|
غير مسجل تعالي نتساعد في ترتيب المطبخ وتنظيفة !
http://forum.hwaml.com/imgcache2/hwa...445720_266.jpg
السلام عليكم ورحمة الله وبركاتة وصباحكم ورداً جوري :) جات في بالي فكرة مرة حلوة وهي ,, ليش مانساعد ونشجع بعض في تنظيم وتنظيف مطابخنا ؟! يعني أنا مثلاً اليوم قمت ونفضت غبار الكسل وشديت الهمة وبديت في مطبخي ! طبعاً قبلها بيوم دخلت المطبخ واحصيت الأشياء اللي ناقصتني واللي احتاجها في التنظيم والتنظيف والبارح رحت لساكو وجبت بعض الأغراض اللي ناقصتني وبعضها اخذتة من بندة وبعضها لسى ماجبتة " إن شاء الله قريب اجيبة ! المهم دخلت المطبخ وبديت فية دولاب دولاب ونظفتة ومسحت الدواليب بكلوركس وفيري والأدوات الكهربائية مسكتها بفيري وموية وبعدين اعدت عليها بموية وخل عشان التلميع نظفت فرني ولمعتة وآخر شيء رتبت مستودع المونة ووضعت كل شيء في علب بلاستك اخذتهم من ساكو رتبت الثلاجة ونظفتها وحطيت فيها مفارش واعدت الأغراض فيها ولو شفت منكم تفاعل بنزل لكم صور مطبخي وكمان بكرة ببدأ بإذن الله في غرفة نومي وبرضوا لو شفت منكم تفاعل ومشاركة بنزل لكم الصور .. اي وحدة تبدأ ياريت تصور لنا الخطوات ايش عملت وأنا برضوا بنزل لكم الصور يالله خلونا نكونا حريم سنعات ونشجع بعض ونعمل حملة تنظيفات وترتيبات .. وربي هالشيء راح يريحنا نفسياً وجربوا وشوفوا hwaml7 في إنتظاركم hwaml10 |
رد: غير مسجل تعالي نتساعد في ترتيب المطبخ وتنظيفة !
فكره ممتازه يالغاليه ربي يعطيج ألف عافيه ..
راح ابتدي بطريقه تنظيفي للبيت : اولا هذولا صديقاتي بالبيت مستحيل مايمر يوم ما استخدمهم http://forum.hwaml.com/imgcache2/hwa...244382_889.png http://forum.hwaml.com/imgcache2/hwa...244383_848.png بالبدايه احب منتجات جف مره ممتازه بالتنظيف سواء البخاخ الاصفر والابيض البخاخ الاخضر نصيحه لتجربونه ريحته مزعجه .. جف الاصفر هذا للفرن مستحيل استغني عنه وبعض الاحيان استعين فيه للقدور الي يكون فيها شوي حرق .. كلوركس البخاخ هذا من رمضان وانا طايحه بغرامه شقول وشخلي منظف ممتاز سواء للمغاسل او للمطبخ بشكل عام .. كلوركس السائل احبه وقت مايكون عندي عزيمه بعد ماخلص جمع الاواني اجيب مله كبيره فيها ماي وكلور وانقع كل شيء طلع من المطبخ سواء كاسات بيالات فناجيل ملاعق شوك سكاكين .. مدة ساعه او ساعتين ومن ثم لغسالة المواعين .. ولي استخدام له عند غسل المطبخ ودورات المياه احسه يعقم من قلب .. بخاخ الزجاج مايخفى على احد اكيد .. دوميستوس منظف استخدمه للارضيات لرخام والسيراميك بالبيت ريحته كأنو كلور بس يعجبني نظافته .. والاكياس لحاوية الزبائل الله يكرمكم والقفاز ليديني اكيد لان المواد الي استخدمها شوي قويه .. ترتيبي لديكور الاواني كنت بصوره لاكن مطبخي للاسف إضائته خافته فكل صوره جات اردى من الثانيه وطريقتي فيه افرش الادارج بسفره بلغالب اخذ هذي السفر من الهزازي او العبداللطيف احب اخذ اللون الابيض يعطي الديكور شكل جمالي ونظافه داخله ارتب الاواني حسب الاحتياج وكل رف بالي يناسبه بعد كذا ابخر الادارج بالمستكه .. الثلاجه نفس الشيء افرشهاا وشاريه الحافظات على شكل صندوق شفاف عندي احجام الكبير مخصصته للفاكه المغسوله وقبل وضعهاا افرش الصندوق بمنشفه حتى تمسك رطوبه الفاكه ومايطلع الماي الي على شكل ندى.. والاوسط يكون للخضار وبنفس الحجم لسلطه .. البيض نفس الشيء اخذت حافظة البيض من الهزازي مره مريحه وتتقفل .. وبعد ترتيبها تتبخر بالمستكه .. تنظيف الديكور بشكل شهري يعني كل بعد شهر اسوي هجوم لديكور .. الباقي بشكل يومي والتبخير اول شيء بالبان العربي ومن ثم البخور لاكن بعض الاحيان احب استخدم عطورات لايف ستايل ولي يومين طايحه بريحه الفانيلا هذا بخوري http://forum.hwaml.com/imgcache2/hwa...244383_486.png وهذا معطر البيت http://forum.hwaml.com/imgcache2/hwa...244383_101.png صورت كثر اشياء لاكن للاسف الصور مره واضحه لان الاضاءه عندي ماتساعد على الوضوح حاولت اعدل فيهاا ماقدرت .. في النهايه مشكوره ام رزان على الموضوع الحلو وننتظر تجارب الاخوات ,, |
رد: غير مسجل تعالي نتساعد في ترتيب المطبخ وتنظيفة !
ياااااربي تسعدك ياسمسم
وتفتحها بوجهك ماقصرتي يالغلا وطريقتك جداً ممتااااازة وجف الأصفر حق الفرن أنا زيك ما استغني عنة ابداً لعيونك يا احلى سماسم اليوم بنزل صور من مطبخي وأنتظر بقية الأخوات مع أن مااااش شكل الوضع مايساعد يالله خلونا نتشجع ونفيد بعض يعني مثلاً أنا أستفدت من سماسم في مسألة محلول تنظيف الزجاج انو استخدمة للأرضيات .. وراح اجربة بإذن الله يالله يالغوالي ننتظركم .. وأنا بس احمل الصور بنزلها بإذن الله |
رد: غير مسجل تعالي نتساعد في ترتيب المطبخ وتنظيفة !
كمان أستفدت من سماسم في تبخير الدواليب بالمستكة
أنا كنت أبخر ادوات الضيافة من كاسات وفنجين قهوة وثلاجة القهوة بس حلوة الفكرة أنا نبخر كل الدواليب بالمستكة شفتم يابنات كيف الواحد يستفيد ؟! هذا هو هدفي من الموضوع لا هدفي فشخرة سويت ونظفت وحطيت لا والله الهدف هو الفائدة يمكن وحدة تكتب شيء أحنا غافلين عنة ويمكن أنا برضوا اكتب شيء لو صغير مايسوى بس عند غيري له فائدة !! << حاسة أنها تكلم حالها ههههههههههه ^_^ |
رد: غير مسجل تعالي نتساعد في ترتيب المطبخ وتنظيفة !
انا لسه طايحه عند اهلي منتضره التاشيره اروح لزوجي امريكا ادعولي الله يوفقني واروح بيتي عشان ابدا بالتفاعل معاكم اما الحين مو حاسه نفسي ست بيت طايحه بس شغل ودوام الين الله يسهلها واروح لبيتي وزوجي وحياتي........... ادعولي فديتكم
|
رد: غير مسجل تعالي نتساعد في ترتيب المطبخ وتنظيفة !
ماشاء الله موضوع حلو ويبث الحماس
انا كل يوم لي جزء من الشقه انظفها يعني اليوم المطبخ بكره المجلس وبعده الحمامات وانتو بكرامه (مو من كبر الشقه ) بس عشان ماافضى وازهق ..... اما المطبخ اذا دخلته مااخلص كل شوي اطلع لي شغله واحب الموااااااااااااااااااااااااااااااااااااااعين كل ماارح للسوق لازم اشتري صحنين ثلاثه والدروج تشتكي من الزحمه ومااستغني عن تاااايد قاهر وكاسر ومخفي الدهون مع الكلوركس حتى اذا غسلت بفيري احط معاه شوي كلوركس يلمع المواعين يعطيها لمعه خصوصا القدور والفرن انظفه بتااايد وكلوركس واذا فضيت نزلت لكم صور بس اعجبني موضوعك ولك احلى تقييم .... |
رد: غير مسجل تعالي نتساعد في ترتيب المطبخ وتنظيفة !
الأخت جاسم حبيبي
اسأل الله أن يجمعك بزوك عاجل غير آااااجل .. قولي آاااامين |
رد: غير مسجل تعالي نتساعد في ترتيب المطبخ وتنظيفة !
غصن الغلا
هلا بك ومية غلا يالغالية حلو تنظيم الوقت بيريحك من امووور كثيرة ولتنظيف القدور انصحك بصابون لوكس او اي صابون قطع ادعكي السلك بالصابونة ثم ادعكي فيها القدر تجيك تلمع كأنها جديدة جربيها وادعيلي :) وياريت تصورين لنا الأشياء اللي انجزتيها عشان نتحمس اكثر :) |
رد: غير مسجل تعالي نتساعد في ترتيب المطبخ وتنظيفة !
يسلمو ام رزان وفعلاً احنا بحاجه للاشياء الي تفيدنا خاصه بأمور البيت وتعطيره وإن شاء الله نفيد ونستفيد من هذا المتصفح ..
الغاليه جاسم حبيبي الله يجمعج بزوجج عاجلا غير اجل و نصيحه ابتدي جهزي من الحين شوفي شنو الي محتاجته من اواني طبخ وتقديم وابهارات لان هناك موب بالسهوله تحصلين الشيء ولا حصلتيه مابيكون عز الطلب والسعر دبل الدبل .. ام رزان استفدت من ردج على الغاليه غصن الغلا بخصوص صابون لوكس توي اعرف انه ينظف القدور .. التايد امي تنبهني من استخدامه للاواني يبهت بريقها خاصه الزجاجيه وبرمضان الفايت قابلت وحده تمدحلي صابون الوزير المبشور جبت صورته من العم قوقل http://lh3.ggpht.com/_mP4tBImzGac/TH...jpg?imgmax=800 للامانه للحين ماجربته للقدور الحمد الله بس للمناشف واااااااو ينظفهااا من قلب خاصه اني استخدم المناشف بشكل كبير بالبيت حتى لرخااام والسيراميك مايبقع وسهله للغسل ,, ريحته شبه مقبوله لاكن عندي اهون من تايد |
رد: أم رزاان تعالي نتساعد في ترتيب المطبخ وتنظيفة !
هلا سمسومة الغالية
الوزير فية ناس مدحوة لي لكن ما استخدمتة بصراحة اما القدور جربي لوكس وبتدعين لي على اللمعان اللي بتشوفية :) اليوم بنزل لكم جزء بسيط من الصور ولو شفت تفاعل من الأخوات بنزل الصور قبل وبعد الترتيب والتنظيف ! التنظيف العميق دائماً يكون يوم الثلاثاء عشان استقبل عطلة نهاية الأسبوع بنظافة وترتيب تعرفوا نهاية الأسبوع وقت طلعات وزيارات فممكن يجيك احد فجأة فبتكوني عاملة حسابك ! هذا بالنسبة لشغل البيت اما غسيل الملابس فاغسل امول بأول ما أحب اجمع ! بشوف ناس تجمع الملابس الوسخة لمدة اسبوع !!! طيب كيف يكون شكلها بعد اسبوع وكيف بتكون ريحتها ؟! وخصوصاً لو كان فية اطفال ؟! عموماً هذا مطبخي وترى والله صورت وأنا ماكان عندي نية انزل الموضوع والموضوع ماجاء في بالي إلا بعد ماخلصت ! http://forum.hwaml.com/imgcache2/hwa...336554_272.jpg http://forum.hwaml.com/imgcache2/hwa...336556_612.jpg هذي صورة لجزء من المطبخ في البداية طلعت كل ادوات المطبخ بديت دولاب دولاب مسحت الدواليب الداخلية بموية حارة وفيري الفراوله http://forum.hwaml.com/data:image/jp...UIRzChQoAP/9k= وبعد ماخلصت وتاكدت من نظافتة صح اخذت منشفة مبلوله بداوني الأزرق حبيب قلبي :) ومسحت فية الدولاب وتركتة شوي حتى نشف ورجعت الأواني لمكانها الفرن اول باول امسحة بفيري وموية حارة وبعدين للمعان استخدم جف تبع الأصفر وله دوووش عميق بالكلوركس وبعدة الخل كل اسبوع ومساج لكامل جسمة ^_^ هذي صورتة قبل ما ياخذ الشور حقة وفية صورة بعدها بس للأسف ماوجدتها بجهازي http://forum.hwaml.com/imgcache2/hwa...336555_806.jpg بس بصورة لكم بعد التنظيف الصح وانزلها في نفس هالموضوع عشان تشوفون الفرق قبل وبعد :) وللعلم فقط هذا فرني صار له عندي قرابة الـ 11 سنة السنة الماضية اخذت واحد وماعجبني ورجعت لفرني هذا :) طبعاً بعد ماخلصت الفرن انتقلت للثلاجة طلعت كل اللي فيها ومسحتها ولمعتها وفرشتها مفارش كنت اخذتها من ساكو لونها اوف وايت ورجعت الأغراض ورتبتها ورميت اللي ما احتاجة منها وللمعلومية فقط .. ترتيب دوايب المطبخ احدد له يوم لوحدة ! وفي هاليوم ما اسوي فية غداء ! أبدأ من الصباح ويادوووب عالظهر أخلص فبكون مهدود حيلي مافيني اجهز شيء فـ اضطر اجيب الغداء من برى مع أني اكره اكل المطاعم .. لكن مجبر اخاك لا بطل ! الثلاجة والفرن بيووووم لوحدهم ! باقي البيت بيكون الشغل فية اول باول طبعاً أنا بيتي فيلا دورين والشغل فيها كثير ومتعب .. وعندي خادمة بس وربي تجيب المرض أنا ارتب وأنظف وهي تحوس أم الدنيا !! سبحان الله ماعندهم شيء اسمة ترتيب وكل شيء في مكانة المخصص له !! الشغالة عندي اركز شغلها في امور التنظيف العميق ويدي بيدها وأضل معاها حتى يخلص الشغل ! بستفيد منها في الدعك ماشاء الله .. عندهم قوة وطول نفس الله لا يغير عليهم ! الصالة ودورات المياة اكرمكم الله شغلها اول باووول عندي صالتين و7 دورات مياة لكن دورات مياة الضيوف والرجال والحريم ما انظفهم كل يوم مجرد في الصباح تشطيف واحط في المرحاض من حبيب قلبي هذا واتركة http://forum.hwaml.com/imgcache2/hwa...336537_893.jpg غرف النوم ترتيب وتنظيف روتيني اول باول وكل اسبوع نعمل جرد كامل للغرفة وتنظيف هذة مقتطفات سريعة من طريقة ترتيبي وتنظيفي لبيتي واحب احط لكم منظفاتي اللي ما استغني عنها واللي ترافقني كل صباح :) http://forum.hwaml.com/data:image/jp...AAAAAAAAAAH//Z http://t2.gstatic.com/images?q=tbn:A...5pVZ4sUyAHFzYA http://t3.gstatic.com/images?q=tbn:A...Z4QHOCuNoKwurQ على فكرة منظف الزجاج أنا استخدمة حتى لتنظيف الكنب جربوووة وشوفوا :) http://forum.hwaml.com/data:image/jp...AnV1dXVCH/2Q== http://forum.hwaml.com/data:image/jp...ggAIIIIAP/2Q== السافلون استخدمة بدل الديتول لان فية ميزة تطهير الجروووح أفضل من الديتول واحس معه بالنظافة صح http://t2.gstatic.com/images?q=tbn:A...DXCw2hsIkZLkTg هذه اقراص تطهير كرسي المرحاض بتضل معك مدة طويلة شهر تقريباً بتحطيها في حوض المرحاض ولما تسحبي السيفون بتكون مويتة زرقاء نقية تشعرك بالنظافة وتنشر رائحة زكية في دورة المياة http://t3.gstatic.com/images?q=tbn:A...HpXvHLSolQLGwg http://forum.hwaml.com/data:image/jp...iG03diAbf/2Q== البخور http://forum.hwaml.com/imgcache2/hwa...336536_972.jpg بخور الوليد رووعة روووعة روووعة هو بخور شخصي مو حق بيت بس أنا ما احب أبخل على نفسي بشيء فابخر فية البيت بين وقت وآخر وهذا برضو اوصي أختي تجيب الأصلي من الكويت http://forum.hwaml.com/imgcache2/hwa...336561_414.jpg خيااااال والله ومعطرات الجو أخذها من الروووقي هي اصلاً للمفارش بس أنا استخدمها حتى للجو واخذ هذا من سنتر بوينت اخذة للكنب مرة خياااال http://forum.hwaml.com/imgcache2/hwa...336537_430.jpg وطبعاً أنا لي طريقة في صنع معطر جو رهيب إن شاء الله بنزلها لو شفت هناك تفاعل وهذا المخلط استخدمة لغرفتي بس ! ولو شفت هناك تفاعل بالموضوع بنزل طريقتي بعمل وتجهيز البهارات بالبيت ! واخيراً هذا طبق مندي بيتي عملتة بتنور الفخار قريب راح أنزل كريقتة لكم :) http://forum.hwaml.com/imgcache2/hwa...336538_709.jpg وايضاً هذا حلى اقماع جوز الهند بالقشطة الطازجة من مطبخي http://forum.hwaml.com/imgcache2/hwa...336558_207.jpg وهذا لسماسم لوحدها ما احد يأكل معاها ^_^ http://forum.hwaml.com/imgcache2/hwa...336560_320.jpg |
رد: غير مسجل تعالي نتساعد في ترتيب المطبخ وتنظيفة !
ماشاء الله تبارك الله ..
تنظيف يفتح النفس تسلم يدينج يالغاليه .. ومعاج حق تنظيف الشغاله موب مثل تنظيف صاحبه البيت ابد واستغرب من الي توليهاا امور بيتها واطفالها الله يصلح حالهم .. مطبخج يفتح النفس يالغاليه ربي يبارك لج فيه .. ابسألج بخور الوليد وين ينباع حبيت شكله .. تسلمين يالغاليه على الحلى الحلو ربي يسلم يدينج ويعطيج ألف عافيه شكلها مره مشهي ابي طريقتها .. ومتشوقه لطريقه المندي ,, |
رد: غير مسجل تعالي نتساعد في ترتيب المطبخ وتنظيفة !
يسلم عمرك سماسمنا الغالية
وبخور الوليد هذا بأخذة من مجمع الراشد عندنا لو عندكم الراشد بتلاقية فية ! وهو يجي طقم في علبة خشبية فيها .. عطر ،، بخور ،، لوشن للجسم ،، وخمرية وسعر الطقم كامل بحدود 300 ريال والبخور لوحدة بـ 70 ريال والحلى والمندي أبشري بعزك ياقلبي إن شاء الله أنزل قريب طريقتهم .. وفديتك على هالمتابعة يالغالية |
رد: ندوووش تعالي نتساعد في ترتيب المطبخ وتنظيفة !
واوووووو خطير هالموضوع
ان شاء الله استفيد والكل يستفيد منه ادواتتت التنظيف تقريبآآآآ نفس ادواتي الي استخدمهاا لتنظيف ووفكرة صاابون لكس ان شاء الله بجربهاا عندي كم قدر يبغاالهم شغل ههههههههههههههههههههههههه اناا طريقتي في التنظيف حلووه وسهله ومو متعبه ابد يوم كاامل اخصصه لغسل الملابس اناا اغسل مره وحده في الاسبوع اليوم الثااني انظف البيت من كنيس وتمسيح وغسيل حمامات وانتم بكرراااامه وغسي المغااسل وبعدهاا امسح التحف وارفوف والمراياات واذا خلصت كنست ومسحت البيت ولازم كل اسبوعين اغسل البيت غسيل كاامل المطبخ عندي دايم نظيف لاني انظفه اول بااول بعد كل وجبه وفي الليل قبل لاناام انظفه تنظيف كامل من شطف السيراميك وتمسيح الدولايب بمنظف القزاز لان دولابي استيل لونه اسود وفضي فيباان فيه الوسخ ع طول عشاان كذا لازم امسحه كل يوم لانه جديد ومااصدقت اسويه ومسويه فيهاا يعني مهتمه ههههههههههههههههههههه واخر شي البخوووووووور اذا نظفت البيت لازم ابخر واذا ماابخرت احس مااكني نظفت ابغاا منكم خدمه ياليت تسااعدوني فيهااا اناا عندي الصااله مسويتهاا جلد معنهاا جديده مالهاا الا شهرين الا فيهاا بقع بسيطه حاولت انظفهاا ماانظفت واداواة التنظيف والمويه علمة hwaml4ع الجلد اش اسوي وكيف انظفهاااااا |
رد: غير مسجل تعالي نتساعد في ترتيب المطبخ وتنظيفة !
هلا ومية غلا ندوووش
ماشاء الله طريقتك حلوة بالتنظيف وأنا اشوف فعلاً أن التنظيف اول باول يريح كثير وبالنسبة لسؤالك يالغالية فية صابون خاص بالجلد اسمة saddle soap ينظف ويلمع الجلد وتلاقية في السوبر ماركت الكبيرة او محلات الجلود ! |
رد: غير مسجل تعالي نتساعد في ترتيب المطبخ وتنظيفة !
يسلمو يااعسل ياارب يجيب نتيجه
لاني مقهوووووره توهاا جديده ولسى محد شااف بيتي بعد التغير والتعديل |
رد: غير مسجل تعالي نتساعد في ترتيب المطبخ وتنظيفة !
بصرآحه الموضوع يجنن
وليا رجعه |
رد: غير مسجل تعالي نتساعد في ترتيب المطبخ وتنظيفة !
موضوع اكثر من رائع
بصراحة مرة يحمسس ع النظافه والترتيب ..؛ بس انا حاليا عند اهلي عشان حامل وولادتي قربت :( < الله يسهلها يارب بس ان شاء الله بعد ما اخلص الاربعين ارجع لبيتي بحممممماااس واحسن الشي التنظيف اول باول عشان ما تتعبي وعلى طول يكون بيتك مرتب ويسعدك ربي ام رزان ع موضوعك الحلوو .. |
رد: غير مسجل تعالي نتساعد في ترتيب المطبخ وتنظيفة !
ندوش الغالية
الجلد حلو بس مشكلتة انو اي شي يبان فية ! إن شاء تجربي الصابون وينفع معك الغالية شهد محسن في إنتظار عودتك يالغالية ليكتمل الموضوع بوجودك ومشارتك سماسيمو .. ياااارب تقومي بالسلامة وتولدي على خير وأنت وصغير بكل الصحة والعافية وتجي تشاركينا :) |
رد: غير مسجل تعالي نتساعد في ترتيب المطبخ وتنظيفة !
من الأمور الأساسية الي
جعلتني أثبت على مسار التغيير في حياتي للأفضل وأنظم وقتي ويصبح بيتي نظيف مرتب ونفسيتي مرتاحة ومطمئنة .. هي عدة أمور ! 1- الصلاة في وقتها 2 - كثرة الإستغفار 3 - الإكثار من الصلاة على سيدنا محمد وجعل اللسان رطباً بذكر الله على الدوام تارة بالسر وتارة بصوت مسموع ليشجع من حولك على ذلك !! 4 - النوم مبكراً والإستيقاض مبكراً 5 - تنظيم الوقت وعدم الفوضوية بالشغل ! " مهم " 6 - عدم تأجل اي عمل لغير وقتة ! " يعني اليوم حددت أني أتفرغ لتنظيف وترتيب غرفة النوم .. التزم بهذا العمل ولا اؤجلة ابداً 7 - إحتساب تعبي وما اقوم به عند الله ! 8 - عدم الإعتماد على الخدم والشغالات في أعمال التنظيف والترتيب بل متابعتهم وتوجيههم والله الذي لا إله إلا هو عندما مشيت على هذة النقاط تغيرت حياتي 180 درجة واصبح بيتي ومملكتي كأنها جنة ونفسيتي جداً مرتاحة واصبحت اعشق التفنن في الطبخ ودخول المطبخ اتفنن في لبسي ونظافتي لجسمي والإعتناء بنفسي ! أصبحت قريبة جداً من زوجي وابنائي ! أصبحت أحب وينشرح صدري للزيارت واستقبال الضيوف ! احس وأشعر بالغبطة والسعادة وأنا ارى كل من حولي يسألني عن طبختي الفلانية وطريقة ترتيبي للمكان الفلاني في بيتي ! او عن رائحة عطري وبخوري وصبغة شعري ! التغيير وترتيب بيتك وتنظيفة حلو يا أخوات وله لذة لا تضاهيها اي لذة فقط نحتاج للعزيمة والإرادة والتوكل على الله .. وأن يكون دافع التغيير نابع من ذاتك !! |
رد: غير مسجل تعالي نتساعد في ترتيب المطبخ وتنظيفة !
خطواات وطرق رااااائعه
اناا صرااحه تجيني فترات اكسل وفعلآ اذا اجلت اتعب في الشغل بعدين متااااابعه لك ولنصااائحك يالغلا |
رد: غير مسجل تعالي نتساعد في ترتيب المطبخ وتنظيفة !
ام رزان اولا مشكوره على نصائحك الغاليه والله اني استفدت منها كثير والله يقويك ومشكوره حبيبتي على دعائك لي والله يتقبل منك يارب والصراحه ماشا الله مطبخك حلو مرره وقمه في الترتيب والشياكه الله يهنيك ويسلم ايدينك على الطبخات الحلوه والله تفتح النفس يعطيكي الف عافيه
ام سماسم حبيبتي جزاك الله خير والله يتقبل منك الدعاء يارب وانشا الله اسوي متل ماقلتي بالنسبه للتجهيز |
رد: غير مسجل تعالي نتساعد في ترتيب المطبخ وتنظيفة !
مراحب اختي ام رزان
الله يعطيك العافيه على الموضوع وربي يعطيك الصحه والعافيه بجد مررررتبه امس حمستيني رحت انضف البيت بس والله تعبت مووووت بديت العصر والله ماخلصت الا 9 على الرغم اني بشقه وصغيره مررره بس لاني نفضت الشقه نفض من دواليب فوق وتحت وملابس غسيل وكوي وكنس ومسح وعندي بنت الله يهديها ماتخليني اسوي شي من شغلها اللي مايخلص ولا يفوتك جيت ببدا بالمطبخ خربت اللمبه وخذيت ابجورة غرفة النوم وتعالي ياتنظيف لاتخافين نضفتةمن قلب لاني بس صحيت اليوم شيكت على تنظيفي لقيته اوكيه بس انا شلون طريقتي بتنظيف البيت كالتالي علشان ما اطفش واتعب اول شي ارتب البيت ترتيب شامل ومن ضمنها الدواليب من داخل بعدها اريح خمس دقايق بعدين ابداء بمسح الطاولات والدواليب والكنب لان انا كنبي جلد والاسره بعدها اريح شوي بعدها اكنس البيت وامسحه وبكذا خلصت وانا ماضغطت على نفسي بس ترا اطول وبس تحيااااااااااتي |
رد: غير مسجل تعالي نتساعد في ترتيب المطبخ وتنظيفة !
انا كمان بدي انضم اليكم بيتي كبير وما بحب جيب شغالة بخاف منهم المهم انا صغيرة عمري تقريبا 20 سنة بعرف كتير اطبخ ونظف بس لسا مو كافي بدي اسرار تخلي ريحة البيت حلوة وكمان طريقة الكوي لاني ما بعرف وانا كل مالاقي شغلة حلوة رح نزلها مشان نستفيد
|
رد: غير مسجل تعالي نتساعد في ترتيب المطبخ وتنظيفة !
مشكورة ام رازااان ع الموضوع الرائع
من جد اسعدت بمشاركتي معاك وشكرا ع النصائح والاشياء الي قدمتيها الله يعطيك العافية ويخليلك رازاااان |
رد: غير مسجل تعالي نتساعد في ترتيب المطبخ وتنظيفة !
ياهلا وغلا بالحبايب
أسعدني تواصلكم وحضوركم وجميل أن نتعاون ونشجع بعضنا البعض من أجل أن تكون بيوتنا نظيفة مرتبة وقبلها عامرة بذكر الله سارونة الخبر أسعدني إنتقالك لخطوة التغيير وهذا بحد ذاتة إنجاز ! استمري وواصلي وسترين الخير الكثير بإذن الله فقط تابعي شغلك اول بأول ولا تكسلي عنة فيتراكم عليكم ! ندى تأبعي معنا يالغالية وأنا متاكدة راح تستفيدي وتفيدي فهالموضوع ماوضع إلا للفائدة وراح أنزل تباعاً تجاربي وممن تعلمتة في تعطير البيت ودورات المياة والطريقة المثلى في صنع بخور خاص بك يتحدث عنة كل من يدخل بيتك ! :) |
رد: أم رزاان تعالي نتساعد في ترتيب المطبخ وتنظيفة !
5 مرفق
أنا أمس كان جدولي هو تنظيف مجلس الحريم الداخلي
بديت طبعاً طلعت كل الإكسسوارات برى بما فيها الستارة وكأنت ماسكة غبار ماكنت متوقعتة ابداً مع أني كل يوم أنفضها !! أخذت منشفة كبيرة وبدأت انفض اي غبار عالق عالمجلس ثم أخذت المكنسة الكهربائية وفتحتها ووضعت داخلها كيس اوركنزا صغير فية قطعة مسك وصابون كامي مبشور مرشوش بعطر مركز وطبعاً ما أشتري شيء مخصوص لهذا الغرض بل استفيد من العطورات اللي ما ابغاها او اللي امل منها !! المهم اضع كيس الأوركنزا داخل المكنسة واشغلها وابدأ اكنس المجلس كلة حتى اتأكد أن المكنسة شالت كل الغبار ! وتعالي عاد شمي الريحة كيف في الغرفة !! جربيها بنفسك وشوفي :) بس اهم شيء يكون كيس المكنسة نظيف !! بعد هالخطوة اخذ منشفة مبلولة بموية ومنظف الزجاج وابدا امسح الطاولات والزوايا في المجلس اجيب سلم صغير " عندي وما استغني عنة ابداً " واطلع علية وانظف النجفات والمعها وأنزل مسحت الأرضية لأني قبلها بيوم كنت شاطفتها ورجعت كل شي مكانة ماعدا الستارة خليتها تأخذ حمام شمس وتشم الهواء شوي :) وقبل لا اطلع ارش موية شي بسيط جداً ارش موية معطرة بعطر جسم عالجلسة وابخر المجلس واقفل الباب الموية اللي رشيتها عالكنب تجعل البخور يعلق في المجلس وتبقى ريحتة عالقة لوقت طويل ! :) اترككم مع بعض الصور والتي التقطت عالسريع hwaml10 |
رد: غير مسجل تعالي نتساعد في ترتيب المطبخ وتنظيفة !
مقتطفات من تجاربي اليومية :)
البخور .. كنت اخذ المعمول الدوسري وكنت لما اشمة في العلبة ريحتة مرة حلو ولما احطة عالفحم يحترق بسرعة ويطلع ريحة غير مستساغة وفي النهاية اركنة على جنب واتركة مرة فتحت درج البخورات ووجدت علبتين كلهم ممتلئين بخور اقهرت وجات في بالي فكرة قلت ياتصيب ياتخيب ماراح اخسر شيء ^_^ اخذت قدر صغيرة وفرغت البخور فيها وكان فية دهن عود جابة واحد لزوجي وزوجي يكرة شيء اسمة عود ! اخذت التولة وكانت كبيرة وممتلئة فرغتها فوق البخور في القدر وخلطتهم مع بعض وحطيتهم على نااار هااااادئة جداً وضليت اقلب حتى تشرب البخور دهن العود وصار الدهن نازل تحت شلتة عن النار وقسمتة قسمين قسم تركتة زي ماهو ووضعتة في اكياس صغيرة طبعاً بعد مابرد ! وقسم رشيت علية عطر كوكو شانيل وبرضو حطيتة في اكياس صغيرة اللي فية العطر اخذتة ووزعتة بين قمصان النوم حقتي ^_^ وكل ما ابغى ابخر غرفتي اخذ كيس واخذ منة شوي واشغل الفواحة واحطة فوقها .. الريحة ... خيال خيال خيااااااااااااااااااااااااااال والله ! والاكياس الباقية اللي بدون كوكو شانيل حطيتها بين طبقات مفارش سريري في الدولاب ابخر فيها مجالس الرجال وبرضوا مو عالفحم لا عالفواحة والله الشاهد مرتين يتصلوا جاراتي يسالوني عن ريحة البخور وايش نوعة ! |
رد: غير مسجل تعالي نتساعد في ترتيب المطبخ وتنظيفة !
لتطهير دورات المياه وتعطيرها
اخذ علب موية الصحة الصغيرة واخرمها من فوق بشكل نقاط حول عنق العلبة !! احط فيها ملعقة من العملاق الأخضر واي عطر عندك أنا حطيت معاه عطر كان عندي مليت منة وحطيت معاه لوشن معطر وعبيت القارورة موية وقفلتها ورحت فتحت حوض المرحاض حق الموية " السيفون " ونزلت القارورة فية اول ماتفتحي السيفون تعالي شوووفي كيف الريحة تطلع واحساس النظافة والتطهير :) زوجي مررررة عجبتة الفكرة وانبسط عليها وصار حريص اني اعملها على طول وطبعاً اجدد في العطر واغير في المطهر :) |
رد: ام هشو تعالي نتساعد في ترتيب المطبخ وتنظيفة !
مشكوره ام رزان ..
مشاء الله موضوع محفززز والله الشغل يتعب .. البيت كله بحاله ..والمطبخ بحاله لو تنظفينوه وترتبينوه ..وشوى الا وينحاس .. انا مايتعبني الا المطبخ صغير وبسرعه بينحاس.. |
رد: غير مسجل تعالي نتساعد في ترتيب المطبخ وتنظيفة !
سلام صراحه موضوع متعوب عليه الله يعطيكي الف عافيه يارب على مجهودك ونصايحك وليا عوده انشاء الله وتقبلي مروري
|
رد: غير مسجل تعالي نتساعد في ترتيب المطبخ وتنظيفة !
السلام علكيم ورحمه الله وبركاته
أشكرك أم رزاان على الموضوع الاكثر من رااائع أنا أحب شغل البيت حتى اذا رحت لبيت أمي أكركب الدنيا فوق تحت وأرجعها أحسن من أول وعن تجربه النصايح اللي قلتيها أنا أسويها واذا حبيت ابدأ بالشغل أستعين بالله على هذا الشغل حتى الطبح أستعين بالله سبحان الله بسرعه أخلص شغلي شكراااا للجميع أحبـــــــكم |
رد: غير مسجل تعالي نتساعد في ترتيب المطبخ وتنظيفة !
السلام عليكم و رحمة الله و بركاته
اولا اشكر الغالية ام رزاان على موضوعها الراااائع و المحفز بصرااحة بيتي كبير مما يجعلني اتكاسل جدا في تنظيفه زيادة عن ذلك شغلي ثقيييل .و لما ولدت زادت اتعقدت امور تنظيف البيت قرات نصاائح جد مهمة في هذا الموضوع يعطيكم الف العافية ارييد تشجييع منكم بلييز لاني جد كسوولة و دلووعة ههههه |
رد: غير مسجل تعالي نتساعد في ترتيب المطبخ وتنظيفة !
ماشاء الله عليك وعلى افكاارك يالغاليه
بسئلك عن الكيس الي حطيتيه جوت المكنسه اش اسمه ومن وين وكيف احطه في المكنسه وهي فيهاا كيس اناا طريقتي في تعطير المكنسه اغسل كيسهاا وانشفه بس مو تنشيف كامل لا اخلي فيه شويت مويه وابخره واعطره وارجعه مره ثانيه في المكنسه وتطلع الريحه واو ولا اروع ثااني سؤؤال عاادي البخور احطه في فواحة الشمع مو الكهربائيه والله يعطيك الف عاااافيه من جد موضوع خطير متااااااااااااااااابعه بئذن الله |
رد: غير مسجل تعالي نتساعد في ترتيب المطبخ وتنظيفة !
حلووووه افكاركم استفدت منها انا استخدم للفرن عشان العيون والسطح يصير لامع ونطيف حطي علبه فيها العيون وماء حار وخل وملح وخليها ربع ساعه وافركيها وراح يطلع الوسخ منها وتصير تلمع الما السطح ستخدمي له خل حطيه بسفنجه وراح تدعيلي
|
رد: غير مسجل تعالي نتساعد في ترتيب المطبخ وتنظيفة !
واو حمستوني اني انظف البيت
شكرا حبيبتي ام رزان على الموضوع رائع اليوم أنشاء الله راح أنزل سوق واشتري اشياء الي قلتوها " مره متحمسهه ههههه'' واجرب وقلكم تجربتي راح اصورلكم نتائج ياحلوين |
رد: غير مسجل تعالي نتساعد في ترتيب المطبخ وتنظيفة !
السلام عليكم ورحمه الله وبركاته
بصراحه فكرتكم مره حلوه وفى اشياء كثيره استفدتها منكم انا ملتزمه بنظام ماغيرته كل مألاقى نفسى فاضيه امسك شى فى البيت حتى وقت مشاهدتى للتلفزيون اجيب الأدراج مثلا حقت المطبخ ولا ادراج غرف النوم واحط شويه مويه مع قليل من الكلوركس وتايد وشوى فيرى ومنشفتين وحده للتنظيف والثانيه للتنشيف وابداء بمسح الأغراض والأدراج والتحف واى شى جبته قدام التلفزيون واخلص شغلى بدون مأحس فيه وشوى شوى اجيبها عشان مايسير البيت مقربع قدامى ولاجاه زوجى انا فاضيه ماعندى شغله تلهينى عنه لأن لازم كمان نفضى نفسنا لأزواجنا عشان مايتضايقون واذا جاه يلاقيكى جاهزه لاستقباله بس الشغل الأساسى اكيد لازم يخلص فى وقته |
رد: غير مسجل تعالي نتساعد في ترتيب المطبخ وتنظيفة !
السلام عليكم لاحظت عنوان الموضوع باسمي حابه اسأل لأني اكثر من مره ألاقي مواضيع عنوانها معلمه جنوبيه
|
رد: اجمل احساس1 تعالي نتساعد في ترتيب المطبخ وتنظيفة !
يعطيك العافية حبيبتي الفكرة حلوة وان شاء الله الكل يستفيد منها موفقة ياعسل رب هب لي من لدنك ذرية طيبة انك سميع الدعاء. استغفرالله العظيم رب العرش العظيم
|
رد: بدور السماء تعالي نتساعد في ترتيب المطبخ وتنظيفة !
مشكورة على الفكرة الحلوة انا بصراحة هم مسوية جدول للاعمال المنزلية يعني كل يوم من الاسبوع على غرفة وبالنسبة للصابون فأنا معك ام رازان انا ما استخدم الا الصابون في تلميع القدور واذا صابون رقي(الغار) يكون بعد اروع من صابو الريحة |
رد: روز بااريس تعالي نتساعد في ترتيب المطبخ وتنظيفة !
وعليكم السلام ..
يعطيك العافيه على هالموضوع اللي يفتح النفس ويرفع المعنويات أنا من عشاق النظافه بس الكسل وماأدراك مالكسل خخخخ أنا شقتي صغيرة إذا نظفت أنظفففف من قلب وأحافظ على النظافه أسبوع أسبوعيين وبعدها يحتاس وأجلس في صراع مع نفسي لين انظفه من جديد هههههه بس من جد النظافه تسبب رااحه نفسيه وروقان ماله اخر طريقتي بالتنظيف مممم عادية انظف البيت كله بيوووم واحد مااحب يكون كل يوم شي او غرفه ماعدا الغسيل والكوي لها أيام مخصصه عقدتي الفرن له 5 سنوات عندي واللي يشوفه يقول 10 hwaml4 هههههههههههه أحاول انظفة بس ماينظف اللي عندها نصائح تقول لي ... hwaml53hwaml53 والاشياء اللي ماأقدر أستغني عنهاا كلوركس للأرضياات أنصحكم فيه وبقوووة ينظف ويلمع وريحتتتته تجنننن جربت كثير للأرضيات بس زية مفيش خخخخ hwaml03 http://forum.hwaml.com/imgcache2/hwa...054395_460.jpg وهالشي الجميل بعد ينظف وينشف بنفس الوقت http://forum.hwaml.com/imgcache2/hwa...054395_808.gif وبخوري اللي ماأستغني عنه http://forum.hwaml.com/imgcache2/hwa...054395_451.jpg (للأمانه الصور لطشتهم من قوقل اهم شي تكون الفكرة وصلت ) ووبسسس ... يعطيك العافيه ام رزان على هالفكرة البطله وان شاء الله نفيد ونستفيد .. hwaml88 |
| الساعة الآن 04:59 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .