|
ولدت كرومي بعد انغلاق الرحم وانفكت غرزه من خياطتي !!
صباح الخير بنات
الحمدلله ولدت بعدما عشت اسبوعين من العاشر حبيت احكيلكم كل شي خصوصا سالفة انغلاق الرحم وكيف ربي رحمني بطبيبه ممتازه بس انا الان ضايق صدري ومكتئبه حدي البارح والله العظيم جتني نص عطسه ورغم انها بسيطه الا انها فكت غرزه من الخياطه وانا لي الان عشر ايام وطرت للطواري وفحعني الطبيب ببروده وقال الغرزه اللي فوق بطبقة الجلد هي اللي انفتحت وماتحتاج خياطه بتلتئم من نفسها بس خليكي ع المطهر وميبو انا متضايقه حيل اعطاني موعد بالعيادات الخارجيه يوم السبت يقول خليهم يغيرون عليها فيه شوية التهاب ! مستحيل يكون فيه التهاب يابنات انا حريصه حيل ماتخيلون اغسل بغسول ذا بيست ثم مطهر سافلون اللي هو بيتدين ثم احفف المنطقه وزين زين واحط كريم ميبو ومرات اغير بكريم فيوسدين المضاد وحركتي للحمام فقط لين العاشر بعدها طلعت الدرج والله بشويش حيل حيل وحتى سئلت الطبيب هل طلعت الدرج هي السبب قال لا انتي ليكي الان عشر ايام وكل شي مولتئم وعادي تطلعين الدرج والله محتاره وخايفه ولاني مقتنعه بسالفة انها تلتئم انا يوم غسلت لمست الجرح مفتوووووووح اااااااه يابنات مرعوبه حيل وافكر اروح العصر لمستشفى خاص واطلبهم يخيطونها مااستخدمت المره والخواجوا لسا كنت سبحان الله بستخدمهم هاليومين بس الان مع فتح الجرح مستحيل اخاف بنات تكفون طمنوني وقولو لي الحقيقه صح اعتقادي ؟ ان مافيه شي اسمه يلتئم الجرح والافضل الحق عمري واخيط المفتوح ؟ ومن مرت بحالتي وكيف تصرفت ؟ نسيت اقولكم ان الله رزقني بعد الصبر بعبدالكريم فديته والله فرحت وكل ماحاشني الاكتئاب اناظر لعيونه وارتاح واكلي زفت صراحته لاني عند امي واخوي المتزوج وامي عجوز ماتمشي الا للحمام واقعد اكل الوجبات الرئيسيه وباقي الوقت اموت جوع يمكن هذا سبب من اسباب افكاك الغرزه بسهوله بس الشكوى لله وش بيدي بيتي بمنطقه بعيده وماعندي شغاله تكفون ادعووووولي والله ان اكثر بكاي ان مالي خواتي اتمنى لي اخت وحده تواسيني وتساعدني احس بوحده وحزن مايعلمه الا الله |
رد: ولدت كرومي بعد انغلاق الرحم وانفكت غرزه من خياطتي !!
اول شي مبروك حبيبتي ماجاك و الحمد لله ع سلامتك
بالنسبه للخياطه والله حبيبتي ما اقدر افيدك لاني بكريه ولسى ماولدت وان شاء الله الاخوات يفيدونك بس اهتمي بأكلك لو تطلبي اكل من برا لازم تتغذي عشانك وعشان البيبي والله يريحك ادري شايله هم الخياطه وادا مو مرتاحه روحي المستشفى عشان ترتاحي |
رد: ولدت كرومي بعد انغلاق الرحم وانفكت غرزه من خياطتي !!
الين تسلمين
الله يرزقك بولاده سهله ومريحه وسريعه |
رد: ولدت كرومي بعد انغلاق الرحم وانفكت غرزه من خياطتي !!
الـــــــــــــف الـــــــــــــف الـــــــــــــف
مبرووووووووووووووووك والحمدلله على سلامتك |
رد: ولدت كرومي بعد انغلاق الرحم وانفكت غرزه من خياطتي !!
اهلييييين ياعمري والف الف الحمدلله ع سلامتگ وعبوووده
بالنسبه للخياااطه خلييييييكي اسبووع عشااان ترووح الالتهابات ع قوولة دكتوورك وبعدين شوووفي حاالك اذا التئم او لااا وهناا تقدري تقرري تروحي او لااا الاكل ياااعمري اذا مااهتميتي باكلك كووويس رح تتعبي بعد النفاااس ع الاقل كثري من اللحمه والسسسلطه عشان مايجيكي امسسساك وتعاااني معاناه الله لايوريك لاتسسسوي اي شيء من الاعشااب او اتاكدي من الجرح ... والاهم اهتمي باكلك زين واتدفي واشششربي حليب بالزنجبيل والتمر كل صباااح ع الاقل العشششرين يوم الاولى الله يحفظك ياارب |
رد: ولدت كرومي بعد انغلاق الرحم وانفكت غرزه من خياطتي !!
اول شي ياحلوه الف الف الف الحمدلله ع السلامه ، ومبروك العريس الحلو يحفظه لك ربنا امين
ثاني شي ، انتي ناقصك خبره ولا عندك احد ربي يكون بعونك شوفي سبب فكه الغرزه مو الدرج ولا المشي ، اصلا ماله شغل ابدا السبب تغذيتك السيئه ، تاكلين دجاج ؟ تاكلين فيتامين اي ؟ اذا قلتي لا فذا السبب لذا الفكه ، اذا ماكلتي دجاج بكثره والاشياء اللي فيها الفيتامين اي .. انسي يلتئم الجرح كذا يبقا مفتوح ، لاان الفيتامين ذا هو اللي يقفل الجروح حبيبتي ثاني شي انك تجلسي بدون اكل ذا مو حل ، راح يدخلك هوا وتتفشلين عند زوجك وتكرهين حياتك وبعدين خلاص صارلك عشر ايام قومي ياروحي من سريرك واطبخيلك واتغذي ، اصلا مالها لزمه النومه ذي .. كل ماتحركتي تجدد الدم وشفيتي بسرعه ، يعني خلي التسدح وقت ما العالم فيه ، اما لما يروحوا قومي وخلصي شغلك وامورك انا بسم الله ماشاءالله علي والله ماتسدح الا وقت الناس ، بس اقوم احرك دمي عشان مو كويس السدحه تسبب تجلطات وتكسلك عادي والله اشتغل مع امي وايام رمضان الف السمبوسه ع سريري ، واحط الغسيل وانتبه لعيالي بس هي اول يومين تكونين دايخه بعدين خلاص ومو بس انا بنت اختي مثلي بعد محد يهتم ف بنتها وشغلها غيرها ، مع ان عندهم شغاله وخوات .. بس خلص يكفي تسدحت يومين وتجلس معنا ب الارض وقت مافي احد .. ولا كن لها يومين والده ، واعرف بنات كثير نفسي ، بس مايبينون ، وقت مايجي الضيوف ينامون ، وقت ماراحوا قامن وطبخن واشتغلن وخلاص حدنا اسبوعين وخلصنا نفاس شلنا السرير وجلسنا مع العالم ، ف لحقي عمرك وشوفي ايش الاكلات اللي تجبر عظمك وتلم لحمك واطبخي وغذي نفسك محد نافعك حبيبتي ولاتكتئبي حنا هنا خواتك وبنفيدك ب اذن الله |
رد: ولدت كرومي بعد انغلاق الرحم وانفكت غرزه من خياطتي !!
الف مبررررررروك يا حلوه وانا مع الاخت اللي قبلي والله يقومكي بسلامه
|
رد: ولدت كرومي بعد انغلاق الرحم وانفكت غرزه من خياطتي !!
ياخواتي مااتحرك لاني خايفه حيل من الجرح المفتووووح
هايفه ينفتح البقيه ويتوسع هو متضايقه حيل كنت بديت اتحرك وفرحت |
رد: ولدت كرومي بعد انغلاق الرحم وانفكت غرزه من خياطتي !!
سيري لدكتوره نسائيه تشوف الجرح ﻻتسكتين على نفسج عالاقل اطمني حبيبتي...ماتشوفين شرر..
|
رد: ولدت كرومي بعد انغلاق الرحم وانفكت غرزه من خياطتي !!
اذا فيه التهاب ما يلتأم الجرح بسرعة لازم تعالجي الالتهاب راجعي الدكتورة تعطيكي العلاج المناسب ولا تضايقي فترة وبتعدي واستمري على الفتامينات الكالسيوم والحديد والفواكه والخضار واللحوم
|
رد: ولدت كرومي بعد انغلاق الرحم وانفكت غرزه من خياطتي !!
أولا الحمد لله ع السلامه وحبيت اطمنك انا بولادتي الاولى نفس الشي انفك الخياط للطبقه العلويه كامل بسبب الامساك وانتو بكرامه كان شديد معاي واعطتني الدكتوره جل وفتره والتأم الجرح الحمد لله بدون ماترجع تغرز لي من جديد
اسال الله ان يشفيك ويعيد لك عافيتك وصحتك عاجلا يارب دعواتكن لي بتسهبل ولادتي انا بلشهر التاسع لي اسبوعين ربي يفرج عننا جميعا |
رد: ولدت كرومي بعد انغلاق الرحم وانفكت غرزه من خياطتي !!
اقتباس:
|
رد: ولدت كرومي بعد انغلاق الرحم وانفكت غرزه من خياطتي !!
سلام عليكم
حبيبتي اولا احمد لله ع سلامتك ومبروووووك لك العريس يتربى بعزك بالنسبة للغرز حاولي تراجعي لانو صار معي في ولادتي السابقه والى الآن اعاني منها مالتئمت اما الاكل حبيبتي انا نفست ببيتي وكان عندي ولد قبل وماماتي الله يطول بعمرها جتني اربع ايام لانو صعب تخلى ابوية واخواني وكنا بوقت دراسة وع اختبارات وكنت اقوم بنفسي في الاكل واطبخ لنفسي وخدمت نفسي بنفسي وتجي شغالة كل يوم تكنس وتغسل وتنظف وتروح,,,, اذا كنت خايفه انو مع الحركه تنفك الغرز اربطي ع وسطك يعني ع اردافك بشال او طرحه لما تمشي وخلى خطواتك قريبه ولازم تتحركي هاي وصية الممرضه اللي ولدتني من قبل الله يقومك بالسلامة ,,,دعواتك اولد طبيعي وتتيسر لي |
رد: ولدت كرومي بعد انغلاق الرحم وانفكت غرزه من خياطتي !!
السسلام عليكم
أنا مع بيورتي كفت ووفت لازززم تهتمين بأكلك عشان يلتأم آلجرح ولآزم الوحده تتحرك مو معقوله تظلين جالسه عشان تتحرك الدوره الدمويه بس اهم شي قومي ع نفسك واشربي قرفه وحلبه وغيرها وقومي بدري اكلي الفطور مو تررقدين :) وألف مبرووووووووك جيت كروومي |
رد: ولدت كرومي بعد انغلاق الرحم وانفكت غرزه من خياطتي !!
الله يكون بعونك يارب
|
رد: ولدت كرومي بعد انغلاق الرحم وانفكت غرزه من خياطتي !!
الف مبروك وحمدالله على سلامتك
اختي معلومة حطيها في بالك كثرة استخدام الغسول والمنظفات الشخصية هي اللي تسبب لك اللتهبات لازم بالاسبوع مرتين الغسول وملح وموية كل اسبوع ولاتهملين نفسك غيري الدكتورة او الدكتور وتطمني على نفسك احسن وطمنينا فديتك |
| الساعة الآن 12:09 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .