|
قصة طلاقي من زوجتي
السسلام عليكم هذا قصه قريتها
قلت لانه حنا كثير نسمع القصه من طرف المراه ولا مرره سمعنا عن طرف رجل قريت القصه قلت انقلها بس ماودي أقول قصتي لكن أبقولها يمكن تأخذ العبره والعظه و أبيك تأخذها لك قاعده وأعتبر وأتعظ ( إذا جيت تتزوج أخطب بنت متدينه ( مطوعه ) وإلا بنت تقرب لك وتعرف طبع أهلها عز المعرفه أو خل أختك إذا كانت عاقله تخطب صديقتها لك لأن الزوجه محد يعرف معدنها إلا صديقتها وانتبه ثم انتبه ثم انتبه من أمك وإلا أختك إذا قالت لك والله آل فلان يقولون أن عندهم بنت دينه وخلوقه وشكلها بنت أجاويد وأنتي يابنت أتقي الله أن جيتي تخطبين لأخوانك ولاتخطبين لأخوك إلا وحده تعرفينها عز المعرفه وتعرفين طبايعها زين ) زي عادة كل شااب بعد مرحلة المراهقه يمر بمرحلة الركود وهي مرحلة الزواج قلت لأمي أخطبي لي بنت سنعه والدنيا كلها فتن قالت والله ياولدي ماعاد في بنات سنعات مثل أول. جاني نوع من الاحباط وكنسلت موضوع الزواج لكن أمي وأختي الكبيره ماصدقتو أفتح الموضوع حتى شبوا علي بالزواج خطبنا كم مره من ملتزمات نعرفهم لكن للأسف مافي نصيب ومن كثر ما أشوف من وصاخة بنات المدن كان شرطي الأساسي تكون من قريه طبعا خطبت من قريه قريبه من الرياض ( وياليتني ماخطبت أثر الخير و الشر في القريه وفي المدن ) وكنت دايم أدخل للسوق مع خواتي وأشوف الوصاخه في المحلات وأشمئز وتقول لي أختي ياخوي لاتوصخ عيونك في هالحثاله الدنيا فيها بنات خير جتني اختي فرحانه وتبشرني تقول والله لقينا لك بنت تهبل وسألنا عنها ويقولون بنت أخلاق ودينها ماعليه وعباتها رأس ومره كتف فضفاضه قلت لا ما أحب تخطبون لي بنت مدري وش طبعها لكن أصرت علي وقالت لاتفوتك يا خيي نصيحه. بعد الإصرار وافقت وتقدمت وخطبت وتملكت على البنت قبل زواجي بشهر كنت مع أختي في صحارى مول علشان تجهز لعرسي وكانت زوجتي في نفس اللحظه في الرياض تجهز لزواجنا فجأة لقيت زوجتي مع بنت خالتها ألي عايشه في الرياض في أحد الماركات ( طبعا عرفتهم من أخو بنت خالتها الصغير ) وأنا أمشي في أحد الأسياب فجأة شفتهم ورجعت أتأكد وأغمض وأفتح زين أثرها زوجتي ولابسه العباة الكتف الوسيعه ونقاب والبنطلون و بنت خالتها ومعهم الولد الصغير ( ينقالك حاطينه محرم لهم ) شفتها في ابتسامات وضحكات عابره مع العامل الأبيض القذر جاني نوع من الصدمه النفسيه سحبت أختي الكبيره بيدها قلت لها شوووووووووووفي . شافت أختي زوجتي حطت أختي يدها في فمها من قوة الموقف وقالت لا ياأخوي تأكد يمكن مهيب هي . قلت حسبي الله عليك شوفيها زين وأنا أعصابي متوتره . طبعا كانوا في نهاية وصاختهم وسواليفهم مع العامل نحشت أنا علشان ماتشوفني وأختي قربت منها حتى تأكدت زين انها هي . وألي قهرني زود وهم طالعين من المحل وكان واحد سعودي داخل هو وحرمته وطاحت عينه بعين زوجتي يوم غطت عيونها زوجتي طلعنا من السوووق ركبنا السياره ماتكلمت أختي بأي كلمه لأني لو تكلمت أبنفجر عليها دموعي بدت تنزل من القهر وأتحسب الله على أهلي يوم خطبو لي بالطريقه ذي وصلت البيت أغتسلت في الملحق وتوضيت وصليت ركعتين وحمدت ربي أن الله كشفها لي قبل أدخل عليها طبعا كنت أنتظر اتصالها آخر الليل ورن التلفون ..... رفعت السماعه زوجتي : آلو هلا قلبي كيفك ؟ أنا : ساكت زوجتي : خالد وش فيك ؟ أنا : نعم وش تبين ؟ زوجتي : قلبي عسى ماشر وش فيك ؟ أنا : وينك فيه اليوم ؟ زوجتي : اليوم أنا في الرياض وشريت لي أغراض أنا : ماشاء الله وعساك خلصتي من التجهيز زوجتي : يعني مابقى شي وأخلص أنا : طيب وش شريتي من محل وجوه ؟ زوجتي : سكتت ( وكأنها متورطه ) ؟ أنا : عساك خلصتي من الأجنبي وشريتي غرضك ؟ زوجتي : وش تقول أنت وش قاعد تخربط ؟ >>>>>>> ينقالك تبي تصرف أنا : شفتك اليوم سواليف وابتسامات تصدقين حسبت أن العامل أخوك وأنا ما أدري . زوجتي : خالد أنا قاعد أتسوق وش فيك ؟ أنا : لا ياشيخه وألي يتسوق يسولف ويتبسم وألا يحشم نفسه وياخذ غرضه ويمشي !!!!!! زوجتي : قلبي والله مافي أحد غيرك في دنيتي لاتفهمني غلط بعدين عادي مجرد ابتسامات عابره >>>>> ينقالك تبي تمشيها علي أنا : ليه لو اخوك وإلا أبوك معك تبي تبتسمين في وجهه ؟؟؟؟؟؟؟؟ زوجتي : خالد . لا أسمع . والله العظيم مهوب قصدي شي . أنا أصلا ماعطيته وجهه .... إلخ >>> قامت تلخبط بالكلام ولاعرفت وش تقول أنا : جاوبي على سؤالي لو أبوك وأخوك معك تبي تبتسمين في وجهه وإلا لا ؟؟؟؟؟ زوجتي : ساكـــــــــتـــــــه أنا : ورى ماتردين وإلا أنربط لسانك ؟؟؟ بعدين وراك غطيتي عيونك عن الرجال ألي دخل هو وزوجته ؟؟؟؟ زوجتي : خير بعد رجال ولازم اغطي عيوني عنه ؟؟؟ أنا : لا يااااشيخه وألي تبتسمين وتضحكين معه وعيونك بعيونه مهوب رجال ؟؟؟؟؟ زوجتي : خالد أنا آسفه ماكان قصدي أنت فهمتني غلط ............ إلخ أعذار مثل وجهها أنا : تراك طالق زوجتي : نععععععم أنا : ألي سمعتيه أنتي طالق ومايشرفني تكونين زوجه وأم لعيالي وورقتك يوم السبت تبي توصلك زوجتي : خالد لا تكفى أنا أحبك >>>> وهي فيها الصيحه أنا : قفلت السماعه في وجهها والليل كله وهي تدق مع رسايل ترجي وقفلت جوالي وماقدرت أرقد من القهر ( طبعا منقهر من أهلي يوم خطبو لي وحده مثل ذي ) جاني أخوها الكبير من بكره يدق الباب طلع له أبوي وخلاه يدخل في المجلس ثم طلعت له أنا قال وهو معصب : على كيفك بنات الناس لعبة عندك قلت : قلت ليه هي ماعلمتك وش هي مسويه ؟؟؟ قال : تقول أختي أنك طلقتها علشانك ماتبيها من غير سبب وأنها ماعجبتك >>> حسبي الله عليها شينة وقوية عين بنت أبليسسس قلت : مادامها تقول لك كذا أجل أسمع مني العلم الصحيح طبعا علمته بكل ألي صاار الرجال حول ماينهبل ويقول لا مستحيل ذي أختي وأعرفها قلت : عاد هذا ألي صار الرجال دق على أخته عندي وحط سبيكر وسألها عن ألي صار وهل هذا صحيح وإلا لا زوجتي : ماعرفت ترد من الصياح أخوها قال لها : الله يسووود وجهك قولي آمين مثل ماسودتي وجيهنا ياحقيره وسكر السماعه أخوها قال أخوها : الله يستر عليك يا خالد تكفى أستر على ماواجهت منا ( طلع ولد رجال ) قلت الله يستر عليكم في الدنيا والآخره ولا عاد تجدع البنت في محل إلا ومعها رجال قال : رايحها مع بنت خالتها قلت : بنت خالتها مهيب محرم لها و مثل نظامها طلع من البيت وهو متوتر ومستحي ومايدري وين يودي وجهه فيه طبعا أمي وأختي جلسووو شهرر مايكلموني ومالهم وجهه يكلموني من عقب هالمصيبه ألي بغواا يطيحوني فيها لكن الحمد لله على كل حال ولعلها تخفيف لذنوبي علما أن قصتي واقعيه ومستعد أحلف لمن لم يصدق لذلك أحذر من أهلك إذا قالولك يقولون أنها بنت متربيه ويابنت أتقي الله أن جيتي تخطبين لأخوانك ألي عنده تعليق يتفضل سبحانك اللهم وبحمدك استغفرك واتوب إليك |
رد: قصة طلاقي من زوجتي
البنت ما غلطت
ليش هو مكبر السالفة يمكن ما قللت ادبها مع الاجنبي اذاا تكلمت مع العامل معناتها جريمة يعني اذا تكلمت باحترام وش فيها !!! انا احس انه تسرع وما يحكم ع بنت الناس من موقف واحد |
رد: قصة طلاقي من زوجتي
السلام عليكم ورحمة الله هذا اول مشاركة لي و فعلا جذبني الموضوع وانا ابحث في العم جوجيل اول اخوي الله يعوضك خير منها و يعوضها خير منك بصراحة اعجبتني ردت فعلك و ما كان له داعي تصرفها نهائيا خصوصا انها قاعد تتجهز لزواجها يعني لك . اذا هيا في الحالة هذا وما احترمتك ولا قدرتك كيف بيكون بعدين . الاخت اللي ردت و تقول خير يعني صارة قضية اذا تكلمت مع العامل ؟ الرجال يقلك ضحك و سوالف و ابتسامات ابش عني ؟؟ يقربلها مثلا ؟؟ انتي بسئلك سؤال لو انك مع زوجك في محل و البائعة بنت شابة حلووة و بدت تضحك و تعرض البظاعة اللي عندها وزوجك ابتسم لها بتخليه في حالة ؟؟؟ و الله لا تطربقي الدنيا فوق تحت . اهجدي بس ... اخوي الله يوفقك و يرزقك . تقبل مروري و اسف ااذا كان ردي قاسي . . |
رد: قصة طلاقي من زوجتي
هدا واحد معقد كلنا نتكلم مع البايع اجل شلون نشتري بالاشاره مثلا
اشوى افتكت منه واساسا هو من قبل الخطبه يقول اشوف وساختهن بالاسواق يعني تفكيره كله منصب ع الخراب ياما رحنا اسواق ونشوف اللي مايطلع منها وزي مافيه الطالح من البنات في من الشباب وياكثرهم وترا حسيته شكاك والشك يخليك تصور اشيا مالها وجود البنت لو تبي تسوي سوالف ماسوته بمكان مكشوف زي السوق وبعدين قال غطت عيونها لما دخل سعودي مع حرمته يعني لوراعيه خراب ماتغطت !!!!!!! سبحان الله ربيي يحبها نجاها منه تقول ضابطها بمكان مشبوه او خلوةة شكل امه تبي تزوخه لجل ترتاح منه واخته بعد يحسبنه مسوي انجاز انه طلقها الا افتكت منك |
رد: قصة طلاقي من زوجتي
انا راي هو تسرع كان ممكن يواجهها ويقول لها انه يرفض دلك التصرف ويعالج المشكلة لكن الظاهر انه يرغب بحورية من حور العين لايعلم بانه عايش في الدنيا وليس في الجنة
|
رد: قصة طلاقي من زوجتي
اعوذ بالله وش هالتخلف والعقليه المعفنه على طول طلقتها ايش ذا الله لاببلانا كانها فصخت ملابسها قدام الرجال
|
رد: قصة طلاقي من زوجتي
يووووو شفيكم!! افهمو الموقف عدل وركزو
يقول لكم الرجال طايحه سوالف وضحك مع ذاك الرجال الثاني اللي بالمحل يعني بالله ترضونها على انفسكم ..!!؟؟؟ عمومآ قصه جميله والزم ماعلى الرجال كرامته .. |
رد: قصة طلاقي من زوجتي
لامنطق لانسان يحكم بالقصه من جهه واحده
ويسمع من طرف واحد وكمان رجل !! مو من حقنا نحكم اذا هي تستحق او لا سمعنا وجهة نظره العقيمه الواهيه اللي لاتملك ادنى منطق ضحكت وتبسمت قال يستهبل علينا حضرة جنابه ,, محل مكياج كيف الوحده بتشتري اذا ماتكلمت ومحل مثل وجوه مليان بالماركات المختلفه طبيعي الوحده تسال وتستفسر عن ايش الافضل وايش ناقص ولا هي انسانه على حد اقواله قليلة ادب ماكانت غطت عيونها من الرجال يوم انها طلعت لان هي بكل الحالات كانت لوحدها مع بنت خالها فلو فرضا اخلاقها سيئه ماكان غطت عينها وكان مشت وتبسمت وتضحكت مع الكل صراحه احمد الله ان الحرمه هي اللي افتكت منه ومن عقليته المريضه التفاهه ويدور ويلقى وينصح على اساس انه هو امام مسجد ,, يكفيكم يابنات تملق ونفاق على بنات جنسكم ,, ولا خلاص سمعتو من طرف واحد قلتو ايوا وتستاهل احنا ماندري يمكن عند الله افضل منا بس مشكلتنا نحكم من كلام الله عالم هو وش سكير ولا عربيد ولا مدخن ولا فاشل وجاي يدور الملاك الطاهر ويناقش وكشفتها على حقيقتها ربي ساتر عليك الله واعلم ايش مراهقتك وايش مسوي قبل ,, ماحد يدقق بتوافه الامور الى الانسان الصايع اللي من كثر مالعب وشاف يبي وحده من جحر الضب تتزوجه ماتعرف شي بهالدنيا لكن يكون في علمه ان على قد نياتكم ترزقون ______________________________ صاحبه الموضوع اشكرك على طرحك |
رد: قصة طلاقي من زوجتي
والله انا اشوف انو البنت ما غلطت لا هي عطتو الرقم ولا كشفت وجهها عندو ولا لمسها البنت فرحانه وتتسوق عشان عرسها ايش ,,, حسبي الله ونعم الوكيل الله يعوضها بلي تحسن منه يارب
|
رد: قصة طلاقي من زوجتي
الرجال يقوووول قاعده تسولف وتضحك مع العامل
مو قاعده تكلمه عادي,, زي لما الوحده تبغى تعرف حاجه وإلا تاخد غرض تسأل ويجاوب العامل لا هذي تسولف وتضحك,,,,, ركزوا شوي بالقصه.... |
رد: قصة طلاقي من زوجتي
ركزنا ام اصيل ,, ركزتي انتي طيب
قال شفتها من بعيد ,, حتى مادخل المحل ولا درا هي تضحك ولا تسال ولا تتكلم وايش مقياس الضحك الفاحش انا اقولك ,, الضحك الفاحش اللي يجي بصوت عالي اولا ,, اللي يصحبه حركات وترنحات يمين وشمال واللي يصحبه صوت مبالغ فيه ودلع فاضي هو شاف كذا قال شفتها تضحك ومن بعيد بعد بالله عليك شفتها من بعيد تضحك وحددت وحكمت انها قليلة ادب ومو متربيه واخلاقها فاشله ,, الله من السمع ماشالله يوم سمعت ضحكتها وسواليفها مع صاحب المحل من بعيد ومن النظر الثاقب يحترم عقولنا صاحب القصه ,, |
رد: قصة طلاقي من زوجتي
لاتعليق
والله لا ذحين ومن الردود والقصه ما عرفت من الغلطن هى ولا هو |
رد: قصة طلاقي من زوجتي
مالت عليه من ذكر أنا من قريت القصه وعرفت إنه هالشخص مريض نفسيا آآآآآخ بس لو رديت عليه شخصيا كان عرف قيمة نفسه , وبعدين طبيعي إحنا يوم نشتري ناخذ ونعطي مع البائع حتى لو صار ضحك مب شرط هالضحكه يت من وساخه يمكن مع محاولتنا ننزل من السعر ومن هذا وذاك يصير موقف يضحك, أصلا هالانسان مب طبيعي موووول و أتمنى ياخذ وحده مريضه نفسه عشان ما يحكم للبنات من طريقه أو لبس أوووف خاطري أكفخه والله قهرني و إلي قهرني أكثر البنات إلي واقفين بصفه و إلي ما عندهم سالفه هالنوعيه تييب المرض... الحرمه تلاقيها من وين؟!!!
|
رد: قصة طلاقي من زوجتي
انسان تافه مريض وذو عقليه متحجره وتخلف واضح
ماعنده ثقه بنفسه ولا باي حد لا بنات ولا رجال يحتاج معالجة نفسيه الله يشفيه اصلا هو يعرف ايش مسوي والله العالم قد ايش ماضيه وسخ اللي على قولتة ( مرحلة المراهقه) وهذي الجمله هي حجة كل شباب العالم الوسخين كنا في مرحلة مرااااهقه !!! يعني لعب وزنا وفحوش وفجور والله العالم ايش كمان وفي الاخير يجو يتزوجو وما يدورو الا اشرف واعف بنت في الدنيا واذا لقاها مو معدله لبسها بالغلط ينتفض مثل اللي فيه مس , لانه ماعنده ثقه بشي وكل يشوف الناس بعين طبعه واذا حد لامه وقال وانت سويت وسويت وسويت بكل بساطه وثقه يردو ( مرحـــلة المراهقه ) شي يعصب من جد ويطلع الضغط الف واللي يقهر اكثر ان البنااااات اتعاطفو مع صاحب القصه ؟؟؟؟؟؟ يعني انتي صفيتي معه وحكمتي انه معه حق بمجرد انو شافها من بعيد تسولف وتضحك ؟؟؟؟ يمكن كانت تسال عن الميك اب و يمكن صاحب المحل اللي قاعد يسولف ويضحك وهم مضطرين يوقفون معاه ويشترو منه يمكن ويمكن ويمكن يا خواتي ( التمس لاخيك المسلم الف عذر ) !!! وهو راح علطول طلقها اصلا البنت ملثمه ومغطيه وجهها شلون شافها تضحك عليه ما يستحقه هو وكل الرجال الظالمين اساسا هو مو رجال ولا يستاهل يتزوج الا من وحده توريه ايش يعني الضحك والسوالف مع الاجانب اعوذ بالله صرنا في زمن نكذب الصح والحق مع انه مثل الشمس واااضح ونلتمس العذر والف عذر للي نسمع منه القصه ومن دون حتى تفكير ولو فرضا كانت فعلا واقفه تسولف وتضحك وغلطت خلاص كفرت ؟؟؟ يعلمها يواجهها يكلمها يفهمها حرام وعيب وياويلك يحصل كذا مره ثانيه ووووو الخ مو يروح يطلقها خلاص حكم انها مو شريفه هو وكل اللي معه حكم انها زانيه فاسقه وسخه مع انه شافها وهي تغطي عيونها لما جى الرجال واستغرب ليش فتحتهم قدام صاحب المحل غريبه صح عنده حق مافي داعي تفتح عيونها تتفرج البضاعه تغمض وتلمسها والا لا تلمسها بعدين يقول بينت يدها لاجنبي وكذا احسن شي ولا تاخذ شي ولا تشتري شي ولا تسوي شي ذا العدل والعداله والشرف والامانه!!!!!!!!!!!!!!!!!!!!!!!!!!!!!! :( فيس معصصصصصصصصصصب |
رد: قصة طلاقي من زوجتي
لاحول ولا قوه الا بالله ابليس يكبر المشاكل
|
رد: قصة طلاقي من زوجتي
ما شاءء الله جالسسة تضحك مع الرجال و تتوقعووون شيء عااااااااادي!!!!!!!!!!!!!!!!!!!!
الله يرزقه بلي احححسن منها وتكووون محترمةة** |
رد: قصة طلاقي من زوجتي
يا بنات هو شافها من بعيد تسولف مع ابتسامات
يمكن تجادله ف غرض او انه هي اساسا فرحانه ومزاجها رايق وش فيها لو ضحكت بدون قصد خبيث وش هذي العقليات !!! الله يجيرنا |
رد: قصة طلاقي من زوجتي
كفو أنك رجال و نعم الرجاجيل
و اللي جالسه تبرر الموقف ضحكه شريفه و ضحكه خبيثه اجل فيه كذب ابيض و كذب اسود المرأه المحترمه ما تضحك و لا تتغنج قدام رجال اجنبي و حتى لو صارت فيها ضحكه تكتمها قدام الرجال الاجنبي عيييييييييييييييييييب حراااااااااااااااااااام وين راح الحيا يا عيب فيكم بنات يا عيييييييييييييييييييييييييب |
رد: قصة طلاقي من زوجتي
و بعدين حتى لو موضوع تنزل السعر مع العامل
في كلمات محترمه و اذا ما رضى مو غصب ترى مو تقعد الوحده و انا شايفه قدام عيني و سامعه عيوني عشششششاااااااااااااان خاطري لا طاب خاطرك ياللي ما تستحي اخوك و الا زوجك هو عشان خاطرك البنت المحترمه محترمه لا ضحكه و لا نظره و لا هم يحزنون قلللللة أدب |
رد: قصة طلاقي من زوجتي
اقتباس:
ملاحظه إكثروا الشباب إلي يدخلو بنك بنات فأتمنى الحذر منهم... |
رد: قصة طلاقي من زوجتي
اهم شي صلاة الاستخاره وربي يختار اللي فيه الخير للانسان
وبصراحه الزين والشين في كل مكان ان كانت قريبه ولا بعيده من قريه ولا من مدينه |
رد: قصة طلاقي من زوجتي
انا برايي يعني هي الي سوته غلط
واي رجل مايرضى وهذا صحيح بس مو معنها ينتهي كل شي بسهوله يعني مافي ذرت حب وهو يقدر يفهمه ويقولها انا ماحب كذا اذا سمعت اوكيه واذا استمرت خلاص يقدر ياخذ القرر يعني الرجال اناني بطبعه يعني هو اذا سوه كذا عادي واذا المراه اغلطت مصيبه وكل شي فيها الله يهديه وان انتقده على شي ةاحد عشان اهله زعل منهم ماله داعي خلاص هو نصيب يعني اعشرها وبعدين اخطبها مو معقوله وهو نصيب ربي كاتب لها كذا مششكورين لكل الي قروالقصه وعلقو |
رد: قصة طلاقي من زوجتي
لو أنه نصحها بأسلوب حلو..كان كسب رضا ربه وكسب فيها أجر
وممكن حبته أكثر وحبها اكثر لأنها استجابت لنصيحته...... |
رد: قصة طلاقي من زوجتي
بصراحه انا قريت القصه وكل شويه اكول واحد فيهم غلطان
طبعا هو الغلطان لانه ماحاول يصلحها اذا هي غلطانه بنظره ويكسب فيها اجر وكان المفروض ينصحها بلين وكل وحده معرضه بالاسواق للكلام مع الاجانب بس مو معاناه اننا ندور قلة ادب معهم,, اما غلطها هي فهي كذبت عليه وخسرت ثقته يوم كالت له اني كنت في الرياض وهو شافها بعينه كان المفروض تكون صادقه معاه وماتخفي عنه او تكذب عليه وهي في مكان اخر لانه هي شرعا وقانونا مسؤله منه امام الله وصارت زوجته,, كان المفروض تتكلم بصدق معاه هي من بداية المكالمه كانت تكذب وهذا الي خلاه مايثق فيها ولاحتى بتصرفها,, الطلاق مو شي سهل حتى الانسان بسرعه يتخذ قراره وان كانت هي غلطانه فكان يكدر يصلح غلطها ويغفر ك>بتها ويطول فترة الخطوبه ويتأكد اكثر من اخلاقها وتصرفاتها,, |
رد: قصة طلاقي من زوجتي
والله ماقدر احكم من طرف واحد بس من وجهه نظري البنت ماغلطت البنت فرحانه وتجهز لعرسه وحتى لو تسوالف اكيد بتساله عن الماركات ماهي سالته عن اهله. ..واستغفر الله ما احب الرجال الموسوس اتنرفز منه...والمسكينه الناس ماراح يرحونه من الكلام....
|
رد: قصة طلاقي من زوجتي
مرحبا ... حبيت اعلق ع الموضوع ... في الموقف اللي قلت ورائيي بكل صراحه .. اعتبرها قليلة ادب .. ووقاحه
مخطومه وبذمة رجال وتسوي هالحركات اجل ..... معليييييش تستااااهل ... اللهم لاشماته ... بس لكل شي حد ولا تتعداه تاخذ غرضها وتطلع .. تشم عطور وتتنقى مافيها شي .. بس ابتسامات وضحك وسوالف خييير ... تندرج هالحركات تحت ضل قلة الادب والحياء .. واساسا ماينوثق فيها لو سامحها ورجعت معه مسسستحيل باقي يثق فيها ... عشان كذا حل الطلاق حل مناسب ويمكن هي كمان تتعلم من غلطها ... وعسى في ذالك خير لطرفين ... بس نقطه اخيره .. لو تزوجة مره ثانيه اجعل الثقه اول ما تمنحه شريكة حياتك مادامت تستحق ... وشكرا |
رد: قصة طلاقي من زوجتي
خير والله خير الحمدالله وشكر
وش هالتعقيد وليش كذا شكاك طيب يمكن البنت كانت تتكلم وتسأل متحمسه وبنت خالتها ضحكتها بشي ولا موقف صار زمان وضحكو وهو شافهم كذا ودليل ماجلس يراقب على طول عصب و سوا سالفه يأكثر ماتصير لي مواقف واضحك ؤانا بعد من النوع إلي يخاف يتكلم مع إلي يبوعون لازم معي أحد يسأل بدالي واذا جيت أعطيها الكلام أحيانن تقوله غلط واضحك وهي تضحك إلي يشوفنا وش يقول بيقول يضحكن مع إلي يبيع ؤانا وربي مو يمه اضحك على إلي معاي تتكلم غلط والبنت محترمه ودليل غطة عيونها يوم دخل الرجال هذا يكفي مكان عندها أحد وش يخليها تغطيها إلا أنها محترمه وتخاف ربها وكلً يرا الناس بعين طبعه والله يستر عليها والحمدالله فكها الله منه والله يعوضها بخير أن شاءالله |
رد: قصة طلاقي من زوجتي
بصراحة سجلت بهالمنتدى بس لارد ع هالموضوع الاستفزازي
أولا واضح انه الغلط من صاحب القصة والى بفتخر انه طلق مرته واتهمها انه اخلاقها دنيئة (رح يتلقى خطيتها عند ربنا ) يعنى بالله عليكم انسان شكاك من قبل ما يخطبها ويتهم بنات الناس بالوساخة وقلة الادب وعدم التربية وهو الشريف العفيف الى بخاف ربنا الخائن بخون ،،، وهالراجل ما وصل لهالمرحلة الا لانه عمل علاقات مع بنات كثير وحكم عالبنات كلهم في المدينة انهم وسخات ومو مربيات طيب يا استاذ متربي ليش تتتزوج من الأساس لحتى تظلم بنات الناس معك بمرضك النفسي وشكك وخيانتك لالهم قال شو شافها بتضحك مع الراجل ومن بعيد كمان ،، يعنى ما سمع ولا كلمة بس انه شافهم اولا هي منقبة يعنى كيف حكمت عليها انها كنت تضحك وتبتسم ،، ما يمكن بنت خالتها الى كانت تحكي مع الراجل وتانيا ممكن البائع من النوع الى بضلو يضحك لزباينه لحتى يكسبهم ،، وهم كانو بس يحكو معاه حكى عن الماركات وهو برد عليهم بابتسامة ،، يعنى هي منقبة لا انت شايف ابتسامات ولا سامع الها كلام ،،، خليتها ع طول فاجرة ومش محترمة يا سيد محترم !!!!!!!!! طيب يا عمى اسمع منها ،، شوف شو ترد عليك ع طول اتهامات وزعاق وبهادل وانتى طالق !!! بتفكر هاى رجولة ونازل تشهر بالبنت وتحكي شوفوني كيف اانا راجل ،، طلقت مرتي عشان شفت البائع بضحكلها الحمد لله انه ربنا ريحها منك ونفذت منك قبل لتظلمها بعد الزواج وربنا كريييم ورح يكرمها بالأحسن منك والى يعوضها اساءتك لها ويقدرها ويصونها والبنات الى هون بيحكو عالبنت وبشجعو الراجل ع رد فعله ربنا يبتليكِ بزوج مثله شكاك ومريض نفسيا لتحسي بشعورها وشعور الظلم الى عاشته |
رد: قصة طلاقي من زوجتي
اعجبني ردك اقسم بالله كنت افكر كيف شاف شفايفها تبتسم وهي متغطيه. شلووووووون صارت. مدري
يعني بس ابي اعرف كيف اعرف انها تبتسم. وهي ماطلع منها الا عيونها. وبعدين معطيته ظهرها حتا عيونها مولمه. ياربي ع الشكه بس واحسن شي يقول البايع الابيض مدري وش مدقق فالبايع ههههههه يعني غصب بينهم شي بالقوةةة لا وزعل ع امه هذي أمك جنتك ونارك علشان خطبتلك تزعل لااااااااعااااااااد تخطبوووووووونله عااااااالجووووووة مدري ليه استفزني الموضوع ههههههنن |
رد: قصة طلاقي من زوجتي
اقتباس:
|
رد: قصة طلاقي من زوجتي
يابنات أصلا هو وشد عرفه أنها تضحك هاذا شكك مريض يروح الأسواق ويغازل ويحسب كل ناس مثله
الله لايوفقه |
رد: قصة طلاقي من زوجتي
ههههههههههههههههههههههههههه صراحه بعض الردود تضحك....
الي تدور عذر للبنت والي تدور عذر للولد... واضح ان البنت غلطانه والدليل انه يوم علمها بالي سوته ما عرفت ترد وبدت تصرف الموضوع يعني هي معترفه بغلطتها.... بعدين هو حر ما يبي بنت قليله ادب والي تقول وشلون شافها وهي متغطيه ومعطيه ظهرها وش يدريك انه معطيته ظهرها بعدين الي تبتسم يبان من عيونها انا اذا ابتسمت او ظحكت بيعرف زوجي لانه بتبان بعيوني>>>>>>>>>فاصل للتوضيح ههههههه والي تقول لازم نتكلم مع البائع اكيد بس بادب تطلب الغرض وتطلع مو تسولف خير ان شاء الله ... وهو صادق الاسواق فيها بلا وبنات الله يستر علينا ويصلح بناتنا ..... للاسف قل الدين وكثرت البلاوي والفتن... |
رد: قصة طلاقي من زوجتي
من البداية كان باين انسان مريض نفسيا من كان يعتقد مافي بنت شريفه ولا بنت ناس هو واهله طيبا اختك مو بنت ناس ؟ معناته اخته هم مش بنت ناس ولا بس شاطرين يحجون على بنات الناس وثانيا البنت ما سوت جريمه كبر الموضوع ونشر الموضوع بالنت باين هو مو ابن ناس لان نشر شرفه بالانترنيت طلع هو الوسخ لو فعلا ابن ناس ماكان يحجي على البنت بالانترنيت وهي ما سوت شي غلط الله خلصها منه باين انسان شكاك ومريض عقليا
|
رد: قصة طلاقي من زوجتي
كل واحد يعمل باصله الظاهر هو ما عنده اصل وكسر سمعة البنية الله يحاسبه في الدنيا والاخره
|
رد: قصة طلاقي من زوجتي
مريض ومعقد من يوم دريت انه يبي بنت قريه الله يعين على الشك ألي فيه البنت ماغلطت يمكن. سلكت لراعي المحل تعرفون راعين المحلات حكيهم واجد بس ماشافها في موقف مخل او مع حبيبها بعدين هو لو في محل وتبيع له حرمه بيعبس وجهه وماراح يبتسم والا حلال عليه وحرام عليها
|
رد: قصة طلاقي من زوجتي
أولا : الشاب من البداية شاك بكل البنات ويقدم الشر على الخير وشيطانه غالبه.
ثانيا: هو قال انه شافها من بعيد ولا دخل المحل والبنت منقبة شلون شاف ابتسامتها وضحكها؟؟ فتش عن وجهاا وشافها؟ قرّب منها وسمعها مثلا؟؟ لو قرب منها وسمعها كان شافته بس هو قعد بعيد ومن بعيد قاعد يتهيأله ثالثا: يمكن البنت تكون مبالغة شوي بانفعالاتها وحركاتها لأنها فرحانة بتجهيز نفسها للزواج رابعا: ما كفّاه طلق البنت وكسر خاطرها كمان ما ستر عليها وعلّم أخوهااااا والحين سالفتها سالفتين طلاق وسواد وجه وسمعة شينة خامسا: الشاب وسخ وبالاساس مافيه اخلاق لأنه شايف شوفات الدنيا لدرجة انه ماعد يثق بأحد ولايقعد يقول كل اللي شافه صدفة لااااا لان السوق مليان محتشمات يعني يشوف قليلات الادب ولايشوف المؤدبات المحتشمات؟؟ حتى مافي توازن بتفكيره سادسا: االرابح هو البنت لانها افتكت من شخص أقل مايقال عنه متسرع ولايعرف يعالج مشاكله , يعني بكرا لاتزوج وأخطأت زوجته أي خطأ واكيد بتكون صغيرة وماعندها خبرة بروح يطلقها وهي عندها عيال مثلا؟؟ الرجال لازم يصبر ويتحمل ويوجه ويرشد زوجته مو على طول طلاق, لو البنت خربانة ماكان غطت عيونها لما جت بعين السعودي بالعكس تعتبرها فرصة جديدة سابعا: كلٍ يرى الناس بعين طبعه, والله احنا يالبنات ندخل السوق ولا نسلم لا من عزاب ولا من متزوجين بس ما تعقدنا أصابعك مو سوى ثامنا: الله يستر كل بنات المسلمين ويهدي شبابنا أجمعين |
رد: قصة طلاقي من زوجتي
اقتباس:
سؤال: يعني لو مو مخطوبة ولا على ذمة رجال معلش تسوي هالحركات؟؟ |
رد: قصة طلاقي من زوجتي
انا اشوف اذا كانت تجهز لعرسها كانت اخدت احد من اخونها معها واحد من اهلها البنات عشان لاتخرب بيتها من بديتو صراحه الرجال ماغلط من حقو انو يطلقها ترها قويه بحق الرجال
|
رد: قصة طلاقي من زوجتي
قصه قد تكون واقعيه او ومن وحي الخيال في الاخير ما فيه نصيب الموهيم ذكرتني السالفه بموقف حصل لي شخصيا من عاداتنا وتقاليدنا لافيه نظره شرعيه ولا مكالمه هاتفيه لين يدخل عليها هههههه قدماء والعاده مازالت مستمره
اللي حصل با ايام تجهيزات زواجي طلعت السوق انا ومامتي الله يحفظها واخوي وكنا نتسوق وحطت يدي ع ذيك البديات اللي كااني اول مره واخره اشوفها وفجئه صوت امي تهمس لي فلانه شوفي هذا فلان في المحل طبعا المحروس زوجي ومن الربكه طيحة العلاقه حقت الملابس اللي قدامي وحست الدنياء ودعست ع رجلي وبراء السوق ومازالت البديات في خاطري لين اليوم الله يعوظني وزوجي لين الحين يتريق ع موقفي يارب ينسى وارتاح من هذا الموقف ههههههههه داخله عرض |
رد: قصة طلاقي من زوجتي
الحمدلله و الشكر بس
العقل نعمة من رب العالمين هذا كله من كلامه على بنات الناس الله حب يعطيه درس أصلا شكله و لا عمره بيتزوج |
| الساعة الآن 05:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .