منتديات حوامل النسائية - قصتي لتحقيق حلم الإنجاب

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - قصتي لتحقيق حلم الإنجاب (https://naqatube.com/showthread.php?t=178548)

قصتي لتحقيق حلم الإنجاب

مرحبا بنوتات

احكيلكم اليوم قصه أختي اختي تزوجت صغيره كثير
وكان اكبر همها الزواج والبيت والدلع

تأخرت ست شهور وهي مو مستعجله ابداً الى يوم تأخرت دورتها شهر
وماهتمت تسوي تحليل*
جا عندها عشا واشتغلت كثير
ولما راحو الناس راح اللي ببطنها وقالت لها الدكتوره انها سقطت ونظفتها

المهم بعد ماحست بالامومه قتلت عمرها تبي تحمل
وشهر على شهر وهي تنتظر ولا في اي نتيجه
راحت دكتوره قالت عندك تكيسات وضعف تبويض وبدت معاها كورسات علاج

ولا في اي نتيجه

تزوج اخو زوجها بعد زواجها بسنتين
حملت زوجته ع طول

اللي قتلها ان ام زوجها والكل يخبون عليها
وهي جالسه عندهم يتهامسون وتسمعها تقول متعبني والله

وهي عارفه انها حامل بسس انجرحت لما خبو

لما عرف زوجها من اخوه كلمته امه تقول لاتعلم زوجتك واختي تسمعه وهو يقول ي امي الرزق من الله مو طيب ف زوجة اخوي

قالت النفس شينه وانتم الله محرمكم الضنا

ه المره زوجها تأثر بس ما قالها شي

اي مكان يروحون له تجيهم تسائولات حتى ابو زوجها يعايرها ب فلانه وعلانه

راحت وسوت صبغه انابيب وطلع عنها سدد في عنق الرحم

وقررت تسوي نفخ له وفعلاً سوتها ورجعت تسوي كورس منشطات

ومافي نتيجه ومع ذالك ماتركت الدعاااء ولا الصدقه ولا الاستغفار

بعد اربع سنين ونص عمل زوجها تحليل وهنا طلعت المفاجاءه

زوجها عنده ضعف شديد وقله حركه وتعفن

كل هذي صابته من التهاب في البروستا بدا علاج وادويه ولاكن التحسن ضعيف
والحركه اضعف

قالت له الدكتوره تحسنك ضعيف لازم نعمل لك اشعه للتأكد من البروستات وصحتها
طلع عنده دوالي وتعفن

ومع ذالك كانوا متفائلين جداً ومع الايام ماتحسن وصار لهم اكثر من سبع سنوات

عمل العمليه ولاكن التحسن ضعيف ايضااً

وفي السبع سنوات اخوان زوجها السته تزوجوا وانجبوا واختي وزوجها مايعرفون الا اذا بشروهم

قرروا يعملون حقن ولاكن مانصحوهم لان عدد الحيوانات عند زوجها اقل من المعدل المطلوب

وكانوا يستغفرون كثير

ومرت الايام والاشهر وهي تحترق من الداخل ولاكن ماتشكي وتحتسب
وقرب عيد زواجهم العاشر وكانت اختي مغسله من الدوره من شهر

طبعاً دورتها مو منتظمه تتأخر بالاسابيع

كانت معاي تخطط وش بتسوي وايش راح تجيبله وكانت تحس بألمم في ارحامها وغثه خفيفه

طبعا احنا مانقولها سوي تحليل الموضوع صعب شوي

وهي تاركه كل شي حتى الادويه

المهم قبل زواجهم بأسبوع كانت نايمه عندنا وحست بدوخه وغثه واصرت الوالده توديها تعمل تحليل

وهي رافضه راح اخوي جاب لها تحليل منزلي وهي اضحك تقول مافيني شي*
هذي الاعراض احسها دائماً اذا تأخرت الدوره

اصرت امي انها تعمله ودخلت الحمام وطوووولت واحنا ننتظر*

طلعت لنا وهي تبكي بصوووت عالي وتقوول الحمدلله يارب كرمك يارب
وتطيح ع الارض اخذت منها التحليل ولا هو خطين واضحين

وهي تبكي وتقول الله اكررمني الله الله اكرمني
شفتوا ان الله على وعده
والله قعدنا كلنا نبكي

قالت لاتعلمون زوجي*
وفي عيد زواجهم خذت التحليل وغلفته بورق هدايا

وبدوا حفلتهم طلعوا وانبسطوا وكل ما يسألها تحبيني انا اكثر شي تقول
لا معاك شريك وهو مو فاهمم

الى جا وقت الهدايا هو اعطاها هديتها
وهي اعطته
لما فتحها شاف التحليل ولا هو عارفه واخذ الكرت اللي مكتوب فيه

يا بابا انا راح اكون بينكم بعد تسع شهور
الحين انا ببطن ماما

وانسبه زوجها وقعد متنح وهي تكلمه وهو ماسك الورقهhwaml03

وبعدها قعد يبكي بحظنهاا زي البيبي
والحين عندها بنوته زي القمر عمرها 10 شهور واختي حامل الحين بالشهر الثاني

من غير علاج ولا ادويه العلاج من الله والاستغفار

وبالاسحار هم مستغفرون*

اتمنى ان قصه اختي تعطيكم امل*
لامانع فيما اعطى الله ولا معطي فيما منعه الله