السلام عليكم

حبيت اكتب قصتي واتمني منكم تدعون لي
انا تزوجت من اكثر من عشر سنوات حبيت زوجي وهو حبني
وكان طول وقته يعبر لي عن حبه وانه مايقدر يعيش بدوني
ماكتب لي ربي اطفال والسبب مني وهو راضي بقضا الله
لانه يموت فيني
لكن اهله يبونه يتزوج ولما شافوه معارض يتزوج علي اجبروه
يطلقني
وللاسف اعطاني عيديتي هذا العيد بطلاقي
طلقني وهو يبكي ورحت لاهلي وهو طول الطريق يبكي
لانه طلقني
انا بعد بكيت دم ماتوقعته يتخلى عني كنت اطلب منه يتزوج
بس هو الي رافض
صارلي اكثر من اسبوع من طلقني تعبت من التفكير فيه
احبه بجنون اتمنا انساه
فكرت ارسل له بعدين غيرت راي قلت هو الي باعني

حسبي الله ع من فرق بينا
وش ذنبي اذا ربي ماكتب لي احمل هو صبر
معي ماقصر لكن اهله مارحموني ولا رحموه
وهم عارفين انه يموت علي

الحمد لله عند اهلي مو ناقصني شي
لكني احبه واتمني انساه


انا هالايام جدا مهمومه
انصحوني وجهوني ولا تنسون تدعون لي والملائكه تقول
ولك بمثلها

الله يصبرني ،،،

ربي يعطيكم العافيه جميعا

كلامكم ريحني كثير
والله يصبرني ويعنني انساه
وينصرني ع من كان السبب

وجعل كل حرف واسيتوني فيه في ميزان حسناتك

الله يسعدكم
والله كلامكم يريح
بس مدري هاليومين صايره افكر فيه كثير
الله يعينني ويصبرني

ماقصرتوا الله يعطيكم العافيه جميعا
اللهم اجرني في مصيبتي واخلفني خير منها

بسم الله الرحمن الرحيم

و الله عجزت ايش اكتب احس بقهر فيني و غصة

و الله حرام اللي قاعد يصير . اختي انتي مالك ذنب و الله مالك ذنب و يجي اليوم اللي يعرف قيمتك فيه .

لاتحزني يمكن تكون خيره لك .



ااااه يا قلب العنا مني همي انااا.

الله يعطيكم العافيه
من جد كلامكم بلسم ع قلبي
وعارفه ان مالي ذنب لك الله حسبي ع من كان السبب

ربي قادر ع كل شي
الله يبدل حزني سرور
ولا يجعلكم تذوقون الظلم الي ذقته