منتديات حوامل النسائية

منتديات حوامل النسائية (https://naqatube.com/index.php)
-   منتدى أعراض الحمل والوحام (https://naqatube.com/forumdisplay.php?f=8)
-   -   انا حامل باول شهري. (https://naqatube.com/showthread.php?t=185059)

ام علاو 10-02-2012 07:06 AM

انا حامل باول شهري.
 
السلام عليكم ورحمه الله
اخواتي العزيزات \
انا حامل بحملي الأول ولله الحمد...بعد 3 سنوااات
اول ماعرفت اني حامل بدايه شهر ذو القعده.....!
وماكان معي اعراض كثيره
فقط اني
انام كثير_اكل كثير
بعد اسبوع ...
كنت انام اكثر من قبل ولا اقدر افتح عيوني ...
والشي الادهى من ذلك ...
اني ماشتهي اكل ابد ولا احب ريحه الاكل كنت اتغصب الاكل حتى الماي (ارجعه)
........وغير الكتمه الي ع صدري الي ذابحتني احس صعوبه بالتنفس وخصوصا دخلتي الحمام تجي لي دوخه واحس ان بتطلع روحي..واطلع بسرعه
وقلبي يدق بشكل سريع ..
هالشي موترني ومو مخليني اعيش طبيعيه ..
رحت للدكتوره عطتني حببوب (النافيدوكسين ( Navidoxine ))للغثيان..
قالت لي استخدميه وقت اللزوم وانا خايفه اظل استخدمه فتره طويله ويأثر علي......

والحمدلله قمت اكل لكن مو كثير ..اكل وجبه باليوم وشي بسيط ..
لاني احس بخنقه من الاكل احسه بيوقف بحلقي وماقدر اكمل

..
لعلمكم عملت تحليل دم وبول للجرثومه فقط
اما تحاليل السكر وو ..بالشهر الثاني او الثالث

لعلمكم انا معي تسكر (فولي)نسبه اقل من 40
والقولون العصبي
لهالدرجه حملي صعب..
ولا في اسباب ادت الى هالامور؟...
خاااااااااااااااااااااصه ...
الكتمه ..وسرعه دقات قلبي..والخنقه بالاكل..
غير كذا دايم ابلع ريقي هالشي يضايقني ..



ام علاووو..>>مستقبلا

shere 10-02-2012 07:29 AM

رد: انا حامل باول شهري.
 
عادي حبيبتي فيه كثير زيك موبس انتي يختلف الحمل من وحده وحده
استمري على الحبوب واهتمي بنفسك وكثري من المويه واستحملي الله يعينك كلها 3 شهور وينتهي الوحم وترتاحي هادي ضريبه الامومه
الله يثبت حملك وتشوف كامل بعد 9 شهور تامه

ρυяỉтч • 10-02-2012 07:36 AM

رد: انا حامل باول شهري.
 
يا حبيبتي انتي .. مبروك النونو الجديد وتحمليه وتجيبيه بسلامه يارب
قولي يارب ارزق والدتي الجنه كل ماحسيتي ب الاعراض ذي
وكل البنات نفسك لاتقلقين .. وتختلف من حمل لحمل طبعا
اهم شي تاكدي من ان ماعندك ضعف دم يسببلك الاشياء ذي
انا معي قولون عصبي ويختلف الحمل معي ، فيه حملات الله لايوريك نفسك كذا
وفيه حملات اخف شوي
اما دقات القلب ف انتي مستوعبه ان فيه كائن صغيرون بداخلك ؟ يحتاج طاقه وجهد .. توه بادي يكون نفسه ؟
ظنك بيتكون بدون مايإثر على قلبك ولا تحسين ب اجهاد وزياده بدقات القلب
طبعا لا لازم الاجهاد ودقات القلب ذي لان بداخلك فيه كائن جسمك كله يتساعد عشان ينمو ويتكون
انتي اقري كيف يتكون الجنين راح تستغربين سبحان الله الجهد والطاقه اللي جسم الام يبذلها عشان يقدر يكون الجنين والمشيمه
اللي حاليا اعتمادهم الكلي عليك ،
وتطمني حتا لو ماكلتي كثير الحمدلله جنينك حاليا مو محتاج ذيك التغذيه لاتنقلين هم ، اهم شي حمض الفوليك
وكلها شهر او اقل ويخف الوحم وتنسين هالتعب ذا كله وتعيشين ايام ااشهر الوسطى راحه نفسيه ولا تعب ولا ثقل
بالسلامه حبيبتي

ام علاو 10-02-2012 07:53 AM

رد: انا حامل باول شهري.
 
حبيباتي
مشكووورات ع الرد الرائع ..!
عارفه كل وحده حملها يختلف
وانا عارفه انو اول حمله (البكر) يتعب حيل
بس انا الي اشوفه احس معي اعراض غير الحمل
خصوصا دقات قلبي ..
والكتمه القويه
....ومثل ماقلتي اختاه انو بجسمي ينمو طفل يمكن من كذا دقات قلبي تقوى
بس هالشي مضايقني اني ماقعد جنب احد ولا اطلع ولاشي

.....
وان شاء الله يخف هالوحام حق اتحمل الامور الثانيه
لاني مو قادره اتحملها كلها بمره وحده
لدرجه حتا السباحه مو قادره اسبح اختنق حيل بالحمام ..

كلا ابغى مكان بارده وابغى انبطح ..لعلمكم انا قليل ماتحرك
مو عارفه متا ابدا بالرياضه والحركه ..؟

ام علاو 10-02-2012 08:05 AM

رد: انا حامل باول شهري.
 
ودي اعرف ايش المؤكولات والمشروبات
الضاره والمفيده
وبعض من النصائح..
لاني ماشفت مواضيع يخص هالشي بالمنتدى..

فوضت امري لله 10-02-2012 08:16 AM

رد: انا حامل باول شهري.
 
ياقلبي الله يثبت حملك ويقر عينك فيه

هذي مواضيع تفيدك ان شاء الله

http://forum.hwaml.com/t181962.html


http://forum.hwaml.com/t185045.html

ام علاو 10-02-2012 08:22 AM

رد: انا حامل باول شهري.
 
فوضت امري

مشكوره عيوني
والله يرزقك اذا ماعندك

مياسوه 10-02-2012 09:27 AM

رد: انا حامل باول شهري.
 
الله يهونها عليج ادعيلي بالحمل

{رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ}
{رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ}
{رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ}

انهار 2015 10-02-2012 09:34 AM

رد: انا حامل باول شهري.
 
الكتمه ..وسرعه دقات قلبي..والخنقه بالاكل..
وبلع الريق كلها اشيا طبيعيه ياقلبي اي وحدة راح تمر فيها
والحبوب مامنها مضرة وقت اللزوم تستخدميه
فترة وتعدي انصحك عيشي كل لحظه بلحظه صدقيني
ماااكو شي يجي بدون تعب اما اذ كنتي ترجعي
فاانصحك اول مابتصحي من انوم تاكلي بسكوت مالح
او اشربي زنجبيل وبعد انصحك تعتمدي هالفترة عالسلاطات
سوا فواكه او خضار حتى تمري من هالفتره واسئل الله لي ولك الذريه الصالحه يارب

ايات محمد 10-02-2012 09:50 AM

رد: انا حامل باول شهري.
 
اختي اذكرها لما كانت حامل من قو دقات قلبها ماتقدذ تنام على جنبها اليسار لاتخافين حبيبتي عادي

ام علاو 10-02-2012 01:41 PM

رد: انا حامل باول شهري.
 
مياسوه ..
الله يرزقك بالحمل السليم عيوني ..

سمااا..
صج ولله توي احس بتعب امي فيني ..
والله يصبرني واشوف مولودي بحضني
..المشكله الكتمه تصاحبه الدوار حتا بالصلاه احس اني بطيح
بالنسبه للبسكوت الحمدلله مع اني ماحب اكل شي بس مداومه عليه وبعد الحبوب بعد مخفف علي
ونصحوني بالزنجبيل كمان راح اجربه ..لكنه عالريق ولاعادي؟

طيب في شغلات تخفف النساه نهائي؟؟


ايات محمد...

عادي حبيبتي انام عالجنبين بس فعلا اذا نمت عاليسار تزيد النبضات
واذا زادت النبضات تزيد الكتمه


الله يرزقكم يارب

حفيدة الامير 10-02-2012 02:11 PM

رد: انا حامل باول شهري.
 
الله يهون عليك حملك وولادتك
ويبلغك بشوفة طفلك سليم معافى
ادعولي بالذريه الصالحه المعآفاه
ربي لاتذرني فرداً وأنت خير الوارثين
ربي بشرني بما أنتظره منك فأنت خير المبشرين

درين 10-02-2012 04:02 PM

رد: انا حامل باول شهري.
 
الف مبارك عليكي الحمل الله يقر عينك بشوفته يارب

لا اله الا انت سبحانك اني كنت من الظالمين رحيم ارزقني و كل اخوتي الذرية الصالحة المعافاة وجميع المحرومات

لولو الفلسطينية 10-02-2012 04:10 PM

رد: انا حامل باول شهري.
 
الف الف مبرووووووووووووووووك و ربنا يتمملك على خير
انتبهي على نفسك حبيبتي و ان شاء الله ما بصير الا الخير

ام علاو 10-10-2012 10:52 AM

رد: انا حامل باول شهري.
 
حفيده ا
درين
لولو
الف شكر لكم عالمرور الرائع
للله يرزقكم بالذريه يارب

ام علاو 10-10-2012 10:57 AM

رد: انا حامل باول شهري.
 
يابنوتات
انا استخدمت حبوب
النافيدوكسين
لمده ثمانيه ايام متواصله والحمدلله احس بلوعه لكن مافيه ترجيع
لكن بعدها خاصه هاليومين الي مرو علي تعبت حيل
لدرجه حتا الماي اخاف اشربه
تلووع كبدي من كل شي ..
ادا اكلت ع طول ارجع وحتا الحبوب ارجعه
للعلم اول ماصحا من النوم اكل بسكوت مالح..
ودايم احس بالجوع واذا جعت يزيد الغثيان ...
انا تقرييا الان بشهر الثاني..
قمت اتهرب من الغثيان بالنوم كلا انام .
واصلا نساتي بالنوم وسد الشهيه

افيدوني يابنوتات

رونزا 10-10-2012 11:04 AM

رد: انا حامل باول شهري.
 
انا اول 3 شهور كثير عانيت من فقدان الشهية التام والترجيع والخمول.. حتى اني كنت عايشة بس على الفاكهة والحليب واغصب نفسي عليهم. وكنت اخذ حبوب الفولك اسد لانها مفيدة .. لاتخافين حبيبتي عادي اعراض الوحام هذه لكن كثري من الفاكهة والخضار والحليب لانهم ضروريات في هذه الفترة لك وللجنين

ام علاو 10-10-2012 12:57 PM

رد: انا حامل باول شهري.
 
حببيبتي
ولله احاول اغصب نفسي
بس ماتقبل اشيا خشنه زي الفواكهه مع ان نفسي حيل فيها
مثل الفراوله والرمان والسفرجل والموز..
وحتا الحليب ماشربه كثير
واذا بشرب حليب فراوله ..
ودي اكل بس ماتحمل الترجيع يخنقني خصوصا اذا مانهضم الاكل..
وحمض الفوليك اخذه الحمدلله..
....طيب ايش الاكلات الي تسبب غثيان وايش الي مايسبب غثيان
لان انا اكثر شي ..احب اكل خبز وجبن عشان اسد جوعي بس..
او بيضه مسلوقه ...

ام علاو 10-14-2012 09:54 PM

رد: انا حامل باول شهري.
 
بنات ابي اعرف بالنسبه لبلع الريق باستمرار باي شهر هذا يروح


الساعة الآن 07:01 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .