|
معآنآتي مع زوجي , هل يوجد حل ؟!
السلام عليكم و رحمة الله و بركاته ترددت كثير قبل مآ أكتب معآنآتي مع زوجي لكن تعبت مآني قآدره أتحمل أبي أحد يوآسيني شوي أنآ أحب زوجي و هو بعد يحبني وهذآ متأكده منه بس مآ نفهم بعض , و يمكن يرجع السبب ل فآرق العمر بيني و بينه هو أكبر مني بـ 10 سنوآت .. و مآعندي أحد غيركم , يقولون الغريب أحسن من القريب و أهلي أنآ أبداً مآ أحب أدخلهم بمشآكلي ., معآنآتي معه بدت بأهمآله لي كزوجه مآيذكرني إلآ إذآ يبي مني شي سوآء كان طبخ فرآش ...... إلخ هنآآ تلاقونه عندي يطلبني يتودد لي و بمجرد مآ يآخذ الشي إللي يبيه خلآص ينتهي كل شي بنظره !! أنآ كل شي كنت أسآمحه عليه لكن بـ العيد سوآ فيني حركه مو قآدره أنسآهآ صرت بعدهآآ أتوقع منه كل شي و صرت أعآمله نفس مآ يعاملني مو نفس قبل كنت ضعييييفه سلاحي هو البكآآء فقط تخيلو قبل العيد خواته إللي كآنو برآ منطقتنآ جو عندنآ لمدة 5 أيآم تقريباً طبعاً هم متزوجآت كآنو جآيين زيآره و يبون زوجي يوديهم للسوق يشترون للعيد مع بعض و حطيتهم على عيني و رآسي أعمل لهم فطور غدآ عشآء و تحملت بزرآنهم و تعرفون مع تجهيزآت العيد و الأسواق كنت أحياناً أظطر أجلس بالبيت لأنهم بيجلسون مراح يروحون السوق , المهم بمآ أني حآمل قلت لهم أني حآمل بـ بنت و قلبو الدنيآآ و أنصدموو " لآآآآآآ إنشالله مآ تجيبين بنت إنشالله ولد " >> هذآ كلامهم و لمن قلت لهم بسميهآآ فلانه يقولون لآ والله مآ تسمينهآآ هالأسم مو على كيفك هذآ أسم خدآمآت خلي أخوي يسميهآآ أنتي سميتي البنت الأولى هو يسمي الثآنيه >> طبعاً أنآ أنقهرت هذي بنتي أنآ إذا مو على كيفي أنآ أسميهآ على كيف مين !! مآ يبون بنت و مآيبوني أسميهآآ بختصآر مآ يعجبهم أي شي مني لكن سكت عليهم وتحملتهم أنآ مآيهموني أهم شي مآيقولون هالكلام ل زوجي مآ أبيه يقلب علي ,. و كآن زوجي نآوي يودينآ بالعيد للشرقيه يمشينآ فيهآآ و أتصلت عليه وحده من خوآته من أبوه قالت أنآ أبي أروح معك لأبوي إذآ رحت له بالعيد طبعاً زوجي دخلت في بآله الفكرآآ , و خوآته إللي كآنو عندنآ أقنعوه زيآده يبونه يودي أختهم في البدآيه زعلت منه قلت وين وعدك لي بعدين شفت الأخ مصر قلت أوكي بس خذني معك و رفض و قلت لخواته انآ أبي أروح معه و هو رآفض و مآيردون علي و لآ عبروني و إذآ جآ يقولون هآآ ترآآ لآزم تآخذ فلانه معك إذآ رحت لأبوي يقصدون أختهم , و أنآ مآفكرو يقولون أخذهآ معك و رآح أخذ خوآته و طق مشآوير فيهم رجعهم للبيوتهم و هم مو بنفس المدينه إللي أحنآ فيهآآ و رجع و من البكرآ خذآ أخته و رآح لأبوه و تركني !!!! طلع و أنآ دمعتي على خدي !!!! حتى العيد مآشتريت أشيآء كثير نآقصتني !!!! رمى علي 200 قآل هذآ مصروف بنتي و طلــــــــــع !! عشت معآنآه مآيعلم فيهآآ إلآ ربي أنصدمت , أنكسرت رحت لأهلي هم سآكنين في نفس الحي جآ يوم العيد أبداً مآ حسيت بطعمه أصيييييح مصدومه أنآ أيش قصرت فيه ليش يروح ويتركني أنآ مآ ألوم خوآته أنآ ألومه هو تركني و رآح أبي أعرف أولى زوجته و بنته أو أخته و عيآلهآآ ؟؟؟ المشكله عيد الفطر كآن عند أبوه من قبل العيد بـ 5 أيآم و كمآن مآخذ معه وحده من خوآته المفروض هذآ العيد يقضيه معنآ أو يآخذنآ معه على الأقل ! و جآ زوجي ثآني العيد بالليل مو عشآني كآن عند عمل ثالث العيد المهم كنت بحآله نفسيه مرآ سيئه , أول مآ شفته جلست أصيح و ألومه على إللي سوآه , و هو ولآ كأن شي صآآآر بآآآرد !!! عصبت رميت الجوآآل و كسرته و رحت لأهلي قال روحه بلا رده وجيت عند أهلي أصيييح طحت عند الباب كآن مآفي البيت إلآ أمي و خوآتي أمي أتصلت على زوجي قالت بنتي نفسيهآ مرآ تعبآنه قدر ظروفهآ هي حآمل تعال أبيك توديهآ المستشفى و شوي و دق عليهآ قآل خليهآ تطلع أنآ عند البآب و طلعت له و كنت شوي و أطيح الدنيآ تدور فيني لف فيني شوي بالشوآرع و رآضآني بكلمتين و عشآني بمطعم و رضيت عليه و كلمت أمي قلت أنآ كنت غلطانه و غلطت على زوجي كثير ما ابي صورته تتشوه قدامهم انا ما ابيهم يكرهونه و عمري ما دخلتهم بمشاكلنا و للاسف جلس يومين بس يراضيني فيهم و يطلعني و بعدهاا رجع اسوأ من قبل صار ما يطلعني ابد , و ما عوضني عن اللي سواه فيني و لا اشترى لي اللي كان ناقصني و تسلفت من اهلي يوم كان مسافر و رآفض يعطيني أسددهم و الله العظيــــــــــــم تعبت منه يجلس على اليوتيوب بالآيفون بالسآعآت مآ أدري أيش يطالع إذآ جيت جنبه طلع فوراً و يمسح سجل التآريخ , و مآيعطيني وجه إلآ بس سوي غدآ سوي عشآ !! صرت مآ أطبخله أبد طنشته أتكشخ و أمشي قدآمه هنآ و هنآك أبي أقهره يجلس يحآول فيني .... طوووووووط ... > أفهموهآ أوآفق أحياناً بس يخلص يرجع يعصب و يطنشني صرت أقهره كل طلبآته مرفوظه مآنفع زعل مني صآر ينآم برآ الغرفه و يقول بتزوج يآربي هالأنسآن أيش تتوقعون ينفع معه ؟ طفشت من حيآتي معه , مآيطلعني و لآ يفكر فيني أبد , أنتي بس أطبخيلي و خليني على رآحتي وبس .. و الله أموت قهر لمآآ أسمع صآحبآتي يقولون : ( ذاك اليوم طلعنآ أنآ و زوجي للمكآن الفلاني و الله مرآ أستآنسنا ) أقول يآربي أنآ أيش نآقصني ليش مو زي العآلم أنآ ,. أنآ صرآحه تغيرت على زوجي بعد حركته معي بالعيد صرت أعآمله زي مآ يعآملني لأني مآ أبي أحس بتأنيب الضمير أنآ أعآمله زين وهو العكس صرت أبي أعآمله نفس معاملته لأني تعبت و أنآ أتنآزل و أقول بكرآ يتغير آآآه تكفون وآسوني بمعآنآتي سآعدوني بالحل تعبت ..... ردوووو علي بأسرع وقت , الوضع حسآس مره لآ تطلعون قبل مآ تردون علي بليز أي شي في بآلك قوليه أدعوووولي |
رد: معآنآتي مع زوجي , هل يوجد حل ؟!
ياقلبي الله يسخره لك
زوجك من النوع اللي مايحب الحرمه اللي تلزق فيه يعني يكره الحنانه اعرفي نمط زوجك ونمطك وشوفي كيف تتعاملين معه الله يسخر لك ويقر عينك به |
رد: معآنآتي مع زوجي , هل يوجد حل ؟!
الحل واضح بس انتي مغمضه عيونك طنشيه اثقلي عليه
|
رد: معآنآتي مع زوجي , هل يوجد حل ؟!
الله يعطيكم العآفيـــــه
بس والله طنشته ثقلت عليه بشكل مآ تتصورونه و مو معطيته وجه أبداً حتى إذآ طلع من البيت أبداً مآ أكلمه و لآ أسأله وينك متى تجي و زعل و صآر مآينآم معي بالغرفه و يقول بتزووووج مآفي شي نفع معه لآ تقولون طنشيه والله مطنشته , أبداً مآ عآد صآر في حوآر بينآ هو يجلس على جوآله و أنآ على النت أو الجوآل و كلنآ مطنشين بعض و هو مو رآضي يتنآزل ولآ أنآ أيش الحل ألحقووووووني زوجي بدآ يهدد شوي يقول و الله لـ تندمين على تصرفآتك و شوي يقول أنآ ليش جآلس عندك و بتزوج ................. |
رد: معآنآتي مع زوجي , هل يوجد حل ؟!
لا لا حبيبتي ما بنصحك انك تطنشيه
مو الحل و ما راح توصلوو لنتيجة اجابية في حياتكم حاولي تبدئي صفحة جديدة بيضاء في حياتك الزوجية شوفي الوقت المناسب اللي تشيفين فيه زوجك مرتاح و اتكلمي معاه بكل هدووء و بروودة وقوليلو انك بتحبيه و الله يخليك يا زوجي لازم انك تتحسسني بالحنان و الحب كزوجة مو الة بدون احساس و ناقشيه في المواضيع اللي بتزعجك بكل مودة و الله يهدي جميع المسلمين و يفرح كل زوجة في بيتها امييين ياا رب |
رد: معآنآتي مع زوجي , هل يوجد حل ؟!
مدري وش اقولك بس احس الحل مو تطنيش لانه جته من الله وشوفي جالس يهددك بالزواج
انا اشوف انك تجلسين معه وتصارحينه وتسالينه ليه يسوي كذا طبعا بدون زعل وصياااح امسكي نفسك شوي بس عندي سؤال متى بدى هالتغير يعني اللحين وقت حملك والا قبل ؟؟ |
رد: معآنآتي مع زوجي , هل يوجد حل ؟!
" ♥IcE pRiNcEsS♥ "
مشكوره حبيبتي أحس كلامك جد التطنيش مو حل " روز بااريس " هو أبداً مو معطيني فرصه أتكلم كل مآ أعآتبه مآيسمعني و لآ يعطي كلامي أي أعتبآر سوآء كنت أعآتبه بهدوء ولآ غيره أيوآ ممكن التغير بدآ من بدآية حملي أنآ صرت أتعب نفسياً صرت بحآجه ل تغيير الجو قبل كنت ممكن أتحمل , لكن الآن لآ تعبت نفسياً و صرت أعآمله نفس مآ يعآملني لأني مآلقيت حل معه ...... |
رد: معآنآتي مع زوجي , هل يوجد حل ؟!
حبيبتي. لا تطنشيه وعامليه بحب وحنيه وكان مافي شي
ودلليه قد ما تقدري ولا تنسي الابتسامه 24ساعه واعلمي ليله رمانسيه وقولي له انتي قد ايش تحبيه وما تتخيليه مع احد غيرك وانك تشتاقيله كثير وبدلو كل كلامكم عن البيبي اللي جاي وانسي اللي صار راح ينسى ويعرف انك حنونه عليه وتحبيه |
رد: معآنآتي مع زوجي , هل يوجد حل ؟!
يوووو الله يعينك زوجك شمالي زي زوجي .. هذول عصبيين ونفسيين واسلوبهم غريبhwaml11 بس صدقيني الحنيه السبيل الوحيد لقلبه .. عامليه زي الطفل وشوفي نقطة ضعفه وشوفي وش يحب ولاتقصري معاه ع فكره ترى هالنوعيه يملون من التكرار .. نوعي بكلماتك الرمنسيه وشكلك واكلك وكل شي .. واصبري ع عصبيته ومشي الأمور الله يعيننا عليهم وترى يسوون الشي ويقولون ماغلطت يشوفونه شي عادي hwaml11 طنشي ومشي الأمور ولاتوجعين راسك .. انا مثلك تعبت نفسيا منه .. لكن يوم عرفت طبعه بديت اغير معاملتي معاه .. اقرأي عن الشماللين في بوصلة الشخصيه عشان تعرفين شخصيته اهتمي بحملك والله يعينك ويأجرك ع صبرك hwaml84 |
رد: معآنآتي مع زوجي , هل يوجد حل ؟!
اقتباس:
حسسني بأنو أنآ المسؤوله أنآ أللي المفروض أسكت وأتحمل وبس و أعآمله زين بس بدون مقآبل ! لكن والله بسوي كل أللي قلتي عليه بستثنآء الليله الرومنسيه > مو وقتهآ أبد أنآ لسآ في البدآيه مآفهمت زوجي زين و تعآملت معه بكثير طرق لكن إلى الآن مآعرفت الطريقه إللي تنفع معه ,, مشكوره حبيبتي اقتباس:
طيب بعآمله بحنيه و ببلع الموس و بشوف أيش يحب و مرآح أقصر معه يعني للمره الأخيره بتنآزل يملون من التتكرآر !! ~ أنآ أمل أكثر لـ ذلك دائماً أنوع بـ كل شي .. مشكوره حبيبتي |
رد: معآنآتي مع زوجي , هل يوجد حل ؟!
ادعي الله وشغلي بقره واستغفري وتصدقي
وقيام الليل ودعاء يغير امور كثيره...ان شاء الله لا تنسين ...........دعواتك لى ان الله يسخر زوجى لى... |
رد: معآنآتي مع زوجي , هل يوجد حل ؟!
السلام عليكم اانا رايي بصراحة انو التطنيش هو اللي زاد الامور بسوء لانو زوجك تعود عليكي بطبعك الاول و تغيرك معو راح يخليه يتغير للاسوأ في رجال من النوع هاد ما بيحب تغير الزوجة المفاجئ حتى لو كان مخطئي و من راي تنسي اللي صار و ما تخلي الشيطان يزودلك اياه و يكبرو و ارجعي مثل زمان و حاولي ترضي زوجك و تحسسيه بكل نعومة انو كان مخطئ و الله يهدي سركم يا رب و يسخرلك زوجك
|
رد: معآنآتي مع زوجي , هل يوجد حل ؟!
أهلييين ..أختي والله من جد أحسك ماقصررررتي معاه
ويكفي أنه معتمد عليك بكل شبء وياخذ حاجته بدون عطاء بس الله وأعلم أنتي مثل أختي وشكلك طيبببه وحبوبة.. وبخبرك أنتي لاتشتكي من أهللللله قدامه انتبهي لانه سبب في خلافكم والمصيبة اذا خبرهم وفضفضلهم راح يعادوننك وخربونه عليك وينتقدونك قدامه وتطيحي من عينه خليهم منك هذولا جهلة ارحمي صغر عقلهم حاولي تذكريه بابوه وامه وحاولي تخليه يزور والديه.. وثاني شيء حبيت أخبرك فيه نصيحة أم زوجي الدعاء الدعاء ادعي ربك من كل قلبك يحفظك أنتي وزوجك من بنات الحرام وعيال الحرام ويهدي زوجك ويحنن قلبه عليك نصيحة وأسألي مجررب ادعي ادعي الله يفرج همك وفرحك بنتك اتمنى تولدي بالسلامة وتكون فرحتين فرحة طلعت بنتك وفرحة اعتذار زوجك ممكن تقرب بينكم هالبنت وليش لأ البنت بركة ..دعواتي لك لاتيأسي ربك موجود.. |
رد: معآنآتي مع زوجي , هل يوجد حل ؟!
تعرفي طريق زوجك اهلو يعني اخواتو حاولي تظهري انك مهتمه بأخواتو و اسألي عليهم وقوليلو انك بدك تروحي عندهم زيارة واستحمليهم , و عامليه بحنية كبيرة و اعمليلو كل ليلة غير الثانية فاهمة قصدي و اكثري الاستغفار و صدقيني رح تشوفي النتيجه
الله يسخرللك زوجك ويحنن قلبو عليكم ,و انسي وش سوى لك بالعيد و غيره , ابدأي صفحه جديدة ,واذا قالولك ع اسم بنتك انو لازم هو لي يسميها .قوليلهم مين عندي اغلى منو طبعا هو يلي يسميها .وهيك رح تشوفي حبيبتي الحياة اسلوب |
رد: معآنآتي مع زوجي , هل يوجد حل ؟!
امممممم ... ترا كثير رجال بهالجلافه -آسفه ع الكلمة
وخوات زوجك مايستحون بصراحه قهروني بس لاتردين عليهم ولاتعطيهم خبر ولاتبينين لزوجك شي عنهم .. واضح انه يقدس اهله وبعض الرجال كلشي ولاتتكلمين ع اهله !! انتِ جربتي التطنيش ومانفع ! جربتي الزعل ومانفع اظنه من النوع اللي يحب التصبغ بس امدحييييه تعبي عمرك وقوليله بنتك تحبك وان شاء الله بنتنا الجايه تشبهك وماتقصر والله يوسع عليك وووو بعضهم مايجي الا كذا بس تصبغينه بيصدق عمره وبيتعدل الله يسخره لك حبيبتي |
رد: معآنآتي مع زوجي , هل يوجد حل ؟!
اذهبي لأهلك اسبوع فترة نقاهه لتكون فرصه لكما لتشتاقوا لبعضكما ولكن قبل ان تذهبي توددي له بكلام حلو حتى يظل يتذكر كلامك وكوني حازمه ومتمسكه بالمده يعني مو اذا رحتي يومين واتصل عليكي رحتي معه قللي الاتصال به خلال هذه المده وان شاء الله تهدأ اعصابك ويتجدد الحب بينكما |
رد: معآنآتي مع زوجي , هل يوجد حل ؟!
الاخوات ما قصرو اعطوكي اكثر من اقتراح
وانا رايي النقاش الصريح الجاديعني تناقشيه تجي و تكلميه وغصب يسمع يعني تعاليله باسلوب انو محتااجه تتناقشي معه في اسلوب حياتكم لان لا انتي ولا هو مرتاحين و لا مبسوطين وفهميه انك مو جايه تعاتبيه ولا تهاجميه كل السالفه تبغي تصارحيه وتوصلي معه لاتفاق كيف بيكون شكل العلاقه بينكم مستقبلا وقوليله انك بتحبيه وتحبي تحافظي عليه وعشان كذا جيتي تتناقشي معه بجديه وبعيد عن العتب واللوم واجلسو جلسه صفا حطو النقط على الحروف مثل ما يقولون اتصارحو اطلبي منه يقلك ايش اللي مضايقه واللي مغيره واللي يزعله وقوليله كمان باللي يضايقك ويزعلك وليش اتغيرتي وبعد ما تتفاهمو بالاسباب وتقربو لبعض وتفهمو بعض اكثر حطو قوانين لعلاقتكم الزوجيه تمشو عليها وكوني صريحه بس باسلوب هادئ وجاد لو انفعل امتصي غضبه ولا تعانديه واقنعيه بشويش ولو بعدها اتعدل يومين ظلي امدحيه وقوليله ايه ابيك كذا دااايما لا تتغير عليا انا احبك كذا انت احلاا واروع ووووووو الخ من المدح واول ما تحسيه تغير لا تعطيه مجااااااال اتمسكني ونبهيه وقوليله يحافظ عليكي وعلى سعادتكم مع بعض اتمنى ربي يفرجها عليكي واحس بقهرك والله واتمنى ربي يسعدك ويصلح ذات بينكم ان شاء الله تحياتي^^ |
رد: معآنآتي مع زوجي * هل يوجد حل ؟!
عادي ي حبيبتي كل الرجال كذا اذا يبغى منك شي م في اطيب منه واذا استغنى عنك شاف نفسه مدررري على ايش كلنا نفس الوضع انا وانتي وصحباتي م في احد غير عن احد انا من اول زواججي محتررمه زوجي جدا ومقدره ظروفه الماديه ولا طلبت منه ولاشي خاص فيني من تزوجنااذا احتجت شي ضروري مممره وما بقي من المكافاه حقت الجامعه شي طلبت من امي وكل اجازه من تزوجنا اسافر معاه عند اهله والله لا يوريك ابو النكد طول الصيفيه هناك جالسه بغرفه م فيها حتى ثلاجه ولا تي في ولا شي بس جالسه على جوالي واخواته اعوذ بالله على كثرهم ما منهم فايده حاولت اتقرب منهم بس كاني انطح بجدار اقسمم بالله اقرف شي بالحياه بس مشي حالك ي شيخه قلت له ابغى اتمشى انا عروس قال طيب واخذ امه واخته معانا يوم واحد ب ابها واليوم الثاني قالت حماتي ابغى ارجع البيت هذا طبعاغير اول الزواج اول مره نسافر انا وياه قالت حماتي وبنتها بروح معاكم وين م تروحون رحنا عمره استغفره الله العظيم انكد عمره بحياتي وهوه ايش اقول لك كلمة بااااارد قليله عليه مع الناس كلهم سوالف وضحك ومعايه صنم هذا غير انه ولا مره مدحني بولا حاجه بشكلي من تزوجنا مع ان الكل يقول لي اني جمميله جدا بس م استفدت شي لاني اتزوجت واحد م يعبر ولا يقدر اي شي لدرجة اني سرت مهمله لنفسي من نفسيتي معاه خصوصا بالحمل وقرف الحمل بس الحين م علي فيه باهتم بنفسي واطنشه وما خفي كان اعظم يعني انتي م عليك الاانك تطنشي والله اني حاسه فيك لاني مجربه > قلب مكسورر هههه
|
رد: معآنآتي مع زوجي * هل يوجد حل ؟!
اقتباس:
ههههههههههه عجبني ردك من جدم في شي زي المدح ي حسره 24 ساعه ارفع فيه وانا ولا شي بس اذا بغيتي تلينينه شوي استخدمي المدح |
رد: معآنآتي مع زوجي * هل يوجد حل ؟!
نفس زوجي بالضبط عجزت معاه يقولي ﻻ ترفضي لي طلب والطلبات حقته لني ناافتح النت وﻻ تويتر وﻻ شيء يبغاني اصير جاهله في هذي اﻻمور والله تعبت وطفشت كمان
|
رد: معآنآتي مع زوجي * هل يوجد حل ؟!
شوفي حبيبتي المرأة سلاحها قوي تقدر تحارب فيه بشتى الطرق تملك مقومات الانثى ،، حاولي ان تستخدميها لصالح بيتك وزوجك وحياتك الاسرية لايوجد شىء مستحيل صدقيني ابحثي عن نقاط ضعفه وحاولي تستخدميها بما يعود عليك بالفرح والسعادة لكل رجل مفتاح حاولي العثور عليه وافتحي الابواب المغلقة التي لم تريها من قبل اجلسي ع سجادتك اخر الليل وادعي الله فأنه قريب يجيب دعوة الداع اذا دعاه اطلبيه ولن يخيب رجاءكِ ان شا ءالله اسأل الله ان يجعله سكناً لكِ ويجعلكِ سكناً له ويجمع بينكما دائما وابدا بخير تقديري واحترامي |
رد: معآنآتي مع زوجي * هل يوجد حل ؟!
حسيت زوجك مايحب الحرمه المسكينه
خليك قويه و? تتشكين كثير انت سويت انت فعلت صفحه وقلبيها ونسي كل شي دلعيه وهتمي فيه وفي بيتك وفي شكلك والكلمه الزينه يحب اليوتيوب والجوال اقلبي معه على موده ?دققين كثير بردي اعصابك هو جالس على جواله امسكي جوالك وجلسي معه بنفس الغرفه وتسلي مثل مايسوي خلي لك شخصيتك واسلوبك ?تتعبين نفسك وتراقبين كل كلمه منه وتصرف انا احس الحمل متعب نفسيتك بعد اصبري صلي اخر اليل وستغفري كثير ودعي ربي يسخره لك ويحنن قلبه عليك وعلى بنتك وشغلي القران في بيتك دائم تحسين بهدوء وراحه وبقولك شي مو كل شي تقولينه لخوات زوجك بسمي بنتي كذا وانا حامل في بنت تعلمي تسكتين. ماله داعي الكل يدري اش بتسوين اثقلي |
رد: معآنآتي مع زوجي * هل يوجد حل ؟!
خلييه يروح يتزوج مع السلاااااااااامه اهم شئ بيتك واطفالك عسااااااااااااااااااااه
وخلييه يرقد لوحدو لحد مايتخلل يصيير مخلل hwaml7 مرره لاتعبريييييييييييه بيعي عاادي قلبو والا شئ hwaml16 |
رد: معآنآتي مع زوجي , هل يوجد حل ؟!
الله يعينك .اكره شي الزوج اللي يقدم مصلحه اهله على مرته
والازواج الحين والله كلهم هيك يعاملون الزوجة على اساس انها عدو وانهم داخلين حرب انت لاتبكي قدامه ابد تعرفين الرجل ماله عاطفي مثل المراة بالعكس لما تبكي يحس انك تحبيه وهو مسيطر عليك وقاهرك خليك قوية اما كلامه عن الزواج كلهل تهديدات فاضية الرجال اذا حب يتزوج اكيد ماراح ينتظر رايك وشاركي اهلك خليهم يتكلمو معاه اذا قلل ادبه معاك على الاقل يحس ان لك حد تستندي عليه |
رد: معآنآتي مع زوجي * هل يوجد حل ؟!
اقتباس:
انا اخالفك الراي لان لو تزوج هي الي بتسير مخلل من دونه نصيحه حافظي على بيتك وزوجك وعيالك ترى مافيه احد مرتاح بدنيا ولو تزوج هو بيعيش حياته مابيخسر شي بعكس بيعطيها كل شي حارمك منه بس عشان يقهرك واخواته دايم قولي الله يشغلهم بنفسه والله يرد كيدهم بنحورهم |
رد: معآنآتي مع زوجي * هل يوجد حل ؟!
اكثري الاستغفار فهو مفتاح الاقفال
حافظي على نفسك وعلى صحتك اهتمي بمظهرك تغافلي عن بعض الأمور مارسي هوياتك المفضلة استمتعي بحياتك رددي الحوقلة ودعاء ذي النو ن واسألي الله اأن يسخره لك وان يكفيك شر كل من اراد بكم شرا فالقرب من الله يمنحك الطمأنينة والراحة |
رد: معآنآتي مع زوجي * هل يوجد حل ؟!
الله يعينك أختي ،،، بس أنا رأيي يختلف كلياً عن الأخوات ،، أنا الحقيقة أشوف إن زوجك يبيله قوة وشده بإسلوب راقي وجدية بالتعامل ،،، ترا بعض الرجال مايحب المسكينة الضعيفة الا يدوس عليها زود ،، وأنا وإنت كلنا بشر ولنا مشاعر وأحاسيس مو بس الرجال اللي يحتاج إنك تراعينه حتى إنتي بحاجة لزوج يراعيك ،، يعني المبادلة في المشاعر والإهتمام من الطرفين ،، أنا ضد تقديم تنازلات كثيرة مع الرجل ،، قناعتي الشخصية تقول كل ماتنازلتي كل ماصار قدرك أقل عند زوجك ولا يراك شي ( طبعا هذا ينطبق على حسب الرجل ونفسيته ) ،، رجال هل الزمن ماهم مثل رجال أول ،، معليش نادرا ماتلقين الكفو فيهم ،، ويا أختي ترا مو كل حل جاب نتيجة مع وحدة من الأخوات بيجيب نتيجة معك ،، فهمتي علي ،، إنتي أبخص برجلك وإنت عارفه نفسيته وهل زوجك بيجي معاه المدح والتنازلات وبيثمر فيه !!
هذا السؤال إطرحيه على نفسك ،، وشوفي إذا بيفيد ولا لا ،، أنا شخصياً ومن وجهة نظري أحب القوة في الشخصية على حق وأحب أبين لزوجي اللي له واللي عليه وأرفض رفضاً باتاً تقديم تنازلات بالهبل بينما الزوج في سبات عميق مايكلف على نفسه بإحتوائي وذكر محاسني ومحاولة إنجاح الزواج وإعتماده على الزوجة إعتماداً كليا ً يعني بعبارة أبسط لسان حال الزوج ( مش أنا اللي أقدم تنازلات !! ) ،،، وأنا من الواقع اللي اشوفه الأن ،، الرجال مايحبون الحرمة الضعيفة يحبون القوية اللي فارضه شخصيتها ولكن بحق ،، يحس إنها شي ولا يستهين فيها إلا يراعيها بزود ،،، ويا أختي لا تغفلين عن الدعاء إن ربي يسخره لك ،، هذا ماعندي ،،، إن أصبت فهو من الله سبحانه ،، وإن أخطأت فهو مني ومن الشيطان ،،، بالتوفيق ،، |
رد: معآنآتي مع زوجي * هل يوجد حل ؟!
ياقلبي التطنيش أكبر غلط واللزقة كذلك والي فهمته من تصرفات زوجك إنه يحبك
ولكن أنتي مو عارفة تكسبيه لصالحك لاتملين شوفي الأشياء الي تعجبه وسويها وزوجك لو مايحبك ماكان إنقهر من تطنيشك ولاكان إعتذرلك في ذيك اليومين من ناحية بروده أنا ما أشوف إنه بارد طالما إنه يقرب منك من الناحية ال....... وإذا تبغين واحد يبوسك ويحضنك طول الوقت أقولك بالمشمش لاتصدقين المسلسلات ولاصحباتك أو أي وحده تقول إن زوجها رومانسي وما يبعد عنها ياما في البيوت أسرار زوجك يبغاكي فرفوشة مبتسمة واثقة بحالك مو لاصقة فيه 24 ساعة وما يحب النكد وعتابك بنظره نكد وزعلك كذلك عشان كذا يرد لك بالبرود لأنه طفش من إسلوب الزعل والعتاب وعلى فكرة كثرة العتاب مو حلوة متى ماإحتجتي قبلاته وحضنه قربي منه قولي إحضني بوسني سويلي وماراح يردك وبكذا ريحتي بالك نجي لسالفة سفره بالعيد ممكن هالمره ماخلاكي لأنك حامل وخاف من السفر يأثر عليك بس المره الثانية خليكي معاه وحنني قلبه وحاولي ولاتيأسين لين ماتسافرين معاه ولاسافرتي معاه خليك طول الوقت مبسوطة لاتنكدين عليه بزعلك ولاتدققين على أي سالفة تزعلك خليك فري وماعليكي وأبسطية شيلي قهوتك وشاهيكي بالسفر وخذي مكسرات وحاجات حلوة معاك وخلي سوالفك وناسه وإخواته طنشيهم لاتخلينهم شغلك الشاغال وداهم جابهم سوالهم ماعليك أبدا قولي لنفسك لاإسمع لا أرى لاأتكلم ماشفت شي ماقهرني شي ماعلي من شي وعامليهم بذوق بس مو معناته أقولهم أسراري و أخليهم يعرفون بنوع حملي ولا أش بأسمي ولا زوجي رفض ياخذني معاه لاحبيبتي خليك طيبة معاهم في المعامله بس غامضة مايعرفون حياتك لو الأشياء البسيطة هذا حل مشكلتك بحسب ماطرحتيها بإذن الله وأنصحك شوفي مقطع للدكتور مارك في اليوتوب عن عقل الرجل وعقل المرأة راح تستفيدي كثير وتمنياتي لك بحياه سعيده مع زوجك |
رد: معآنآتي مع زوجي * هل يوجد حل ؟!
ربنا يصلح الحال
|
رد: معآنآتي مع زوجي , هل يوجد حل ؟!
شوفي حبيبتي ....عامليه نفس معاملته معك تماماhwaml5
لان الرجال حاط في باله براضيها بكلمتين وبترضى hwaml15 لكن قبل ماتخطين اي خطوه ..اذا شفتيه رايق كلميه بكل هدووءوقوليله: بنتك تهمك...واللي ببطني يهمك..مستقبلنا ..اذا يهمك هذا كله لازم تفهمني انا مابي اخسرك على اشياء تافهه..انا عمري ماقصرت معاك في شئ ..حركاتك معاي وقوليله السالفه المهم تودديله وسوي فيها انك تحبينه مرا وبنفس الوقت بيني له ترى عادي اعيش بودونك... ولاتنسين الصلاه والاستغفار والدعاء والله يسخره لك بنات اكيد بتشتغربون كلامي والله الرجال ليش مومهتمين بتصرفاتهم معانا لان في بالهم براضيها بكلمتين وبترضى واساسا هي ماتعيش بدوني تحبني مرا عيشووووا لانفسكم ولعيالكم والرجال بيعرف ان لك راي ولك كرامه |
رد: معآنآتي مع زوجي , هل يوجد حل ؟!
حبيبتي اول شي خلي في بالج تحافظين على بيتج مثل ماكالو البنات التطنيش ابد مو حل واحنا نعرف الرجال اقوة يكدر يتزوج ويجي يوم ويمل من اسلوب التطنيش ويبحث عن الزوجة الاخرى
غيري اسلوب معاملتج له اعرف انتي تعانين دوسي على قلبج والله حاسة بيج وهواية شغلات موجودة عند الاغلبية من الرجال اعرفي انو اهله خط احمر اني زوجي نفس الشي بعدني ماحاجيه اي شي يبدي يلومني ليش تحجين على اهلي ابدي اهتمامج باهله وكوني حريصة عليهم مثل حرصة اتحملي واصبري باجر هم تكبرين والله يرزقج بجنه تكون دايره بالهة عليج من حقج تزعلين تضوجين بس لتعودي على فراقج لازم ترجع الرومانسية بينكم لازم تحجون بعيدا عن العصبية اذا انحلت المشكلة خير واذا منحلت شتسوين لازم تصبرين وحافظي على بيتج اهله مكاعدين يمج اتحملي الله يوفقج اختي اكثري من الدعاء الله يسخرلج زوجج انشاء الله |
رد: معآنآتي مع زوجي , هل يوجد حل ؟!
صح كلام الاخوات انتي غيريه كيف خلي الكوره بمرماك
افتحي صفحه جديده حاولي تخلي دايم جو البيت مروق على قد ماعاملك بسؤء عامليه ب حنيه ب احترام تكبرين بعينه حتي صدقيني بيحس بنفسه هو يعاملك بسؤء وانتي بطيب لآ شفتيه مروق اسئليه ايش اللي مضايقه حاولي تفهمي ليه يقول يبغا يتزوج هنا تدل ان في مشكله ب البيت ف لزم تكسبين زوجك على قدر المستطاااع والله يوفقكم ياارب |
| الساعة الآن 11:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .