ديوانية حوامل البحرين
 

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

بصراحة منتدى روعة وفيه فايدة وايد، والفايدة تزيد لما تلاقين احد من نفس منطقتج
وما شاء الله المنتدى مليان تجمعات لمناطق الله يزيدهم ان شاء الله

وبما اني من البحرين الحبيبة وما شفت تجمع لبنات البحرين/ وما ادري اذا كان هالمنتدى الحلو فيه بنات من البحرين والله لا.

فتحت هالديوانية وفرشتها وجهزت الحلا والقهوة

فحياكم الله hwaml12

ترى العزيمة مو بس لحوامل البحرين حياالله الكل والجميع والخير وايد hwaml7

رد: ديوانية حوامل البحرين
 

انا من قطر و بتواصل معاج بأذن الله
ههههه

رد: ديوانية حوامل البحرين
 

هلا ام احمد..

ع البركه افتتاح التجمع وان شاء الله تجمع خير..

وتجتمعون ع الحب والموده

وانا من السعوديه بس لو بغيتي شي انا تحت امرك

رد: ديوانية حوامل البحرين
 

حياكم الله حبيباتي شرفتونا

ان شاء الله عجبكم الحلا hwaml71


ما في حوامل من البحرين ؟؟؟؟؟؟

رد: ديوانية حوامل البحرين
 

هلا وغلا فيك
انا من البحرين
والله يزيد ويبارك

رد: ديوانية حوامل البحرين
 

يلا ام احمد هذ1 جات لك وحده

وان شاء الله تشوفي المزيد

مبارك عليكم التجمع

رد: ديوانية حوامل البحرين
 

دلوعه سوسو انتي من وين بقطر وين تراجعين ؟؟
انا في قطر ..

رد: ديوانية حوامل البحرين
 

أنا بعد من حوامل البحرين
يسعدني الأنظماام إليكم

رد: ديوانية حوامل البحرين
 

بريق الماسة حياك الله حبيبتي الله يتمم لك على خير
يا رب عفوك، مشكورة حبيتي على المرور والله يزيدهم ويبارك فيك hwaml7
أم كرار لله يتمم لك على خير وحياك الله (كرار.. احب هذا الاسم ) hwaml53

رد: ديوانية حوامل البحرين
 

دخلوني وياكم إذا ممكن:)

أني باجر أول موعد لي ووشكلي بعرف جم عمر البيبي

رد: ديوانية حوامل البحرين
 

هلا ام احمد اسمحي لي فديتج انقطعت عنكم فتره

الثقل و ما يسوي هههه..

عاشقها زوجها..
انا من عين خالد و اراجع ف الولاده حبيبتي
و انتي؟

رد: ديوانية حوامل البحرين
 

حنين الماضي حياج الله حبيتي .
ان شاء الله يطمنونك على البيبي وتطمنينا وياج

رد: ديوانية حوامل البحرين
 

دلوعة سوسو هلا حبيبتي ، الله يعينج على الثقل ويتمم لج على خير

رد: ديوانية حوامل البحرين
 

اخبركم قصتي ويش صار لي امس (صارلي يومين تنزل علي افرازات بنية ورحت طوارئ الحمل بالسلمانية (( لغير البحرينيات السلمانية المستشفى الرئيسي عندنا وهو حكومي )) طبعاً الدكتوره هناك سوت لي سونار وقالت لي فيه كيس بس وما في جنين وكانت تبي تسوي لي كشف من تحت وانا رفضت، طلعت من عندهم شايله هم الدنيا على راسي ورحت مباشرة الى مستشفى ثاني عملت سونار وشفت دكتورة النساء عندهم والحمد لله طمنتني ان الجنين بخير وكتبت لي ابر وحبوب تثبيت والله يستر.

بس ما اخفي عليكم اني للحين خايفة لان الافرازات للحين ما خفت

ولا تنسوني من الدعاء، فدعاء المؤمن لاخيه المؤمن في ظهر الغيب مستجاب .

وبس .... هدرت وايد

رد: ديوانية حوامل البحرين
 

اوووه

ما عليج شر يا أم أحمد
اهم شي ارتاحي و لا تتحركين وايد
الله يثبت لج حملج ان شاءالله

رد: ديوانية حوامل البحرين
 

الله يقومش باسلامة أم أحمد

أني قبل يومين نزل علي دم خفيف ورحت لدكتورة سميرة مدن وعطتني دفستون والحمدلله من اخذته انقطع الدم
سوت اشعة وبس جافت الجيس وقالت بتسوي لي تلفزيون من تحت لأن مايبين النبض من فوق ساعاتت لكن مارضيت وعطتني موعد عقب اسبوعين عشان اسمع نبضه

انتظر تاريخ 15/6 بفارق الصبر عشان أروح وأطمن

رد: ديوانية حوامل البحرين
 

غاليتي ام احمد
الله يثبت لك حملك ويتمم لك على خير يارب
عليكي بتناول الدواء والراحة التامة وماعليكي شر
اختي حنين للماضي
الله ييسر لك حملك ويتمم لك على خير ويطمنك عاللي ببطنك

رد: ديوانية حوامل البحرين
 

هلا والله ...
هلا فيج ..
اني من البحرين بعد ،،
حياج حياج

رد: ديوانية حوامل البحرين
 

أم أحمد هلا فيج اختى بينا

أني بعد من البحرين

بس مادورتي اتروحي الا طوارئ السلمانيه؟؟

أني أول ما حللت في البيت عقب يومين رحت لدكتوره فكريه مصطفي وعطتني مثبتات وأدويه

والحمد لله بتابع معاها حاليا

وان شاء الله خير

وماتشوفين شر ان شاء الله

وزين حصلنا على بعض في هالمنتدي المفيد

نتواصل ان شاء الله؟؟

بس أنتي بأي شهر اختي؟؟

آنا أخر دوره كانت لي

25/4 بالميلادي

وانتي؟؟؟

رد: ديوانية حوامل البحرين
 

أنا بعد رحت السلمانية في الأسبوع السادس وسوت لي تلفزيون لس ما بين عندها الجنين فقالت لي تبي اتسوي كشف مهبلي انا حسيت انه شي يخوف ومارضيت اسوي وخلتني الدكتورة اوقع اني مب راضية وعلى مسؤليتي اذا صار فيني او في الجنين اي شي ... المهم عاد بعدين كنت اتكلم مع وحدة من معارفنا ممرضة تشتغل في القسم عن الموضوع قالت لي خليج من الدكتورة اصلاً الجهاز حق التصوير ما يشتغل عدل .... ومن فترة كنت اتكلم مع صديقتي عن الفحص ألمهبلي قالت لي الحمد لله ما سويتي انا سويت وبعد يومين أجهضت بالبيبي


يعني صراحة مستشفى السلمانية ما يعتمد عليهم

رد: ديوانية حوامل البحرين
 

الفحص المهبلي هو نفسه التلفزيون؟؟؟؟

*********

ليش الموضوع مايثبت فوق نفس باقي الدول والمناطق؟؟؟hwaml11

رد: ديوانية حوامل البحرين
 

ما شاء الله الله يزيد وبارك

حلاوتها ديوانيتنا عامرة ..... دوم ان شاء الله

دلوعة سوسو الشر ما يجيك حبيبتي الله يخليج

حنين الماضي سلامات حبيبتي انا الحين اخذ نفس الحبوب مع ابر تثبيت، اخذت وحده والثانية ان شاء الله الاحد 6/6 روحي الشفاء دكتورهم وايد زين والجهاز اللي عندهم متطور راح تسمعين نبض الجنين وتطمنين عليه ان شاء الله

حبيبتي بريق الماسة الشر ما يجيك وتسلمين يالغالية

رد: ديوانية حوامل البحرين
 

ام كرار حياج الله حبيتي

زهرة الرمال هلا حبيبتي ‘ عاد شفتي الحظ ما لفيت الا على السلمانية مع اني مجربتهم من قبل لكن مثل ما قلت في البداية اني ما كنت اعرف وين اروح لكن الحمد لله .

انا رحت الى دكتورة مستشفى الشفاء وشكلي راح اكمل معاها لاني ارتحت لها صج المستشفى مآساه بالعصرلكن الصبح خفيف ما في احد .

ممكن تخبريني عن الدكتورة فكرية وين مكانها ونظام عيادتها .

انا الحين 7 اسابيع اخر دورة لي كانت 10/4 يعني قبلك باسبوعين .
_________________________________________

صدقتي ام كرار حبيبتي السلمانية ما يعتمد عليهم ، زين سويت يوم ما رضيتي تسوين فحص مهبلي لان السلمانية ما عندهم الا هالفحص ، روحي عنند اخصائية عشام تطمنين على البيبي وعلى صحتك.

الله يتمم لك على خير

رد: ديوانية حوامل البحرين
 

حنين الماضي الفحص المهبلي هو تلفزيون بس من تحت .
وان شاء الله يتثبت الموضوع بس لما تكبر الديوانية .

رد: ديوانية حوامل البحرين
 

رد: ديوانية حوامل البحرين
 

هلا أختى أم أحمد

يلا أهم شي سلامتك الحين بس شنسوي مردنا ليهم حتى لو رحنا خاص

إجينا ظروف انروح ليهم الله كريم يا أختى

دكتوره فكريه صايره مو بعيد عند السلمانيه بعد

يعني انتي الحين 7 اسابيع اني ماني عارفه كم اسبوع لي اتخيلي

قالت لي الدكتوره دخلتي الاسبوع الخامس توك يعني صار لي الحين تسعه ايام من حللت ورحت لها... وموعدي الجاي تاريخ 10 من هالشهر بعد اسبووع

خايفه اتصدقين للحين ما تنسيت وكل احاتي اقول يمكن الحمل مو طبيعي هههههههههههه

شخبارج انتي مع النسااه ومتي تنسيتي في اي اسبوع يعني

يلا خلنا انسولف ونستفيد من بعض طوول فتره حمالنا


ماتدرين يمكن نولد مع بعض ههههههه

رد: ديوانية حوامل البحرين
 

رد: ديوانية حوامل البحرين
 

حدددي استانست يوم جفت بنات من ديرتي اهني

الله يقومنا بالسلامة

وعلى طاري مستشفى الشفاء مرة امي راحت لدكتورة كانت هندية واني بصراحة كنت ابي دكتورة بحرينية أو من جنسية عربية عشان اقدر اتفاهم وياها عدل

ودكتورة سميرة حدها خوش دكتورة وعطتني سيدي وراوتني الجيس بس للحين ماجه النبض تقول وعطتني موعد تاريخ 15 من هالشهر اروح اسمع النبض وقالت ببين كل شيء الجنين وسلامته وكل شيء وبتعطيني سيدي بعد ملون وابيض وواسود

اتمنى يجي هالتاريخ بسرعة واروح اطمن على الجنين

ماادري ليش من البارحة عندي الم شوي في بطني وساعات خواصري الالم يروح ويجي ومو قوي بس المحاته ومايسويhwaml4

أني على حسب كلام الدكتورة في الاسبوع الثامن يعني اني أقدم وحدة فإذا عندكم اي استفسار حاضرينhwaml02

وعلى طاري الوحام اني جاني في الاسبوع السابع تقريباً

أختي زهر الرمل لا تحاتين مو شرط يجيش الوحام ونسى لأن كل وحدة غير

أني امي تقول خير شر ما كان يجيها بس على حظي أني وأختي صادنه العكس تماماً فلا تحاتين ولا شيء

رد: ديوانية حوامل البحرين
 

هلا أختى حنين
شخلارش؟؟

وين دكتوره سميره؟؟؟

انزين ساعديني وقوولي لي آنا بأي سبووع وكم الفرق بينا؟؟

آنا 25 ابريل آخر دوره
الدكتوره من تقريبا اسبوع قالت لي انتي بالخامس يعني الحين معقووله دخلت الأسبوع السابع؟؟

رد: ديوانية حوامل البحرين
 

حروف عاشقة حياك اللله حبيبتي ، توأم الحمد لله ، الله يتمم لك على خير ويثبت لك ان شاء الله
في اي اسبوع بين لك انهم توأم ؟؟؟

__________________________________________

زهرة الرمال حياك الله حبيبتي
مثل ما قلتي ان مردنا اليهم الله كريم يا اختي

انا للحين الحمد لله النساه خفيفة ما بحسد روحي بس عكس حملي السابق ، الحمد لله ما في غثيان بس كله ابي انام ، نساتي على النوم .

على كلامك ان اخر دورة لك 25/4 ، يعني كان يوم الاحد ،،، 2/5 انتهت الدورة ويبدأ الحساب من اليوم تدخلين الاسبوع الاول
9/5 تدخلين الاسبوع الثاني
16/5 تدخلين الاسبوع الثالث
23/5 الاسبوع الرابع
وهلما جرا

يعني بكرة ان شاء الله تدخلين الاسبوع السادس
بمعنى اخر كل يوم الاحد تدخلين اسبوع جديد

الله يتمم لك على خير

رد: ديوانية حوامل البحرين
 

زهرة الرمال حبيبتي هذا خليه في توقيعك
يعلمك انت باي اسبوع
http://www.pregnology.com/preggotick...01/30/2011.png

copy- paste

رد: ديوانية حوامل البحرين
 

يا رب ترزقني بطفل اضمه

حياج الله حبيبتي نورتي الديوانية ، والله يحقق لك مرادك بطفل يا رب يا كريم

_______________________________________

حنين الماضي هلا حبيبتي عساك بخير الحين ،، الحم الخواصر والبطن احتمال ان عندك غازات
في هذي الفترة لازم تعانين من تغيرات وايد اشربي مرقدوش ( اعتقد تعرفينه ) وايد زين انا ما اتركه في حملي .

والشفاء دكتورتهم هنديه ، كل دكاترتهم هنود وزاباينهم هنود يعني لما تروحين هناك انت تكونين بالهند مو البحرينhwaml82

رد: ديوانية حوامل البحرين
 

هلا فيش أختى أم أحمد

يعني الحين باجر أدخل السادس
امممم وآنا أقول كملت ودخلت الساادس

زين بحسب على حسبتج كل أحد أكمل أسبووع

يلا أن شاء الله خير

أنا بعد بحملي السابق كنت اتنسا مووت
بس أشوف هالمره مافي أعراض نسااه كلش

اقول يمكن الحمل موطبيعي
بس سألت يقولون لي النسااه من الاسبووع السادس

يعني مع الأيام الجايه

الله يعينا عااد من النساه وبلاويهاا
بس أهم شي الطفل يكوون في صحه وعافيه

مشكووره أختى على التوقيع وان شاء الله انتم مع بعضنا لين مانكمل حمالنا

نساعد بعض في خبراتنا أشوي

رد: ديوانية حوامل البحرين
 

يا هلا بأم احمد

بين معاي الحمل بالتوأم من الأسبوع الثامن رحت لدكتورة فوزية كمال وطمنتني وسمعتني دقاقت القلب وقالت لي كل شي تمام أما السلمانية كله يخوفون ولا يطمنون الوحده لازم يخلونا نعيش في قلق ..

اما ادا جينا على سالفه النساة تدبح اني على طول مرقده في المستشفى ولا اقدر اكل شي كل شي عفتة وتوني السبوع إلي راح خافة شوي علي النساة ارد امرض بالزكام ولصخونه وجسمي متكسر حده بس الحمد الله على كل حال

نسألكم الدعاء ...

رد: ديوانية حوامل البحرين
 

حورف عاشقة الله يقومش بالسلامة ويبعد عنش كل سوء

النساة كريه حده ساعات حتى ما اطيق اكلم زوجي وكلحين اعصب على اقل شيء

دكتورة سميرة عيادتها في منطقة مستشفى ابن النفيس

اذا تبين رقمها بحطه ليش

رد: ديوانية حوامل البحرين
 

اليوم الصبح رحت لدكتوره فكريه وطمنتني

قالت لي اني بالاسبوع السادس

يالله ,,,الله يقومنا بالسلامه يارب ويثبت حمالنا

دكتوره سميره حبيت استفسر عن اسعارها كم؟؟
واول ماتروحين لفتح الفايل بعد؟؟

رد: ديوانية حوامل البحرين
 

السلام عليكم ، وشخباركم، الله يوفق للجميع ان شالله ، خواتي اني بعد من البحرين بس عاد ويش ، اني باشا عليكم، لاني دخلت الشهر التاسع خلاص ، ادعولي اقوم بالسلامه. والله يتمم ليكم بالخير.

رد: ديوانية حوامل البحرين
 

شخباركم يابنات ..

وانا راح انضم لكم ..

انا اخر دورة كانت ب3 - 5 - 2010

رحت الطوارئ قبل 5 ايام ومابان شي بالسونار الخارجي .. وطبعا قالوا لي عن السونار المهبلي ورفضت .. وسويت تحليل هرموني والحمدلله تمام

واللحين ابغي اعرف متى يبان بالسونار الخارجي علشان اروح لدكتورة بالخاص واتابع معاها

وياليت يابنات تقولون من افضل دكتورة اقدر اتابع معاها ؟؟

رد: ديوانية حوامل البحرين
 

أخت نبيله اتقومين بالسلامه ان شاء الله والله يسهل عليج يارب العالمين

أختى ماكس الله يثبت لج حمالج يارب العالمين

مافي فرق بيني وبيج واايد يمكن أسبوع أخر دوره لي كانت 25 / ابريل
أروح لدكتوره فكريه الحين رحت لها مرتين لأني آخد مثبتات حمل
وبتابع معاها أن شاء الله
بس يمكن باقي الأخوات يعطونج أسامي دكاتره


وحياش الله بينا

رد: ديوانية حوامل البحرين
 

حروف عاشقة الله يتمم لج على خير حبيبتي ،،، والحمد لله يوم خفت النساه عنج، وعشان لصخونه اشربي عصير برتقال طبيعي او ليمون عشان فيتامين c وما تشوفين شر .

___________________________________

حياج الله عيني باشا نبيلة وان شاء الله تقومين بالسلامة .
________________________________

ماكس مارا حياج الله حبيبتي احسن شي سويتينه انج رفضتين الفحص المهبلي ، كانت عندي نفس المشكلة ورحت الشفاء والحمد لله طمنوني. بانسبة عن افضل دكتورة انا اسمع انهم يمدحود د. وهيبة او مهيبة مو ذاكرة اسمها بالضبط وعيادتها بس عصر.
______________________________________