|
فراقي صار يحلا له ؟؟
السلام عليكم
اولا أنا عضوه جديده بالمنتدى بس وربي متابعه لكم من قبل تسجيلي بشهور كثير استفدت منكم ومن تجاربكم المتنوعة بجميع الأقسام واللي كان اهمها تجارب الحمل و الولادة اليوم تجرأت وسجلت بينكم تجرأت / لأني قررت اطرح مشكلتي وتشارك وني الحل و الأفكار أنا كثير تعبت نفسيا أصارع هال عاصفه لحالي بداية قصتي أنا متزوجه عن علاقته حب دامت خمس سنوات ثم تزوجت ولي الان اربع سنوات لا أخفيكم أنا احب زوجي كثيييير بس مشكلتي معه لم تنتهي طبعا مشكلتي هي خياناااات زوجي المتعددة و المتكررة في كل مره اكتشف الامر ينكر و و و حتى لو عندي إثبات كبر الدنيا يجحد و ينكر في البدائع كنت أزعل اروح لأهلي بس أهلي دائم واقفين بصفه ومصدقينه اصلا لما اجلس يومين عند أهلي احس ناقصني شي وأبي ارجع له اشتاق له مدرررررري ليييش الحين صرت ما اطلع من بيتي بس تزعل ونتهاوش ونجلس بالاسابيع ما نكلم بعض اخر مشكله حصلت او بالأحرى اخر بنت اكتشفته يخونني معها لما واجهته ما انكر ك العاده ؟؟؟؟؟ تخيلوا كذا فجأه دق عليها وحط سبيكر ويقول لها ابي اتزوجك انصدمت وربي انكسسسسرت أخذت رقمها وصرت أدق أتهاوش معها او اتمشكل وصارت تقول حبيبي ومدري وش !!! رفعت ضغطي صار دائم يهددني انه يتزوجها عايشه بقلق نفسي فضيع تغير علي كثير من بعد ما كشافته وتهاوشنا ي بنات والله حتى لما يطالعني كذا بعين قويه نظره تخوف لما أجي اقلده عند المرايا مقدر عيوني تعورني صار يتلفظ علي يسبني يدعي علي لما يشوفنا صاحين يروح ينام و العكس !! حتى مع ولده تغير يهاوش يضرب دائم صوته عالي دائم يقول انتي ما تقومين بواجباتي !! أنا فعلا لما أزعل منه اطنشه بكل شي لا كلام ولا اكل ولا ملابس ودائم يهدد ويقول والله لا خليك تبكين والله لا حرمك عيالك صرت احس انه يكرهني وانه مؤ هذاك اللي حبوته وحبني وتزوجنا أنا مدري شسوي أهلي مابي اقولهم وما بي انطلق منه علشان عندي ولدين أبيكم تساعدوني عمري ما تخيلت انه يعاملني. كذا بهالوقاحه حتى لما اسبها واتلفظ عليها يتنرفز ويجادل نئ لما ابي احنن قلبه علي واذكره أني حبيبته وكذا يقول عادي احب ثنتين !!! احيانا تجئني أفكار أني انتقم منه واسوي زيه واعيش جوي مع حب جديد بس مدري مابي اخرب علاقتي فيه أنا احيانا احس أني غبيه لأني متعلقه فيه بزيادة أرجوكم خلوكم معي وساعدوني أنا الأفكار تلعب بمخي مدري وش اسوي |
رد: فراقي صار يحلا له ؟؟
يووووو الله يكون بعونك..
خيانه يمر فيها كل متزوجيين .. سببها انو غفله مننا ولقت صداها بماكان ثاني.. حبيبتي .. بعطيك نصايح ونفذيها.. لانو بين فتره والثانيه تجني البلاوي من كل جانب ..بس الحمدالله احاول اتعقبها.. ومااعتقد بيت بيسلم من هالمشاكل.. 1\انك تغيرين شكلك ولبسك وتعاملك.. يعني تقصي تصبغي ولبسك تبديله مره فستان ومره بنطلون ومره كيوت حتى مكياجك وعطرك تهتمي بنفسك مرررره كمان لاتعصبي مهما شفتي من مشاكل خصوصا قدامه .. 2\ راسليه برسايل ولو ماقراها او مسحها.. 3\لاتصارحينوه بانك خايفه من زوجه او ان سالفة هالبنت معه اكبر همك وبنفس الوقت لاتطنشيين زوجك .. 4\خلى كل شي بيدك لما يدخل البيت اهتمي فيه ولو هاوشك او رمى عليك كم كلمه مو حلوه.. هو فتره لما يشوف التغييير فيك وفى اسلوبك راح يرجع لك .. الله يجمعكم بخير وفكك من شر هالبنات |
رد: فراقي صار يحلا له ؟؟
الله يعيينك ويفرج همنا وهمك
انا مستغربة من البنات وش يبوون برجال متزوجين وعندهم اطفال مايخافوون الله حسبي الله عليهم مخربات بيوت |
رد: فراقي صار يحلا له ؟؟
حبيبتي انت زوجك يعتبر مريض حب يحب ينعنش حياته بالحب و كذا و مغازل البنات و للأسف غافل ان هذا حرام
انتي عليك الحين تتناسين سالفة شوي و ما تكلميه او تخانقيه فيها لأنه شي مهم الزوج عند الخيانه ما تواجهيه بس عليك انك تسايسيه و تجذبيه بطرق جديده و انا انصحك تروحي لأخصائيه اجتماعيه مشاكل زوجيه عشان تحل مشكلتك خطوه خطوه لأنه زوجك يبغاله تعامل خاص و علاج عن طريقك بدون ما يحس .. صدقيني اتكلم عن جد لأني انا دارسه دورات عند خبيرات اسريه و كانوا يقولوا من اسرار نجاح العلاقه الزوجه عندما يخون الزوج عدم المواجه ولكن التفنن في ارجاع الزوج لزوجته و شوفي ترا والله زوجك ناقصه تجديد و لا الي عند عشيقته الحقيره موجود عندك مافي فرق و الجنس نفسه مافي شي غير بس هو يبغالك تتعاملي مثل تعامل العشيقات و طبعا انصحك انصحك انك تتفرغي لزوجك بس بشرط من غير مايحس انك وراه و تغيرتي عشانه بالعكس اثبتي له انك مستقله و انك ماعاد تكلميه بموضوع خياناته لك وانك اهم ماعندك ولدينك حافظي عليهم حتا لا يصيرو مثله صدقيني زوجك شوي شوي بيمل من القرف الي عنده بس انتي اصبري و خليك مثل الحبل مره تبعدي عنه و مره تذوبيه بدون مايحس انك قاصده بس خلي تطوراتك شوي شوي لأنه هو هالفتره حاط باله منك و مبيت النيه انج راح تسوي شي ضده او ضد عشيقته و ابشرك حتا عشيقته الكلبه اكيد تتكلم فيك كثير و هي حسبي الله عليها خرابة بيوت ياربي والله منقهره عشانك .. كذلك انصحك لوجه الله انك تتقربي من ربك عشان يساعدك في مصيبتك ذي و يفرجها عليك و زوجك يبغاله علاج بس بطريقه فنيه حتا يجري وراك لأنه النظام الزوج المخ يحب مرته الاؤلى و حتا اذا تزوج ذي الخايسه لا سمح الله راح يخونها لأنه شي بنفسه ناقص و ممل و العلاقات ذي ممله مافي تجديد يعني كلام و غزل و مواعده و بعدين مافي كل عذا عايشه معاك و اول شهوه مجربها معك انتي عالجيه بسياسه و اضيف اهتمي بشكلك و لبسك بطريقه غير مباشره و اذا كنتي من سكان الشرقيه قولي لي عشان اعطيك رقم اخصائيه مشاكل زوجيه تحل من بعد الله مشكلتك بس عليك التوكل بالله و اخذ اسباب الله يعين ياربي و انا نصحتك احتسبها لربي دعواتك لي بحلم حياتي الذريه الصالحه و الحمل عاجلا يارب |
رد: فراقي صار يحلا له ؟؟
حاولي تهدين شوي من العصبيه وهو باين من فتح لسبيكر قدامك الا وهو يبي يقهرك أنتي اذا عصب عليك لاتجادلينه وحقوقه لاتقصرين فيها حتى واذا كنتي زعلانه أنا عارفه شي طبيعي مو سهله بس حاولي تهدين عسى الله يهديك لك ولعياله ويقر عينك فيهم
|
رد: فراقي صار يحلا له ؟؟
نصيحة يالغالية
لاتهدمي بيتك بيدك ولااااااااا تنبشي وراء زوجك وتنكدي علية بالمشاكل ترى كل مانكدتي علية كل ماقربة هذا من اللي له علاقة معها !! الآن ما امامك إلا خيار واحد فقط وهو إنك تسكتي حتى لو تشوفية يكلمها قدامك وهو مع الوقت بيحس بخطاة ويتركها !!! هذة فترة في حياة زوجك وما اتوقع فية رجال مامر فيها !! حافظي على بيتك ولا تروحي لأهلك عند كل مشكلة ! وتأكدي زوجك مستحيل يكرهك لكن هو ممكن يكرة مشاكلك وتنكيدك وتنبيشك ورااااه !! لو تبغي زوجك صحيح غيري من اسلوب تعاملك معااااه ولا تقصري في حقوقة وحتى لو اساء لك احسني إلية ياشيخة من أجل الله ! احتسبي كل مايصيبك عند الله فوالله إلا يعوضك الله على صبرك اسأل الله لك حياة ملؤها السعادة |
رد: فراقي صار يحلا له ؟؟
اقتباس:
والله يا أختي مؤ مقره بنفسي لبس وأناقة ماعندي روتين باللبس بس هو عمره ما مدحني او مدح شكلي ولبسي دائم أنا اسئله شرائك !!!! علشان الفت نظره بالعكس على اي هوشه قال انتي مؤ هامك الا اللبس و الكشخه والطلعات //// بصراحه سالفة هال بنت موسوسه فيني لان ردة فعله كانت غريبه و قاسيه أخاف تكون لاعبه بعقله مع العلم انها قالت بالبدايه انه كذب عليها وقال انه مطلق وما عنده عيال وقالت انها تبي تتركه بس بعدين عرفت انها كذابه ويمكن أغراها موضوع الزواج منه hwaml4 حسبي الله عليها دائم لما أقولها ابعدي عنه تقول انتي تمسكي زوجك عني وتقول شوفي وش مقصره انتي معه أقولها مؤ شغلك انتي فكينا من شرك وبس الله لا يوفقها |
رد: فراقي صار يحلا له ؟؟
اقتباس:
القهر انها لما درت انه متزوج نشبت فيه اكثر حسبي الله عليها |
رد: فراقي صار يحلا له ؟؟
اقتباس:
شوفي أنا أحسن تعود على نظام التليفونات و الغزل كذا لأني قبل كنت معاه كذا يكلمني باليوم ميه مره حتى لو ما ارد عليه ألقى مليون اتصال منه يمكن هالي تغير لما تزوجنا او مدري وش قصته بالضبط احترت فيه بس هال بنت حقيره تدرين ليه اذكر لكم موقف مره تهاوت معه بسببها وطلع من البيت متنرفز المهم أنا جا ببالي انه بيكلمها واتصلت فيها يشوف هي معه او لا ردت علي الا واسمع صوتها تتكلم كانت تكلمه من جوال ثاني وتبي تسمعني تبي تم تني قهر طبعا هو ما يدري كان يشتكي مني مدري شيقول صوته مؤ واضح وهي قالت لا تضايق نفسك على وحده ماتسوى جزمه شعوري لحظتها ماينوصف قفلت بسرعه مابي اسمع اكثر |
رد: فراقي صار يحلا له ؟؟
اقتباس:
اي بس كنه كذب كذبه وصدقها هو يقول انه حبها ولما اقول وانا ؟ يقول عادي احب ثنتين انتي ام عيالي كنه يقول ماعاد احبك اي حقوق اللي أسويها يكلمني ينافخ وبعد يبيني اوكله واشربه اهم شي بيتي نظيف اي شي يتعلق فيه ماسويه لو يموت شلون بيحس بغلطته |
رد: فراقي صار يحلا له ؟؟
اقتباس:
دائم اقول لنفسي كذا ماراح أبين له بس سرعان ما انهار وأبكي واصارخ |
رد: فراقي صار يحلا له ؟؟
السلام عليكم ..
بلاول انتي غلطانه انك تتزوجي واحد عن طريق علاقة حب طوويله 5 سنين .. يعني شافك و شفتيه غير المكالمات الطويله .. و الطلعات و و و و و والخ .. لكن الحين انتي متزوجته و صار لكم 4 سنين ... تذكرين ال 5 سنين اللي كلمتيها فيه كيف كان كلامكم كيف اسلوبك .. حب و اهتمام و نصايح و فله و وناسه .. بس .. مافي مصروف جيب اغراض للبيت .. بروح بيت اهلي .. و بعمل هيك و هيك .. كان كل واحد فيكم عايش مع اهله و طايحين في بعض حب.. و اهتمام و نظره للمستقبل بحياة افضل .. الحين صعبه انك تقررين انك تنفصلين عنه بعد 9 سنين .. من حياتك معاه .. لازم تكافحين انك تعدلين الأغلاط اللي بحياتك.. و تواصلين فيها .. خليه يشوفك و انتي تقراين القران و تدعين على سجادتك ان ربي يهديه .. و لا تنسين قيام اخر الليل و احرصي انك لما تصلي الفجر تصحينه يصلي الفجر .. خلي يشووف اهتامك و قربك لربك و طاعتك له هو و محاولتك انك تتغيري قابليه بأبتسامه و ودعيه بأبتسامه و كلمة الله يحفظك .. و طنشي موضوع البنت .. و ارسلي لها طويله .. رساله الدنيا دواره و الشي اللي ما تحبينه لنفسك لا تحبينه لغيرك .. لا تزوجتي و اكتشفتي زوجك يكلم .. أكيد بتزعلين و هذا الشي ما تحبينه لنفسك و رغم هذا قاعده تكلمين الحين واحد متزوج .. حسبي الله و نعم والوكيل فيك لو بتستمري معاه و راح ادعي عليك بكل صلاه .. و تذكري الدنيا دواره يوم لك و يوم عليك و فلنفرض ان زوجي راح يوفي بوعده لك و بيتزوجك .. بيجي يوم و بيسوي فيك مثل مايسوي فيني الحين .. لاني انا كنت على حب طويله معاه و تزوجنا بعد كم سنه و الحين احنا صار لنا سنين مع بعض فا لو انه بيتزوجك راح يسوي فيك مثل ما يسوي فيني الحين راح يخونك و تجربي حرقت قلبي .. و لا تغتري بحالك و تقولي انا غير انا ذكيه و اقدر اخليه لي لوحدي و املي عينه.. ابليس ما يعرف عينه و لا عينك و و زي ما قلت لك الدنيا دواره .. الموضوع الحين بين يدك يا تستمرين و النتيجه معروفه يا تبعدين عن زوجي و تتركيني معاه نحل امورنا لوحدنا من غير تأثر حد علينا كل البيوت تصير فيها مشاكل .. و الحوبه ماترووح تجيك لو كنتي بأخر الدنيا لا تخلين حوبتي تجي بأهلك و يصير لأمك نفس اللي يصير فيني ان ابوك يخونها و يهددها بلزواج يعني ضياع اسره كامله بيت .. و بأستمرارك معاه قاعده تهدمين بيتي .. و بس و انتي خلك مع زوجك الحبوبه المطيعه و المرحه و الغيوره و بنفس الوقت .. أعتبري اللي يصير فيك الحين عقاب من ربك نتيجه لأرتكابك علاقة حب من وراء اهلك.. لمدة 5 سنين اعتبري اللي انتي فيه عقاب و اختبار من ربي العالمين و حاولي تتقبلين العقاب و تنجحين بلاختبار .. بأحسن صوره و بأفضل طريقه و ربي يهديه و يصلح حالكم .. |
رد: فراقي صار يحلا له ؟؟
و مهما يصير بينك و بينه ... من مشاكل لا تتركين بيتك و تتركين لها الفرصه انه يغلط و يلجألها و يقولها
ازعلت و راحت بيت اهلها و ذيك .. تقعد تقوله يؤؤؤؤؤؤ بجد غبيه بس احسن تفتك منها و و و و و ما يندري شتقوول بعد .. |
رد: فراقي صار يحلا له ؟؟
اقتباس:
شسوي ي أختي أنا كنت واثقه من حبه لي سوا المستحيل علشان يبقى معي ويتزوجني ماتوقعته بيوم يخونني حتى خيانته السابقة ماكانت تهمني لانه كان ينكر يشتري رضاي يكلم البنت قدامي ويجحدها وينهي علاقته وينتهي الموضوع بس هذي هي اللي كانت ردة فعله غير على فكره كثير كلمتها بالأول كانت تقول خلاص بتركه بعدين لا وكتبت لها رسائل كثير من ها لنوع كانت تقول لا تدعين ومدري وش تقول انها مطلقه وعندها بنت وتبي احد يواسيها وما كانت تدري انه متزوج وكانت تعرفه خمس شهور ولما اسألها كيف تعرفتي عليه تقول نسيت اصلا بائن انها لعابه أرسلت عليها كم شخص من أقاربي شباب وكلمتهم ولما أقوله يقول عادي تعقل لما اتزوجها مدري وش يحس فيه وزوجي الله يهديه. النوع اللي مقصر بصلاته كثير ولما أقوله صل يقول طيب ولا يصلي أحيان ادخل بمشاده معه بسبب الصلاة يقول صلاتي لربي مؤ لك |
رد: فراقي صار يحلا له ؟؟
اقتباس:
ابي ارجع الروح لحياتنا احيانا هو يقول روحي لأهلك تشكين فيني ليش جالسه معي اقعدي عند اهلك ومن هالحكي |
رد: فراقي صار يحلا له ؟؟
اجل انتي اهتمي بموضوع صلاتك
و قيام الليل و الصوم عشان ضميره يأنبه و منها اجر و ربي يعينك.. لا تحنين عليه صلي صلي ترى الزن بهذا الموضوع مو حلو.. لكن اهتمي بصلاتك و ارسلي له وهو بلدووام .. مسجات دعاء و صلح و هدايه و كلام حب كل بين فتره و فتر و حشني كذا و اشتقت لكذا .. حتى و انا زعلانه منك .. مشتاقه لك .. و بنفس الوقت لا تذلين نفسك له و تترجينه .. صيري قويه و حاولي ما تبكين قدامه و تبينين لها ردة فعل غير متوقعه .. |
رد: فراقي صار يحلا له ؟؟
شوفي إحنا الحين ما نكلم بعض الا اذا ابي شي طلبته
وهو بس ينافخ ويتوعد انه يندمني ! مثلا امس جاب عشا لنفسه تعشا ولا نادني بالعادة حتى لو متهاوشين يناديني وانا ماروح حتى بزعلنا تغيرنا |
رد: فراقي صار يحلا له ؟؟
نصيحه أختي حذاري تكلمي غيره او تفكير زي مقالتي لانه حراااام للتكوني زيه تذكري وراك حفره ومنكر ونكير وجنه ونار والجو اللي راح تعيشيه سنه سنتين عشر مصيره ينتهي وتحسي بالإثم ربي أولادك واحتسبي وغيري معاملتك معه وربي يوفقكم وتذكري انتي كنتي معاه علي علاقه محرمه وصار زوجك وايش سوا فيك فتخيلي بغريب ممكن تخسري سمعتك بالدنيا وتخسري اخرتك
|
رد: فراقي صار يحلا له ؟؟
اقتباس:
والله أحاول أخوفه وهدده أني بخونه وكذا بالأول كان يقول أنا واثق فيك وعارف ماتسوينها الحين صار يقول الحرمه خيرها لزوجها و شرها لأهلها قلت يعني كيف قال بيقولون بنت فلان hwaml15 |
رد: فراقي صار يحلا له ؟؟
ما فيه ولا راجل يعترف بخيانته خاصة اذا كان يحب زوجته و يخاف تضيع منه ... و في نفس الوقت ما يقدر يغير طبعه ... لهذا السبب يكون مو راضي على نفسه ... بدليل انه يتنرفز من غير سبب ... بس من حكم تجربتي اللي قارنتها مع تجارب ثانية ... في هذه الامور كل الرجال مثل بعض ... المصيبة الكبرى لما تكون الخيانة بعد زواج الولاد و في سن متاخرة
|
رد: فراقي صار يحلا له ؟؟
مااقول الا الله يهديك ويهديه
للدرجه ذي هاينه عندك تكلمين واحد ثاني صار شي عادي والطفل الي بينكم مين يربيه اذا هو مع وحده ثانيه وانتي مع واحد ثاني وانتي يااختي ارجعي الى الله توبي وبتشوفين كيف ربي بيقلب حالك للافضل واذا هو بايع دينه ودنيته كوني انتي افضل منه . |
رد: فراقي صار يحلا له ؟؟
عاد ليتني أسويها صدق
أنا بس ابي أخوفه او شي وهو ما يهتم مثل منتي شايفه مشكلتي احبه وماطيق فراقه والظاهر انه غافل عن حبي له مؤ منغص علينا حياتنا غير هالطبع الغبي اللي فيه والمصيبة كل فتره ألقاه مع وحده غير يعني مأخذ الامر تسلي والله والله والله بس البنت هذي حارثه دمي الله لا يوفقها ويرد كيدها عليها فالله اعظم الكائدين ي رب توريني انتقامك فيها دنيا وآخره اميييين |
رد: فراقي صار يحلا له ؟؟
ادعيله الله يعلق قلبه بالمسجد...
وشغلي صوره البقره بالبيت يوميا ونصيحه يااختي الغاليه لا تشكس للبشر اشكي لرب البشر هو سبحانه قادر ع تغير حياتك للافضل... تقربي من الله حاولي تكسبين رضاء الله وحده وشوفي وشلون زوجك راح يركض وراك... عليك سهام الليل قومي الليل وادعي ربي ما يرد دعاء عباده ... الله يرجعلك زوجك ويحنن قلبه عليك ويسخره لك ولولدك... |
رد: فراقي صار يحلا له ؟؟
انا راي من راي مشاعل الدوسري و كلامها عين العقل
انت لازم تتوبي لربك و تندمي و تدعين لك و لزوجك هذه محنه و بلوى صابتك و الدنيا مليانه مشاكل عليك بدعاء و ان الله يبعدها عن زوجك و انت توبي الي الله و استغفري كلنا خطائين و خير الخطائين التوابين و الله يبعد بنات ابليس عن زوجك يارب و يسخره لك و يرده لك بس انت اكثري من الاستغفار ترا الاستغفار يفتح الاقفال ي اختي |
رد: فراقي صار يحلا له ؟؟
ياأختي البنات ماقصروا معاك أعطوك كل الحلول,,,,
إبدئي حلي مشكلتك,, الطامةإنك تبغين تكبرينها بعنادك مره تتصلي فيها مره تتهاوشي مع زوجك عشانها والأعظم من كذا تهددين زوجك بالخيانه....!!!! لو يصير شي أو أحد يتبلاك بيوم لاسمح الله وإلا يشك فيك........تخيلي وش بتكون ردة فعله يمكم توصل للقتل الله يبعد عنك الشك,,,,, بس خليك فمواطن الحذر ولاتنقي علية بخونك بخونك خلاص إلجئي لربك والله وبالله وتالله إني عارفة وضعك زفت وصعب والنفسية مابقى قد ماراح شوي وتجني....... بس وش تسوين تغلطين..؟؟؟؟ طالعي الضعوف إللي عندك هم إللي يستاهلون حبك ودموعك......تكفين عشانهم إلجئي لربك وخلي زوجك على جنب تناسيه شوي بعد فترة عقلك بيرتاح من التفكير فيهم وخلي الشيطان ييأس منك إنتي بالذات لايفرق بينكم ,,,,,,,,,,,,والله حرام تتفرقوا عشان هالساقطة.. صلي وإبكي على سجادتك وصومي وإستغفري سبحان الله الصائم مايكون فيه شدة يتناقش بالمشاكل فصومي كثير لله ,, وإشغلي نفسك بقوة عشان لما تجي تنامي وعقلك مصفر مررررره كثرة التفكير تخبل وتشيب الراس,, وهو لو يحط السكين على رقبتك لاتردين عليه سكوتك بيقهرررررره وبيراقبك طول الوقت لإنه بكل بساطة مايقدر يتوقع تصرفاتك..... وبيحاول يعرف على إيش ناويه..؟ وحتى لو كلمها يمكن يقولها نفس الحكي عااااد ساعتهاا والله تطرطع وتعصب ويمكن يتهاوشون عشانك,, بيقول ساكته ومدري وش فراسها..؟؟؟ وتسوي وتسوي >>>>>>>والله يجنون بسببك ويكرهوا بعض ................... بس أرجوك لاتسوين إللي براسك سوي مثل ماقالولك البنات إستهدي بالله وتعوذي من إبليس ومثل ماقالوا زمان (إشتدي أزمةً تنفرجي)........... يعني بتفرج بإذن الله بس أصدقي النية مع ربك وبتفرج لاتنسيننا من صادق دعواتك ولزوجك وأزواجنا بالهداية.... ............ |
رد: فراقي صار يحلا له ؟؟
الله يوفقكم أنا. جد احس أني هديت شوي من كلامكم
يبيلي ارتب أفكاري شوي |
رد: فراقي صار يحلا له ؟؟
انا من رايي اشغلي نفسك في ذكر الله احسن لك
لأن لاحظت اغلب المتزوجات لما يصير معها مشكلة بس تفكر كيف تنتقم أو كيف ترد له نفس الجرح المهم انا من رايي الشخصي اهتمي بصلاتك خصوصا قيام الليل والدعاء وربي قادر على كل شي انتي اهم شي طنشي والجأي الى الله وكوني واثقة ان الله قادر يوفق بينك وبين زوجك والله يسعد قلبك |
رد: فراقي صار يحلا له ؟؟
حبيبتي انا قريت الموضوع والردود واحس انك منقعلة بالتعامل معاه .. لازم تغيري اسلوبك .... اقرأي عن صفات شخصيه الرجل (الشمالي والجنوبيوهيك اشياء) وحاولي تتعاملي معو ع حسب شخصيتو ... ماتكوني محتدة معو بالحديث والمواجهة .. والظاهر انك بتطنشيه .. هاد مو حل .. انك ماترتبيله اموره وتهتمي فيه .. بالعكس جننيه بتطنيشك واهتمامك واتبعي نصائح البنات ولا تكلمي البنت يلي بيحكي معها هاد مو حل ابداااااااااا
|
رد: فراقي صار يحلا له ؟؟
الله يكون في عونك حبيبتي
بس اسمحيلي اقولك انتي غلطانه من البدايه... ترا في هالوقت الرجل الثقه صار نادر جدا؟؟؟؟؟ اللي تبي تعيش حياه سعيده ومبسوطه لاتروح تنبش ورا الرجال ... وين راح وين جاء ومن يكلم تعيش حياتها بكل بساطه تلبس تطلع تشوف الناس تشغل وقتها بشي مفيد.. تلبي طلبات بيتها وزوجها على اكمل وجه واللي عندها شك في زوجها.. وماعندها استعداد انها تتطلق وترجع بيت اهلها خلاص لاتنبش وراه تكثر من الدعاء له وان الله يرده ردا جميلا لانها بمجرد تفتح الموضوع خلاص افتحت على نفسها باب المشاكل صار بدل ماكان يحسبلها حساب ويحترمها صار يسوي الغلط قدامها عاجبك اهلا وسهلا مو عاجبك روحي بيت اهلك والمسكينه تعيش بين نارين نار انها ماتقدر تشوف الخيانه قدام عينها ونار انها ماتقدر تترك بيتها وعيالها مالك غير الصبر والدعاء.. وهدئ الوضع شوي انسي موضوع الخيانه وعيشي حياتك طبيعي والله يرده لك ان شاء الله |
رد: فراقي صار يحلا له ؟؟
والله انا تاثرت كثير بقصتك والبنات ماقصروا وانا مع كلام ام اصيل الف بالمية صومي وصلي صلاتك في وقتها وقومي الليل وشغلي كل يوم سورة البقرة والرقية الشرعية في البيت واكثري الاستغفار يعني اليوم كلو وانتي تستغفري والعني الشيطان واسجدي وابكي واتوسلي لله انو يسخرلك زوجك ويهديه اللك ويبعد عليه بنات الحرام اهتمي بنظافة بيتك ونظافتك انتي الشخصية ونضافة اولادك اهتمي بلبسو وباكلو ولما يطلبك للفراش ماترفضي حتى ولو مش طايقة تبصي في وشو بس اعمليها لوجه الله اهتمي بشكلك ومكياجك وتعطري وماتحاولي تتكلمي معاه في الموضوع نهائي ولما يدخل سلمي عليه حتى لو مارد بردو تكوني عملتي يلي عليك وحتى لو جاب اكل من برا روحي وحطي الاكل امامو سواءا اكل منو او لا هو رح يستغرب وما يلقى حجة عليك يتكلم عليها مع الساقطة لو تعصب عليك او تكلم كلام جارح خذيلو بعدها عصير خليه يندم غصب عنو خليكي غامضة بتغيرك وعدم كلامك في الموضوع نهائي ولاتبكي امامو او تضعفي خليكي قوية امامو بقوة تحملك واوعي تجيبي سيرة الخيانة تاني امامو احنا عارفين انك مارح تعمليها بس هو ممكن يلقاها حجة عليك ويطلقك واوعي تكلمي البنت تاني وغيري شريحة مبايلك
ومرة كل يوم ابعتيلو رساله رومانسية او رسالة باسم اولادو مثلا انا بحبك يابابا او احنا مستنيينك يابابا على الغذا او ماما تحبك يابابا و............. والله لو ثلج بيذوب حاولي تشغلي نفسك وتفكيرك في طاعة الله وقراءة الكتب الدينية واقرئي في مياه شربكم سورة البقرة يعني كمية كبيرة وخليه يشرب منها رشي زوايا بيتك بمياه مرقية من اليمين الى الشمال البيت كلو ماعدا الحمام الواضح انو زوجك عنيد والزوج العنيد كلما عندتي معاه رح يتحداكي اكثر فحاولي تكسبيه من جديد بطاعتك له وبحفاظك على دينك وبيتك حطي نفسك انك في حرب يااما تكسبيها يا اما تخسريها عارفة يا اختي تقولي الكلام هدا صعب تعمليه لانك مجروحة منو بس لازم تعمليه والا تخسري بيتك وزوجك عارفة حتى لو تزوجها مصيرو يندم ويرجعلك بس اعملي مثل ما قتلك على الاقل مهما صار مارح تقولي لو عملت كذا ممكن كان رجعلي والندم ماينفع بالاخر واخيرا اقولك ربي يسخرلك زوجك ويهديه ويبعد عليه بنات الحرام |
رد: فراقي صار يحلا له ؟؟
الله يصبرك ويصبرني. ، انا أعيييييييييييش نفس مشكلتك وربي حاآسه فيك
بس يمكن انتي تصرفك احسن مني انا بجد ماتحملت قالي نفس كلام زوجك قال بتزؤجها قهرني وحرام انا لساتي صغيره عمري20 سنه وتووو مالنا الاسنتين من زؤاجنا. اصبرت وتحملت اسبوووع كنت استناه يجي يعتذر مني كن للاسف ماجاء طبعا انا عصبيييييييه مره اتصلت ع اخوي وجاء اخذني وعلمت ابوي واخواني بكل شئ وابوووي قاله مالك زؤجه عندي الين تتعدل وتصير رجال. ، وانا الحييين عند اهلي ومأكلمه ولأرسله ولاحاجه كأني مووووووومتزؤجه بس بجد بيت اهاي اريح كثييير من اكوون معاه واشوفه يخووونني مع اني ماعمري خنته انا. الله يفرجها عليييييك ياختي وعلي انا صرت اقرأ سورة البقره واستغفر كثييير واتسنن اخر الليل والله يرد ازواجنا الينا ردا جمييلا |
رد: فراقي صار يحلا له ؟؟
صحييييح احب زؤجي واعشقه كثييييير بس كرامتي فؤؤؤق كل شئ
وربي ماتحمت الاهانه وجلوووسي معاه. ، واقوولك وربي اني اشتقت له كثيير بس لما اتذكر خيانته وكلامه عن هذي اللي يكلمها يرؤؤؤح الشؤؤؤق مني وقلت لابوووي حتى لوجاني واعتذر لازم اعطيييه درس ماينساه بس مدري بصراحه ايش اسوي انا اخذت الرقم واتصلت عليها وردت طلعت بنت بس ماكلمتها وهددتها ولاحاجه كبيتها وقلت له اسمع من باعني برخييييييص ابيعه بتراب |
رد: فراقي صار يحلا له ؟؟
يا بنات انا باقول لكم كلمة ولحد يزعل
انتي تزوجتيه وكنتي قبل كذا عشيقه له لمدة 5 سنين واصبحتي زوجته الرجال اللي ما عنده اخلاق ومبادئ وما احترم اهلج من البداية وكلمج كل هالفترة من وراهم عمره ما بيحترمج وبيشتاق انه يرجع مره ثانيه عاشق وولهان وصائد فتيات بدون مسؤولية انتي خنتي اهلج و ربج من قبل ولازم تتحملين اللي ايصير فيج ولا توقعين في الغلط مرة ثانية وتعصين ربج بعد حافظي على صلاتج واستغفري ربجح وادعي ان ربي ايرده لج ويصرفه عن طريق الحرام واحسني تربية اولادج حتى ما ايكونون مثل ابوهم في المستقبل وحطي خوف ربهم جدامهم وانه اهم شي بحياتهم وربي ايردلج زوجج ويهدي لج عيالج ويبعد عنكم بنات الحرام |
رد: فراقي صار يحلا له ؟؟
لأنك محسسته انك بدونه ولا شي .. وانك تموتين بدونه .. يجرح و يسوي كل شي و متأكد انج بتظلين معاه و تحبينه وتهتمين فيه !
خلاص وقفي كل هذا وقفي اهتمامج فيه و اهتمي بنفسج وبعيالج وبــــــــــــــــس من اليوم تروحين السوق تتسوقين كل شي غير عن اللي تعود عليه ستايلج .. الميك اب . عطوراتج .. الشور جل !! حتى الملابس الداخلية اخذي ألوان ما كنتي تلبسينها اعتمدي اللوك الناعم والراقي .. قصي شعرج سوي كيراتين .. صبغين .. اوقفي قدام المرايا .. تعلمي تتكلمين بهدوء .. و برود .. و شوية دلع .. لاحظي .. ( شويــــة ) دلع لين تتقنين هالشي و يصير من عاداتج و طبايعج .. لا يحس انج تتصنعين شي لما يدخل و لا كأنه دخل لعبي مع عيالج خليه دايم يشوفج تضحكين و فرحانه ابتسمي في وجه زوجج اذا صار موقف و طلع لج بوجهج .. طبخي اشياء جديدة .. غيري من محلات الأثاث ببيتج خليه يحس ان في شي غير .. تراه لاعت جبده من الحنة والهواش و الزعل و النكد .. حسسيه انج فرفووووووشة .. عمرج لا تفكرين تتصلين بوحده بنت شوارع تقولين لها هذا زوجي و ابتعدي وماعرف ايش .. ولا تفكرين تخربين حياتج وتقولين بسوي نفسه .. خيانة المرأة غير عن خيانة الرجال .. بحركتج هذي ممكن تدمير عيالج و مستقبلهم .. بكره يعايروونهم روحي شوفوا امكم .. حرام عليج ! اهتمي بنفسج .. و خليه هو يركض وراج بالليل لبسي ثياب للنوم بجامات بناتية .. كيوت على ميكي ماوس .. هيلو كيتي .. هالسوالف .. خلج دايم نظيفة و ريحتج حلوة .. و لين بغاج في الفراش لا تردينه .. تراج تنلعنين .. جربي مسك الطهارة .. و اقري عنه بالنت من عبدالصمد القرشي خليه يحس بالتغيير حتى في هالأشياء و ربي يسخره لج و يبعد عنج بنات الحرام |
رد: فراقي صار يحلا له ؟؟
السلام عليكم
اسمعي يا اختي انتبهههههههههي انتبهي تسوين زي ماسوا تراك كذا تخربين بيتك بيدينك لاتعالجين الغلط بغلط انتي بحالتك هذي مالك الا ربك صدقيني بتتغير حياتك ادعي ربك انه يصلح شانك ويفرج كربتك والبنت اللي يكلمها ماراح تدوم لان علاقتهم محرمه من الاساس وهي ماتستحي وناويه تخرب بيتك ولاعاد تتصلين عليها لانها راح تزيد اكثر طنشيها و اهتمي بنفسك وببيتك وزوجك واذا قالك شي خليك ساكته واياك ونظرة الاستهزاء خليك ساكته باحترام ولحظه الغضب راح تزول سوي فنجال قهوه ولا عصير ليمون يهدي الاعصاب وحطيه عنده و كملي شغلك المنزلي واذا هدت اعصابه تكلمي معاه بهدوء واحترام صدقيني يخجل من اسلوبك واحترامك ويعاملك زي ماتعامليه واقري هذا الدعاء بهدوء وخشوع وطمانينه (يالله ياربي وربي زوجي ماعاد الامر بيدي اصبحت مرتهنه بغيري ليس لي الاك الان ياحي ياقيوم برحمتك استغيث اصلح لي شاني كله ولاتكلني الى نفسي طرفة عين اللهم اني اعوذ بك من شرور كل الفاجرات وادرا بك في نحورهن اللهم اكفنيهن بما شئت وكيف شئت انت وحدك العالم بهن والقادر عليهن) الله يفرج كربتك يارب ويخلي لك زوجك ويجعلك قرة عينه |
رد: فراقي صار يحلا له ؟؟
أنا دائماً مهتمه في بيتي ونفسي وفيه
بس لما متزاعلين هو ماعاد اسوي له شي الحين أنا أحاول أغير أسلوبي معاه وهادئه بأسلوبي صار لي موقف بالمول وكنا سوا كان واحد ولاحقنا يبي يرقمني تخيلوا وانا مع زوجي وعيالي أعوذ بالله الناس ماعاد تستحي المهم أنا استغليت الموقف لصالحي ونبهت زوجي عليه <<<< خلوه ينشغل فيني أحسن خخخخ لما ركبنا السيارة كنت اعلق ع الموضوع وقلت له جمله فالصميم قلت اللي يسويه اليوم مع بنات الناس بكرا يصير بمحارمه << هو فهم على طول وقال أنا الحمد لله تبت وعقلت صار عندي ولدين افكر بمستقبلهم قلت عسى هالمره تصدق قال لا مره قلت وعيونك الزائغة قال العين بحر !!!!! شيقصد قهرني ناظرته كذا بنظره غريبه قال اهم شي القلب وانتي اللي بالقلب !<<< حاولت اقتنع قلت يعني أعطيك الثقه العمياء قال لا ما اشحذك ثقتك بكيفك وصلنا البيت بهاللحظه نزلت وتركته طبعا مابي اكذب على نفسي وأقول صدقته بس معطيته جوه بس لما يرجع ماله نفس يأكل او يتعشى اتنرفز مدري ليه او أشوفه جاي معصب انبهر وما اكلمه أساله تبي اكل يقول لا اروح عنه ساكته واحط لنفسي ولولدي عشا hwaml02 ادع لي ربي يصبرني عليه وادعو له معي انه يخلص لي وينفر قلبه من هالبنت وغيرها |
رد: فراقي صار يحلا له ؟؟
شششغللي سورة البقررة في البيت يوميآآآآ
خليك هآآدية وعيشي حيآتك إنتي وولدك بكرة الولد مسكين يتعقد من مشآآكلكم وزوجك بينددم ويرجعلك وتششوفي بس إنتي خليك قريبه من ربك صلي واستغفري وإتصدقي ,, ربي يسسسخرلك زووجك ويهدية ويبعد عنكم بنآآت الحرآآآم , |
رد: فراقي صار يحلا له ؟؟
يمه وش هذول الرجال مافيهم رحمه
الله يعينك ويغيره ويصير لك امين |
| الساعة الآن 07:18 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .