منتديات حوامل النسائية - عاوزه تحملي تعالى وقولى يااااااارب

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - عاوزه تحملي تعالى وقولى يااااااارب (https://naqatube.com/showthread.php?t=161998)

عاوزه تحملي تعالى وقولى يااااااارب

ازيك حبايبى انا من فتره اشتركت فى المنتدى لانى كنت مخنوقه اوى من تاخر حملى مع انى متجوزه من فتره قصيره 7 ىشهور بس كانت شاغله بالى من ليله الدخله كل تفكيرى هو الحمل حياتى كلها وقفت عليه المهم هحكي ليكم الحكايه ومتزهقوش اهو بنتسلى ( نبدا باسم الله الرحمن الرحيم ) انا من اول الجواز واناهموت واخلف اول شهر عدى قولت دا احنا لسه فى البدايه مش مهم تانى شهر قولت لسه عروسه بعد كدا قلقت اوى روحت لدكتوره قالتلى عندك تكيسات وهرمون حليب مرتفع وعملت تحليل لجوزى طلع العدد 10 مليون قالت العدد قليل اوى دا الطبيعى يكون 40 المهم سديتها فى وشى اوووووى ومن ساعتها وانا بدخل النت اشوف وصفات جربت كل الاعشاب وكل الوصفات وروحت لممرخه واديتنى اعشاب وخدت جلوفاج لحد ماتعبت او وحالتى النفسيه فى النازل ومشاكل مع جوزى لدرجه انه قالى اانا مش عاوز اخلف اصلا ولما روحت للدكتوره تانى قالتلى انا هديكى حبوب منع الحمل لمده 3شهور وتخسى16 كيلو علشان يحصل حمل مع انى مش تخينه اوى طبعا ابتديت اعمل ريجيم ودوخت وتعبت اوى من هنا بقى جوزى اتحول اتعصب وقالى انا مش عاوز ولاااااااااااد وخد كل االادويه رماها والاعشاب رماها ومنعنى عن االريجيم تعبت اوى نفسيا بس بعد كدا اتاقلمت لدرجه ان اى حد بيسالنى مافيش حاجه فى السكه اقولهم باخد حبوب منع الحمل وشويه شويه ابتديت اتعود وفكرت انا تعابه نفسى ليه على حاجه بايد ربنا ونسيت نفسى وصحتى قررت انى اهتم بنفسى وفعلا اشتريت اجهزه رياضيه فى البيت مشايه وعجله وجهاز تمارين البطن والحزام البطن وابتديت من الشهر اللى فات دا كنت بلعب بالساعات ورقص وجربى وسفر حتى اوقات الجماع والتبيوض ولا حسبت ليها اى حاجه وعيشت حياتى بس الحاجه الوحيده اللى مش بطلتها دعاء ربنا كنت ديما اصلى ركعتين قضاء الحاجه قبل صلاه الفجر وادعى ربى لاتذرني فردا 40 مره وادعيه للحمل من على النت وديما كنت بدعى المهم زى ماقولتلكو ابتديت الرياضه وسافرت وعيشت الحياه بجد وجه ميعاد الدوره والوجع اشتغل واستنى الدوره مش تنزل فلعب رياضه وجريت علشان تنزل وبردو مش نزلت كبرت لحد ماغابت يجى 20 يوم المهم جبت تست حمل والمفجاااااه انه طلع خطين مصدقتش طبعا روحت عملت تست حمل طلع ايجابى والحمدالله بردو مصدقتش ازاى دا انا الشهر دا لعبت لعب ينزل اى حمل وسافرت وخروج وتعب وارهاب طب ازاااااااااااااااى جوزى علشان يريحنى خدنى عملت سونار وطلع حمل ب35 يوم يالللله يعنى حتى قبل ماابتدى لعب رياضه يعنى دا كله تكيس وهرمون حليب وعدد قليل ورياضه وسفر وربك اراااد احمل ويثبت الحمل بجدددد انت كرررررررريم وعظيم يارب 00000 انا حكيت قصتى علشان اى واحده حاطه الحمل هدفها وناسيها حياتها وجوزها تبطل دا كله وتعيش حياتها ومتقولش غير ياااااااااااااااارب وهيا راضيه ربنا كررريم ورحيم بينا اوى وياااااااارب متحرمش اى واحده من الذريه الصالحه وديما ادعو لنفسكو ولغيركو وعلى فكره انا من اول الحمل بتعب شديد اوى والله اعلم ربنا كاتب ليا الحمل يتم ولا لا بس والله حتى لو ربنا ماردش كفايا عليا الفرحه اللى عيشتها وان ربنا سمع ليا دعاء والحمدالله بجد على نعمتك وكل نعمل علينا ياااااااااارب احمدو ربنا ديمابجد