|
الله يستر يا بنات
السلام عليكم ورحمة الله وبركاته بنات اليوم تحركت شوي بالبيت مع اني ما مشيت كثير ولا اشتغلت كثير بس يمكن طولت بوقوفي شويات المهم بعدها بشويات تقريبا بدأ معي مغص وألم باسفل بطني مع شد قوي شوي وحسيت برطوبه ومسحت لقيت شوي دم لونه فاتح مره بس مو كثير كميته بس ع قد مسحتي وخفت ومن وقتها وانا ما اتحرك الا خفيف واكثر وقتي نايمه ع ظهري ومن اول ما شفت الدم كان باقي على وقت تناول حبة المثبت ساعتين تقريبا قمت وقدمت الوقت واكلتها بنات تكفون طمنوني هالشي طبيعي والا لا انا سقطت مرتين وانتظر هالحمل لي سنوات طويله تكفون يا بنات ادعوا ان حملي بخير وان الله يثبته لي بالحمل تقريبا ً خمس اسابيع وامس اخذت سونار مابين الا كيس الحمل قالت الدكتوره تعالي بعد عشر ايام لانه لسى صغير مايبان معنا بالسونار غير الكيس ادعوا ان ربي يتمم حملي ويفرح عيني بشوفة مولودي بصحه وعافيه وربي هالحمل حلم سنين وصبر قلب شفقان عليه ادعوا لي ياخواتي الله يفرح قلوبكم ويسعدكم وهل المثبت دوفاستون 10 mg حلو والا انا اخذه مرتين باليوم |
رد: الله يستر يا بنات
ياحياتي انتي ارتاحي الحين وبكره ان شاءالله الصباح روحي لدكتورتك
ضروري بعدين ليش تعطيك مثبت حبوب المفروض ابر بما ان لك اجهاضات سابقه كنت اخذ حبوب اول بعدين االحين اخذ ابر كل ثلاث ايام والحمدلله احسسن من الحبوب الله يتتم عليك وعلي ويريح بالك |
رد: الله يستر يا بنات
هلا ملاذ
تسلمين يا قلبي ماادري يمكن عطتني حبوب لان الجنين لسى ما بين ما بين معها بالسونار الا كيس الجمل تقول توه صغير المشكله انا ساكنه بدور ثاني وخايف اطلع وانززل مع الدرج ودي انتظر كم يوم لحد ما يهدا المغص اشرايك والا لازم اروح انا اتابع نفسي وماعاد نزل معي دم من بعد اليوم المغرب بس المغص والشد اذا تحركت احس فيه واذا نمت ع ظهري يهدأ |
رد: الله يستر يا بنات
لا روحي لاتنتظري نصيحه مني
والله يعينك اذا بيتك دور ثاني مشكله طيب ماتقدرين ترتاحين عند اهلك |
رد: الله يستر يا بنات
اللهم اميييين
ياليت بس اهلي بعيد مو بنفس مدينتي وغير كذا ماخبرت احد بحملي للحين ابي اقل شي اعدي شهور الخطر الثلاث ومتفقه مع زوجي مااحد يدري لحد ما اتمم شهوري الثلاث على خير |
رد: الله يستر يا بنات
الله يقر عينك بشوفة البيبي يا ررب ويتمملك على خير ... اختي ارتاحي راحة تامة لا شغل بالبيت لا طلعة درج ولا حتى جمااع ارتاحي وارفعي رجليكي ... اتصلي بكرة الصبح بالدكتورة وشوفي شو بتقلك .. ومشان المثبت الحبوب ممتازة خديها وداومي عليها ... الراحة ثم الرحة ثم الراحة ... الله ان شاء الله ما بيضرك وربي يتمملك على خير وتشوفي ابنك بعد تسع شهور يا رب
|
رد: الله يستر يا بنات
اهلين ندوووش
اللهم امين خيتو وانا من بعد اللي صار معي اليوم توبه ما اتعب نفسي الله يتمم حملي على خير ويقر عيني بشوفته ويسعد قلوبكم ملاذ اتصلت بدكتورتي بس كان وقت دوامها انتهى وبكره ان شاءالله بتصل فيها واسألها عن وضعي يمكن تضيف لي شي يثبت لو المثبت ما يناسبني |
رد: الله يستر يا بنات
ياقلبي انتي ارتاحي انا كان ينزل معي افرازات بنيه ومعها شي وردي كذا وقالت لي لازم راحه تامه وارفع رجولي فوق مع المثبت والله يتمم لي ولك على خير وعلى جميع الحوامل
دام بيتك الدور الثاني لعد تطلعين منه ابد خليك دايم فيه وابعدي عن الجماع والشغل خلي كل شي يتراكم على بعضه اهم شي راحتك لاحقه على الشغل والتعب بعدين ع الاقل لين يثبت الجنين وارجعي اشتغلي زي اول الحين خليك مرتاحه ع الاخير انا مثلك نزل معي كذا وقالت لي الراحه التامه واذا انتي مثلي انا ماكان ينزل دايم تنزل هالافرازات فجاه وبعدها تختفي فتره كذا وبعدين تنزل يعني مو مستمره الحمدالله اهم شي انتي مو مستمره اذا مستمره روحي للدكتوره واذا لا استودعيه الله وادعي ان ربي يحفظه انا والله كانت متقطعه بس رحت للدكتوره وقالت الراحه التامه وزادت لي حبوب المثبت 3 حبات فاليوم وقالت لي لازم اغتسل بمويه دافيه وملح ومره والله يتمم لنا على خير يااااااااااااااااااااااااااارب ويبعد عنا كل شر وجعل من كان فيه شر لنا ولاجنتنا انك تشغله بنفسه يارب ياكريم |
رد: الله يستر يا بنات
وعلى فكره ترا المثبت ممتاز ومامنه حكي الاغلبيه ياخذونه
وان ماناسبك يمكن تاخذين ابر تثببيت |
رد: الله يستر يا بنات
عليك بالراحة التامة
تعرفين شو يعني راحة تامة؟ بلاها الوقفات الحين والحركة في البيت وانتظمي على الدوفاستون ترى حالتي كانت زي حالتك مرة وحدة حبيت اسوي عشا وعلى طول نزل دم وبعدها حرمت والتزمت الراحة التامة + الحبوب المثبتة+ الامتناع عن الجماع لأن سائل الرجل يحرض الرحم على الانقباضات وعلى كذا لين دخلت الثالث حسيت بفرق الحمد الله هذا بس علشانك في البداية لا تخافين ريحي نفسك بس ...حتى غسيل كاس واحد ممنوع وحتى مشيتك خليها بطيئة ولا تطلعين درج ولا تقومين من السرير بشكل مفاجئ خلي كلشي على بحركة بطيئة يعني داريه مثل رمش العين لين تدخلين الثالث ويكبر ويثبت راح تحسين بالفرق والله يتمملك على خير ياعمري |
رد: الله يستر يا بنات
شروق
اللهم اميييييييييييييييييييييييييييييييييين لا انا مافيه بني بس دم فاتح شوي يمكن لانه اول مره اليوم الله يستر يا خيتو انا خايفه ع حملي كثير استودعه ربي هو وحده القادر يحفظه لي ووحده العالم كم انتظرت وانا على ثقه ان ربي بيعطيني ع قد نيتي وصبري الله يثبت حملنا جميع ويتممه لنا |
رد: الله يستر يا بنات
اقتباس:
تعرفين مسؤولية زوج وبيت لابد من الشغل بس صايره اخففه واغلب وقتي ع ظهري انا توني باديه بالثاني مشواري طويل يعني شهر كامل كذا الله يعينني عاد بيتي داخل طالع ناس وضيوف ادعوا لي تكفون ربي يثبت حملي الله يسعدكم لا تنسوني من دعائكم اذكروني بدعواتكم بظهر الغيب والله ان انتظاري لهالحمل من سنين طويله الله يقر عيني بشوفته سليم معافى بعد ثمان شهور |
رد: الله يستر يا بنات
ياقلبي الله يثبت حملك ويتمم لنا ولك الحمل يـــاااااارب ..
بس الدرج بيتعبك مرااااا لو تروحين عند اهلك افضل .. والله مارتحت في بدايه حملي الا عند اهلي .. وزي ماقالوا البنات ارتاااااااااااحي مراااااااااا والجماع بععدي عنةةة مرااااا.. بس ضرورررررررررررررري روحي لدكتورتك تحملي شوية شوية مع الدرج وروحي لدكتورتك افضل ,, |
رد: الله يستر يا بنات
اقتباس:
الله يساعدنا ويساعدك يا خيتو مااقدر اروح لاهلي قبل اعدي شهور الثلاث ومرحلة الخطر اول شي سفر طويل وثاني شي ماابي احد يعرف بحملي الحين لحد ماادخل الرابع حتى الشيخ موصيني مااحد يدري الا بشهوري الاخيره بكلم دكتورتي بكره واشوف يمكن تكتب دوا بدون ما اتعب نفسي بالدرج |
رد: الله يستر يا بنات
اسال الله ان يثبته لك ويرزقك الطفل السليم المعافى
مثل ما قالو الاخوات لازم لازم راحه انا كنت مثلك لو سويت اقل مجهود ينزل عليا دم بس الحمد لله ربي تمم حملي وكنت اخذ حبوووب دفاستون 4 حبات باليوووم الله يسهل امرك اختي |
رد: الله يستر يا بنات
اقتباس:
تسلمين خيتو انا بعد اخذ دفاستون بس حبتين باليوم شكلي بكلم دكتورتي يمكن تزيدها لي الله يسعد قلبك ويتمم حمل كل وحده حامل ويفرحنا بشوفة الضنا وضمه وشمة ريحته |
رد: الله يستر يا بنات
الله يتمم لك ع خييير يارب ويفرحك فيه زيدي المثبت ل 3 مرات باليوم انا قبل اسبوعين جا معاي دم وكتبتلي دكتورتي المثبت 3 مرات وكماااااااااااااااااااااااان الراااااااااااااااااااحه التاااااااااااااامه لاتشتغلي بالمره اهم شئ سلامة الجنين بإذن الله ويارب يارب يارب يثبتلك حملك طمنينا ام البسنت
|
رد: الله يستر يا بنات
اقتباس:
اللهم اميييييييييييييييييييين تسلمين خيتو بكلم دكتورتي يمكن تزيدها لي وراح اطمنكم واقولكم وش قالت لي ادعوا لي تكفوون |
رد: الله يستر يا بنات
الراحه ثم الراحه ثم الراحه وربنا يكمل لك حملك على خيررر وتكوني احلى ام بالدنيا ياغاليه ولاتنسي تطمنينا بعد المراجعه
|
رد: الله يستر يا بنات
سلامتك ياقلبي وماتشوفيييين شر ولله يقومك بسسسلامه ويقر عييينك بشوفة النونو
|
رد: الله يستر يا بنات
الله يتممم لك على خير ويثبت لك ضناك
|
رد: الله يستر يا بنات
ان شاء الله خير اختي انتي بس ارتاحي
|
رد: الله يستر يا بنات
بشرينا عن وضعك ؟
شوفي اذا مازال فيه دم ارفعي رجولك وانتي مستلقيه على ظهرك على مخده او مركايه حاجه زي كذا وربي يتمم عليك يارب |
رد: الله يستر يا بنات
تسلمون لي كلكم يارب وربي انكم اطيب ناس
ملاذ قلبي والله ماادري ي خيتي اليوم طول الوقت معي افرازات لونها بني فاتح تجي وتروح اول مانزلت كانت بكميه كبيره وبعدين من وقت لوقت تنزل بكميات واتصلت بالدكتور قال انذار اجهاض مبكر خليك ع ظهرك والمشكله بيتي اهملته و زوجي ماصرت اهتم له طول وقتي ع ظهر ادعوا ان ربي يتمم لي ع خير وقسم اليوم بس ابكي خايفه اخسر هالحمل وانا لي عمر كامل انتظره وماعاد بالعمر كثر اللي فات من فرص الحمل |
| الساعة الآن 07:59 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .