|
انصحوني متى اعلن عن حملي
السلام عليكم ورحمة الله وبركاته
بعد التحايا والمحبة لكل الحوامل الف مبروك لكل حامل وربنا يتمم عليكن بخير يارب ويرزق كل منتظره بالحمل يارب اقول حبيباتي ابا استشيركن انا ولله الحمد حامل تبارك الرحمن وهذا طفلي الثالث وماشاء الله لااله الا الله حملي الثاني كان على البيبي الاول وهذا بعد يعني البيبي مو مكمل سنه وبصراحة مدري متى لازم اقول حق اهلي واهل زوجي وخاصة بان اهل زوجي من نوع اللي يعلقون على الحرمي اللي يولدون ورى بعض وبصراحة و في حد منهم صارله سنين متزوج مو حامل الحمدالله انا راضية بحكم ربي وادري ان لن يصيبنا الا ماكتب الله لنا وادري بان الواحد لازم يذكر نعمة الله عليه (فاما بنعمة ربك فحدث) بس تدرون اشلون راح يكون ردة الفعل وانا ما استحمل كلام ونقزات حد مع انه محد له حق علي بس سبحان الله عسى الله يباركلي في رزقي يارب امانه ادعولي الله يثبت حملي و يبارك في عيالي ويبعد عننا اعين الحاسدين و حقد الحاقدين و اعين الناس عنا يارب ويكفينا السنتهم يارب انا بحملي الثاني تخيلو كلمت مبروك ماسمعته الا قليل من ناحية اهل زوجي طبعا اهلي غير والله مو عشان هم اهلي بس سبحان الله قانعين المهم انصحوني اخبرهم والا اشلون و متى؟ |
رد: انصحوني متى اعلن عن حملي
افاااااا محد رد علي
|
رد: انصحوني متى اعلن عن حملي
هلا انا انصحك ماتقولي شي هم اصلا بيتفاجاوبالكرشه لما تكبر ويعرفو بنفسهم بعدين ثالث بيبي ما شاء الله احس ما له داعي تخبري احد خصوصا انك ورى بعض العين حق
|
رد: انصحوني متى اعلن عن حملي
ماله داعي تخبرينهم كملي 5شهور وبعدين قوليلهم كأنك ماتعرفي عن الحمل من قبل
|
رد: انصحوني متى اعلن عن حملي
تعدي الثالث يا عسل وحصني نفسك وعيالك وتوكلي على الله
عشان مؤ اذا كبرت بطنك يشاهقون ترا الفزه شينه يعني يرتاعون. اذا شافو بطنك كبير الله يحفضك ويحفض جنيني والمسلمين |
رد: انصحوني متى اعلن عن حملي
أنا أشوف انك تخبرينهم بس تحافظي ع أذكار الصباح والمساء وبأذن الله ما يضرك شي
وتذكري ان كل ذي نعمه محسود سواء خبرتيهم الان او بعدين تقبلي مروووري |
رد: انصحوني متى اعلن عن حملي
اي صحيح الله يتمم حملك وحملنا ةيثبته يااربانصحك ماتقولي الا لمن تدخلي الرابع يكون ثبت حملك
واذا بتتكلمي مو للكل لانه بصراحه الحسد حق ومذكور بالقران وانا جربته من شهقتهم علي توفئ اللي في بطني بعيد الشر عنك |
رد: انصحوني متى اعلن عن حملي
الف مبروك و ربى يتتمم حملك على خير و سيبك من كلام الناس الله هو لى يصون و كلى امرك لله سبحانة
|
رد: انصحوني متى اعلن عن حملي
مايحتاج تخبرينهم
انا مثلك الطفل الثاني وقالهم زوجي ويمثلون علي انهم مايدرون! ولاكلمة مبروك ماسمعت |
رد: انصحوني متى اعلن عن حملي
انا مثلج بالضبط هذا حملي الثالث احمل من اخلص الاربعين ،، طبعااا اول مااحلل اقول لاهلي واهل زوجي والحمد لله ماشفت الا كل خير
|
رد: انصحوني متى اعلن عن حملي
حبيبتي العين حق انا بعد زواجي حملت على طول عتى الدورة ماشفتها عنده لان عرسي كان بعد زواجي بيومين وماجاتني بعدها
والله لما عرفت خبرت الكل بدل مايفرحو صارويقولو ايش اليقاصبك و سلفتي متزوجة قبلي بسنتين وماحملت بكت قدامي من الزعل والله مادريت الا ودم نارل لما لما رحت لطبيب لقيتو توقف نبض الجنين ونزل |
رد: انصحوني متى اعلن عن حملي
وانا مثلك بس انا والحمدللة برابع ومافى حد يعرف غير زوجى وصديقتى وعندما يسالونى بقول همم انا فكرة انكم عارفين
|
رد: انصحوني متى اعلن عن حملي
صباح الجوري باحلى حوامل عسى الله يتمم علينا جميع و يبارك لنا في ذرياتنا و يبعد اعين الناس عننا يارب
ام التوينز، بنت ابويه، ساره عبدالله، امل نجد، اشكرك ربي، ساميه، حياتوو، ام النوني، ميمي ، ام بها كلكون حبيباتي مشكورات كثير على ردودكن و نصايحكن وربنا يعوض كل اللي فقدت جنين توأم يارب والله ياحلوات انا الحمدالله راضية بحكم ربي بس اخاف لايصيد عيالي او جنيني شي تعرفون العين حق وبعدين صح كلامكم الافضل اطنش ولا اقول واللي يبي يزعل بكيفه واللي بيفرح جزاه الله الف خير المشكلة الاكبر ان اخت زوجي صارلها متزوجة من فترة و شفقانه على البيبي وتبي تحمل اليوم قبل بكره عسى الله يرزقها و يرزق كل محرومه يارب سبحان الله اخاف تتحسس والله بعد اخاف على زوجي لان المجتمع واللي حوالينا مايرحمون حسبي الله ونعم الوكيل بس والمصيبة اذا اخبر والدته ماشاء الله ماتخبي شي ع طول تنشر للي يسوى واللي مايسوى وعاد يتمن خواته و زوجات اخوه كل وحده تتقمقم من صوب على فكره انا عايشه ويا هل زوجي هههههه يعني الكرشه والوحام بيفضحني ....الحين اشتهي الفلفل والدغوص وايد وعند الافطار لازم غرشة دغوس جنبي الله يستر شكلهم كشفوني وانا ماداريه ههههه |
رد: انصحوني متى اعلن عن حملي
ام النوني ماشاء الله تبارك الرحمن
انا معك في اهالي وحموات يباركو ويفرحون ويتمنون زيادة الذرية لابنائهم و يحلون يكون عندهم عيال كثير عسى الله يبارك لك في رزقك بس في ناس لا ويتمون يسمعون الحكي والكلام اللي ماله داعي اصلا من الرازق اكيد الله يرزق من يشاء بغير حساب و كل طفل يجي برزقه والحمدالله اللهم نسالك ان تعنا على تربيتهم يارب يارب...الحمدالله ماحاتي المأكل والملبس الحمدالله وحتى التربية ان شاء الله ربنا بيسهل علينا ويساعدنا ان شاء الله و يجعلهم هداة مهتدين يارب العالمين... |
رد: انصحوني متى اعلن عن حملي
حتى لو كنتي عايشه مع اهل زوجك
لاتقولي انك حامل وحتى لو فضحك الوحام تمي ساكته بس كلمت انا حامل انسيها وهم بيعرفون بأنفسهم ولما يدرون بأنفسهم ومن غير ماتقولي لهم بيعرفون انك مخبيه وكل وحده بتقول لثانيه انك حامل وكل وحده تقول لثانيه لاتخبري احد وبكذا محد بيأذيك بالكلام عمتي العام والد والسنه حامل ولا قالت حتى لأمها بس امها شافت كروشها واعرفت والحين مشاء الله كبر بطنها وبان انها حامل بس كلمت انا حامل ماقالتها وبكذا الكل يشوف بطنها وهوا ساكت دون تعليق واذا على العين صيري زي عمتي من احملت واهي كله بعباتها ولا تفصخها في المناسبات |
رد: انصحوني متى اعلن عن حملي
الف مليون مبروك والله يتمم عليك حملك
ويرزقك بر اولادك ويتمم لنا ويسهل ولادتنا يارب بخصوص انو حملك الثالث انا اقول لا تخبرينهم ابدااا جربتي تخبرينهم بثنين قبل وشفتي النتيجه لاكن بعد ماتخلصي الثالث خلي زوجك يخبر امه بس اهي لها الحق ويقولها انكم توكم دريتو بالحمل وحصني نفسك وعايلتك لان الحريم اذا ماحملتي بدووو يتكلمو علييييك واذا حملتي ورا بعض قالو اووف هذي ماتتعب ما تتوحم لما تحمل ورا بعض يناقضو انفسهم كثيررر الله يكفيك شررررهم موفقه |
رد: انصحوني متى اعلن عن حملي
انا الحين دخلت الشهر الثالث ومحد يدري غير زوجي و امي وما ابي اقول لأحد
الصراحة اخاف قلت لما اخلث الشهور الاولى بنتكلم الله يحفظ لي جنيني و يثبته و يتمم حملي على خير يارب |
رد: انصحوني متى اعلن عن حملي
دلع الاحساء و ريييف ونعمة ربي فديتكن حبيباتي علي نصايحكن الله لايحرمني منكم يارب وعسي الله يتمم لكل حامل حملها ويبارك لها في رزقها ويرزق كل محرومه يارب
خلاص شوركن وهداية الله بس بخبر أمي وأهل زوجي ماراح أجيب الطاري وخلهم جذي والا جذي الكلام من وراي بالهبل يعني ماراح يفرق ههههههه بس الله يكفيني شر اللسان والحسد ويبعد عني وعن عيالي وجنيني كل سؤ يارب وازيدكن من الشعر بيت تخيلو الكل يدعي لزوجة آخوهم الاكبر تحمل واللي يبيها تجيب توام وهي عندها4 ومسقطه واحد وقبل لتكمل بنتها سنتين وهم يا الله هاتي اخو لولدك وانا بسم الله علي من حملت بالثاني وكأني أجرمت وحرام ويا الله وليه استغفر الله والحمدالله علي كل حال وعسي الله يبارك في رزقي ويكثر مالي وولدي ويحفظهم يارب حسبي الله ونعم الوكيل مع أني تخيلو والله العظيم أحاول اخدمهم واضحي بشغلات عشان اكون بينهم بسلام بس مايبين بعينهم سبحان الله |
رد: انصحوني متى اعلن عن حملي
خليك بعد الثالث قولي لهم
وانتي موب با لاول مو مجبوره تخبريهم هالشي يرجع لج انا الحين بالاول ولآ خبرت احد حتى امي لآن اهل امي وابوي يحسبون للوحده ويلعقون البال عليها انا ماحب احد يحسب علي وهذآ حملي الاول الحمدلله مفكره بس اخلص الشهر الثاني اقول لهم كآني توني اخذت التحلليل مشآن محد يحسب ليhwaml5 |
رد: انصحوني متى اعلن عن حملي
ريم لآتتعبي نفسك مهم مرآح يرضون بشي عسآك تولعين اصابعك العشر شمع مايبين بعينهم
اهل ابوي كذآآ كانو مع امي اول وللحين ولآتتعبي نفسيتك انتي حامل ابتعدي عن الكلام اللي يضرك ويتعبك ويغثك الزم ماعليك نفسيتك بفتره الحمل ربي يتمم علينآ حملنآآ ياربي |
رد: انصحوني متى اعلن عن حملي
بقولك شي ياريم انا حملت اول حمل لي بعد سنه من زواجي وخبرنا اهلي واهله والكل فرح والله العظيم ماكملت اسبوع الا وانا منزله البيبي طاح عليه الكيس بالبيييت
حملت بعدها بشهر بولدي الاول بس سبحان الله انا من النوع اللي ما أحب أخبي شي يخصني قلتلهم اني حامل وقلت الاذكار والحمدالله ولدت على خييير وكانت معايه وحده من سلايفي حامل بعدي بشهر ولا قالت لنا الا بالرابع انا هنا مرره انقهرت لاني اقولهم عادي وبحملي الثاني نفس الشي قلتلهم وكانو ثنتيين من سلايفي حوامل بعدي ولا وحده منهم قالت انها حامل الا بعد الثالث ووحده منهم كانت حامل بتوأم وانا وهي مرره صديقات واحبها واعزها أكثر ودده فيهم وقلتلها اني حامل بولد وفرحت وكل ما أسألها تقول ما اعرف ولا قالت لي انها حامل بتوم ابد الا لما ولدت مره قهرتني ليش تسحب مني كلام وتعرف جنس الجنين كل شوي تسأل وهي تخبي عليه عالعموم انا اخذت درس ماراح اقول لاي وحده فيهم اي شي اني حامل او نوع جنيني اوحتى لو بسافر بصراحه انفجعت من هذي العايله كل شي بالسر وانا راح اصلح معاهم مثل مايصلحو معاي ماراح اقولهم اي شي وانتي نفس الشي خليكي كتومه ولاتقولين لهم الا اذا سألوكي |
رد: انصحوني متى اعلن عن حملي
مآ شآء الله تبآرك الله ربي يبآرك لك في حملك ياقلبي
اآنآ من رأيى مولآزم يدرون بس اخاف لو ماقلتيلهم وبعد كم شهر شافوك ولا دريو بالسالفة يجلسو يئذوكي بالسانهم لكن غيرت رائي هههههه قوليلهم ومآآآآآآعيكي من احد اهم شئ زووجك راضى خلاص ومهما تكلمو اسمعي من هذى الاذن وخرجي الكلام من الاذن الثانية |
رد: انصحوني متى اعلن عن حملي
والله قلبي اذا خلصتي من الشهر الثالث وصار جنين كمل خلاص خبري لو شهر الرابع
وانتي توكلي ع الله وقولي أني استودع جنيني عندك الذي لا يضيع ودائعه ربي هو الحافظ تقومين بسلامه |
رد: انصحوني متى اعلن عن حملي
خلي زوجك يخبرهم
والله يتمم حملك على خير إن شاءالله |
رد: انصحوني متى اعلن عن حملي
أنآآ رأأئي مو لآزم يعرفوون متى مآبآن بطنك خلآص بيشووفون ويدروون
إذآآ سألووك وحققوآ معآك ليش مآقلتيلنآ قولي دوورتي كآنت ملخبطة ومآدري متى حملت خخخخ قويه صح هعهع لآ بجد مو لآآزم يدروون مدري ليش مكبرين السآلفه ,, مرت أخوي كآنت حآمل ومآدرينآ إلأآ هي ولدت بس بالسآآبع وعآآدي مآزعلنآآآ ولآششي وقلنآآ بكيفهآآ بتعلم ولآ تسكت لآننآ نعتبر مسأألة الحمل من الخصوصيآآت ,, |
رد: انصحوني متى اعلن عن حملي
حبيباتي كل وحده ردت علي جزاكم الله الف خير والله والنعم فيكم ونعم الاخوات اللي الوحده تقدر تستشيره و تلقاه حزت العوز والحاجة اللي يحفظكن جميع يارب و يبارك للحامل منكم حملها و يرزق اللي تتمنى بحمل يارب و يبارك في ذرياتكم ويحبب ازواجكم و اهلهم لكم ويسخرهم لكم يارب و يجعل التوفيق من فالكم جميع يارب و بشركم الله بما يسركم و ابعد عنكم كل ما يضركم
خلاص ان شاء الله ماراح اقولهم الا من امل الرابع بإذن الله ودعواتكم لي عسى الله يثبت جنيني و يبارك فيه و يجعله ولد او بنت صالحين يارب تحياتي لكم جميع حبيباتي وشكرا شكرا شكرا لو قلت مليون مره ماراح اوفيكم والله اثلجتو صدري بردودكم و وقفتكم جنبي الله لايحرمني منك اخوات دنيا بارك الله فيكم |
رد: انصحوني متى اعلن عن حملي
حبيبتي في الشهر الثالث
لان اذا اتخافين من الحسد الحين بعد لو كبر بطنك الكلام بيكون اقسى والتلميحات اشد والكلام ايعور القلب اكثر |
رد: انصحوني متى اعلن عن حملي
يارب سهل علينا
|
رد: انصحوني متى اعلن عن حملي
نصيحتي لين وصلتي الرابع اعلني
عشان لما يكبر بطنج مايعطووونج عين ومبرووووك عليج الحمل |
رد: انصحوني متى اعلن عن حملي
الله يسهل علينا كلنا
|
رد: انصحوني متى اعلن عن حملي
اذا تبين نصيحتي وكلي أمرك لربك ولا تخبرين احد لين يثبت وبيبان من بطنك اهم شي التحصين ثم التحصين لك وزوجك وعيالك وما عليك من احد
|
| الساعة الآن 11:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .