|
ملاحظات شفتها بتجمعات مرحله الولاده وحبيت اعلق عليها
السلام عليكم ورحمه الله وبركاته
كل عام وانتم بخير ياكروشات والله يجعل هالسنه علي وعليكم سنه حلوه يارب والله يرزقنا بر عيالنا ويسخر لنا ازواجنا ويقربنا منه سبحانه يارب يابنات انا مانيب مرتبه افكار ولاانيب منسقه كلام اقوله لكم بتكلم معكم بكل عفويه انا لاحظت على بنات اغلب التجمعات برود مو طبيعي في المشاركات رغم انهم يكونون موجودات مدري وش السبب مع انه المفروض يفيدون بعض ويستفيدون ويتناقشون ويحففون على بعض مو يكون التجمع موجود بالاسم ومهجور حنا خوات ونفساتنا محد يتحملها غيرنا ولاحد يفهمنا غير انفسنا 2- لاحظت بعد هالشي حتى على نفسي كل همي اعرف جنس البيبي كل الحماس في اني اعرف الجنس غيره صفررررر ليه مدري توصل الوحده للسابع الثامن وهي ماسوت ولاقضت شي واغراضها واغراض البيبي يبي لها وقت وطوله بال بالذات ان المفروض تكون شنطه المستشفى والاغراض المهمه جاهزه على السابع علشان لاقدر الله لو ولدت ولاده مبكره ولاشي لاحظت ان الاغلبيه ينتظرون بالوقت الحالي التخفيضات الي ماندري بالتحديد متى وقتها ولا ماندري بتكون فيه موديلات حلوه ولا بتكون كل الموديلات الحلوه انتهت والوقت يكون مر والثقل يكون اثر وعمل عمايله وبيكون الشهر التاسع هو شهر الكرف والتعب واكيد مع متطلبات العصر الي نصها مالها داعي من توزيعات ومفرش وطقم نفاس وتجهيزات الام والبيبي والنفاس والنفسيه التعبانه والثقل ماراح يمديها تسوي شي وتولد وتتعب نفسيتها اكثر والنقد بيكون عليها من كل جانب واتجاه وبعدها تبدا مرحله التجهيزات لما بعد الاربعين ولو النفسيه تحت الصفر بمليون درجه ووش ترقع تجهيزات البيبي الي ماسوتها ولاتجهيزاتها هي ولا تجهيزات بعد الاربعين بالذات لو بتنفس ببيتها وفي ايش تفكر ولا ايش في تنظيفاتها ولابصحتها واكلها ولانفسيتها ولا وش تاخذ موانع ولاناقصها ولا كم يبي لها ميزانيه ماخبي عليكم يابنات هذي الاشياء الي لاحظتها ولو لاحظت شي ثاني بضيفه وهالشي تعبني حيييل لان كلها امر فيها ولا لقيت لها حلول والوقت يمر فجبيت انبه الي باول الحمل وانصح الي مثلي بالشهور الاخيره اتمنى من الكل عضوات ادرايات مشرفات ماتزعلون من كلامي وتاخذونه بصدر رحب وتعتبرونه فضفضه عن الي بخاطري ماقصد احد معين بكلامي والله ولادق احد انا تكلمت عن شي انا حاليا اعيشه واشوف كثير مثلي داخل وخارج المنتدى فحبيت انبه |
رد: ملاحظات شفتها وحبيت اعلق عليها
ياهلا ومرحبا حبيبتي ،، الله يتمم لكم على خييير
واذا عالتفاعل مااتوقع فيه تجمع مثلنا ياكروشات محرم وصلنا ال1922 صفحه حتى اللي مشاءالله ولدو مازالو متواصلين ،، حبينا بعض وارتحنا لبعض واعتبرنا انفسنا خوااات بمعنى الكلمه حتى فأمورنا الخاصه وغير الحمل نسولف فيها ،، الله يديم محبتنا واخوتنا ،، |
رد: ملاحظات شفتها وحبيت اعلق عليها
بصرااااحه كلااامج عدل وصحييح
وانا اعترف ولايزعلووون بناات تجمعي كل كلااامج ينطبق ع تجمعناا <<<<<بلييز كلمه الصج والصرااحه مااتزعل فديتكم يعطيييج العااافيه |
رد: ملاحظات شفتها وحبيت اعلق عليها
نفس الاشياء اللي افكر فيهااا ومحتاره
وصحيح التجمعااات صار فيها خموووول خصوصا تجمعنا ربيع الثاني كيف كان قبل ووين صار اللحين وصحيح التاسع تعب وثقل مايمدي الوحده تقضي خصوصا انا لان زواج اخووي بشهر ثلاثه وقبله بشهر بعد عندي تأثيث لشقتي احس حوووووسه الله يعين شكلي مايمديني الا بالتاسع اقضي |
رد: ملاحظات شفتها وحبيت اعلق عليها
فديتك فضفضي وخذي راحتك كلنا نساعد بعض هنا
وكلامك صحيح وانا مثلك احس بهالشي برووود وتبلد ونفسيتي متازمه الله يكون بعونا ان شاء الله ويسهل علينا ويعطيك العافية حبيبتي وكل عاام وانتو بخير والله يجعلها سنة خير ع الجميع |
رد: ملاحظات شفتها وحبيت اعلق عليها
اهلين دبببا ، مدري انا بالنسبه لركود التجمعات مانتبهت له بما اني مو فاضيه نهائيا لتجمع
ايام الوحم كنت كنت متفضيه عشان الخمول اللي اعيشه ، بس بعد مارجعلي نشاطي مدري تغير الوضع تعرفون اللي عندها اطفال ودوام تصير مثل ام المعرس مشغوله وهي فاضيه خخخ بالنسبه لتجهيز ، انا متعوده اجهز ب الثامن ، ماحب اسبق واجهز قبله بكم شهر خصوصا ان الجو مادري كيف بيكون ف بنتظر لشهر ٣ وبعده بجهز على خير .. فكرت اخذ مفرش النفاس قبل ب اذن الله ، لان مو فارقه معي حراره الجو وبعد اغراضي انا بجهزهم مع التجهيز الشتوي تبقى اغراض البيبي بس .. مو محتاجه شي لو بيوم تنزلين تقدرين تاخذين كم لبسه وتخلصين ماحس انها ازمه كبيره ، يبيلها بس وحده تفضي مخها وتنزل لسوق وهي عارفه ايش تبي يعني كثير اشوف ينزلون السوق مو عارفين وش يبون ، ويروح الوقت وهي تفر ولا اخذت والا شي !! اوكي انزلي اول مره تفرجي وشوفي المحلات وقرري من وين بتاخذين اغراض البيبي .. وبعدها نزلي واشتري وخلصنا .. خصوصا لو عارفه من وين بتاخذين وايش بتاخذين بتوفرين جهد ووقت عظيم ومو لازم سنتربوينت ومذركير وسيتي ماكس ، وتنتظرين تخفيضاتهم ! انزلي المحلات العاديه تلاقين اشياء اجمل واجود خامه وتجلس معك لكم بيبي بعد ، اهم شي تاخذين شي خامته ممتازه ومنظره جميل مو من اول غسله يخرب عليك ماتهم التسعيره واجد طبعا بالمعقول وبس خخخ مدري انا اتعامل مع الامور ببرود او فعلا احس الموضوع بسيط بس نفسيه الحامل تضخم الامور واهم شي الوحده تكون ريلاكس وترفع من نفسيتها وتتجهز للبيبي الجديد الله يفرحنا فيه يارب |
رد: ملاحظات شفتها وحبيت اعلق عليها
ماشاء الله عليك كفيتي ووفيتي
بالنسبة لتجمعنا تجمع صفر فيه شوي برود التوقيع حق تجمعنا يبين ان فيه عدد لاباس فيه من البنات بس الحقيقة مافيه الا كم وحد ينعدون ع الاصابع اللي يشاركون فيه ومثل ماقلتي بعض الحوامل ينتظرون مايجهزون شي الا بالتاسع على اساس منها تجهيز ومنها مشي عشان تسهيل الولادة مايدرون وش يصير عليهم يمكن تجيهم ولادة بأي وقت،، |
رد: ملاحظات شفتها وحبيت اعلق عليها
واوا يسلموعلي الطرح الاكثرمن رائع اقسم كنك تتكلمي عن تجمعنا ادخل ورد علي كم وحدولاحد يكلف نفسه ويرد عليك الي من رحم ربي كم بنت معليش الصدق ماحد يزعل منه صرت اذا دخلت ادخل تصفح واطلع
|
رد: ملاحظات شفتها وحبيت اعلق عليها
كلامك لامسني جدا وفقني. .
احس هالفتره في السابع رجع لي الخوف. . وقله الكلام. .او بسبب ال ظرف الطارئ اني بسافر لبلد اجنبي وبولد هناك بعيد عن أهلي. .ومو عارفه وش أسوي. . الله ييسر لنا كل شي وبالنسبه للتجهيزات باذن الله بتتيسر هي كلها طلعه أو طلعتين والواحد يكون محدد خياراته وبيشتري.. أما كلامك بانه فعلا احنا مقصرين مانفكر ببعد الاربعين الا واحنا بحوسة النفاس. . والله ييسر لنا جميعا بالولادة السهله الميسره وأن نحمل أطفالنا على أيدينا. . ويذهب كل ألم وحزن. |
رد: ملاحظات شفتها وحبيت اعلق عليها
ههههههههه تراني على مهب الريح ودي اجهز من الحين
بس عندي اخواتي مايخلةني اصبري اصبرب وانا طاير قلبي ابي اجهز انحرمت 6سنين خلوني على راحتي هههههه ادري مستعجله بس ابي كل شي يكون كامل والكامل وجهه سبحانه |
رد: ملاحظات شفتها بتجمعات مرحله الولاده وحبيت اعلق عليها
والله انك صادق
انا بكريه وابغا استفيد يمكن اكون طماعه اني مااقول شي بس والله ماعرف شي احمد ربي اني طحت علي هل المنتدى لي استفدت منو كثير وريحني نفسياً وانا شايله هم كل شي مادرى ليش تصدقون يما انو موضوع فضفضه بشاركك الفضفضه تمنيت عندي اخوات كثير وكبار مو كذا واحيده مالي غير ماما حتي زوجي مايشاركني في في الكلام والتخطيط وماما مشغوله مع اخواني العيال والمدارس والله ماحد فاضي لحد هنا حصلت اجابه لكثير من تسالوات الحمل يوم تخوفوني ويوم تريحوني الله يجزاكم بالخير وبدون مجامله لكي ولا يهونو الباقي احب دايما اطالع بردودك وموضيعه الله يريح قلبك وبالك اشكركم بصراحه انتم ماتعرفون قد اش انا استفدت منكم واعذروني اني ماتكلم بس والله شاهد. ماعندي خبره ولا بقول شي ماعرفه |
رد: ملاحظات شفتها بتجمعات مرحله الولاده وحبيت اعلق عليها
اهلين باختي
انا من تجمع محرم الله لا يحرمني منهم فعلا خواتي كل واحد يشتكي وياخذ رائي الثاني ولا فيه زعل ولا شي وبصراحه انا واكيد بنات تجمعي بقلوبهم حزن لان شهر محرم بداء وبداء العد التنازالي لغلق التجمع بس ارجوكم مرعاه لشعور الاخوات اللي بمحرم او اي تجمع مايغلق حتى يولدون كلهم لاني اشوف تجمع ذو العقده اغلق وفيه ناس ماولدو فارجوك نداء انكم ماتغلقون حتى يولدون كلها حتى نعرف اخبار التجمع واتوقع مافيه ضرر على المنتدى انه مايحذف ارجوكم لا تزعلون من كلامي ولا تاخذون بخاطركم علي بس شي بنفسي وكان ودي اقوله من زمن وجاء الوقت اللي اقوله الله لا يحرمني من منتدنا الغالي علينا * |
رد: ملاحظات شفتها بتجمعات مرحله الولاده وحبيت اعلق عليها
كلامك صح ميه بالميه
كنت كثير متحمسه ادخل التجمع و اتناقش معاهم نسال عن بعض بس للأسف لو ردت وحده نعمة كريم و الباقي محد يرد قروبات يسألون عن بعض فقط من دون اهتمام للجداد عشان كدا اكتفي بالمتابعة و اذا عندي استفسار احبطوني |
رد: ملاحظات شفتها بتجمعات مرحله الولاده وحبيت اعلق عليها
كلامك صحيح 100%
انا من تجمع شهر شعبان ،، ودوبنا بااول الحمل. وهي اكيد اهم فترة. محتاجين نتكلم ونساعد بعض خصوصا انا عندي بنوتتي عمرها سنتين وشهرين وحابه استفيد من تجارب الحوامل اللي عندهم اطفال بس انا مقدرة انها مرحلة وحاام وتعب ونوووم ان شاءالله الايام الجاية يكون التجمع فيه حرركة ان شاءالله ربي يسهل على كل الحوامل يارب ،،،، انا الحمدلله بحملي ببنوتي دانا جهزت اغراضي انا والبيبي من وانا بالشهر السادس وبالشهور الاخيرة ارتحت كثيرر،،، وان شاءالله بحملي هذا نفس الشي بجهز بدري |
رد: ملاحظات شفتها بتجمعات مرحله الولاده وحبيت اعلق عليها
انا شطوره مجهزة اغراض البيبي من الشهر الخامس لاني اخذ من كل سوق قطعه او ثنتين واكثره ربيعي وقليل الشتوي مرره ومن ناحية شنطة المستشفى الله يخلي الوالده ويطول في عمرها باقي اغراضي باتماسك واقضي قريب
|
رد: ملاحظات شفتها بتجمعات مرحله الولاده وحبيت اعلق عليها
يسلموو عالطرح والله يسهل ولدا تكم جميعا بالحوامل على خير وان شالله نعين ونعاون
|
رد: ملاحظات شفتها وحبيت اعلق عليها
اقتباس:
اقتباس:
اقتباس:
|
| الساعة الآن 11:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .