|
ايش الحل مع بطارية جالكسي2 ؟؟؟؟
السلام عليككم
الجوال لسا جديد بس بطاريته ماتعيش ابدآ اضطريت اني اطفي التطبيقات دايمآ واطفي الشبكة واخلي الجهاز ع الصامت وخففت سطوع الشاشة لين ماعدت اشوفها عشان تعيش البطارية ولو لنص يوم قريت بالنت ان من عيوب التصنيع لهالجهاز هو قلة عمر البطارية طفشت اللي عندها نفس جهازي جالكسي2 كيف تغلبت ع هادي المشكلة |
رد: ايش الحل مع بطارية جالكسي2 ؟؟؟؟
نفسس الجهآآز ونفسس المعآنآآآهـ !!
بصرآآحة صرت أخآآف أطلع مششوآآر ويطفي علي فجأأه ~> تضييع بدون جوآآل خخخ |
رد: ايش الحل مع بطارية جالكسي2 ؟؟؟؟
مشكورة يا حلم
ولله فعلا دا عيب في الموديل نفسه حق الاصدار الثاني من الجالكسي صرت مقفلة كل التطبيقات وصامت اغلب الوقت والشاحن اشيله معايا في كل خرجة في الشنطة واشتريت شاحن سيارة بعد ولله يكون في العون ازواجنا مستحيل يغيرولناالجوال دامه لسا جديد |
رد: ايش الحل مع بطارية جالكسي2 ؟؟؟؟
ام اسكندر
انا عندي جالكسي s2الجهاز جدا رائع وبالنسبة لمشكلة البطارية اعتقد الجهاز فيه مشكلة روحي استبدليه الجهاز يفضل شحنو عندي يومين تقريبا افتح الواي فاي اكثر من ساعتين متفرقة يعني لما اخلص ارجع اطفيه وافتح دائم المنتدى فيه واتصفح وارد على ردودكم واكلم على الواتس وبرنامج الحماية دايم مفتوح وعندي اشتراك في مجلة دايم تحدث لما افتح الواي فاي وكلم فيه تقريبا مكالماتي ما تتعدى النص ساعة في اليوم وعادي اخلي الصوت اعلى شي والاضاءة واضحة يعني الحمد لله ما اعاني من مشكلة الشحن تقريبا كل يومين اشحن وكل ما استهلك اكثر اكيد حتقل مدة الشحن بس احس حقك فيه مشكلة استبدليه انا اشتريتو من نفس شركة سامنسنج يعني مو من المحلات العادية وعلى فكرة حاطة منبه للفجر ويفضل يدق وانا ما اصحى ههههه وهو محسن بالنسبة لطول البطارية والسرعة والخيارات لأني جربتs1 |
رد: ايش الحل مع بطارية جالكسي2 ؟؟؟؟
غريب كلامك ياعيش
ان لو اخليه شغال كذا زيك ح اظل اشحنه 6 مرات فل باليوم اقل شي اذا كان ع الاستخدام الخفيف للي استخدمه حاليا ووضع صامت وسطوع شاشة خفيف بالعافيةاشوفه ومع ذلك اشحنه مرتين باليوم واكثر صح حهازي اشتريته من محل لكن سامسونج اصلي بضمان الوكيل بخلي زوجي تومورو يوديه للمحل يسألهم وش ألقصة اما الترجيع والاستبدال مستحيل عشان الجهاز خلاص فتحنا كرتونته واستخدمناه بس الصراحة ابي حل مع البطارية ماينفع نظل كذا ويسلمو حبيبتي عيوش ع الاهتمام والرد |
رد: ايش الحل مع بطارية جالكسي2 ؟؟؟؟
هذي مشكلة الجهاز نفسه اتوقع وعيب شركة سامسونج
جربي تسوين نظام توفير الطاقه من خيرات الاعدادات واضائة الشاشه خليها اقل شي ولاتشحنينه اكثر من الازم بس يوصل 100 خلاص واشحنيه اذا بدا ينفذ بلفعل مو قبل كذا كل هلعوامل مساعده ع زيادة عمر البطارية بآي جهاز |
رد: ايش الحل مع بطارية جالكسي2 ؟؟؟؟
مشكورة حبيبتي دافئة ع الصايح
وهذا عيب فعلا بالموديل من الشركة المصنعة قرأت عنه بالنت بالمواقع الرسمية والحمدلله ع كل حال كل اللي قلتيه مسويته وزيادة ومع ذلك ماتعيش والجهاز لسا جديد ماله معايا الا اسبوع يعني لسا البطارية جديدة ما انتهى عمرها ومع ذلك ماتعيش نصيحة للكل اللي تبي جالكسي تاخدs1 او s3 اما 2 ابعدو عنه |
رد: ايش الحل مع بطارية جالكسي2 ؟؟؟؟
لا يام اسكندر لا تحكمي على الجهاز كدا الجهاز روعة وما اشتكي من البطارية وعلى فكرة الجهاز صار له تقريبا سنة معايا ومرة يعجبني وافضلو عن الايفون لأني مجربة وي كثر ماطاح ولدي يلعب فيه
مدري ليش احس جهازك فيه عطل لازم ترجعي مو عندك ضمان حرام انا يجلس الشحن عندي يومين بجد وعادي ما اشحنو لما خلاص شوي ويفصل وما يأثر وانا جالسه اكلمك منو واحيانا ما استنى يشحن فل اخذو وهو على ستين في المية من الشاحن وبرضوا يطول حرام ليكون الجهاز عندك فيه مشكلة رجعي على أضمان افضل |
رد: ايش الحل مع بطارية جالكسي2 ؟؟؟؟
حبيبتي ام اسكندر والله انا جهازي كان بسرعه مايخلص شحنو بس اكتشفت انى اسيب برامج كثير مفتوحه وبديت اقفل كل برنامج بمجرد الخروج او الالعاب لمن اخلص اقفل مااخرج كذا والحمدلله صار يمسك معايا يومين ماشحنو بس مكالمات يعني بس لو فتحت نت او المنتدى لازم اشحنو يوميا بس هو بالفعل ررررروعه وحلو والله يوفق الجميع
|
رد: ايش الحل مع بطارية جالكسي2 ؟؟؟؟
تبادليني ياعيش
:) بكرة بجهزه لزوجي ياخده معاه وهو رايح الشغل يمر فيه ع المحل ونشوف ايش القصة . . . توما كل شي عندي مقفول وصااااامت لا اصوات ولا برامج شغالة ولا شبكة ومع ذلك ينشحن مرتين باليوم اما لو فتحت النت منه ينشحن 4مرات باليوم عموما مشكورة حبيبتي عالرد وما ادري الصراحة ليش جهازي فرق عن اجهزتكم ماشاء الله |
رد: ايش الحل مع بطارية جالكسي2 ؟؟؟؟
توما
كل شي عندي مقفول وصااااامت لا اصوات ولا برامج شغالة ولا شبكة ومع ذلك ينشحن مرتين باليوم اما لو فتحت النت منه ينشحن 4مرات باليوم عموما مشكورة حبيبتي عالرد وما ادري الصراحة ليش جهازي فرق عن اجهزتكم ماشاء الله |
رد: ايش الحل مع بطارية جالكسي2 ؟؟؟؟
هههه ما يغلى عليكي تستاهلي بس انتظري لما تولدي اجيب لكي جديد هدية s5 بيكون طلع ههههه
|
رد: ايش الحل مع بطارية جالكسي2 ؟؟؟؟
خلاص ياعيش اعتمدت الكلمة منك
وبانتظار الولادة ع احر من الجمر عشان الهدية ^.^ بالله قوليلي جهازك لما تشغليه ايش يظهر اسم الموديل احس جهازك غير جهازي موديلي اسمه galaxy S ll \i9100 |
رد: ايش الحل مع بطارية جالكسي2 ؟؟؟؟
نفس اللي كتبتيه يعني نفس الموديل 19100
|
رد: ايش الحل مع بطارية جالكسي2 ؟؟؟؟
وداه زوجي اليوم للمحل
قالوله كل الاجهزة من ذا الموديل كذا وسأل اصحابه في العمل اللي معاهم نفس الموديل الكل شكا من نفس المشكلة الحمدلله ع كل حال هذا حظي |
رد: ايش الحل مع بطارية جالكسي2 ؟؟؟؟
نفس المشكلة عندي حتى لما عملت وضع توفير الطاقة مااستفدت
بس صرت اقفل الواي فاي واقفل الجوال برقم سري صاروضعه احسن ع الاقل يجلس يوم واحد |
رد: ايش الحل مع بطارية جالكسي2 ؟؟؟؟
يسلمو راما
تأكدي من اغلاق البلوتوث واغلاق الثري جي عشان كمان توفري والله يصبرنا ع ذي الاجهزة |
رد: ايش الحل مع بطارية جالكسي2 ؟؟؟؟
زوجيمعاه نفس الجهاز ويطول الشحن
|
رد: ايش الحل مع بطارية جالكسي2 ؟؟؟؟
يمكن مايفتح متصفح النت منه كثير
ماشالله كويس ماعنده مشاكل معاه انا مطفشني بالشحن الف شكر لك حبيبتي |
رد: ايش الحل مع بطارية جالكسي2 ؟؟؟؟
انا تقريبأ نفس المشكله اشحنه مرتين باليوم
والشاشه مخليته على الخفيف مره هذا عيب مصنعي معترفه فيه شركة سامسونج وترا الشبكه والمودم اذا كانت الاشاره ضعيفه تستهلك بطاريه |
رد: ايش الحل مع بطارية جالكسي2 ؟؟؟؟
السلام عليكم ورحمة الله وبركاتة كيفكم اخواتي ان شاءالله تمام انا عندي نفس المشكلة ا شحنة ومايعدي 5ساعات الي شحن انا اشتريتة امس 4؟؟11..1433... اش اسوي لورجعتة المحل يرجع حتي لو انقص والله 1200 مع البرامج والذاكرة
|
رد: ايش الحل مع بطارية جالكسي2 ؟؟؟؟
حبيبت بناتي
هذا عيب في الصنع من الشركة اذا يرضى صاحب المحل رجعيه والا احتفظي فيه مع الصبر ع بطاريته خشي عبر قوقل ابحثي عن المحافظة على بطارية جالكسي 2 وتوفير الطاقة ولاتفتحي متصفح النت كثير لانه اكثر شي يستهلك البطارية وسكري الثري جي والواي فاي والبلوتوث وخشي دايما ع مدير المهام سوي ايقاف واغلاق للبرامج المفتوحة هذا اللي قدرت انا اسويه لان صاحب المحل مارضى يرجع |
رد: ايش الحل مع بطارية جالكسي2 ؟؟؟؟
بنت امها
اي ولله تورطنا بذا الجهاز والحمدلله ع كل حال الف شكر حبيبتي ع ردك |
رد: ايش الحل مع بطارية جالكسي2 ؟؟؟؟
هلا وسهلا ام اسكندر
كيف الحال ان شاء الله كل شي تمام انا وزوجي رجعنا اكستر وكلم زوجي راعي المحل في البداية قال هذي النوعية كلة كذا بعدين قال بغير لكم البطارية وانتو واحظكم وغيرة اليوم لي 3ايام علي اول شحنة بس مااستخدم غير اتصال او رسائل بس بس اهون الاولة كان تجلس يوم واحد فقط ولكن الحمد لله |
رد: ايش الحل مع بطارية جالكسي2 ؟؟؟؟
غاليتي
ام اسكندر كيف اغلق الثري جي تري انا مافهم كثير في البرامج |
رد: ايش الحل مع بطارية جالكسي2 ؟؟؟؟
الحل عندي
ومن تجربة شخصية بعتــــــــــــــــــــــــــــه واشتريت اس 3 تقبلي مروري |
رد: ايش الحل مع بطارية جالكسي2 ؟؟؟؟
ريحانه
ليته ينباع بسعر قريب من سعره كان بعته بس زوجي ماحيرضى يبيعه بخسارة ولله تورطنا فيه الحمدلله انك قدرتي تتخلصي منه |
رد: ايش الحل مع بطارية جالكسي2 ؟؟؟؟
حبيبت بناتي
اهلين قلبو تسلمي ع متابعتك للموضوع واعتذر عن تأخري بالرد كويس اعطيتيني فكرة تغيير البطارية بالنسبة للثري جي اضغطي ضغطة مطولة ع الزر الجانبي زي لما تطفي الجهاز بس لاتختاري ايقاف تشغيل اختاري وضع شبكة البيانات مجرد ضغطة عليها حيلغي تنشيط الثري جي واهلا وسهلا فيكي بأي وقت |
| الساعة الآن 08:31 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .