|
معاناتي مع الدكتوره اميره في مستشفى المملكه :(
السلام عليكم ..
بدخل على طول في الموضوع بدون مقدمات ،،،،،، انا اتابع حاليا عند الدكتوره اميره المعارك في مستشفى المملكة وناويه اغيرها هالايام والسبب اول شي الباب ماتسكره ابدا بيني وبين الناس ستاره اسمعهم اكيد يسمعوني واذا طلعت اشوف الناس مثلا وحده وزوجها واقفين مقابل الباب او جنبه يعني كل كلامي مسموع ماحسيت فيه خصوصيه ابدا والشي الثاني انا من شهر شعبان احس ان فيني التهاب بول ومتأكده لان هذا حملي الثالث ولي تجارب سابقه وتقول مافيه شي وما تصرف اي شي الا اذا طلبته الا الحبوب بس غسول انا طلبته تحاليل ماطلبت مني تحليل البول انا اللي طلبته سويت مرتين يقولون مافيه التهاب طيب بقول هذا من المختبر بس انا اعرف الالتهاب زين واعاني منه هالايام هذا غير افرازات :( لكن ماتطلب تسوي فحص ولا تشوف النبض ما ارتحت معها للأسف .. اللي تعرف دكتوره كويسه في مستشفى المملكه لاتبخل علي .. |
رد: معاناتي مع الدكتوره اميره في مستشفى المملكه :(
الله يسهلك ويقومك بالسلامه
|
رد: معاناتي مع الدكتوره اميره في مستشفى المملكه :(
محد يعرف ابد ؟؟
|
رد: معاناتي مع الدكتوره اميره في مستشفى المملكه :(
اهلين اختي
انا كنت عند الدكتوره ياسمين مررره كويسه واسلوبها وتعاملها راقي بس ترى انا ولدتني قيصري ماعرفه عنها شي بالطبيعي و اول حملي كنت عند فاطمه الديجاني بس دخلت عندها مره وماكملت |
رد: معاناتي مع الدكتوره اميره في مستشفى المملكه :(
موكا فديتك ماقصرتي ممكن اعرف ليش ولدتي قيصري يعني من ايام المتابعه قررت لك قيصري والا حصل شي وقت الولاده
|
رد: معاناتي مع الدكتوره اميره في مستشفى المملكه :(
انا من دخلت التاسع كان وزن الجنين كبير ماشاءالله علي ولا نزل بالحوض
وقالت بعطيك طلق صناعي وانا رفضت قلت عادي ولديني قيصري وعيت قالت لازم نحاول اول انا طنشت موعد الطلق الصناعي ورحت يوم باقي اسبوع واخلص التاسع وسويت اشاعه طلع الحبل السري ملتف على الجنين وقلت الحمدلله خيره من ربي ماتبهذل بالطلق الصناعي وعطتني موعد عمليه وجيت فيه والحمدلله على كل حال حتى فيه دكتوره اسمها دولة وحده مررره تمدحها لي وفعلا زارتني وانا والده نفسها واسلوبها عسل لكن اميره اللي تقولين عنها ماقد سمعت فيها |
رد: معاناتي مع الدكتوره اميره في مستشفى المملكه :(
موكا الله يوفقك دنيا واخره ويفتح لك ابواب الرزق من اوسع الابواب والله يفرج لك ويسهل امورك وين مارحتي قادر ياكريم ماتدرين وش كثر فرجتي لي الله يفرجها عليك ويخليك لغاليك ومغليك
|
رد: معاناتي مع الدكتوره اميره في مستشفى المملكه :(
الدكتوره شمسيه الشريف مرره. مريحه الله يسهل علينا يارب
|
رد: معاناتي مع الدكتوره اميره في مستشفى المملكه :(
اقدع وحده مشكوره على الافاده بس هي بنفس مستشفى المملكه والا غيره
وجزاك الله خير .. |
رد: معاناتي مع الدكتوره اميره في مستشفى المملكه :(
شوفى دكتوره هاله العياشى من المدينه المنوره ممتازه
|
رد: معاناتي مع الدكتوره اميره في مستشفى المملكه :(
اللهم امين وياك يارب وكل مسلم
شمسيه الشريف مشكلتها مو بنفس المستشفى موجوده بعيادات افينو سكر ابغى اقولك عن رباب الرويسان وانا كنت بالانتظار انتظر دوري كانت وحده تراجع عندها ومدحتها لي وتقول انها ولدتني طبيعي عاد انتي استخيري وشوفي من ترتاحين له الله يتمم لك ويسهل ولادتك يارب |
رد: معاناتي مع الدكتوره اميره في مستشفى المملكه :(
ام احمد ماقصرتي الله يجزاك خير بس انا في الرياض مو في المدينه
موكا حرم الله وجهك عن النار باخذ موعد عند رباب او ياسمين والله يسهل يارب |
رد: معاناتي مع الدكتوره اميره في مستشفى المملكه :(
اللهم امين وياك يارب
اذا رحتي موعدك طمنيني وش يصير عليك قلبي معك ربي يسهل امرك |
رد: معاناتي مع الدكتوره اميره في مستشفى المملكه :(
انا اعرفها وماشاء الله
رائعه وراقيه لا تتسرعين بالحكم عليها ماهو ذنبها اذا العيادات الخارجيه صغيره زحمه وعليها هي بالذات طلب بحكم خبرتها وطيب اخلاقها صدقيني ماراح تندمي جربتها ولا مر علي احسن منها |
رد: معاناتي مع الدكتوره اميره في مستشفى المملكه :(
ما جربت لكن اعرف كثير يمدحون ياسمين و رباب
دعواتك لي بالذرية الصالحة |
رد: معاناتي مع الدكتوره اميره في مستشفى المملكه :(
بعد اذنك صاحبة الموضوع
بسالكم عن د هاله العياشي او هاله الشريف هي نفسها كانت دكتوره بجده والمدينه والان بالمملكه ابي احد جربها قيصري طمنوني هي شكلها هاديه وحنونه بس ماعرف عن تمكنها بالقيصري |
رد: معاناتي مع الدكتوره اميره في مستشفى المملكه :(
اخواتي الفاضلات و اختي life 2
حبيت اسالك عن الدكتورة اميرة المعارك انا بنص الثامن ودخلت عليها مرة وحدة صراحة انسانة حبوبة ومريحة نفسيا بس ماادري كيفها عند التوليد وكيف خبرتها وخياطتها كويسة او لا وهل تجي تولد في اي وقت او بس في وقت دوامها. ياريت تجاوبوني باسرع وقت مرة محتارة |
رد: معاناتي مع الدكتوره اميره في مستشفى المملكه :(
وووووع اتركي المملكه ولدت فيه اختي مسكينه اجرمو فيها واخذو ٢٥ الف كل شوي مطلعين شي
مسكين زوجها لليوم اتذكر شكله وهو مهموم الله ياخذهم |
رد: معاناتي مع الدكتوره اميره في مستشفى المملكه :(
انا اللحين اراجع عن الدكتوره هاله الشريف انسانه خلوقه وممتازه والكل يمدحها وانا اللحمدالله مرتاحه معها
|
| الساعة الآن 01:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .