|
تعبت من تربيت ابن زوجي بوجود ام غير متعاونه
السلام عليكم..
بنات انا لما قررت اتزوج و اوافق على الزواج من واحد مطلق كنت ادري ان عنده ولد و ربيته تربيه الكل يمدح بأخلاقه و بنظافته و بأدبه و يتمناه انه عياله يكونون بلادب اللي ولد زوجي فيه .. ووووووو بس متعلق فيني الولد و يقولي ماما و دايم يحضني لدرجة انه يبوس رجلي اوقات .. حتى وحده من قرايبنا مطلقه و ولدها عايش عند زوجة اب .. قامت تبكي تقول لو زوجة ابوه حنوننه مثلك على الولد بيتعلق فيها.. لكن لانها تحرمه و طايحه فييه طق يكرها و داايم نلاقها بلشارع حافي و ميت من الجوع يكون قاعد عند باب البيت .... فا لما شافت ولد زوجي يبوس رجلي انصدمت و قالت انشالله يبر فيك و تربيتك ما تضيع .. و تنصحني .. و امه الحقيقيه طليقة زوجي كانت با الشهور تختفي و ما تشوفه .. فا لما بد يستوعب ما كان يقولها ماما .. الين انا مره فتحت معاه الموضوع و سالته يقولك ماما قالت له يقولي هي تعالي ابي كذا او خالتي او عمتي او يحاول ينطق اسمي .. فا من يومه صرت اقوله انت بتروح لماما فلانه .. فا كان يستنكرر. و يقولي انت ماما بس الين فجأه هلمره صار يقول لها ماما فلانه بأسمه مثلا ماما نوره و هيك شغلات .. المهم بأخر زياره .. الولد رجع يقولي ماما انت وع و بابا وع .. الزياره اللي قبلها نفس الشي و الموديل الجديد .. انه اول ما يطلع يضرب ابوه ضرب مو طبيعي .. العاده لا شافه يركض مبسوط او انه يبكي بس عشان يبي يقعد يلعب مع البزارين اللي في بيت امه .. عدينها له لانه قالها لنا قبل هيك و كنت قاعده العب معاه بلايبود و اقوله كيف نلعب ورني حلوه اللعبه .. فجأه من دون مقدمات قالي ماما فلانه قالت ماما وع و بابا وع خايس و انا ما ابيكم ابي اقعد عند ماما فلانه احسن.. و فجأه قام يبكي قلت له مو عيب تقول كذا حبيبي عيب تقول بابا وع و ماما وع .. ترضى انا اقولك انت وع.. قال لا و يبكي قالي عيب بس ماما فلانه قالت لي.. و صار يضرب اخته ضرب مو طبيعي .. و يحاول يخنقه و انا اسوي نفسي مو منتبه اقوله يا بابا يا حبيبي مو كذا نلعب نلعب معاها كذا و اوريه شلون يلعب معاها ما ابي اطقه عشان ما يحقد .. و صار يخنق ابوه و يخز فيه و يقوله مثلا يلا قوم جيب لي الشغله الفلانيه يلا و يصارخ و يضرب.. و صار بس يخزز فيني .. انا ما عندي مانع اتحمله لكن .. واضح ان الولد سمع هلكلام عشان كذا قاله .. اللي يخليني اشك ان امه او اي حد من اهل امه معلمينه هلكلام او قايل هلكلام قدامه .. لان الولد من النوع اذا سويتي له اي شي او اذا حكيتتي معاه لما يجي ابوه يقوله .. يعني مرره انا ضربته فاراح قال لابوه ماما ضربتني كذا قاله ابوه ليه قال عشان انا سويت غلط ماما طقتني .. فا زوجي يقوله خلاص المره الجايه صير مؤدب عشان ماما ما تطقك .. او اذا كنت اكلم بلجوال و عصبت يلقط كلامي و يقول لزوجي ماما اليوم تكلم و تصارخ تقول خلاص كذا و لا لالا .. يحاول يلقط كلامي و يقوله فا زوجي يرد ويقوله معليش ماما كانت تصارخ معصبه عشان زعلانه .. و انا مو همني الكلام رغم انه ينرفزني لكن انا مو بس شاكه الا متأكده انها تقول كذا .. لن الطفل مهما حكيت معاه و عبيتي راسه بلنهايه يقول كل شي .. و انا الصراحه ما فيني اربي و اتعب و غيري يهمل و يعبي راس الولد بكلام يعل قلبي و يحرشه علي .. و فوق هذا كله مهمله فيه .. و انا الحين حامل.. و الصراحه مو عارفه شسوي اعصابي بدت تفلت على الولد اليوم كان يلعب بلايبود من الساعه 4 العصر الى 6 و نص بعدها قلت له خلاص نخليه يشحن و بعد كذا اعطيك ايه تلعب العاده يسمع كلامي و ما يعترض يقولي بس يخلص شحن العب فيه خلاص اقوله اوكي .. و يقعد يتابع التلفزيون المهم اول ما دخل ابوه قال حق ابوه انا ما ابي ماما ودني حق ماما فلانه انتو وع .. و انا كنت بلمطبخ و سمعته و ابوه قاله عيب نقول كذا ماما ما اشترت لك ايبود قال .. ايه .. بس انا ما ابيكم .. انا عصبت عليه و الصراحه خاايفه من نفسي على الولد.. مع الحمل و لانه واضح ان الولد معطينه دررس قالو له قول كذا و كذا و قال لابوه ابي الايبود الحين و يسب فيني عشان اللعبه .. و يبكي و ماد بوزه شبرين .. قلت لزوجي خله يشحن انا اشتريته له .. و يلعب فيه بس ما اخليه معاه اربع و عشرين ساعه.. لازم يأكل يدخل الحمام يقعد معانا يشوف التلفزيون مو اربع و عشرين ساعه بلايبود .. بعدين عيونه تنعدم .. عشان كذا خصصت له وقت يلعب فيه كذا مره بليوم بوقت العصر كم ساعه و بعد العشاء كم ساعه و هيك شغلات و لما نطلع يلعب فيه بلسياره .. لما يجي يروح حق امه اقوله خلك عاقل اسمع الكلام لا تسوي شي غلط بعدين يزعلون منك خلك مؤدب .. حتى لما يجي اقوله كنت عاقل هناك شاطر مؤدب حبيبي .. الولد كل مره يرجع من عند امه قاعد يتصرف عكس التصرفات و العادات اللي تعود عليها .. انصحوني شسوي .. تعبت اخاف افقد اعصابي عليه .. و انا قلت لزوجي لو المره الجايه راح و رجع و قال ماما فلانه قالت انتو كذ و انتو كذا .. ماراح تشوووفه راح احررق قلبها عشان لما نقولها شي تسويه انا ما فيني اربي و اتعب و اسهر .. و بلاخر يقلب علي بسبب ناس مريضه .. الطفل يحبني و متعلق فيني بين الفصلات حقته يقولي ماما انتي حبيبتي .. لاني انا معودته على الكلام الزين .. لما يصحى من النوم اهلي و ارحب فيه لما ينام احضنه و امدح فيه .. و اذا مسوي شي غلط اقوله لا تسوي كذا ثاني مرره .. وووو بعد في البيت انا ما اسب و لا اتلفظ الفاظ وقحه .. يعني اذا عصبت اقول يالله ياربي لاتجنني عيب كذا مو حلو كذا قلة ادب و هيك شغلات .. سخيف خلاص لا تكلمني حدي هلالفاظ ابد ما اسب لان ما ابيه لا هو و لا غيره يتعود يسمع مني كلام غلط بكره يقول ملاما تقول كذا و بابا يقول فا داايم احررص على الفاظيب حتى زوجي لكن زوجي يسب بوقت ما يشوف الكوره او في السياره فا الولد تترجم ان لما يشوف كوره يقول نفس كلام ابوه روح ياشيخ و و و وو طبعا انا لما اسمع زوجي يسب اهاوشه قدام ولده و اقوله غلط اللي تقوله عشان الولد يحط في باله ان هلكلام غلط .. و الله تعبانه و قاعده افكر اقول لزوجي رجع طليقتك عشان ولدك ما يضيع بينا و بينهم و بنفس الوقت ما ابي اقوله رجع طليقتك و اخرب حياتي و بيتي بيدي .. لان مو ضامنه ردة فعلي تجاه الموضوع يعني ما ابي اعرض عليه فكره .. انا مو متاكده من ردة فعلي .. ما ابي اقوله رجعها عشان ما يفسر اني مليت من الولد و الله تعبت و انا انصح طليقته و اقولها لا تسوين كذا و سوي كذا و كذا عشان مصلحة الولد.. و هي لا حياة لمن تنادي .. و انا ما ابيها تنحرم منه و بنفس الوقت ما ابيها تخرب الولد انا اربي احسن تربيه و هي تخرربه .. والله الولد راجع وسخ و حالته حاله تحت اظافره سواد و وسخ وساخه مو طبيعيه ريحة فمه مررره تلوع الكبد لانها ما تخليه يفرش اسنانه .. تقول تبالغون بلتربيه .. الحمل اللي قبل كان سهل لكن حملي هذا من جد متعب لما اوقف .. من تحت اتألم من الثقل .. و نفسيتي على الاخر لان مو لاقيه اهتمام من اي حد و لوحدي قاعده اربي طفلين و الثالث جاي بلطريق .. و بس تكفووون شورو علي.. |
رد: تعبت من تربيت ابن زوجي بوجود ام غير متعاونه
يابنت الحلال وش حادك على التربيه مادام انها مجتمعه عليك من كل جهات
حمل ولد موب ولدك وبنتك وشلوله تغضطي اعصابك على حساب غيرك اسمحيلي اذا امه انسانه ماتعرف تربيه ارميه عليها وخليها تربي على مزاجها وعلى جنب اللي يريحها وبطقاق وتبري نفسك منه المهم ماتتعرضي ضغوطات حمل ونفسيات على قل صنع والله العظيم من جد اسمحيلي اذا امه انسانه مريضه ومتخلفه فخليها تربي على كيفها وانتي ابري نفسك زوجك وضحي له اني مااتحمل حركاته مررره خلي امه تربيه على كيفها وعلى سحرها وطبوبها لابارك الله فيهم ولا في سحرهم ووقتها ربي بنتك وفي طريق على التربيه الصاحه التي تعودتي عليه من قبل ولد زوجك حطيها في عيالك مو في ولد امه انتي ماشآء الله تبارك الله قلبك بارد ولو وحده في مكانك كان طحيت فيه الضرب بس الله يجزاك خير على افعالك طيبه وبتجدينه في ذريتك بس اذا استمرت سحر امه يختي قولي زوجك خليه عندها وتربي على كيفها وبطقاق اهم شئ الواحد يشتري راحه نفسسه مو على حساب غيره اذا جاهله ماعليك منها تتعلم الاصصول صح وتربي تربيه الصالحه انا بصراحه انك تبري نفسك وتحطيه عندها وش حادك على الغثى وانتي حامل الله يهديك بس... الا على العموم كم عمر أبن زوجك؟؟ |
رد: تعبت من تربيت ابن زوجي بوجود ام غير متعاونه
ياحياتي ربي يوفقك ويسعدك ويرزقك الاجر والصحة والعافيه يارب
انتي ماقصرتي وسويتي اللي عليك وزيادة كفاية انك خليتيه يناديك بماما اللي موكل ابن ينادي بهالكلمة لزوجة ابوه بصراحه اسمحيلي ابدي اعجابي فيك لانك فعلا رائعه لو انا منك يمكن مااقدر اتحمل وااضغط ع نفسي واصير حليمة معه اذا كان عنيد لان هذا عادتي مع عيال اواني وخواتي المهم انتي حاولي تجلسين مع طليقة زوجك وتبينين لها انك تحبيين ولدها هذا اذا ماكانت ترف بهالشيئ هي يمكن ندمانه انها ماحافظت ع زوجها وولدها فتقول هالكلام لولدها من حر مافيها ربي يهديها ان شاءالله وربي يهوون عليك حملك انتي خليك مثل منتي ولاتتغيرين عشانها لانك لوتغيرتي هي بتفرح وبيشوف زوجك معاملتك لولده تغيرت فبيتغير هو عليك ولوشفتي الطفل تمادى بالالفاظ وع وغيره قولي لامه انا ما ربيته وتعبت عليه عشان تجين وتخربينه علي وهذا طفل ماله ذنب بمشاكلك مع ابوه وحاولي تكلمينها بهدوء عشان ماتعاندك لوشافتك مهتمة وتعبانة نفسيتك عشانه وتحس انك تعلقتي فيه وتطلب حضانته ولوشفتيها عاندت هدديها انها ماراح تشوفه الا بالشهر مرة اذا ماتركت هالتصرفات بصراحه مدري وش هالام اللي تملي قلب ولدها حقد ع ابوه والله لويهجرنني سنيييين ماحشي قلب ولدي ع ابوه واخلي اللي بالقلب بالقلب هذا طفل حرام وش ذنبه يعيش كذا حتتى هو مسكين يمكن بعد ماكان طفل مؤدب ويحس بالجو الاسري معك ومع ابوه ولما الحين راح لامه واهملته وتحشيه عليكم بتسوء نفسيته وتجيه حاله نفسية لاسمح الله ولوشفتيه يتبول ع نفسه لا ارادي اعرفي ان الولد مظطرب نفسيا لان قد صار هالحالة مع طفل اعرفه شخصيا مااقول الا ربي يصبر قلبك وان شاءالله يكبر ويبر فييك وبابوه وهي بالنهاية امه مانقدر نمنعها منه لكن نهددها فيه عشان تخاف شوي ربي يصبرك يالغالية ويعينك اتمنى انني افدتك |
رد: تعبت من تربيت ابن زوجي بوجود ام غير متعاونه
اقتباس:
حبيبتي انا ما اقولك اني الملاك الطاهر .. انا اضرب الولد و اعاقبه حاله حال اي طفل و ربي حتى بنتي عمره 9 شهور الحين اذا سوت شي غلط اضربه على يدها بشويش بس تستوعب انه غلط و بجد لما ضربت بنتي على يدها كذا مره عشان ما تمسك اسلاك الكهرباء .. صارت ما تقرب و لو قربت تناظر فيني و لا تناظر في ابوها .. بلنسبه لطليقة زوجي زوجي ما طلقها الا بعد ما يأس منها 5 سنين .. و مافاد معاها نصايح و اهتمام و راعيه ناكرة جميل زوجي قالي بس ما صدقت .. قلت يمكن انه حاقد عليها طبيعي يحقد طليقته .. لكن انا تعاملت معاها و بجد انسانه متخلفه رجعيه بتفكيرها .. الحياه عندها ساايبه و مظاهر.. زوجي ما قرر يتزوج الأعشان ولده يتربى بحضنه و يبعده بقدر الأمكان عن اجواء بيت أهل امه السحر و المناظر اللي ما تسر و البيئه اللي ما تصلح انه يتربى فيها.. اول ما تزوجت و الولد كان عندي بس يترقص .. لان جو بيت اهلها كذا اغاني × اغاني 24 ساعه و غير ان امها تعسل و عمتها هذا جو مو حق تربيه يعني انا اعرف بنات متفتحات و يعسلون لكن عيالهم اخلاق و ادب .. المعسل و الاغاني حريه شخصيه خل نقول.. لكن التربيه دور كل ام و اب التوجيه يعني لما الولد او البنت يغلطون نقولهم كذا عيب و ما يصير و هيك شغلات .. يعني ياقلبي زوجي تزوج عشان ولده يتربى بحضنه و انا معاه مو ضده .. و بجد انسانه ما تستحق انها تكون ام .. لكن انا انسانه و لي طاقه ما ابي أظلم الولد معاي .. و تعبت بجد تعبت عشان كذا كتبت ابي رايكم اقترحو علي اقتراح .. زوجي نفسيته بتتعب لو اقوله ود الولد لامه ما اقدر انا اربي و غيري يهدم .. لو قلت له كذا بيقولي خلاص نحرمه منه و راح يحرمها منه لمده ما يقدر لان من حقها تشوفه .. و حرام يحرمها منه .. و ممكن ما يخليها تشوف ولدها نهائيا .. لان بلنهايه هي ما تقدر تشتكي و تطالب بلحضانه .. لانها كاتبه ورقة تنازل عن الحضانه .. بخط يدها و عليها شهود انها متنازله عن الحضانه .. و اللي حادني اني اربي الولد هذا كان اتفاق بينا .. لما جاء يشوفني قالي انا بتزوج عشان اربي ولدي عندي تقبلين بهذا الشي اولا ولدي .. قلت له ما عندي مانع على الولد ولدك ماله ذنب .. لكن ما ابي اربي و انت تقولي انتي اللي بتربينه و بعدها غيري يجي يهدم .. م عارفه اتكلم مع زوجي بهذا الموضوع و بنفس الوقت مررررررره متضايقه .. . |
رد: تعبت من تربيت ابن زوجي بوجود ام غير متعاونه
حبيبتي مشكوره على كلامك الطيب انا اعامله بللي يضري ضمير بلنهايه هو اخو عيالي يعني لازم اهتم فيه من عقب عيني و عين ابوه بعد عمر طويل ما ابيه يذكرني بشري و قسوتي بلعكس..
هو الكبير و اذا انا عاملته بما يرضي الله ربي انشالله يحط فيه البركه و يخليه يربي اخوانه او ينتبه لهم .. اجلس معاها صعبه بقوه لو حتى اقدر اخاف على نفسي منها لان هم ينخاف منهم لهم علاقه بأمور السحر و الشعوذه .. والله العظيم يوم جات تتزوج مره ثانيه بليلة عرسها و هي بلمشغل قاعده اكلمها و أطمنها و أقولها لا تخافين على ولدك و بحطه بعيوني و قاعده انصحها بلاغلاط اللي سوتها مع زوجي ما تكررها مع زوجها الجديد و تقولي انا خايفه طليقي المقصد زوجي يحرمها من ولدها بعد ما تتزوج قلت لها و لا تشيلين بال طول ما انا موجوده ماراح يقدر يحرمك منه .. و انا واقفه بصفها و داايم تغلط و اعدل عليه ما ابي ابين لزوجي .. لين أكتشف زوجي اهمالها و جاء قالي انا هذي ما اثق فيها هي كذا و كذا و كذا و على فكره هي كاتبه ورقة تنازل بلحضانه يعني مالها حق .. تكلمت مع زوجي و قلت له المهم ما تحرم الولد من امه بكره يكبر و يكرهك و يكرهني ولا امه تحرشه علي و عليك مو ناقصين .. تختفي بلشهور ادق عليها و لا ارسلها مسج اقولها وينك عن ولدك .. تقولي ظرررررررروف شدعووه .. الله العالم بحالها لكن فوق كل هذا الاهتمام و و و و و و تسوي معاي كذا انا تعبت من جد لي طاقه و احسها قرريب بتنتهي .. و هي تزوجت ثاني مره من بعد زوجي و تطلقت و اول ما تطلقت دقت على اخت زوجي .. و مبين انها ندمانه و ودها ترجع .. تخيلي بليوم اللي تطلقت فيه و قاعده تشيل ملابسها داقه على اخت زوجي تكلمها و تقولها انا تطلقت و انا مشتاقه لكم و وحشتوني و مدري وشو مو ناقص تقولهم الا خلي ولدكم يرجعني .. والله نصحتها و هددتها ما فاد .. مستحيل هي تضررب ولدها استحاله لا هي من النوعيه اللي سايبه الولد على راحته مافي كذا عيب يا بابا لا غلط ما يصير شوي شوي .. والله ما ابالغ كل مايرجع تقريبا صووته مبحوح .. و انا استغرب زوجي يقولي لا هم عيالهم يلعبون بصرراخ .. محد يقولهم شوي شوي نلعب بس ما نضرب بعض نلعب مع بعض .. ما كو هلسوالف عندهم .. اذكر امي من زوود طيبتها و انا على ذمة زوجي .. كانت تقول له عطها فرصه اصبر و مدري شنو قمت انا لفيت عليها قلت لها ماما انا بنتك مو هي .. بتخرربين علي انتي و لا ايش هههههههههههههه قالت و الله ما فكرت فيك و لا فيها في الولد اللي ماله ذنب .. ودي اقولها و بنفس الوقت مو قادره اقوله رجعها .. ما ابيها تجي مني .. ما ابالغ امي يوم شافته يوم رجعناه و سمعته يقول كذا قامت تكي تقول شنو ذنبه يتعلم هلكلام و ينحرم من امه و مدري وشو .. حتى اني زعلت و قلت لامي حسستني اني .. شريره و انا سبب طلاقهم و انا اللي قلت لها تعلم ولدها هلكلام .. |
رد: تعبت من تربيت ابن زوجي بوجود ام غير متعاونه
الولد الحين عمره امممممم بعد كم شهر يكمل 4 سنين انا يوم خذته كان عمره سنه و شهرين ... و تربى على ايديني
|
رد: تعبت من تربيت ابن زوجي بوجود ام غير متعاونه
اقتباس:
انتي حامل لاتفكرين كثير ولاتحاتين لان يأثر عليك وعالجنين واهم شيئ بالحمل الصحة والنفسية ثم النفسية ثم النفسية ربك بيسهلها ان شاءالله والله يجزيك كل خير ~ |
رد: تعبت من تربيت ابن زوجي بوجود ام غير متعاونه
الله يجزيك الف خيير يارب
على تربيته والله باين عليك تعبتي كثير عليه والله يجزاك الجنه والله مدري وش اقولك يعني حرام انتي تتعبين وغيرك يخرب بس انتي منتي مجبوره خلي ابوه يتصرف معه انتي وحده حامل وتعبانه وعندك طفل بعد مو ناقصه ولاتفكرين ابدا تقولي لزوجك رجعها الي تحول تخرب ولدها اكيد بتخرب حياتك ولدها ماهمها انتي بتهمينها انا عارفه ماقدرت افيدك بس ماعندي فكره الله يعينك يارب |
رد: تعبت من تربيت ابن زوجي بوجود ام غير متعاونه
والله مابعرف شو احكيلك
بس لما يروح عند امه يروح يوم مو ضروري ينام يروح من الصبح للمغرب واحكولها ازا اجى الولد والفاظه وتصرفاته سيئه ما رح يجي عندك لمده شهر لازم يكون التصرف مع امه لانه الطفل زغير وبريء |
رد: تعبت من تربيت ابن زوجي بوجود ام غير متعاونه
اقتباس:
هذا اللي خايفه منه في المستقبل .. ووووو بس الله المستعان .. |
رد: تعبت من تربيت ابن زوجي بوجود ام غير متعاونه
اقتباس:
والله فكره حلوه انه يروح لها بس ما ينام عندها .. بس ما ادري عن زوجي اذا ازدادت الحاله سؤؤؤؤؤؤء راح نطبق هذا النظام .. |
رد: تعبت من تربيت ابن زوجي بوجود ام غير متعاونه
حبيبتي مشاعل كل اللي تعاني منه اكثر من مجرد سوء تصرف ابن زوجك,,,,وانا قريت مواضيعك فهمت انك ما عشتي مثل كل العرايس من اول الزواج تحملتي مسؤولية طفل,,,,و زوجك كان دافعه في الزواج وحدة تربي له ابنه ,,,مو سهلة ابدا تربي ابن امه عايشة على قيد الحياة لو كان يتيم الام ما كان هذا حالك,,,و زد على ذلك عندك بنت صغيرة و محتاجة لكل لحظة اهتمام منك و كمان حامل يعني ما عطيتي لنفسك راحة ابدا و ازدادت عليك الظغوطات لما اطلقت ام الولد ,,,و اصبحت لديك هواجس انها ممكن ترجع لزوجك,,و هذا الشيء مو صحيح لان زوجك قبل لا يطلقها اكيد فكر الف مرة في مصلحة ابنه و اكيد اعطى لها اكثر من فرصة,,,,و حكاية الاسحار فكرت فيها كثير و راح اخبرك لو هي فعلا خبيرة في هذه الامور و العياذ بالله,,,ما كانت اطلقت مرتين و كانت تخلي اللي تتزوجه مثل الخاتم بالاصبع,,,,,فيما يخص تربية ابنها لا تعبي حالك كثير و ما تكوني قاسية و لا لينة في نفس
الوقت و خلي الامور الصارمة تكون على ابوه,,حتى اذا كان قاسي معاه راح تقول امه هذا ابوه مو مرت ابوه,,,و انت تبحثي عن الحل ,,,الولد ما راح تقدري تحرميه من امه مهما كانت اخلاقها سيئة و لو حتى يقعد معاها نصف ساعة اكيد راح يتعلم منها الالفاظ مو منيحة,,,,و اياك تقولي لزوجك رجع امه مشان ترتاحي,,,ولانه اول شيء راح يجاوبه يقولك انك من اول يوم كنت موافقة تربي ابني,, و كنت راضية بالوضع,,,و كل شيء عم بتحسيه سببه الاول الحمل و احساسك ان المسؤولية را ح تكون كثير كبيرة عليك بو جود ثلاث اولاد,,,,و لا تكوني حساسة لتصرفات ابن زوجك اعتبريه ابنك و عم يدلل,,,و ما في اي وحدة تخلي طفل صغير يفكر و ينظم حاله مثل الكبار,,,,لانه طفل لازم يعيش طفولته و لازم يتحرك و يتنطط و يكسر و وسخ حاله,,,مقابل نظام تربوي لازم يتعود عليه هو و اولادك بدون ما يحس ان هناك فرق,,,,لا تكوني مسيطرة على الولد كثير و الله و صدقيني راح اكلمك من واقع تجارب من محيطي في ناس ربت و تعبت و كبرت و لما الاولاد كبرت بيروحوا لعند امهم و ما بيفرطوا فيها ابدا,,,,,و في الاخير راح اقلك ارحمي حالك و اهتمي بحالك و بصحتك و لا تركزي في تصرف الطفل لانه صغير و توقعي اي تصرف منه و لا تستغربي لانه مستحيل راح يتصرف بمثالية مثل الكبار,,,,,و ام الولد شيليها من راسك تماما لانها حابة توصل لمرحلة انك تفقدي الثقة بنفسك ,,و اظافر الولد المتسخة و الملابس الغير مرتبة هذه كلها عاملتها ام الولد مشان تنكد عليك لانها عارفة تماما انك راح تعلقي على الموضوع بنرفزة,,,و هذا اللي بدها ياه حابة تحرمك من راحة البال,,,,,لا تخليها ادمرك بطريقة غير مباشرة,,,, عيشي حياتك عادي و اذا فيك لا تاخذوا الولد لعندها الا اذا طلبت تشوفوا,,,,لان الولد اول ما يكبر و ييقدر يميز الصح من الغلط هو لحاله بيصير يدور على امه,,,,, الله يهدي سرك و يطمن بالك و يسخر لك زوجك |
رد: تعبت من تربيت ابن زوجي بوجود ام غير متعاونه
بخصوص اني اعاني من ضغوط اعاني بقوه ...
لما تعودين الطفل على شي و يجي غيرك يهمل فيه .. تعب .. انا ما ابالغ في تعليمي للطفل .. يعني ما فيها شي لما اغير له ملابسه .. هو بيشيل الملابس الوسخه و بيحطها بلسله .. و انا اساعده في اللبس .. قبل النوم يفرش اسنانه .. لما يخلص يلعب يرجع لعبته بغرفة الالعاب .. و اشياء من هذا القبيل يشاركني في ترتيب و تنظيم .. اللي نرفزني بطلاقها ان بيوم طلاقها متصله تقول انها ندمانه .. و مدري وشو خيررر انا لما اتهاوش مع زوجي و اتطلق اول شي بدق على اهلي او اهله .. مو على اهل طليقي .. خيرر عشان كذا انا تنرفزت .. 5 سنين كفايه انها اخذت فرصتها لكن بنفس الوقت اعتبرها بذاك الوقت كانت مراهقه و ما عاشة حياتها .. انا ما اقولك ان هي اللي تسوي لكن هي معترفه انها مره حاولت .. لكن جدتها هي اللي بتعمل هلامور .. و انا اللي مخوفني نفسها الضعيفه .. اللي حدتها انها تفكر بهلامر .. مره و الحين هي بعزززززززززز الضعف مطلقه للمره الثانيه .. ولدها مو عندها و اهلها مرره قاسين عليها خووفي من ضعف نفسها .. و بخصوص تربية الولد انا لا بشد و لا برخي ادلعه و مدللته لكن موو بكثره حاله حال اي طفل يلعب و يوسخ و يكسر بالعابه و بيعفس لكن في امور لازم يتعود عليها مثل النظافه .. بوقت الأكل بيحترم الاكل اللي قدامه .. بوقت النوم شغلات بسيطه مافيها تعقيد ابدا حتى هو الولد اتعود عليها اذا ما سويتها له يقولي ليه ..؟ و يزعل .. لاني لما اعلم الولد على شي اكافئه و امدحه فا يصير هو يحب الاشياء اللي علمتها ايه.. انا من حقي احافظ على الأشياء اللي تخصني و دام اني اربيه .. يعتبر انه مسئوليتي لكني انا ابدا مو انانيه و مقدره شعورها انا لما بنتي اتركه في بيت اهلي اسبوع طول ما هي بعيده عني ما انام الليل رغم اني متطمنه انها بخير و مدلله و مهتمين فيها لكن هيك ما ارتاح .. لكن هي بعد لازم تحمد ربها و تقدر وقفاتي معاها و مسعدتي لها و تحترم كلامي بخصوص تربيتة الولد.. لان الولد عايش معاي اخلي على نظام و اعيش انا بنظام ثاني .. يصير تخالف و تصادم في عاداتنا لا يكون متعود على نظام و عادات المكان اللي بيعيش فيه .. ابدا اناضد السيطره على الطفل .. بلعكس ولد زوجي بيفرح كثير معاي و يكون مبسوط لما طلع و نتمشى لاني اخليه على راحته بس المهم يكون جنبي .. و ما يبعد يعني سواء بلبيت او بره البيت احكي له خذ راحتك لكن اكون مشغله الكميرا عشان اراغبه هو مع اخته طول ما انا اشتغل بلبيت .. و بحال انه عمل شي غلط .. ما أضربه على طول .. احكي معاه انت عملت هيك اوكي بس تعرف ان هذا الشي غلط و ممكن تتعور فيه و بعدين ماما تزعل منك .. يقولي خلاص ماراح اسويها و لما يعيدها اقوله ايش قلنا مره و مرتين و ثلاث .. بعدها يجي الابعاد اني اشيل الشي اللي بيلعب فيه او اني بعاقبه .. انا ما عندي مانع اني اتعب في تربيته و تعليمه و بلنهايه يروح لامه بس اهم شي .. محد يخرب الولد في تربيته .. طول ماهو عندي بعد ما يطلع من مسئوليتي خلاص ما لي شغل اهم شي و هو عندي .. وبس أنا ابدا صدقيني ما ركزت بتصرفاته بس طووووووووووووووووووووول الوقت بيزن مثلا يقولي ما ابيك ولا عشر مرات و انا اقوله براحتك ..و شوي العب معاه و يقولي كلام مو متعوده اسمعه منه .. اغير الموضوع و احكي بشي ثاني لكن اوقات بيزيد و انا بشر طاقه .. و فوق كل هذا حامل و انتي عارفه و الكل عارف نفسية الحامل كيف بتكون .. و امه ماراح احكي معاها خلاص ... و لا بنصحها و لا بقولها ثلث الثلاثه كم لان خلاص سويت اللي علي و اكثررر .. و اهمالها للولد اوقات بيضر بصحته يعني لما يكون حفيان و يمشي على سراميك بارد الولد بيتعب و اوقات و داايم بوقت الشتاء الولد لما يكون عندها داايم مريض لانه ما تلبسه كويس .. ماهو الولد قعد عندي و قعد عند اهلي و قعد في بيت اهل زوجي و عند ناس كثير ما بيتعب .. لانو بيهتمو بلبسو بصحتو .. و انا قلت ماراح اذكرها و اقولها متى بتشوفي ولدك.. بلطقاق خلاص .. متى ما حبة تشوفه تعرف كيف تتكلم .. و انا متأكده الولد اذا كبر راح يعرف مين اللي رابه تربيه صح و الكل بيشهد لي حتى هو لما يرجع من عند امه يقولي انا ما فرشة اسناني اسناني مو حلوه .. وسخه.. و هيك شغلات .. و مشكوره اخت صبوره على كلامك الطيب .. و انا لما كتبت الموضوع كنت كاتبته من ضيقه و طوول الوقت قاعده افكراقول لزوجي ان يرجع طليقته بس عشان الولد ما يضيع و بنفس الوقت هي امه كاسره خاطري لظروفه لكن بعد كذا قعدت مع نفسي قلت كل واحد ادرى بمصلحته و هي خذت فررررص مو فرصه وحده .. و مو ذنبي لو ما استغلت الفرص و عدلت من نفسها .. |
رد: تعبت من تربيت ابن زوجي بوجود ام غير متعاونه
ان شااء الله يكوون هذاا كله ف ميزان حسنااتج ... قليييل ف هالدنياا حرمت الاب تكوون زينه مع اولاد زوجهاا .. الله يعطيييييج صبر فوووج صبرج ويعطييج الصحه والعاافيييييييه
|
رد: تعبت من تربيت ابن زوجي بوجود ام غير متعاونه
مشكوره حبيبتي على مرورك و كلامك الطيب ويجزاك كل خير ..
|
رد: تعبت من تربيت ابن زوجي بوجود ام غير متعاونه
اقتباس:
الولد لما يكبر بيشيل اسم امه مو ابوه !! ويوم انك تقولين (ارمي) الولد عليها اولا استخدمي الفاظ تليق في بشر مو كان الولد حيوان ! ولاتنسي ان الاخت مشاعل لو سوت هالشيء راح يضرها هي قبل الولد لانها وافقت على الزواج من انسان عارفه ظروفه ولو تغيرت الحين تلقين بكره الاخت مشاعل مطلقه وترجع بيت اهلها بسبب هالتفكير ! عندي عمي تقريبا نفس هالحاله طلق زوجته الثانيه لانها عاملت بنته اللي من زوجته الاولى بقسوه وطاح عليها بالصدفه وهي تطقها من قلب يقول ماهمه انها كانت تطقها يقول اللي همه انها كانت تطق وملامحها ملامح وحده حاقده من قلب تطق البنت وبعدين لاتنسين يا اختي ان الولد هذا لو الاخت مشاعل ماقصرت معاه زوجها راح يتعلق في مشاعل اكثر . هذا رايي ولكم الكلمه ياخواتي |
رد: تعبت من تربيت ابن زوجي بوجود ام غير متعاونه
معلش ياقلبي
احتسبي الأجر فية هذا ولدك وأنت أمة الحقيقة أمة اللي ولدتة رمتة وهو صغير عمرة سنة وشهرين !! وأنت اللي ربيتي وتعبتي وسهرتي أنا أم واعرف أن التربية مو سهلة فيها تعب وسهر وشد اعصاب والطفل يمرض وتجلسي تسهري معه وتمرضية أنا اقول تحملي وربي ماراح يضيع لك آجر واحتسبي في تربيتة لو عشان زوجك لآنة لما تزوجك ماتزوجك إلا وهو متاكد إنك راح تكوني الأم المثالية لأبنة هو لسى صغير بكرة يكبر ويعرف قد ايش أنت تعبتي معاه والله يعوضك بتعبك خير أنا أبن زوجي لما يجي عندنا ينبسط مررررة مع اخواتة ولما يروح عند امة يضل طوال الوقت يبكي يقول ابغى ماما والنونو يقصد اختة الصغيرة تنجن أمة لما تسمعة يقول هالكلام مع انها انسانة محترمة والصدق انا ما الومها بس الولد تعلق فيني وتصرفاتة على الفطرة مافيها تصنع فانا اقول لك يالغالية معلش اصبري والحمل هي فترة وتعدي وخلي والده يساعدك فية وربي يكون بعونك ياقلبي |
رد: تعبت من تربيت ابن زوجي بوجود ام غير متعاونه
صيته والله انا احب راحه لها تبغى فزين لها واريح نفسيتها تبغى عاد تكسب وجها وتربيه فالله يجزاها خير بس فقط ابغى اريحهاا ومن تعبهااا وبس
ماحطيت براسي لها لاطلاق ولا شئ ولا قلت لها عامليه بقسوووه بس هدفي من الرد راحتهااا فقط وليس تحريض شئ ثاني |
رد: تعبت من تربيت ابن زوجي بوجود ام غير متعاونه
الله يريح قلبك قولي آمين
شوفي حبيبتي من الاخر لاترسلي الولد لهاااا اذا تبي تشوف ولدهااا تكلمك اما انتي لاتكلميها هذه بصراحه حرام الولد فيهااا يعني وين الامومه وين الحنااان مع احترامي بس هذه ماتستاهل وبعدين انتي مثل ماتقولي تعبي راسه عليك انتي وابوه وانتي اللي تكلميها عشان تشوف ولدها ريحي راسك و اتركيهاا اذا تبي ولدها تعرف مكانكم وبعدين حصني الولد اقريه عليه كل صباح و مساء شغلي البقره و حصني نفسك و زوجك وبنتك هذه شكلهاا حاقده |
رد: تعبت من تربيت ابن زوجي بوجود ام غير متعاونه
شعوله حبيبتي
اولا وحشتيني ثانياً الله يهديلك هوا ويثمر تربيتك له ويسهلك حملك وولادتك يارب ترى اي تصرف بيصدر من الولد بحكم انو عندو اخت وانتي حامل اشوفو غيرررررة ولفت نظر انا ولدي معذبني في تربيتو عمرو اربع سنوات بضبط وعنيد مرا مابيضر لو علمتو الفاظ غير لائقه هذا يرجع لها صراحه انسانه قليلة ادب وكذا كذا الولد لو دخل مدرسه واختلط راح يتغير ويسمع الفاظ بس الله يحميهم قراحة جيل والدنيا صارت تخوووف انتي الي عليكي التربيه الحسنه واحتساب الاجر عند الله وربنا ماراح يضيع لكي تعب ترى الولد مشتت واي تصرف بيطلع منو معذور حبيبي نفسيتو مي مرتاحه وانتي الي عليكي سويتيه ولاتنسي الي عايشه في الضغوط حالياً من الحمل وحاولي تجيبي شغالة تشيل عنك البيت من تنظيفه وتكون تحت اشرافك واعملي لك جدول تجلسي فيه معاهم ساعه بليوم على الاقل ولو ماتبغي تجيبي شغاله اعملي جدول اسبوعي في تنظيف البيت يعني حاولي تنظمي وقتك ولاتنسي خلي جزء من يومك لله بقراءة القران ولاتنسي نفسك كمان واعتتي ببشرتك وشعرك راح تحسي براحه حبيت اساعدك بامور بسيطه يمكن تخفف عنك الضغووط الله يعطيك على قد نيتك .. تقبلي مروري .... |
رد: تعبت من تربيت ابن زوجي بوجود ام غير متعاونه
صح نسيت اقلك هادا العمر يحب يثبت وجودة ويتعلم من غيرو ويلقط اشياء وتصرفات والفاظ حاولي تقراءي او تبحثي بليوتيوب عن تربية الاطفال لدكاتره متخصصين راح تستفيدي اكثر وانا باتبع هذا النمط عشان ادرس ولدي مضبووووط واعرفله وراح اعطيكي رابط حاولي تسمعيه طويل شوي بس مفيد والله وان شاءالله تستفيدي وتدعيلي
وحاولي تكثري من جرعة الاهتمام للولد والحب يعني حاولي قدر الامكان تحضنيه وتقوليلو انا احبك في اليوم اكثر من مرة ووقت النوم خليكي معاه ونوميه حتى لو مو متعود بس اسبووووع واحد فقط وشوفي كيف التغير انا بعطيكي دي النصايح عن تجربه يعني ولدي من بطني بيبهدلني والفاظ وعناد وزززن لانهاية له والله اني اتبع نفس نظامك بلتربيه مو اي شي طيب وفي نفس الوقت مااحرمة لاني ابغا اربيه تربية صحيحه ومنظم ولدي مشاء الله ومرتب بس بعد اتباعي لبعض الخطوات بلتربيه اتعدل عن اول واحمد ربي كثير الحمد لله والله ييسرلك يارب ويعينك ويساعدك على تربيتهم بنتك عمرها تسع شهور ماتحتاج من الاهتمام الي يحتاحو الولد الاكبر |
رد: تعبت من تربيت ابن زوجي بوجود ام غير متعاونه
••~~•..هذي هي محاضرة الدكتور هاني آل عبدالقادر ( طفلك من 2-10) مسموعة..
لا تفوتكم أنـْْ♡ـْْا كل فترة ارجع اسمعها روووعة? http://download.media.islamway.net/l...25_yourSon.mp3 ???????? لاتفوتكم لاتفوتكم روووووعه ماقدرت انام لين سمعته كله اسلوبه يجنن وصدق فاهم نفسيات الاطفال ماشاء الله ويعلمك وشلون تتعاملين معهم الطفل مسكين لازم نفهمه عشان نعرف نتعامل معه انشروها جزآكم الله كل خير* وحتى اللي ما عنده اطفآل ينشرها ويسوي خير صراحة مذهل كأنو بيتكلم عن طفلي* |
رد: تعبت من تربيت ابن زوجي بوجود ام غير متعاونه
ماقصريتى كفيتى ووفيتى فى تربية الولد
اذا امة تبية خليها تاخذة عندها مهما سويتى برجع حق امة وانتى الله يعطيك العافية ربيتية احسن تربية والله يجعلها فى ميزان حسناتك |
رد: تعبت من تربيت ابن زوجي بوجود ام غير متعاونه
حبيبتي لا احد يشيشك على الولد
و الله حرام مو لاقي حنان .. و يناديج ماما .. و يحبج .. بس امه توز بأذنه تمي تدلعينه و تهتمين فيه اليوم ما يفهم باجر بقول لأمه ان فلانه هي ربتني .. ومافرقت بيني وبين اخواني و الله أن اجرج عن ربج عظييييييييييييم .. ماتدرين يمكن هذا يكون سبب دخولج الجنة واكيد انتي كبيرة بعين زوجج و كل اللي تسوينه يشفع لج عنده و الله مو اي وحدة تسوي اللي تسوينه بصراحة .. اقدر اقول عنج كلمة وحدة بس .. أنتي عظيـــــــــــــــــــــــــــمة !! ربي يثبتج و حبيبتي لا تتخلين عن الأم ترى هي ما تبيه و لو تركتيه راح تتركه هي بعد حرام الطفل يضيع .. وين يروح مسكين ؟ |
رد: تعبت من تربيت ابن زوجي بوجود ام غير متعاونه
الله يعطيك العافية حبيبتي ويوفقك واللي سويتيه مارح يضيع عند ربك لا دنيا ولا اخرة ان شالله
شوفي حبيبتي باختصار ومن غير قيل وقال: أمه متنازلة عنه وماتبيه وبكذا هي الحلقة الاضعف وأكيد زوجك مو عاجبه التغيير اللي بالولد علشان كذا قللو شوفة الولد لها وخلوها على فترات متباعدة جدا وبالناقص من هالشوفة اذا كانت تهدم ما بنيتيه اصلا الولد بحاجة إلى حب وحنان وإذا أنت وفرتِ له هالشي خلاص ضميرك مرتاح وبالنسة لأمه دامها متنازلة عنه على ايش الحرام خلاص خليها تتحمل على الأقل لين الولد يكبر ويتأسس عندك صح ويعرف الصح من الغلط ويصير صعب تلعب بعقله وبالنسبة لتعبك معليش انت بديتي بمعروفك كمليه ياقلبي وتعبك فترة وتمر خلاص هالولد جزء من عائلتك ودامه يحبك لاتفرطين فيه حرام هذا اخو بناتك وزي ولدك بكرا يكبر ويعينك ابد استهدي بالرحمن وتوكلي عليه والله يعينك |
رد: تعبت من تربيت ابن زوجي بوجود ام غير متعاونه
الام مو اللي تنجب الام اللي تربي ...حقج فيه اكبر منها....دام انها رفست نعمة ربي بريولها فهي ما تستحق ...
الولد يستحق انه يعيش في حو اسري متوحد خالي من الوصاخة والالفاظ النابية وملئ بالتدين والحرص... فلا تحرمينه بسبب امه... فهمي بوعيالج ان هذا ولدج وما تبين حد يخربه اخلاقيا ودينيا... حتى من امه اللي انجبته...ما تبين له الخراب... |
رد: تعبت من تربيت ابن زوجي بوجود ام غير متعاونه
الله يعطيج العافيه وجزاك على الله والله يعوضج بعيالج
انا مثلج ربيت اثنين واوقات ثلاثه تعبت وشلت وحطيت وغسلت ودرست وبالاخير لا حمد ولا شكور فوق كل هذا رجع زوجته وهالحين انا مرميه ببيت اهلي الله ينتقم من كل ظالم |
رد: تعبت من تربيت ابن زوجي بوجود ام غير متعاونه
اعطية امه احسن لك وهي صدقيني ما تقبل تخلية هي بس تبغا تخرب عليكي هي اصلا ماتقدر تربية لو كانت عند ه صبر با تربيه وهو ضغير اما الان خلاص الله يعينك انتي حامل وما يصير انك تتوتري تاثري على نفسك وعلى الجنين وبعدين ربي ماتربي واعرف طريق امي وابي الله يعينك ويوفقك لما يحب ويرضا
|
رد: تعبت من تربيت ابن زوجي بوجود ام غير متعاونه
الله يجزاك خير ويسخره لك
ماتدرين بكره لاكبر وعرف انك احسن من امه ومهتمه فيه اكثر منها يحطك على راسه ويسير احن لك من عيالك لان عارف انك ربيتيه وانتي مو ملزومه فيه احتسبي الاجر ولاتاخذين بكلامه توه صغير وانا عندي قاعده جربيها بترتاحين احط نفسي مكان الناس دايمن عشان اعرف احكم يعني لو اولادك عند ام غيرك كيف ودك تعاملهم وهم صغار اذا غلطو |
رد: تعبت من تربيت ابن زوجي بوجود ام غير متعاونه
اللي عليك سويتيه
واحتسبي الاجر عند الله |
| الساعة الآن 11:38 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .