البدايه تخيلوا قالي وانا استدرجه انو بطلق زوجتي وكذا وبتزوج غيرها اتضح عاد ان اخوه الي يكتب عنه لانه دق على الرقم الي اراسله منه وسمعت الصوت مو زوجي جلست فتره وارسلت عليه المهم مع الكلام قال لاعاد ترسلين وانو زوجتي اشرف منك وكذا واحسن منك قلت اوكك مو اهو جاني وتفاهمنا وكذا وقالي عن هالرقم وشفته وقالي انها تراسلني وتعلق على صوري وبرونسالي وقلت لاعاد ترسلين ومن الكلام الي قلت قبل قال تعرفين هالرقم قلت لا قال احلفي انو انتي ما وصيتي علي احد قلت والله ماوصيت احد وانا فعلا ما وصيت انا الي اراسله تفاجئت قبل امس انه داق على الرقم ورحت وشغلت الواتس على الرقم الي ارسله منه ولقيته كاتب انا اسف على الكلام الي قلته انا كنت وقتها زعلان وابشري بالي تبين وتكفين ردي تخيلوا امس ارسلت بي سي زي الي لاتخسر امراءه مازالت تحبك رغم عيوبك رد علي وقالي وانا مازلت احبك وابيك قلت بهالسرعه حبيتني وتبيني قال اي اكيد المهم دقيت عليه وكان عنده عزاء قلت منيب مطوله عليك قال اذا فضيت كلمتك المهم الساعه وحده الليل دق على الرقم الي ارسله منه ترددت في الرد بس رديت تفاجئ وماتوقع انه انا قلت وش رايك الحين هدا جزاتي الي تجازيني بها تحاكي غيري لو موب انا غيري قال لو انا اخون ماقلت لك عن الرقم كان سكت قلت ما اختلفنا قلت لي بس عقب ما تاكدت انه ما يقرب لي رحت رسلت وتاسفت مع انك ماتاسفت لي على حركاتك لي ولاشيء وجيت حاكيتك وتفاهمت معك بس طلقني مو انت تقوله في البدايه قال اخوي الي يرسل قلت انت شايف الكلام خلاص طلقني وبس وعاد اسلي رساله غزل رديت قلت انت عارف وش ابي الطلاق وبس افيدوني فيني غصه مابعد طلعت الي بقلبي انتوا دايم واقفين معي هالمره لا تخذلوني |
رد: احس بخيانه
تعوذي من الشيطان
واصرفي نظر عن الطلاق والحين خذي بصالحك اهو مابيطلق الحين يدور رضاكي فا انتي استغلي هذا الشي لصالحك وخلي يوعدكي ويرجع ثقه لكي بنفسو وانتي اعطي فرصه وانتي الله يهديكي تسوين هل الحركه معروف لو الرجال يموت بحرمتو واحده جات لين حدو مابيفوتها مهما كان اهو رجال وانتي كيف تسوينها وتقولين خيانه لا تخلين الشيطان يدخل بينكم انتي لو شفتي رقم غريب او محادثه مع غيرك قولي يمكن يخون واه. الحين اخذ درس ماتوقع راح ينساه انتي ازعلي وكبيري السالفه بس بدون كلمه طلاق. فكري فيها لو حصل لاسمح الله الطلاق اش بيكون حالك وضعك لا تخلين كلمه الطلاق سهلا عندك وعنده الحين انتي لاعد تجيبين سيره الطلاق وانتي لي سبب المشكله الحين حاولي ترجعين ثقتكي بزوجك واعطي فرصه وقولي الحمد الله وصلت علي كذا ماحصلتي يسكر او يشوف محرم وانتي قلتيها كنتم زعلانين وقلتي كمان الجوال مع اخوه وهذي حركات الشباب مابيقول انا مومتزوج بيقول انا متزوج بس بطلق عشان البنت تستمر معاه واهو لمن رجع وكتب الكلام كان جادفي لكن لي رجعو انو يتاسف هذا الشيطان عشان كذا لا تهدمين بيتك وتخسرين زوجك فكري بعقلك واتركي قلبك وترا صار هذا الشي بصالحك لا تخسرينه وماتعرفين تستغلينه وصدقيني الحين لو تجي بنت وتكلمو والله ليخاف يحسبها انتي او مرسله احد يعني اخذ درس اسفه علي الاطاله والله يختارك الامر الطيب |
رد: احس بخيانه
تسلمين يا احاسيس
ادري انو انا الي مرسله وكذا وانها جت على كذا بس منقهره ما تاسف لي يتاسف لوحده مايعرفها وغير كذا وضعي معه ما قام بي زي ذا الرجاجيل لا بيت ولاسياره وارضي بالوضع ولا بنت يسئل عنها ولامصروف وكني في بيت اهله خدامه اي شيء علي وعلى ذاك ماسلمت طيب ليه انا ما تزوجت عشان انهان ولا انذل بنتي مو ضايعه وصدقيني لو ارجع ما راح يتغير شيء انا وياه ما نقدر نتافهم من خذيته ماشفت الراحه انسجن وتبهذلت ولا اطلع ولاشيء بس منحبسه بهالبيت الزفت ولا سفر ولا موديني اقضي اغراضي ولاشيء ذي حياة واجيه اقوله خذ سياره احد يقول روحي خلي واحد من العيال يوديك مافيه غاريه علي ليه اصبر وينذبل حالي على ولاشيء |
رد: احس بخيانه
مرحبا رجعتلك رحت وقرات قصتكي لي بالعيد
شوفي جاتك الفرصه الحين حاسبس علي كلامو لي قالو لهلو ليش يقول كلام انتي ماقلتي ليش يطلعكي غلطانه قدام اهلو وقولي انك صبرتي بهل الغرفه وخلاص جا الوقت لي نتغير ويتغير كل شي باين من كلامك انك تحبينه فاخلاص قولي يابن الحلال اذا سويت لي شقه ورجعت اعتباري قدام اهلك ومسوي فلم هندي واني ماخذه اغراض ومادري اش انا ارجع معاك الرياض لكن كلمه الطلااااااااق لا تقولينها مو خوف منها انتي تحبينه واهو يبغاكي بس يكابر ومايعرف يتصرف وهذا كلو عشان ماجلستو في بيت صار في مسوال عنك وعن اطفالك الرجال اذا ماحس بالمسوليه يروح يدور عليها اطلعي في بيت لو صغير انتي تقدري تخلينه جنه وشي طبيعي ماراح يفيد معاه الكلام واهو في بيت اهلو يحس انه ماتزوج ماتغير شي في وضعو مثل يوم كان عندهم قبل الزواج وهذا خطا لو يبنيلك فوقهم بسطح دور غرفتين ومطبخ انا جربت العيشه مع اهل الزواج شهر كان اجازه اهو شهر واجازه وصارت في حرب العالميه بينا انا اقوله شي واطلب شي يطلعلي بشي ثاني وراي ثاني اهو الحين بيدور رضاكي فاكسبي صحيح اهلك مومقصرين بس فكري زين وفكري في بنت الله يكتب لك كل خير |
رد: احس بخيانه
انا معاكي والله ماحد بيموت ياما في عيال تربو بدون ابو واهم احسن الناس
انتي حلك تطلعين في بيت لحالك وبعدها اهويحس انه مسؤال عن بيت وحرمه ليش اتزوج اذا ماعنده استعداد لفتح بيت وتحمل مسؤاليه زوجك مايحب السؤاليه |
رد: احس بخيانه
الله يفرج همك ويسر امرك
|
رد: احس بخيانه
تسلمين يا قلبي ويسلمو على تفاعلك معي
قلتيها ما يحب المسوؤليه حتى لو يطلع لي غرفتين في السطح نفس البيت احنا موجودين وانا مو ساكنه مع بالرياض لا اهلي الي بالرياض اما اهو بمنطقه ثانيه كيف تبيني استغل هالشيء قال بيكلمني عقب ماسكرت منه ولا دق علي بس ارسلي رساله غرام ورديت عليه قلت انت عارف وش ابي الطلاق وبس ولا رسلي شيء وتخيلي ماعطاني مصروف هالشهر واحنل بشتاء وش اسوي اطر يعني حتى ماقال برسل لكم ملابس من الي في الغرفه ولاشيء |
رد: احس بخيانه
مشاهده 25 بس وحده ردت الله يسلمها
بس وين الباقين |
رد: احس بخيانه
شوفي حبيبتي انتي خلي شرطك بيت
مستقل رضى تماام قال لا اصري على الشرط. لا تتنازلي مهما كان.. والله انا ساكنه في بيت مستقل جنب اهلووو وماسلمت منهم.. وعلى موضوووع الواتس اب انتي مررره لاعاد تكلمينه افضل حتى لو اتصل لا تردي عليه خليه يتصل مره ممرتين بعدين ردي... وصدقيني هو الحين تربى يعني بعد كذا لو جاه رقم غريب مستحيل يتكلم معاه راح يحسبها انتي.. بس لا تفكري بالطلاق..مو عشانه بس عشان بنتك.. الله ييسر امرك وامري يااااارب.. |
رد: احس بخيانه
تسلمين حبيبتي على طلتك
ممدري وش اقول بس هذا الحل احس انا وياهه مانقدر نكمل مع بعض شاطرفي يالكلام |
رد: احس بخيانه
والله ياأختي حكاية البيت هذي حقك ....يعني ماافي تنازل
والشي الثاني لاعاد تردي عليه,, يابنات إفهموها وهيا طايرة ..مدري شفيكم الله يصلحكم الوحده نقولها لاترد وترد,, لااعاااااااااااد تردين عليه لامكالمه ولا مسج...خل يصقع راسه بالجدر والله يطفش وتفقع مرارته بس روقي وهدي النفس وإستغفري كثير,, وبالنهاية مابيصير غير إللي ربك كاتبه......أنا مابقولك الطلاق حل ولا إنك ترجعين له حل الحل عند رب العالمين هو أعلم بصالح العبد........ |
رد: احس بخيانه
حبيبتي استغليها هو الحين يدور رضاك وأشرطي بيت لو انه إيجار اهم شي لحالي انا وبنتي
ثم حاسبية قولي ليه اهملتني ماتصرف علي اجل انا لمين قولي يجيني فلوس شهريا واحذف البرنامج ذا انت عندك حرمة اذا معجبك الدشرة روح ادشر واحمل لك الامراض بس هيهات اول شغلة انا بتركك واعيش أحلى عيشة اللي فقدتها وانت لا أوصيك بنتك عندك اذا كان حاس نفسك اب صالح وانا راح أعيش مع شخص وفي يتحمل المسؤولة والله يسهل طريقك بس لا تسويها جد لا تقولين طلقني الخطأ جاء منك وانت تحملها |
رد: احس بخيانه
ايه قولي الخطأ جاء منك ترا الخيانه موسهله الحمد الله انه منك
|
رد: احس بخيانه
تسلمون على ردوتكم ام اصيل وصعب تملكني
الحين اهو جاء ونام عندي بس ماعطيته وجهه جتى يسىلني انو انتي تحبيني مارديت قال انا احبك والله وش فيك علي قلت تحبني تسوي كذا المهم امس كلمته وقلت نفذ الي طلبت قال وشو قلت طلقني خلاص عقب حركتك ذي قال موب انا الي مرسل قلت لا تكذب هذا خطك انا اعرفه قال طيب اعتبريها غلطه والله ما اعيدها بس لا تقولين طلقني بنستأجر بيت ونعيش انا وانتي فيه قلت مابي خلاص نفسيتي منك زفته تعبت وانا اعدي ولا وقفت على هالحركه كثير اشياء قمت اجيب الاولي والتالي على قولتهم عاتبته قال خلاص لاتضيقين صدري قلت لا تدق علي قال ليه ياقلبي قلت بس وطلقني قال طلاق مستحيل لو تجلسين ببيت اهلك وقت ماتبين بس منيب مطلق وقالي امس وش زينا ومستانسين قلت من قال اني مستانسه انت ماتحس المهم اناسكرتها منه امس هالكلام ومادق ولا ارسل شيء قبل يسكر قال ماتوقعت انها بتطلع منك هالكلمه بهالسهوله بنات وش رايكم الي سويته صح او غلط ابيه يحس تعمتد اقسى عليه وبنفس الوقت اعاتبه |
رد: احس بخيانه
يووووووووه حبيبتي خربتيها لاك انتي قوة عين هههههههههههه
زين قالك ذا الكلام مفروض تسكتين وكم مرة أقولك لا تقولين طلقني ليه ما تسمعين نصائحنا مايخالف لو قلتيها مرتين بس ماتمسكين بحلقة والله ليسويها ويبي يرجع لدشرتة انتي خلي كلمتك وحدة قولي كلمة اسف مايبرر الجرح وانا لي شروط اذا بغيتني أسامحك واطلبي عاد اللي تبينه فلوس شهريا توديني أسواق أسبوعيا واسكن بيت لحالي ابي حريتي زي كذا وقولي والله اذا رجعت لحركاتك مرة ثانيه لاشعل فوضة الطاهرين لطاهرات والفاسقين للفاسقات خلاص |
رد: احس بخيانه
الله يفرج همك ويريح بالك يااااااااااااارب
اغلب الرجال مايعترفون بغلطاتهم مو زوجك بس بس لا تطرين سالفة الطلاق ابدااااااااااااااا لانها مو فى صالحك اذا انتى معاه ومايوفر لك كل شى كيف اذا روحتى بيت ثانى اهو بكون تادب واكيد بيتوب من هذى الحركات ولا عاد يسويها فكرى بعقلك وببنتك وشوفى مستقبلك اذا معاك شهادة دورى على وظيفة ابرك لك وارجوووووووووك اختى لاتفكرين بالطلالالالاق ابد ابدا شوفى سكن بسيط ليكم وارحلوا من بيت اهلة واكيد بحس بالمسؤولية وادعى لزوجك كثييير وطولى بالك وان شاء الله مايصير الا كل خير وكل شى تبية يصير باذن الله الواحد الاحد |
رد: احس بخيانه
انا رأيي زي احساس وردة مادام حاس بغلطه خليه يعتذر وانتي ضلي مراقبه وضع
وماتتركيه على راحته وهة ماحيقدر يتكلم لانو غلط بحقك فهذه فرصه عشان تدلعي |
رد: احس بخيانه
احمدي ربك جات كذا
|
رد: احس بخيانه
ما انصحك بالطلاق ولا تكرري هالكلمة حتى لو شخص يحبك من كثر اصرار هالكلمة راح يمل وييأس لكن انتي نفس ماقالو فرصتك تدللي وتطلبي علية ليمن يراضيك ويحس فيك والحمدالله ان وصل لكذا حالتك ذكرتني بصديقتي والله ان حالها اسوء منك وهذا ماتغير زوجها بسبب عنادها وهواشها الدايم الرجال مايجون كذا صيري حيالة حتى يوم اكتشفتي كان ماقلتي له ليمن تقدرين تاخذي كل نقاط ضعفه وتستقلينها في صالحك شيلي فكرة الطلاق |
رد: احس بخيانه
صلي على رسول الله .. ولا تخلي للشيطان مكان .. انتي الوحيده اللي تعرفين تتصرفين في مشكلتك .. ادعي ربك ..
ما احد بيقدر يسااعدك الا انتي .. انتي بتساعدي نفسك .. مع الصلاه الدعاء .. اتجهي لله فقط كووني واضحه اللف والدوران وارقام وتدقين على زوجك هذا مو اسلووب .. هاذي حياه زوجيه يبغالها جلسه مصارحه بوجود شخص قادر على ادارة النقاش بجديه .. ايش تبين وايش ماتبين .. وعلى فكره سعادتك في حيااتك موجوده معك بس اعرفي الطريقه الصحيحه وربي يوفقك اختي نصيحه لوجه الله : اقرأي هذا الدعاء يوميا في الصلاه وفي اوقات الاستجابه وفي جوف الليل .. داومي عليه وبأذن الله تعالى امورك تزين .. (( اللهم سخر لي زوجي كما سخرت الريح لسيدنا سليمان وكما سخرت البحر لموسى والحوت ليونس وألنه لي كما النت الحديد لسيدنا داوود واجعل غضبه بردا وسلاما علي كما جعلت النار بردا على سيدنا ابراهيم )) داومي على هذا الدعاء .. اسيره |
رد: احس بخيانه
مشكورين حبايبي على نصايحكم
الله يجزاكم خير ويسخر ازواجكم لكم وياصعب تملكني كيف قوة عين تقصديني يعني ؟؟ انا ابي اخوفه بس والا ماابي اتطلق ومعي حق ازعل بس ترى اهو ماجاء اعتذر الا لين حسسته انه جرحي كثير ابيه يحس بس وكيف اتدلع واطلب الي ابي واهو حتى ماقال وش ترضين فيه بسويه ولين الحين لادق ولا ارسل ولاشيء اروح ادوره انا واهو غلطان علي وانا حبيت اقوله عشان مايغلط اكثر بنات شورا علي وش السوات انا ودي يدق يرسل ولاشيء |
رد: احس بخيانه
ايه لانك اهنتيه حبيبتي انتي قلتي لاتدق ولاترسل وخلاص طنشك
اسمعي النصيحة من أختك دامه ما ارسل ولا دق خلك انتي مثلة اوك واذا جاء لاتضحكين بوجةة خلك كمان ساكته ومتثقلة لين يحس انه فاقدك وبعدين حبيبتي خلك شياكة وناعمة بلبسك وصوتك مع بنتك او غيرة على خفيف وحتى شعرك قصات استشوار خليه يشوفك وده يكلمك وهيك ولبسك معطر بس ماتجينة عشان ما يقول تبي توريني انها متزينه لا هو بيجي وبيشوفك وخلك كأنك مشغولة تقرين تطقطقين على الاب وهيك يعني فهمتي واذا حطيتي عينك بعينه طالعيه بنظرة عتاب او كأنك تهوجسين وانظرات حزن وكذا وانتي تعرفين نفسك وش يناسبك الشياكة فهمتي لاتكلمينه ولا شي خلك على كلامي مراح تندمي حبيبتي واذا كلمك ممو تقولي انا وش قلت لك طلقني لا حياتي طالعيه ثم سيبيه مع نفسه اسمعي حبيبتي أعلمك الطريقة وشلون كيف تسيبين مع نفسة حطي اغنية نانسي عجرم مين ده اللي ناسيك شوفي حركتها يوم حبيبها يصارخ بوجها انتي سوي طريقتها حين يكلمك بس مو تعابير وجها المهم لاتكلمينه لين يقولك وش تبين اسوي لك ويلا نفس كلامي الاول |
رد: احس بخيانه
او أقولك كلمي امك اعرف منا لك او اللي تحسين احد قريب لك فهمتي حبيبتي أحسن لك
|
رد: احس بخيانه
تسلمين حبيبتي على النصيحه
انا مادفيت ولا ارسلت ولاشيء بس اخاف يتعود على كذا وممدري صراحه انا مطنشه والا ودي انه يبادر مايسمع كلامي ولاشيء بس العكس طنش ولادق ولا ارسل |
| الساعة الآن 04:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .