|
هل هذا من أعراض النفاس
السلام عليكم ورحمة الله وبركاته اولا كل عام وانتم بخير وعيدكم مبارك ثانيا انا طالبه مساعدتكم ومشورتكم والنصيحه اللله يجزاكم الخير انا ولدت بـ 28 رمضان قبل 6 ايام يعني كنت بالاسبوع الاول من الشهر السابع وبنتي كانت ميته (( اللله يرحمها و يعوضني خير يا رب )) طبعا لان الجنين كبير ولدت ولاده طبيعيه مع الطلق الصناعي وما احتجت الا غرزه وحده والحمد لله وحالبا اعتبر بفترة نفاس وما اعرف ولا شي .. وش الي اسويه !! و وش الي ما اسويه !! هذا غير ان نفسيتي عالنااااااازل كل يوم أردى من اليوم الي بعده لان هذا اول حمل لي غير كذا بصراحه ما عدت مهتمه بصحتي وجبة وحده باليوم و باقي اليوم على خفايف ومن يومين حاسه بدقات قلبي سريعه لدرجة ما اقدر انا لا على ظهري ولا جنبي اليسار لاني احس بالم بصدري وكتمه وأحس بحراره تروح وتيجي وصدري مليان حليب وصاير متحجر ويوجعني ولا اقدر اقعد عادي ولا اوقف كثير (( عشان الغرزه)) ودايم عندي صداااااااااااااااااااااااااع ونص اليوم أقضيه نوووووووووووم فهل هذي الاشياء طبيعية للنفاس أتمنى ألاقي اجوبه عندكم والله يجزاكم عني كل خير وادعولي الله يعوضني خير أختكم أمل |
رد: هل هذا من أعراض النفاس
الحراره كانت فيني يوم كنت بالمستشفى طبعا تروح وترد
والاكل ما كنت اشتهي شي بالمره وضيج اتوقع من الكأبه شي طبيعي بس اتوقع الحراره من الحليب اشفطي الحليب بشفاط الله يرحم بنتج وان شاء الله تشفع لج بالاخره |
رد: هل هذا من أعراض النفاس
الحرارة من تجمع الحليب خذي حبوب من الصيدلية لتنشيف الحليب
واهتمي بحالك ياقلبي ترى الرجال انانيين يبو الحرمة كاملة مكملة ومالهم دخل بظروفها ياقلبي النصيحة الوحيدة والمهمة هي انك ماتشربي ولاتاكلي بارد خلي كل اكلك كله حار وقهوة قشر او حليب دافئ لاتاكلي او تشربي شي من الثلاجة وربي يعصم قلبك بالصبر ويعوضك خيرا منها ياااارب |
رد: هل هذا من أعراض النفاس
اقتباس:
مشكوره يا الغاليه |
رد: هل هذا من أعراض النفاس
اقتباس:
تسلمين عالنصيحه حبيبتي ربي يجزاك الف خير |
رد: هل هذا من أعراض النفاس
طيب ابي اسالكم عن (( المره ))زينه عشان الخياطه وله لا ؟؟
لأني سمعت انها تشفي الجروح كمان قالو لي عن (( ديتول )) عشان تطهير المنطقه ؟؟ ياليت تفيدوني |
رد: هل هذا من أعراض النفاس
حوالي تعبين مويا في البانيو وتحطين ديول وملح من الصيدلية طبعا ومويا حار واقعدي فيه 3أو 5 دقايق 3مرات في اليوم اما المره انقعيها في مويا وحطي شوي مع القهوه واشربيه ينظف الرحم و ينزل الدم الفاسد عن تجربه والله يعوضك يارب
|
رد: هل هذا من أعراض النفاس
الله يجعلها من طيور الجنه وتشفع لج انا حاسه فيج جهضت مرتين والحمدالله الله عوضني خير ياقلبي بس اللي بقوله لج انتي الغلط انج ماتاكلين خصوصا انج نزفتي بالولاده شي طبيعي لازم تاكلين عدل اكلي كل مايشتيه قلبج ماعليج من الحريم الكبار وعلاج الصدر عن تجربه اقعدي تحت دوش دافي ورفعي ايدج لين فوق بتشوفين الحليب يدر وان شالله ترتاحين والف سلامه وطلعتي من الشر ياقلبي
|
رد: هل هذا من أعراض النفاس
اقتباس:
يعطيك العافيه غاليتي بس ياليت توضحي لي طريقة المره مع القهوه اول مره اسمع فيها الي اعرفه ان يغتسلون فيها .. وربي يجزاك خير |
رد: هل هذا من أعراض النفاس
اقتباس:
تسلمين حبيبتي والله احاول اكل بس نفسي مسدوده مره غير كذا ما احس بالجوع اكل بس عشان ما اكلت شي عموما مشكوره حبيبتي وربي يسلم قلبك وربي يجزاكي عني كل خير |
رد: هل هذا من أعراض النفاس
جيبي قارورة موياوحطي فيها كم حبه مره عشان تذوب معاها ورجيها زين مع المويا أهم شي يطلع لونها بني غامق وثقيل شوي ولاجيتي تشربين قهوه حطي شوي في الفنجان يعني الربع مره عشان والباقي قهوه واستخدميه لمده اسبوع او عشرة ايام ينزل الدم الفاسد من السلام الرحم ومايخليك تحسين بانتفاخ ولا الم في بطنك
|
رد: هل هذا من أعراض النفاس
اقتباس:
الله يجزاك خير |
رد: هل هذا من أعراض النفاس
حبيبتي عنقوده لو أحكيلك عن ولادتي الأخيرة تبكين
ومو هذا المطلوب بالعكس فكري بشي إيجابي مثل إنها تاخذك من يدك للجنه والله ترتاحي وإبكي لو فيك بكاء عشان ترتاح نفسيتك شوي وتنسي ,,,, المهم إنتي ماعندك غير غرزة وحده والحمدلله لاتعبثين فيها بلا مر بلا خرابيط مصيرك تطيبين بس بعدي عن الحركه الزايده,,,,, وإشربي وكلي كل شي حار,, وكلي فاكهة وشوربة خضار وخذي حديد وكالسيوم وخذي حبوب تثبط البرولاكتين عشان صدرك مايدر الحليب ,,,, ومانقول غير (الله يجيرك في مصابك ) بس قوي قلبك بالله...... |
| الساعة الآن 06:54 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .