|
انصدمت والي تقول اتفاجئت
بنات انا قريت كثير بهالمنتدى الي تقول انصدمت اني حامل فبنت والثانيه اتفاجئت???????
اذا انتي مصدومه اجل انتي ايش انتي بنفسك بنت تنصدمين ليه هذا من الله وشكل الي تقول كذا مو كفؤ انها تربي جاريتين وتدخل ابوهم الجنه استغفر الله تفكير جاهلي ومتخلف الله يرفع عنكم والله يرزقني فبنت طاهره نقيه واحمدي ربك ان الله رزقك بنت ترعاك فكبرك والله ملايين يتمنون لو بنت وحده الله يهدي الجميع ويحرم البنت لكل وحده ماتبيها عشان تعرف قيمه البنات |
رد: انصدمت والي تقول اتفاجئت
صح كلامج البناات الصالحات هم الي يدخلوون والدنهم للجنه والحمدلله
والوحده اذا في بطنها بنت وهي تبي ولد فتحمد ربها ع انها اول شي هديه من الله وثاني شي تدعي الله انها تكوون تاامه الخلقه وتكوون من العطااء الصالح وانا بصرااحه عندي في بيت زووجي عجب عجااب اذا الوحده جاابت بنت الكل يتضاايق وكانج جاايبه شاذي مو بنووته حلووه والله شي يحرق الاعصااب واذا قلتي في بطني ولد اووووه شوفي العرس الي بيسوونه لج عااد ماا اقوول الا شي وااحد خااصه لاصحااب العقوول الجااهليه الحمدلله الذي عافانا ويعطييج العاافيه ع هالمووضووع بس للامااانه انا اتمنى اجيب ولد يحميني ويحمي خواته من ظلم النااس الله يرزق كل محرووومه بالمنتدى وخااارج المنتدى باالحمل السلييم قوووولوووو اميين |
رد: انصدمت والي تقول اتفاجئت
عيونى الوحده لمن تقول اتفاجئت او انصدمت مو قصدها ان الى بطنها منكر او شي حرام
بالعكس الحريم مساكين الوحده ودها بالولد الصالح زي ماودها في البنت الصالحه والوحده تكون متامله الولد وتحسيها خلاص كل شي فيها يبي الولد مو كره للبنت لا بس يمكن عندها بنات قبل او عارفه ان زوجها او اهلو يتمنو الولد ونفسها بالى خاطرهم فيه لكن انها كاره جيت البنت مافي وحده تكره ها الشي لان الى في بطنها جزاء منها بس هى تكون حاسه اونفسها بالولد وقولى الحمدالله قلبي ترى بعض الحريم عندهم 7بنات او 9 وتتمنى الولد الصالح الى يستر عليها ويكون عون لها ولبناتها بعد الله في كبر ها البنات او عدم وجود الاب وانا شفت اختى عندها 5 بنات ونفسها بالولد وزوجها تزوج عليها علشان الولد واذا بتقولي مو على كيفي او مو بيدى انى اجيب الولد والله لا يردو يتزوج ترى بعض الحريم تتحمل كل شي من الزوج علشان تعيش في بيت يسترها هى وبناتها وماودها بتشتيت هالعايله لان بعض الرجال تفكيرهم محدود ومنحصر اذا ماجانى الولد بتزوج ومايفكر هو بيد هالمسكينه او لا ومافيها شي لو تمنت الولد وانصدمت انها للمره الخامسه او السادسه حامل بالبنت وقولى يارب لاتبلاني وارزقنى بالبنت و الولد الصالحين البارين ترى لو انحطيتى بموقف وحده منهم بتعرفي قيمة انو يكون عندك ولد يسندك ويعينك بعد الله ويقضي حاجاتك اذا الاب غير موجود اتمنى مايضايقك كلامى لان حاسيت بكلامك انك مو هاضمه ها الحريم والمفروض انك تدعيلهم بالولد الصالح مو تتكلامى عليهم بذي الطريقه والله يهدى الجميع ويرزق الجميع بعون الله |
رد: انصدمت والي تقول اتفاجئت
حبيبتي والله لو هي حامل بالحمل السابع بولد وكل الي عندها اولاد ماقالت انصدمت ولا اتفاجئت لكن هاذي عقول صغيره ومو كل ولد بيحمي خواته او بيعزهم الحامي الله ادعي بالخلفه الصالحه ورب البيت اعرف اولاد جايبين المصايب لاهلم وامهم تقول ادعي انه اذا طلع مايرجع
كل وحده تتمنى ولد وبنت لكن مو بهالطريقه انصدمت لكن الله يعلم بالسرائر ويعلم بالي في قلوبهم والله يعطي كل وحده على قد نيتها |
رد: انصدمت والي تقول اتفاجئت
ياعمري السالفة مو قصة منكر ولا عيب الكل عارف فضل تربية البنات ، بس الوحدة تبي تجيب الولد و تنفك من كلام زوجها وأهل زوجها ، أنا ما عندي الا بنت ورزقني الله وحملت بس ودي بولد لأني يوم جبت البنت وربي سمعت كلام كأني جايبه منكر على قولك سلفتك حامل بولد حماتك جايبه ولد و مدري أيش و غير ذا المجتمع الي عايشين فيه باقي متخلف وقسم بالله اذا الواحد جاءه 3 بنات قالو تزوج خذلك حرمه تجيبلك ولد يشيل اسمك ، عشان كذا الوحدة تتمنى الولد
|
رد: انصدمت والي تقول اتفاجئت
اقتباس:
حبيبتي بعالمنا الخليجي لازم ولد مع خوواته حتى لو هووو اسااس العيب والعاار لاهله بس اسمه ولد والي ماتبي البنت الله لايرزقها انشاااء الله بالبنت وانا مرت حمااي اذا جاابت بنت استخفت علينااا وقاامت تدعي ع بناتها وبناتها حتى الروضه مادخلوها واولادها لووو يسووون البلاوي مااتكلمهم وانا لمن قلت ابي ولد يحميني ويحمي بناتي موو معنااه انه هووو الي بيحمي اصلا مايحمي غيير رب العالميين بس اقصد يحميني من كلام النااس والعقوول الصغييره موو الي ترفض البنت عن الولد العقوول الصغيير هي الي تمييز الولد عن البنت والولد والبنت كلهم نعمه رب العاالميين والشي الوحيد الي يخلي الام والابو يميزوون البنت والولد هووو تربيه الام نفسهااا واتمنى تووصل المعلوومه واخر كلامي مووعييب ولا حراام تتمنى الام شنو يكوون نووع جنينها في نصهم يتمنوون البنت وفي نصهم يتمنوون الولد والبعض موو فارقه معاهم اهم شي العطى الصاالح... |
رد: انصدمت والي تقول اتفاجئت
انا اقوم الليل وادعى ليل نهار عشان ربي يرزقنى بنت ولا ولد حتى انا راضية
الله يهديهم |
رد: انصدمت والي تقول اتفاجئت
الحمد لله رب العالمين
|
رد: انصدمت والي تقول اتفاجئت
بصراحه اختي انتي منتي فاهمه اش معنى كلمة امومه الامومه غريزه مثل ماتبين تكونين ام لبنت كمان تبين تكونين ام لولد مو معنى ان الام اللي تطلب ولد انها متخلفه او عقلها صغير بس هذي غريزه غريييييزه تتمناها الام والاب كمان لدرجة ان بعض الازواج هاجس الولد يرافقه لين يتزوج على زوجته يعني الام اذا كانت راضيه بخلفتها بنات او اولاد ماتسلم من كلام زوجها او اهل زوجها او سلفاتها والمقارنه احنا الحريم مساكيييييين وربي مساكين احمدي ربك عالنعمه وقولي الحمدلله الذي عافانا لاربي يبتليك نظرتك غلط صححيها الله يهديك
|
رد: انصدمت والي تقول اتفاجئت
لا بالعكس حبيبتي انا عندي بنتين وحامل ان شاء الله بولد
صحيح اني ظليت اطلب ربي الولد الصالح قبل ما افحص والحمد لله على عطاءربنا بس هالشي مو معناته اني اكره البنات بالعكس بس كنت وين ما اروح يسالو ما عندك ولد ....اللله يرزقك وانا كل عمري 21 سنة يعني عااااااااااااااااااااالم متخلفة وان شاء الله اني احسن تربية بناتي وادخل فيهم الجنة والله يرزق كل وحده الي تتمناه شاكرة طرحك |
رد: انصدمت والي تقول اتفاجئت
ماعجبتني نظرتك !!
صحيح فيه عالم متخلفه بس غالبا الاهل الرجال بس مو الام! مافي ام ماتفدي عيالها الا القله وهالايام زايدين انا كمان عندي بنيه وودي بولد قبل كان ودي ببنت مع اختها بس ببدايه حملي .. شفت زوجي يساعد امه شكثر جميييل المنظر تمنيت يصير عندي ولد طول بعرض ملزوم فيني اذا كبرت وهو شباب ويدور راحتي // زوجك بيكبر وبيزهق مالك الا ولدك صحيح البنت توجب اكثر بس ملزومة برجلها وبني ادم طماع اللي عنده اولاد يبي بنت واللي عندها بنات تبي ولد انا مو متخلفه ولااهتم بكلام المجتمع بس مثل ماجربت ادلع بنيه ودي اشوف ولدي والحمدلله ع عطيته اهم شي السلامه وتمام الخلقه |
رد: انصدمت والي تقول اتفاجئت
أنا الحمد لله أحب البنات أكثر ياقلبي عليهم هادئات ويهبلون
وزوجي يمةت على البنات من حملي الأول إلى الأخير وكل مرة يقول أبي بنت وأهلنا كلهم غرااام ايا البنات البنات عند أهلي وأهل زوجي مدللات خوات زوجي كل وحدة معها ماشاء الله بنات وبعدهم يبون البنات صدق والله معهم حق احنا الإناث خفاف دم مو زي الأوﻻد. هههه |
رد: انصدمت والي تقول اتفاجئت
معليش الي تقول صححي نظرتك انا ماقول اني اكره الاولاد او مابيهم لكن انا اعترض على الي تقول انصدمت اني حامل فبنت ولا اتفاجئت هنا مربط الفرس ولا الاولاد اخواناوازواجنا وعزوتنا لكن الاعتراض على حكم الله وعطائه يقهرني وانا بشر ماعطيت احد لاولدولا بنت كيف نظره ربي لها. وهو رازقها وهي تقول مصدومه وعجزت انام من عرفت اني حامل فبنت وللحين اقول ياجعل الي ماتحب البنات وماتبيهن يعلها ماتشوفهن لانها من جد مهي كفو تدخل ابوهم الجنه تذكري حديث الرسول صلى الله عليه وسلم فيما معناه من ربى او عال جاريتين حتى يكبرا كان له سترا من النار
بس سبحان الله اي شي محبوب عند الله ورسوله مكروه عندنا بني البشر وارجع اعيد واكرر انا ماقول الي تتمنى ولد هي ناكره او جاحده لكن اقول الي فبطنها نعمه من نعم الله وتقول انصدمت الحقوني استغفرالله عمايغضبه اللهم لاتؤاخذنا بما فعل السفهاء منا |
رد: انصدمت والي تقول اتفاجئت
يا حبيبتي لو كان عندك ثلاثة وله اربع بنات وكنت حامل اكيد كنتي تمنيتي ان الي في بطنك ولد ولو شفتي فالسونار انو الي في بطنك بنت كنت حطيتي موضوع هنا فالمنتدى وكتبتي انصدمت وتفاجات هما ما قالو نكره بناتنا وله نريد نرميهم لكن هذي طبيعة البشر كل انسان يتمنى ذريتو تكون بنات وولاد ودوري في النت راح تلاقي كثير الي ماعندهم بنات ويتمنو بنات واكيد حتى الي نصدمت انها حامل ببنت اول ماتولد راح تلاقي هذ البنت اعز عليها من نفسها حتى لما الوحدة ترضى بالي قسم لها ربنا مجتمعاتنا ماتخليها في حالها والانسان مو منعزل عن المجتمع يعنى اكيد الوحدة تتاثر بكلام الناس وخصوصا لو كان زوجها او اهلو وفي الاخير كل واحد يرضى بالي قسمو له ربنا سواء عقيم او بنت او ولد المهم تمام الخلقة والاخلاق
|
رد: انصدمت والي تقول اتفاجئت
احب العيال موت يارب ترزقني بولد والله لايحرمني من البنت بعد
بس قلبي يميل للذكور وافضل الخلق عليه افضل الصلاه والسلام كان قلبه يميل ل عائشه اكثر وكان يدعو الله ربنا لاتحسبنا فيما لانملك |
رد: انصدمت والي تقول اتفاجئت
ربِّ َهَب لَي غُﻼمًا زَكِﯿًّا، واجعله اللهم مُبَارَكًا أَﯾْنَ ما كان، وأعِنه على الصﻼة وَالزَّكَاةِ مَا دام حَﯿًّا، وَبَرًّا بِوَالِدَﯾه وَﻻ تَجْعَلْه جَبَّارًا شَقِﯿًّا
|
رد: انصدمت والي تقول اتفاجئت
. ((قال الله تعالى { لِلَّهِ مُلْكُ السَّمَاوَاتِ وَالأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَنْ يَشَاءُ الذُّكُورَ أَوْ يُزَوِّجُهُمْ ذُكْرَاناً وَإِنَاثاً وَيَجْعَلُ مَنْ يَشَاءُ عَقِيماً إِنَّهُ عَلِيمٌ قَدِيرٌ } الشورى 49 50 |
رد: انصدمت والي تقول اتفاجئت
الحمدلله احلى اشي البنات بالدنيا
الحمدلله انا عندي ولد عمرو 3 سنين وعندي بنت عمرها سنة و10 شهور والله والله انبسطت بالبطن التاني لما حكولي بنت انا وجوزي طرنا من الفرح وهلاء انا حامل ب2 واي اشي من ربنا المهم الخلقة التامة والحمدلله عكل اشي |
رد: انصدمت والي تقول اتفاجئت
انا عكس الناس
اول حمل كنت اتمناه ولد مو عشان احب الاولاد لا لا لأني أموت بابن اختي وأتمنى مثله وربي رزقني ببنوته فرحت فيها واكتشفت ان البنات اروع بكثير من الاولاد بخفة دمهم بملابسهم بنعومتهم ولما حملت الحمل الثاني ما همني الا شيء واحد الذرية الصاااااالحة ودعيت في الحج ربي هب لي من لدنك ذرية طيبة إنك سميع الدعاء وحبي للببنات طاغي عالأولاد وكنت اذا شفت موضوع متخلف يدور خلفة الذكور يرتفع ضغطي ما يعزز من قيمة الذكر بمجتمعنا إلا تصرفات الأم خصوصا بهالزمن البنت أحن وأقرب لأمها وأبوها من الولد حنان واهتمام وتدوير وسؤال بس لأن مجتمعنا متخلف ما يشكر هالشيء في البنت تلقين الولد عشان يجي يشرب شاي مغربية عند أمه ويمشي قالوا بار وحماها وسندها وخرابيط وبنتها يا بعد عمري تحف التراب تحت رجول أمها تدللها وتدلعها بس ما ينشاف شيء منها لأنها بنت وعندنا أمثال عربية متخلفة تعزز من الولد وبيته وتنفر من البنت وبيتها بس ما أحفظها لكن أذكر قد ذكروها لي البنت هي ريحة البيت ودلعه وصوته هي صديقة الأم هي قلب الأم بس بعض الأمها تربيتها مثل عقلها المتحجر تربي على الحرمان للبنت والعطاء للولد ورغم كذا يكبر الولد متربي على أحقيته في كل شيء والبنت مكسورة الخاطر ديننا ما قال هالشيء هذا كله تخلف المجتمع الأم لازم تربين اولادها ذكور واناث تربية متساوية مالها حق تفرق باي حال من الأحوال والله حرام تتدمر شخصية البنت بسبب هالأفكار المتحجرة بس الحمدلله مجتمعنا الآن أفضل من أول |
رد: انصدمت والي تقول اتفاجئت
والله صح لسانج يا صاحبة الموضوع وأنا صرت أفكر مليووون مره قبل لا أدخل هالقسم لإنه يرفع الضغط وأنا أتفق معاج بكل حرف كتبيتيه وأبي أفهم بعض العقول ما أدري شسميها!! الحرمه لا بغت ولد خلاص بينها وبين نفسها تدعي ربها مب تكتب لنا موضوع طول وعرض إنصدمت وتفاجآت ومت وإحتسرت وتقلبت يوم قالولي بنت؟!!! شو المطلوب يعني؟!! المفروض يحسنوا من أسلوبهم ما يكتبوا مثل هالالفاظ وفوق هذا ساعات الزوج ولا سائل عن الجنس والزوجه تحوم وتدور وتحاتي هي نفسها أصلا إلي تبغي الولد وبعض الامهات ترفع من شان الولد والله حتى الأبو مب مهتم وما يفرق والام هي إلي تفرق وهالاشكال شكلها ما راح تنقرض وإلي تقول ستر وحامي! أي ستر وحمايه إلي تتكلمون عنها بالعكس دوم الولد يخرب لخواته وينكدهم ومثل ما قالت الاخت الله الحامي وكل وحده تربي عيالها تربيه حسنه وما راح يصير شي وله البنت بس إلي تحتاج تربيه؟!!! شو هالتفكير المتخلف وقسم كريهااااات لو بئيدي كل ما شفت موضوع مثل هالمواضيع لمعفنه كنت ع طول مسحتها لإنها تشوش تفكير البعض وترفع ضغط البعض وكل وحده ب هالطبع أقولها إلي فبطنج بنت راح تكون بنت رضيتي وله ما رضيتي وإذا ولد راح يكون ولد غير جذيه ما شي... بصراحه زودوها وإذا خلفتي بنت وغيرج ما عجبه ب الطقااااق ليش هم إلي حملوا وتعبوا وإلا إنتي وإلي تقول راح تحسين إذا يبتي أربع أو خمس بنات لا حبيبتي أنا عن نفسي لو أخلف عشرين بنت راح أكون مستااانسه وماراح أسأل عن الولد والبعض عندهم بنت وحده بس ويكتبون هالسخافات وصاحبة الموضوع كتبت ما يستاهلون خلفة البنات وأنا أقول ما يستاهلون الخلفه والرزقه موووول إلي تستاهل هي إلي راضيه لو بطفل ما همها بنت أو ولد وتقول الحمدالله الحمدالله الحمدالله...
|
رد: انصدمت والي تقول اتفاجئت
والله حبيبتيهن ما يتمنن الولد الا عشان تفتك من كلام الزوج وأهله اللى يسم البدن
|
رد: انصدمت والي تقول اتفاجئت
فديت البنات انا يارب كل خلفتني بنات00
|
رد: انصدمت والي تقول اتفاجئت
بنت او ولد اللي يجي من الله كله خير اهم شي انهم يكونون صالحين وبارين لي والى ابوهم وسليمين والحمدلله هذا اللي ابغيه والله يرزقني ان شاء الله في القريب العاجل
|
رد: انصدمت والي تقول اتفاجئت
اللهم رضنا بماقسمت لناوجعلهم سليمن
معافين بارين |
رد: انصدمت والي تقول اتفاجئت
الله يرزقني يارب يارحيم ويرزق جميع المسلمات المحرومات ذرية طيبة انه سميع الدعاء
|
| الساعة الآن 01:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .