|
اقترب موعد ولادتي والحزن يعتريني
hwaml15hwaml15 من وين ابدا معاناتي بعد ما ضاقت فيني ما لقيت اللي خواتي في المنتدى افتح لهم قلبي هذا اول حمل لي ولله الحمد يعني اول فرحتي بس اه من فرحه ناقصه هذي اول سنه لي زواج والله خواتي احس بحزن مو طبيعي المشاكل مع اهل زوجي ومع اهلي ما تخلص مرات اقول عين انا من وجهة نظري السكن بروحي ببيت بيكون الحل لكل مشاكلي بس ما اريد اظغط على زوجي وخاصه انه الاتفاق بينا قبل الزواج انه ما نستعجل في موضوع البيت يعني نبني بيت او نشتري بدون ديون بس المشاكل اللي جاعده اعيشها خلتني ما افكر الا كيف اقدر اكون ببيت بروحي اخر مشكله كانت مع اهلي وانا الحين تقريبا ما اتكلم معاهم وموعد ولادتي اقترب وكل تفكير اني وين بجلس بعد الولاده لا انا مرتاحه ببيت اهل زوجي ولا ببيت اهلي باختصار حاسه اني تايهه والا حاز في نفسي انه انا متزوجه بعد ما عديت الثلاثين وخواتي اللي اصغر مني تزوجوا قبلي يعني كنت جالسه ببيت ابوي وكنت اقوم بخواتي اللي يولدن واخدمهن واشوف امي كيف تدلل اولادهن وتهتم فيهن في فترة النفاس يعني الحين جت علي انا اللي حاسه ماعندي احد يهتم فيني ولا يشيلني ففترة نفاسي زوجي يقول لي لا تهتمي وبيكون معي وعندي شغالتي بس انتن عارفات انه كل هذا مو كافي انا كان خاطري خواتي واللي اسمها امي تكون جنبي انا بجد حزينه انه تكون اول فرحتي كذيه احس اهلي يستكثروا علي الفرحه ماعليه خواتي طولت عليكم بس بجد كان خاطري افضفض عن اللي بقلبي
|
رد: اقترب موعد ولادتي والحزن يعتريني
والله حالتك لا تسر لا عدو ولا صديق
انا من رائي تضغطين على نفسك وتعتذرين لامك لان مهما كان هذي امك حاولي تروحين لها ومعك هديه وحبي راسها واعتذري منها وادعي ربك يسهل لك امورك ويفتح قلب امك وخواتك لك وادعي ربك انه يقلب حالك اشكي همك لربك مثل ماتتكلمين معنا الحين طلعيه وانتي سجده لربك وربي ماراح يخيب ضن عبده به وثقي تمام الثقه ان ربك بيجيب دعاك وبسطي نفسك وافرحي في اول مولود لك الله يسهل امرك ويفرج همك يارب |
رد: اقترب موعد ولادتي والحزن يعتريني
الله يحفظك انتي والبيبي ويسهل لك ولادتك ..إختي حبيبتي انا امي قبل ولادتي باسبوع كانت تقول لي(هي ف بلد وانا ف بلد ثاني) والله لو جيتك لأسوي فيك وأسوي واحطك تحت رجولي يا......... ويا........ لانو كان في مشاكل ف فترة حملي بدؤها اهل امي من الشهر 5 الين ما ولدت وللحين الله ينتقم منهم واحد واحد ولا يوفقهم .. تخيلي كنت ادعي انها ما تقدر تحضر ولادتي حت لما رحت وقالوا لي ولاده كان 5 سم ما خبرتها الا قبلها بشوية عشان لا تحضر الولادة .. مافي احد ارحم فيك من ربك وربي حبيتي قوي علاقتك بربك بترتاحي مررررررررررره هذا شيء الشيء الثاني لا تقارني حالك باحد عشان لا تتعبي وتضغطي حالك نفسيا ..يعني اللي كنتي تسوينه مع اخواتك ما بيضيع ابدااااااا (إن الله لا يضيع أجر من أحسن عملا) ثالث شيء انصحك زي الاخت اللي قبلي انك تجين على نفسك وتعتذرين لامك لانها أم وما ينفع تزعل خير شر لان حقها عظيم عليك جيبي لها هديه وحبي يديها وراسها واعتذري منها ..الخ..وهدي بالك ولا تفكرين ف اي شيء الا في البيبي الله يحفظو لك يارب وتفرحي فيه..
|
رد: اقترب موعد ولادتي والحزن يعتريني
هذي امك
في امهات يغلطون هذا شي ممكن لكن انتي بنتها و واااااااجب عليك تتحملينها عارفة انك في فترة حمل و ضغط نفسي سئ جدا لكن تبغين التوفيق و التسهيل لولادتك و بر طفلك لك مالك الا رضا امك عشان ربي يرضا عليك طولي بالك والله يحنن قلب اهلك عليك و يسهل لك ولادتك و تكون فترة نفاسك مع امك و اخواتك |
رد: اقترب موعد ولادتي والحزن يعتريني
الله يفرج كربك ويسعدك يااختي..
ويجعل ولادتك سهله ميسره وكل ماتتمنين يجيك. . وربي يجبر كسرك وضعفك |
رد: اقترب موعد ولادتي والحزن يعتريني
لا تزعلي حبيبتي الزعل مو زين ليكي
اصبري . ان شاء الله تفرج الله يسهل ولادتك وان شاء الله يكون مقدوم الطفل خير عليكي وكل مشاكلك تنحل |
رد: اقترب موعد ولادتي والحزن يعتريني
الله يكون معك
الام شو ماتقسى ع اولادها بتضل حنونة وانا اتوقع انها من تولدي رح تصالحك وماتقصر فيكي بتضل امك ورح تقولي ريما قالت :)) بالسلامة يارب ع فكرة حبيت خبرك انه انا مغتربة بالامارات وبعيدة عن اهلي وامي مارح تقدر تيجي ع ولادتي بسبب ظروف صعبة جدا وبيت حماي انا على مشاكل معهم ف انا رح اولد لحالي ومارح الاقي حد جنبي وماعندي شغالة .. بس الحمدلله ربنا معي وانا متوكلة عليه مارح ينساني ابدا |
رد: اقترب موعد ولادتي والحزن يعتريني
اللّہ يفرج همك. لا تشيلييين هم اللّہ راح يفرجهااا. بس ٱنـَyouـِتَي كثري م الدعاء ولاتنسين الدعاء سلاح المؤمن.
|
رد: اقترب موعد ولادتي والحزن يعتريني
حبيبتي الله يسهههههههل لك ولادتك بس حاولي تصالحي امك وربي ييسر لك اموووووووووورك .......
|
رد: اقترب موعد ولادتي والحزن يعتريني
حبيبتي والله العظيم حسيت بكلامك جدا كأنك تتكلمين أمامي وما حبيت ابدا اقرأ كلامك وما ارد
يا الغلا الله يتمم لك على خير تكلمي مع امك وفضفضي لها واحكيلها واشكيلها قوليلها مش كفاية اهل زوجي علي بتجيني مشاكل من عندكم كمان المفروض تكونوا انتوا راحتي مش سبب لحزني يا قلبي تكلمي مع امك وان شاء الله والله بتلاقي الوضع تغير وتحسن الله يتمم لك على خير يارب ويرزقك بالذرية الصالحة ويسعدك في حياتك ويخليلك زوجك يارب |
رد: اقترب موعد ولادتي والحزن يعتريني
البنات ماقصرو بردودهم انتي حاولي تعتذري من امك وتتقربي من خواتك واذا مانفع هالشي خلاص اجلسي ببيتك وزين انو عندك شغاله يعني ماراح تحتاجي احد واذا دخلتي المستشفى اتصلي عليها وقوليلها ابيك تدعيلي انا بولد الحين ومحتاجه دعواتك وابيك تسامحيني على كل شي صار بيننا وانتي امي ومالي غيرك.. صدقيني لو ايش ماكان بينكم بعد هالكلام راح يحن قلبها وراح تنسى كل شي وتجيك عالمستشفى .. والله يصلح بالكم انشاءالله
|
رد: اقترب موعد ولادتي والحزن يعتريني
ي عمري
مهما صار تظل امك جنتك ونارك مابالك تدخلين تولدين بين الحياا والموت وامك ماتكلمك ..! انتي سوي اللي عليك طيبي خاطرهاا بـ حبت راس وهديه علشان تبرين ذمتك ومهما سويتي وتكون ردت فعل سلبيه احتسبي الاجر عند الله لما تروحين لهاا جلسي وسولفي معاهاا انا دخلت الشهر الفلاني وباقي اغراض مااعرف ابيك معاي من هاالكلام ربي يصلح حالك ياارب |
رد: اقترب موعد ولادتي والحزن يعتريني
ما اعتقد ان امك واخواتك بينسوك او بيخلوك في الضروف هذي ولو حصل دام زوجك معاك لا تشيلي هم ياكثر الحريم اللي يولدون وهم بعيدين عن اهلهم اسال الله ان يسهل امورك ويرزقك البيت ويرزقني معاك
|
رد: اقترب موعد ولادتي والحزن يعتريني
رأي من رأي اختي بنت تبوك
قدامك فرصه ولا تنسي تدعي وقت الولاده دعاء الحامل مستجاب بإذن لله الله يهدي سرك ويطيب خاطرك |
رد: اقترب موعد ولادتي والحزن يعتريني
خواتي عضوات حوامل الله يخليكن لي ان شاءالله لا خلا ولا عدم منكن يارب خففتن عني بردودكن واحس فعلا انكن جنبي بحاول اسعى في اصلاح الامور والله المستعان ان شاءالله خير
|
رد: اقترب موعد ولادتي والحزن يعتريني
تعرفين حبيبتي ايش مستغربه منه ؟
انك تقولين اللي اسمها امي ؟؟ معليش قلبو لو مهما صار حرام نتكلم عن امهاتنا كذا بكرا بتولدين وتحسين الم الولاده والتعب وتعرفين ان الام شي عظيم وقلبها كبير حتا لو ايش ماسوت بعدين احس انتيونةنووخ حساسه زياده ، عشان الحمل وعشان كنتي معتقده اذا حملتي بتدلعين بما ان زواجك تاخر مع ان ماله شعل ابدا .. لا تقولين ابدا زواجي تإخر .. ليش تحطمين نفسك فنفسك لا بالعكس قولي الحمدلله نصيبي توه جا .. والحمدلله زوجك حبوب وحامل وامورك طيبه / بالنسبه لنفاسك حبوبه ليش ناقله هم ؟ انتي نفستي خواتك يعني ماشاءالله خبره ، وماعندك مشاكل مع البيبي بتعرفين تتعاملين معه .. روحي لامك اعتذري منها عشانها امك بس وحق وواجب عليك ، ولانك تبين رضاها وتسهيل امور ولادتك وابدي جهزي امور نفاسك ف بيتك .. جهزي حتا الحخاكل علمي الشغاله كيف تعمله او فرزيه ودلعي نفسك والبيبي بنفسك مو محتاجه احد يرحمك ويسويلك .. ماراح تموتين تطمني ، اهم شي تعزين نفسك فنفسك واتوقع من تولدين امك ماراح تقبل نفاسك فمنحح بيتك ، لو مو عشانك .. اكيد ماتبي احد يتكلم عليها وكذا موفقه خير قلبي |
رد: اقترب موعد ولادتي والحزن يعتريني
كلااام بريتي عيييين الحق ....... وصدقيني امك ماراح تخليك وبالذات لانه اول بيبي لك ..الله يفرج همك ويهون عليك ويقومك بالسلامه ........الله الله بامك حبيبتي
|
رد: اقترب موعد ولادتي والحزن يعتريني
امك ثم امك ثم امك مهما كان اللي صاير وصدقيني مارح تلقي قلبزي قلب الام وحنانه وربي يسر لكك ولدتك
حولي بكل الطرق انك تعتذري منها حتي لوهي الغلطانه خلي نفسك انتي غلطانه عشان الله يكون راضي عنك من رضي امك لك ربي يقومك بالسلامه |
رد: اقترب موعد ولادتي والحزن يعتريني
ماعليه يالغالية ربي يبدل كل حزنك فرح وسرور وسعادة
الله يجيب البيبي بصحة وعافية بكرة بس تشوفين عيونة تنسين اهلك واهل زوجك وكل العالم الله يسعدك ويفرج همك الزمي الاستغفار |
رد: اقترب موعد ولادتي والحزن يعتريني
ماااملك غير الدعاء لك
بتيسير امرك وتفريج كربك وربي يحنن قلب امك عليك وانشالله ماتفتحين عينك الا البيبي بحضنك وابتسامة امك حولك امييييييييييييييييين قادر ياكريم |
رد: اقترب موعد ولادتي والحزن يعتريني
غريبه مشاكل مع ام سبحان الله ونا الى كنت اعانى من خالتى زوجه ابي؟ واتمنى وجود الام حقيقي بحياتى (الحمد لله على كل حال
|
| الساعة الآن 04:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .