شو رأيكم بقصة ولادتي
 

مساالخير.حبيت أحكيلكم عن معاناتي الأخيرة.بدأت صباح يوم الاتنين لما رحت ع الدكتورة وحكتلي عندك توسع 2.5يمكن تولدي اليوم.رجعت ع البيت رتبت أموري وأخدت حقنة حتى انظف بطني ورحت ع المشفى انا وماما وزوجي وأخي طبعا مشفي حكومي والمعاملة ما شاء الله زي الزفت بس الله يلعن المصاري.الدكتور حكالي ليش جاية عندك 1سم بس روحي عبيتك.كتير عصبت رجعت ع البيت شربت خروع ومرمية وقرفة وكف مريم ويانسون .وخليت امي ترجع ع بيتها وحطيت راسي ونمت .بعد المغرب رجعت ماما عملتلي تبخيرة مرمية وراحت على بيتها بس 5دقايق ونزل علي شوية دم .كلمت ماما ورحنا مشفى غير الأول بس كمان حكومي.حكى الدكتور توسع 4 سم بس روحي ساعتين وارجعي.بقيت ألف في الشارع أنا وأهلي وكل ساعتين أروح للدكتور بعدين حكالي خليكي هون.بس ما في مكان فاضي وتركونا في الإستقبال يمكن كنا 20وحدة بس انا ما كان عندي ألم قوي ونمت شوية ونسيت اطمن أهلي وضلو بالشارع لإن ممنوع يدخلو.الساعة 4الفجر أمي بعتت حدا يسأل عني ولما طلعت حكيتلها بدي أرجع ع البيت بعدين قررنا نروح ع المشفى الأول ولما وصلت حكى الدكتور توسع 5سم كانت الساعة 5ونص حكالي تعالي بعد ساعة عشان تدخلي غرفة المخاض طلعت عند أهلي برة ونزلت مية الجنين عندهم أخدت جوال زوجي وخبيته في صدري لإنه ممنوع وأخيرا حكى الدكتور دخول وكنت أنا لحالي في غرفة المخاض كل الي قبلي ولدو.واجتمع 3ممرضات ودكتور فوق راسي كل واحد يفحص شوي لحد ماصار 7سم وبدأ الطلق الأصلي عشت نص ساعة كنت أتمنى أموت كنت أضرب راسي في الحيط وضربت ضهري مرتين وكنت أنام على بطني.طبعا هاد غير كلام الممرضات (ما حدا حكالك احملي_صدعتينا_اكتمي)ولما صارت الساعة 7 أجت ممرضة بنت حلال حكتلي حاولي اكتمي صوتك دقيقتين عشان اسمع نبض الجنين وبعدين رح أعطيكي ابرة مخدر.أول شي ما قدرت و ظليت أصرخ بعدين مسكت ايدي وحكتلي بس دقيقة تحملي سمعت نبض الجنين وأعطتني ابرة وسكت الألم بعدين ولدتني بدون مقص .دعيتلها كتير لإنها عن جد ساعدتني.وأجى سليمان والحمد لله

رد: شو رأيكم بقصة ولادتي
 

الف الحمد لله على سلامتج

اهم شي سلامتج وسلامة البيبي

يتربى بعزج :)

رد: شو رأيكم بقصة ولادتي
 

الحمد لله على سلامتك اما المستشفيات الحكوميه كلها كذا تعاملهم زفت وعلى طول معصبين تكرهي تروحي لهم

رد: شو رأيكم بقصة ولادتي
 

حمدلله على سلامتك ومو شي جديد على المستشفيات الحكوميه كل اللي ولدو هناك يشتكو من التعامل ومن الاهمال

رد: شو رأيكم بقصة ولادتي
 

حمدالله على سﻻمتج..بس الله رحمج وﻻ معاملة المستشفى زفته لو قالت محد قالج احملي اتوقع بضربها..

رد: شو رأيكم بقصة ولادتي
 

الحمد لله على سلامتك اما المستشفيات الحكوميه كلها كذا تعاملهم زفت وعلى طول معصبين تكرهين تروحي لهم
الله يخلي لك النونو
والمفروض الوحده منا وقت الولاده تمسك نفسها عن الصراخ وتستغفر حتي ما تجهد نفسها وتقدر تدفع بس الله يعين

رد: شو رأيكم بقصة ولادتي
 

الحمدلله على سلامتك وسلامة البيبي

رد: شو رأيكم بقصة ولادتي
 

الحمد لله على سلامتك
بس كيف تعملي الحقنه عشان تفضي بطنك

رد: شو رأيكم بقصة ولادتي
 

الحمدلله ع سلامتك
ومبرووووك البيبي:-*
الله يعينا ع هالمستشفيات ،،لكن أنا اعتب عليك بشغله يالغاليه ... واضم كلامي لكلام أم ماريه وريما كان لزمتي الاستغفار وذكرتي الله وكثرتي من قول لا اله الا أنت سبحانك اني كنت من الظالمين والله الصراخ مابي يفيد:-(

الله يخليلك سليمان ويجعله عبدا"صالح من حفظة كتابه الكريم يارب العالمين

رد: شو رأيكم بقصة ولادتي
 

ما شاء الله تبارك الله ...مبروك عليكم سليمان

رد: شو رأيكم بقصة ولادتي
 

مبروووك حبيبتي
والحمد لله على سلامتك
ويتربى بعزكم ان شاء الله
بس شو هالمعامله في هالمستشفى لاحول ولاقوة الا بالله
انا ولدت في حكومي بس صراحه كانوا قممممه في الذوق والاخلاق وصبروا عليا لما كنت اولد
المهم انك بخير انتي والبيبي
وكله بأجره حبيبتي

رد: شو رأيكم بقصة ولادتي
 

الحمد لله على سلامتك وسلامة سليمان

ربنا يجعله قرة عين يارب

رد: شو رأيكم بقصة ولادتي
 

الحمدلله ع سلامتك ويتربى بعزكم